مەڭگۈلۈك «ئالتۇن ئۆسمۈر»----ئوۋېننىڭ تەرجىمھالى

ئوۋىنⅡ

مۇندەرىجە:
  Ⅰقىسقىچە تەرجىمىھالى
  Ⅱكەسپى ھاياتى
        1.تۇنجى مەيدان مۇسابىقىسى
        2.ئېرىشكەن  شان-شەرەپلىرى
             ⑴شەخسى شان-شەرەپلىرى:     
             ⑵كوللىكتىپ شان-شەرەپلىرى:
       3.دۆلەت كوماندىسىدىكى ھاياتى
       4.كۇلۇبتىكى ھاياتى
       5. سانلىق مەلۇماتلار
            ⑴ئېنگلاند بىرلەشىسى ئومۇمى مەرگەنلەر تىزىملىكى
            ⑵ ئېنگلاند دۆلەت كوماندىسى مەرگەنلەر تىزىملىكى
            ⑶ ئېنگلاند بىرلەشمىسىدە ئەڭ ياش 100توپ ئۆتكىلىدىن ئۆتكەن توپچىلار تىزىملىكى
            ⑷ كەيگەن قالپاقلىرى
  Ⅲئوۋېنغا مۇناسىۋەتلىك مۇھىم شەخسلەر ۋە ۋەقەلەر
      1. قىزىل دوستلۇقتىن رەقىبكىچە_____ستېفېن جېرراد_____لىۋېرپول____مانچېستېر
      2.ئاسماندىن زىمىنغىچە___خولېر--ئېرېكسون--كاپېررو
      3.تەڭرىنىڭ شاپائىتى ۋە ھەسىتى______«ئالتۇن ئۆسمۈر» دىن «ئەينەك ئادەم» گىچە
      4.ئۇنتۇلغۇسىز مۇسابىقىلەر
  Ⅳ ئائىلە ئەھۋالى
  Ⅴ ئوۋېنغا مۇناسىۋەتلىك فىلىملەر
     1.لىۋېرپولدىكى 10 توپى
     2.لىۋېرپولدىكى توپ كىرگۈزگەن كۆرۈنۈشلىرى
     3.لىۋېرپولدىكى 100 توپلۇق خاتىرە فىلىمى
     4.مانچېستېردىكى بارلىق توپى
     5.دۆلەت كوماندىسىدىكى 40 توپى
    6.ئوۋېنغا بېغىشلانغان فىلىىم___ھېلىمۇ ئىسىمدە
     7.ئوۋېنغا بېغىشلانغان فىلىم___خەير-خوش،دۇنيا لوڭقىسى
     8.    2006-يىلىدىكى دۇنيا لوڭقىسىدىكى يارىلىنىشنىڭ پۈتۈن كۆرۈنۈشى
     9. ئوۋېن تونۇشتۇرۇلغان فىلىم


Ⅰقىسقىچە تەرجىمىھالى:
مايكېل ئوۋېن 1979-يىلى 12-ئاينىڭ 14-كۈنى ئەنگىلىيىنىڭ ئوتتۇرا غەربىدىكى پورت شەھىرى چېسىت شەھىرىدىكى چېسىت دوختۇرخانىسىدا دۇنياغا كەلگەن.1995-يىلى لىۋېرپول بىلەن توختام ئىمزالاپ كەسپى ھاياتىنى باشلىغان.1998-يىلىدىكى دۇنيا لوڭقىسىنى تالىشىش پۇتبول مۇسابىقىسىدىكى ئارگېنتىنا بىلەن بولغان مۇسابىقىدە ئوۋېن ئوتتۇرا مەيداندا توپ ئېلىپ قارش تەرەپنىڭ بىرقانچە مۇداپىئەچىسىدىن ئۆتۈپ ناھايىتى چىرايلىق بىر توپ كىرگۈزگەن،بۇ توپ دۇنيا لوڭقىسىدا كىرگەن ئېسىل توپ قاتارىغا كىرگەن. مۇشۇ بىر توپ بىلەن ئوۋېن نام چىقىرىپ چولپان بۇلۇش يولىغا قاراپ ماڭغان.2001-يىلى ئوۋېن لىۋېرپولنى يىتەكلەپ 5 تۈردە لوڭقىغا ئېرىشكەن،دۇنيا لوڭقىسى تاللاش مۇسابىقىسىدە ئوۋېننىڭ قالپاق كىيىشى بىلەن ئېنگلاند 5:1 نەتىجە بىلەن ئەشەددى رەقىبى گېرمانىيىنى مەغلۇب قىلغان،يىل ئاخىرىدا ئوۋېن ياۋروپا «ئالتۇن توپ»مۇكاپاتىغا ئېرىشكەن.2006-يىلىدىكى دۇني لوڭقىسىدا ئوۋېن قاتتىق يارىلىنىپ يېرىم يىلدىن جىق ئارام ئالغان،بۇ ئوۋېننىڭ كەسپى ھاياتىدىكى بىر بۇرۇلۇش بۇقتىسى ھىسابلىنىدۇ...2009-يىلى7-ئايدا ئوۋېن ئەركىن توپچى سۈپىتىدە مانچېستىرغا قۇشۇلغان ھەمدا 2010-2011 مۇسابىقە پەسلى بىرلەشمە چىمپىيونلىقىنى ئالغان ،بۇ ئوۋېننىڭ بىردىنبىر بىرلەشمە چىمپىيونلىقى ھىسابلىنىدۇ.2012-يىلى ئوۋېن ستوك شەھىرى كوماندىسىغا يۆتكەلگەن،ھەمدە ئېنگلاند بىرلەشمىسىدىكى 150-توپىنى كىرگۈزگەن،2013-يىلى ئوۋېن چىكىنگەنلىكىنى ئېلان قىلغان.

Ⅱكەسپى ھاياتى:
1.تۇنجى مەيدان مۇسابىقىسى:
1997-يىلى، 17ياش 143 كۈنلۈك ئوۋېن ئېنگلان بىرلەشمىسىدە لىۋېرپولغا ۋاكالىتەن تۇنجى قېتىم مۇسابىقىگە قاتنىشىدۇ،شۇ چاغدىكى رەقىبى ۋىمبېلدۇن ئىدى،گەرچە لىۋېرپول 1:2 نەتىجە بىلەن ئۇتتۇرۇپ قويغان بولسىمۇ لىكىن ئوۋېن تۇنجى مەيدان رەسمى مۇسابىقىدە بىر توپ كىرگۈزۈپ لىۋېرپول تارىخىدىكى ئەڭ ياش مەيدانغا چىققان ماھىر ۋە  ئەڭ ياش توپ كىرگۈزگەن ماھىر بۇلۇپ قالىدۇ.
1998-يىلى 2-ئاينىڭ 11-كۈنى، 18 يېشىدا ئوۋېن ئېنگلاند دۆلەت كوماندىسىدىكى مۇشۇ ئەسىردىكى ئەڭ ياش مەيدانغا چىققان ماھىر ( 18 ياش 59 كۈنلۈك) ۋە ئەڭ ياش توپ كىرگۈزگەن ماھىر (18 ياش 5 ئايلىق) بۇلۇپ قالىدۇ.

2.ئېرىشكەن  شان-شەرەپلىرى:
⑴شەخسى شان-شەرەپلىرى:

ئوۋېن ھازىرغا قەدەر ياۋروپا ئالتۇن توپ مۇكاپاتىغا ئېرىشكەن بىردىنبىر ئېنگلاندلىق توپچى.(1979-يىلى كېگان ئېرىشكەن،لىكىن ئۇ چاغدىكى ئالتۇن توپ ھازىرقىغا ئوخشىمايتى، ھازىرقىى 1982 ئۆزگەرتىلگەن.)
ھازىرغا قەدەر ئوۋېن 2 قېتىم بىرلەشمىنىڭ مەرگەنلىكىنى ئالغان،يەنى 97-98،98-99مۇسابىقا پەسلىدە ئوخشاشلا 18 دىن توپ كىرگۈزگەن.( باشقىلار بىلەن تەڭ ئالغان،يەنى 18 توپ كىرگۈزگەن باشقا ماھىرلارمۇ بار)
ئېنگلاند كەسپى پۇتبولچىلار ئۇيۇشمىسى تەرىپىدىن 97-98 -پەسلىدىكى ئەڭ مۇنەۋۋەر ياش ماھىر
97-98-يىلىدىكى ئېنگلاند بىرلەشمىسى يىللىق ئەڭ مۇنەۋۋەر ماھىر
شۇنداقلا BBC تەرىپىدىن 97-98-پەسلىدىكى يىللىق تەنتەربىيە شەخس
1998-يىلى دۇنيا لوڭقىسىدىكى ئەڭ مۇنەۋۋەر ياش ئەزا

  ⑵كوللىكتىپ شان-شەرەپلىرى:
ئېنگلاند ئۇيۇشما لوڭقىسى، ئېنگلان بىرلەشمە مۇسابىقىسى لوڭقىسى،  ياۋروپا ئىتتىپاق لوڭقىسى، ياۋروپا دەرىجىدىن تاشقىرى لوڭقىسى، ئېنگلاند رايونلار لوڭقىسى  -------2001-يىلى------لېۋېرپول
ئېنگلان بىرلەشمە مۇسابىقىسى لوڭقىسى(英格兰联赛杯)-------لېۋېرپول -------2003-يىلى
ئېنگلان بىرلەشمە مۇسابىقىسى لوڭقىسى-------2010-يىلى--------مانچېستېر
ئېنگلاند رايونلار لوڭقىسى -----2010-يىلى-----مانچېستېر
ئېنگلاند بىرلەشمىسى  چىمپىيونى ------2011-يىلى-----مانچېستېر

3.دۆلەت كوماندىسىدىكى ھاياتى:
ئوۋېن دۆلەت كوماندىسىدا 89 مەيدان مۇسابىقىگە قاتنىشىپ 40 توپ كىرگۈزگەن.


1998-يىلى ئوۋېن ئېنگلاندقا ۋاكالىتەن دۇنيا لوڭقىسىغا قاتنىشىدۇۋە 2 توپ كىرگۈزىدۇ.
98-يىلىدىكى دۇنيا لوڭقىسىدا ئوۋېن ئاشۇ بىر توپى بىلەن دۇنياغا تۇنۇلىدۇ.
2000-يىلى ئوۋېن ئېنگلاند بىلەن ياۋروپا لوڭقىسىغا قاتنىشىدۇ،لىكىن گوروپپىدىن چىقالمايدۇ.تېرېنېر كېگان ئوۋېننى ئەتىۋارلاپ ئىشلەتمەيدۇ،زاپاس ئەزا قىلىپ قۇيىدۇ.
2000-2001 مۇسابىقە پەسلى ئوۋېننىڭ كەسپى ھاياتىنىڭ ئەڭ يۇقىرى پەللىسى ھىسابلىنىدۇ. شۇ يىلى ئوۋېن لىۋېرپولنى يىتەكلەپ 5 تۈردە لوڭقىغا ئېرىشىدۇ،دۇنيا لوڭقىسى تاللاش مۇسابىقىسىدە ئوۋېننىڭ قالپاق كىيىشى بىلەن ئېنگلاند 5:1 نەتىجە بىلەن ئەشەددى رەقىبى گېرمانىيىنى مەغلۇب قىلىدۇ،يىل ئاخىرىدا ئوۋېن ياۋروپا «ئالتۇن توپ»مۇكاپاتىغا ئېرىشىدۇ،ھەمدە لىۋېرپولدىكى 100-توپىنى كىرگۈزىدۇ.
2002-يىلى دۇنيا لوڭقىسىدا ئوۋېن 2 توپ كىرگۈزىدۇ،لىكىن 8 كۈچلۈككە كىرىشتە برازىلىيە تەرىپىدىن شاللىنىدۇ.
2004-يىلىدىكى ياۋروپا لوڭقىسىدا ئوۋېن بىر توپ كىرگۈزىدۇ،بىراڭ پورتۇگالىيە تەرىپىدىن شاللىنىدۇ. بۇ چاغدا ئېنگلاندىكى قەھرىمان يېڭىدىن باش كۆتىرىۋاتقان رونى ئىدى.
2005-يىلى ئېنگلاند بىلەن ئارگېنتىنا بىر مەيدان دوستلۇق مۇسابىقىسى ئوينايدۇ،ئوۋېن ئەڭ ئاخىرقى 5 مىنۇتتا 2 توپ كىرگۈزۈپ ئەشەددى رەقىبى ئارگېنتىنانى ئۇتىدۇ.
2006-يىلى رېس بىلەن بولغان مۇساىقىدە ئوۋېن ئېغىر يارىلىنىدۇ، لىكىن دۇنيا لوڭقىسىغا قاتنىشىش ئۈچۈن ئوۋېن يارىسىنى قايتا ئوپىراتسىيە قىلغۇزۇپ دۇنيا لوڭقىسىغا ئۈلگۈرىدۇ...ئەپسۇس دۇنيا لوڭقىسىنىڭ گوروپپا مۇسابىقىسىنىڭ 3-مەيدان مۇسابىقىسىدە مۇسابىقە باشلىنىپ نەچچە مىنۇتتىلا ئېغىر يارىلىنىدۇ،مۇشۇ بىر يارىلىنىش بىلەن ئوۋېن بىر يىلغا يېقىن دەم ئالىدۇ...مۇشۇ يارىلىنىش ئوۋېننىڭ كەسپى ھاياتىنىڭ بۇرۇلۇش نۇقتىسى بۇلۇپ قالدى،بۈگۈنكى كۈنگە كەلگەندە ئوۋېن ئۆزىنىڭ شۇ قېتىملىق تاللىشىنىڭ خاتا بولغانلىقىنى ئېتراپ قىلىدۇ.
2008-يىللىق ياۋروپا لوڭقىسى تاللاش مۇسابىقىسىدە ئوۋېننىڭ ئىپادىسى ياخشى بۇلۇپ ئۇدا توپ كىرگۈزگەن بولسىمۇ ئېنگلاند ئاخىرىدا كرودىيە بىلەن تەڭلەشسىلا قاتنىشالايدىغان ئەھۋالدا ئۇتتۇرۇپ قۇيۇپ ياۋروپا لوڭقىسىغا قاتنىشالمايدۇ.
2008-يىلى 3-ئاي،ئوۋېن فرانسىيەبىلەن بولغان دوستلۇق مۇسابىقىسىدە ئەڭ ئاخىرقى قېتىم دۆلەت كوماندىسىغا ۋاكالىتەن مۇسابىقىگە قاتنىشىدۇ، شۇندىن كىيىن كاپېررو ئوۋېننى دۆلەت كوماندىسىغا چاقىرتمايدۇ،بۇ ئوۋېننىڭ 11 يىلدىن بۇيان تۇنجى قېتىم يارىلانمىغان ئەھۋال ئاستىدا دۆلەت كوماندىسىدىن چۈشۈپ قېلىشى ھىسابلىنىدۇ،...

4.كۇلۇبتىكى ھاياتى:

1997-يىلى، 17ياش 143 كۈنلۈك ئوۋېن ئېنگلان بىرلەشمىسىدە لىۋېرپولغا ۋاكالىتەن تۇنجى قېتىم مۇسابىقىگە قاتنىشىدۇ،شۇ چاغدىكى رەقىبى ۋىمبېلدۇن ئىدى،گەرچە لىۋېرپول 1:2 نەتىجە بىلەن ئۇتتۇرۇپ قويغان بولسىمۇ لىكىن ئوۋېن تۇنجى مەيدان رەسمى مۇسابىقىدە بىر توپ كىرگۈزۈپ لىۋېرپول تارىخىدىكى ئەڭ ياش مەيدانغا چىققان ماھىر ۋە  ئەڭ ياش توپ كىرگۈزگەن ماھىر بۇلۇپ قالىدۇ.
2001-يىلى ئوۋېن لىۋېرپولدىكى 100-توپىنى كىرگۈزىدۇ.
2004-يىلى ئوۋېن ئىسپانىيىنىڭ خان جەمەتى مادرېد كوماندىسىغا قۇشۇلىدۇ. ( يۆتكىلىش ھەققى 19 مىليون فوندسېرلىڭ)
2005-يىلى ئوۋېن ئېنگلاندقا قايتىپ نېۋكاستىلغا قۇشۇلىدۇ. ( يۆتكىلىش ھەققى 16 مىليون فوندسېرلىڭ)
2009-يىلى ئەركىن توپچى سۈپىتىدە مانچېستىر بىرلەشمىسىگە قۇشۇلىدۇ.
20012-يىلى ئەركىن توپچى سۈپىتىدە ستوك شەھىرى كوماندىسىغا قۇشۇلىدۇ.

                          بىرلەشمىدە مەيدانغا       كىرگۈزگەن        ياۋروپا مۇسابىقىلىرىدە مەيدانغا    كىرگۈزگەن                        
پەسىل                   چىققان قېتىم سانى          توپى                      چىققان قېتىم سانى               توپى          كوماندىسى   
1996-1997                       2                    1                             0                                  0                لىۋېرپول  
1997-1998                      36                 18                             4                                   1               لىۋېرپول
1998-1999                      30                 18                           6                                   2                 لىۋېرپول
1999-2000                      27                 11                           _                                   _                 لىۋېرپول
2000-2001                      28                 16                           11                                  4                لىۋېرپول
2001-2002                      29                 19                           10                                 5                 لىۋېرپول
2002-2003                      35                19                           12                                  7                 لىۋېرپول
2003-2004                      29                16                            6                                   2                 لىۋېرپول
2004-2005                      36                13                            5                                   1                 مادرېد   
2005-2006                      11                 7                              _                                   _                 نېۋكاستېل
2006-2007                       3                   0                             _                                   _                 نېۋكاستېل
2007-2008                     29                 11                           _                                   _                  نېۋكاستېل
2008-2009                     28                  8                           _                                   _                   نېۋكاستېل
2009-2010                     19                  3                            6                                   4                  مانچېستېر  
2010-2011                     11                  2                            2                                   0                   مانچېستېر
2011-2012                      1                   0                            1                                   0                   مانچېستېر  
2012-2013                      8                   1                            _                                   _          ستوك شەھىرى                  جەمئى                            362               163                      63                                   26

ئەسكەرتىش : يۇقىردىكىلەر پەقەت بىرلەشمىنىلا  كۆرسىتىدۇ، جەمئى كىرگۈزگەن توپلىرى تۆۋەندىكىچە:
لىۋېرپول        297 مەيدان مۇسابىقىدە 158 توپ
مادرېد            45 مەيدان مۇسابىقىدە 16 توپ
نېۋكاستېل       79 مەيدان مۇسابىقىدە 30 توپ
مانچېستېر       52 مەيدان مۇسابىقىدا 17 توپ
ستوك شەھىرى   8 مەيدان مۇسابىقىدە 1 توپ

  5. سانلىق مەلۇماتلار
قۇشۇمچە:
⑴ئېنگلاند بىرلەشىسى ئومۇمى مەرگەنلەر تىزىملىكى
1. ئالان شېررېر     260توپ
2.ئەندى كېر        187 توپ
3.ھېنري             175توپ
4.فۇللېر            163توپ
5.لەمپارد          162 توپ
6.رونى             156 توپ
7. لېيس فېردنەند    150 توپ
8. ئوۋېن          150 توپ
9.شېررىنھام       147 توپ
10. خاسايرىنبايىك    127 توپ

⑵ ئېنگلاند دۆلەت كوماندىسى مەرگەنلەر تىزىملىكى
1.بوبى چارلتون   49 توپ
2.لېينكىر             48توپ
3.گرېفۇس           44توپ
4.ئوۋېن              40توپ
5.رونى               33توپ
6.فىننى              30توپ
7.شېررېر             30توپ

⑶ ئېنگلاند بىرلەشمىسىدە ئەڭ ياش 100توپ ئۆتكىلىدىن ئۆتكەن توپچىلار تىزىملىكى
1.ئوۋېن       23ياش 4ئاي 12 كۈن
2.فۇللېر       23ياش9ئاي7كۈن
3.رونى         24ياش 3ئاي 7كۈن
4.شېررېر     25ياش4ئاي 17 كۈن
5.ھېنري     26ياش 5ئاي 23كۈن

⑷ كەيگەن قالپاقلىرى
ئوۋېن ھاياتىدا جەمئى 14 قېتىم قالپاق كەيگەن بۇلۇپ،لىۋېرپولدا 10 قېتىم، نېۋكاستېلدا بىر قېتىم، مانچېستېردا بىر قېتىم، ئېنگلاند دۆلەت كوماندىسىدا 2 قېتىم، تەپسىلى ئەھۋالى تۆۋەندىكىچە:
1.     1997.11.18  لىۋېرپول 0:3 گرېنس ( بىرلەشمە لوڭقىسى )     3 توپ كىرگۈزگەن.
2.    1998.02.14   لىۋېرپول 3:3 شېفېرد چارشەنبە ( بىرلەشمە)     3 توپ كىرگۈزگەن.
3.    1998.08.30   لىۋېرپول 1:4 نېۋكاستېل   (بىرلەشمە )             3 توپ كىرگۈزگەن.
4.    1998.10.24    لىۋېرپول 1:5 نودېنھام ئورمان   (بىرلەشمە)       4 توپ كىرگۈزگەن.
5.    2000.09.06   لىۋېرپول 1:3 ئاستۇنۋېللا   (بىرلەشمە)       3 توپ كىرگۈزگەن.
6.   2001.05.05     لىۋېرپول 0:3 نېۋكاستېل   (بىرلەشمە)      3 توپ كىرگۈزگەن.
7.   2001.08.08    لىۋېرپول 0:5 0FC خاقان   (ئۇزغۇنلۇق سالاھىيەت مۇسابىقىسى)      3 توپ كىرگۈزگەن.
8.   2002.09.28    لىۋېرپول 0:3 مانچېستېر شەھىرى   (بىرلەشمە )             3 توپ كىرگۈزگەن.
9.   2002.10.22   لىۋېرپول 1:3 موسكۋا سبارتاك  (ئۇزغۇنلۇق )             3 توپ كىرگۈزگەن.
10.  2003.04.26   لىۋېرپول 0:6 شىبۇلوموۋىچ   (بىرلەشمە )            4 توپ كىرگۈزگەن.
11.   2005.12.17  نېۋكاستېل 2:4 شىھام   (بىرلەشمە )             3 توپ كىرگۈزگەن.
12.  2009.12.08   مانچېستېر 1:3 ۋولفۇسباۋ  (ئۇزغۇنلۇق)     3 توپ كىرگۈزگەن.
13.   2001.09.01  ئېنگلاند 1:5 گېرمانىيە (دۇنيا لوڭقىسى سالاھىيەت مۇسابىقىسى)    3 توپ كىرگۈزگەن.
14.  2005.05.31   ئېنگلاند 2:3 كولۇمبىيە   (دوستلۇق مۇسابىقىسى )       3 توپ كىرگۈزگەن.


Ⅲئوۋېنغا مۇناسىۋەتلىك مۇھىم شەخسلەر ۋە ۋەقەلەر
1. قىزىل دوستلۇقتىن رەقىبكىچە_____ستېفېن جېرراد_____لىۋېرپول____مانچېستېر
بۇ ئىككىيلەن مانچېستېرنىڭ 92-يىلىنىڭ باللىرىغا ئوخشاشلا لىۋېرپول تەربىيلەش بازىسىدىن چىققان،بىللە مەشىق قىلىپ ئۆزىنىڭ ئۇنتۇلغۇسىز ياشلىقىنى لىۋېرپولدا ئۆتكۈزگەن.
ئوۋېن جېررادقا قارىغاندا بالدۇر نام قازانغان بۇلۇپ 1998-يىلىدىكى دنيا لوڭقىسىدا دۇنياغا تۇنۇلغاندا جېرراد تېخى لىۋېرپولدا 1-كوماندىغا چىقىش ئۈچۈن تىرىشىپ مەشىق قىلىۋاتاتتى.1998-يىلى 11-ئايدا جېرراد ئۆزىنڭ لىۋېرپولدىكى تۇنجى رەسمى مۇسابىقىسىنى كۈتىۋالدى،شۇنداق قىلىپ لىۋېرپول شۇنداقلا دۆلەت كوماندىسىدا بۇ قوشماقلار ئۆزىنىڭ پۇتبول ئارزۇسىنى بىرلىكتە ئەمەلگە ئاشۇرۇشقا باشلىدى..بۇ چاغلاردا جېرراد تېخى يانداش پېرسوناژ بۇلۇپ ئوۋېن لىۋېرپولنىڭ ھەقىقى شاھزادىسى ئىدى.مەستانىلەر بۇلاردىن نۇرغۇنلىغان ئۈمىدلەرنى كۈتەتتى،بۇلاردىن لىۋېرپولنىڭ كەلگۈسىنى كۆرگەندەك بۇلاتتى...
نۇرغۇن يىللار ئۆتۈپ كەتتى،يىللار بۇ ئۆسمۈرلەرنىڭ يۈزىگە ئۆزىنىڭ رەھىمسىز تامغىسىنى باستى،بۇلار ئاللىقاچان غۇبارسىز ياشلىقىدىن خوشلاشتى،ئۇلارنىڭ ھاياتىدا نۇرغۇنلىغان ئۆزگىرىشلەر بۇلۇپ ئۆتتتى،جېرراد ئەينى چاغدىكى يانداش پېرسوناژدىن ئۆزگىرىپ لىۋېرپولنىڭ بايراقدارىغا،يۈرىكىگە ئايلاندى...
2004-يىلى بېنېتېزنىڭ كىلىشى،ئوچۇق ئاشكارا ھالدا ئۆزىنىڭ ئوۋېندەك ھۇجۇمچىلارنى ياقتۇرمايدىغانلىقىنى بىلدۈرىشى، بىرنەچچە يىل چىمپىيونلۇقتىن مەھرۇم بۇلۇپ تېىىمۇ كۆپ چىمپىيونلۇققا ئىنتىلگەن  ئوۋېننىڭ لىۋېرپولدىن ئايرىلىشى بارلىق مەستانىلەرنى ئۈمىدسىزلەندۈرۈپ قويدى،لىكىن ئۇلار يەنىلا بۇ رېئاللىقىنى قۇبۇل قىلالىدى...چۈنكى ئۇلاردا يەنە جېرراد بار ئىدى...
تەقدىر ئوۋېنغا رەھىمسىزلىك بىلەن ئېغىر چاقچاق قىلدى،ئوۋېن كىتىپلا لىۋېرپول ئۇزغۇنلۇقتا چىمپىيون بولدى،ئىستانبۇلدا يوغان قۇلاقنى ئېگىز كۆتۈرگەن جېرراد مەستانىلەرگە ئۆزىنىڭ دەۋرى باشلانغانلىقىنى بىلدۈرۈپ قويدى...
بۇ چاغدا ئوۋېننىڭ نىمىلەرنى ئويلىغانلىقىنى پەقەت ئۆزىلا بىلىشى مۇمكىن...
بىر يىلدىن كىيىن ئوۋېن ئېنگلاندقا قايتىپ كەلدى،لىكىن بۇ چاغدا لىۋېرپول ئوۋېنغا ئىشىكىنى ئىتىۋالغان ئىدى، ئوۋېن نېۋكاستىلغا قۇشۇلدى،بۇرۇنقى دوستلار ئەمدى جەڭگاھتىكى رەقىبلەرگە ئايلاندى.
ھىكايە بۇنىڭ بىلەن تۈگىگىنى يوق،2009-يىلى بارلىق لىۋېرپول مەستانىلىرىنى غەزەپكە كەلتۈرىدىغان بىر ئىش يۈز بەردى،ئوۋېن لىۋېرپولنىڭ ئەشەددى رەقىبى مانچېستېرغا قۇشۇلدى.بۇنىڭلىق بىلەن ئوۋېن لىۋېرپولنىڭ دۈشمىنىگە ئايلاندى،ئۆز كوماندىسىدىن چىققان،ئىلگىرى ئۇلارغا نۇرغۇنلىغان گۈزەل ئەسلىمىلەرنى قالدۇرغان،ئۇلارغا نۇرغۇنلىغان ئارزۇ-ئارمانلارنى بەخش ئەتكەن بۇ يىگىت ئەمدى ئۇلارنىڭ دۈشمىنىگە ئايلاندى.
شۇندىن كىيىن ئاخبارات ۋاستىلىرىنىڭ ئاغزىدا جېرراد بىلەن ئوۋېننىڭ ئانچە-مۇنچە تۈكۈرۈك ئۇرۇشىمۇ يۈز بەردى،لىكىن ئىشىنىمىزكى ئۇلارنىڭ دوستلۇقى بۇنىڭلىق بىلەن ئاجىزلىشىپ قالمايدۇ،چۈنكى ئۇلار ئەڭ غۇبارسىز ياشلىق مەزگىلىنى ئورتاق غايىسى بولغان پۇتبول ئۈچۈن بىرلىكتە ئۆتكۈزگەن!


نۇرغۇن كىشىلەر ئوۋېننىڭ لىۋېرپولدىن كىتىشى بىر خاتالىق دەپ قارايدۇ،مەيلى قانداق بولسۇن ئوۋېن تېخىمۇ يۈكسەك غايە ۋە شان-شەرەپكە ئىنتىلىپ لىۋېرپولدىن ئايرىلدى،چۈنكى ئۇ ياش ئىدى، ياشلىقى ئۇنىڭ دەسمايىسى ئىدى،ئادەم ياشلىقىدا ئۆزىنىڭ ئارزۇ-ئارمانلىرى بۇلىشى،بۇنى ئىشقا ئاشۇرۇش ئۈچۈن تىرىشىشى كېرەك،شۇنداقتىلا نەتىجىسى بۇلىدۇ،ئادەم ياشلىقىدا سىناپ باقمىغان ئىشنى مەڭگۈ ۋۇجۇدقا چىقىرالمايدۇ،ئوۋېن بۇنى قىلالىدى،مۇشۇنىڭ ئۆزى كۇپايە!

يەنە بىر ئىش،2009-يىلى ئوۋېننىڭ مانچېستېرغا قۇشۇلىشى لىۋېرپول مەستانىلىرىنى قاتتىق غەزەبكە كەلتۈردى،لىكىن شۇنىسى ئېسىمىزدە بولسۇنكى ئوۋېن ئەركىن توپچى بۇلۇپ ئۆزىنىڭ 32 بەتلىك تەرجىمىھالىنى كۆتۈرۈپ تەرەپ-تەرەپتىن توپ تىپىدىغانغا كوماندا ئىزدەپ يۈرگىنىدە لىۋېرپول بېشىنى ئىچىگە تىقىۋالدى،ئۆزىنىڭ ياشلىقىنى،ئالتۇن دەۋرىنى ئۆزىگە بېغىشلىغان بۇ يىگىتنى ئۆز قوينىغا ئالمىدى،ئەجەبا بۇ يىگىت مۇشۇنىڭلىق بىلەن ئۆزى ياخشى كۆرىدىغان پۇتبولدىن خوشلاشسۇنمۇ؟ياق،پۇتبول ئۇنىڭ بارلىقى،شۇنچىۋالا يارىلىنىشلارغا بەرداشلىق بېرىپ مۇشۇ كۈنلەرگە ئۇلىشىشى مۇشۇنداق چىكىنىش ئۈزۈنمىدى؟ ياق،ئۇ چۇقۇم توپ تىپىشى كېرەك،ئۆزىنىڭ ئارزۇسىدىن ۋاز كەچمەسلىكى كېرەك. ئۇ تېخى دۆلەت كوماندىسىدا 49 توپلۇق رېكوردنى بۇزۇشنى ئويلايتتى،ئۇنىڭغا پەقەت 9 توپلام قالغان ئىدى،ئۇ تېخى 2010-دۇنيا لوڭقىسىغا قاتنىشىشنى ئويلايتتى،مۇشۇلارنى ئەمەلگە ئاشۇرۇش ئۈچۈن تەرەپ-تەرەپتىن كوماندا ئىزدەۋاتقاندا سېر بوۋاي ئۇنى ئەتىگەنلىك تاماققا تەكلىپ قىلدىۋە تاماق ئۈستىدە ئۇنى قۇشۇۋالغۇسى بارلىقىنى ئېيتتى،ئوۋېن دەرھاللا ماقۇل بولدى،ئۇ ئۆز غايىسىنى ئەمەلگە ئاشۇرىدىغان سەھنىگە ئېرىشكەنىدى...

مۇھەببەت قانچە كۈچلۈك بولسا نەپرەتمۇ شۇنچە كۈچلۈك بۇلىدۇ،شۇڭا لىۋېرپول توپ مەستانىلىرى ئوۋېننىڭ بۇ قىلمىشىنى كۆتۈرەلمىدى،لىكىن ئۇلارنىڭ ئوۋېنغا پۈتۈنلەي ئۆچ بۇلۇشى ناتايىن،خۇددى بىر لىۋېرپول توپ مەستانىسى ئېيتقاندەك:«ئىلگىرى ئۇنى شۇنچىلىك ياخشى كۆرەتتىم،لىكىن ھازىر ئۇنداق ئەمەس،مەن ئۇنىڭغا ئۆچلۈك قىلمايمەن،پەقەت ئۇنى بۇرۇنقىدەك ئۇنداق ياخشى كۆرمەيمەن خالاس.»

2.ئاسماندىن زىمىنغىچە___خولېر--ئېرېكسون--كاپېررو
  خولېر ئوۋېننى دۇنياغا تۇنۇتتى،خەلقارالىق گىگانت چولپان قىلىپ چىقتى...  
  ئېرېكسون ئوۋېننى دۆلەت كوماندىسىدىكى 1-ھۇجۇمچى قىلىپ چىقتى...
  كاپېررو بولسا ئوۋېنغا دۆلەت كوماندىسىنىڭ ئىشىكىنى تاقىۋالدى...

  1998-يىلى فرانسىيىلىك تېرېنېر خولېر لىۋېرپولغا كەلدى،بۇ ئوۋېننىڭ 1-كوماندىغا قۇشۇلۇپ ئەمدى نام قازنىۋاتقان چاغلىرى ئىدى، بۇ چاغدا لىۋېرپولنىڭ ھۇجۇم سېپىدىكى يادرو بولسا ئوۋېن بولماستىن بەلكى لىۋېرپول مەستانىلىرى تەرىپىدىن «تەڭرى» دەپ تەرىپلىنىۋاتقان روبى فۇللېر ئىدى.1998-يىللىق دۇنيا لوڭقىسىغا لىۋېرپولدىن بۇ قوشماق يۇلتۇزلار تەڭلا تاللاندى،لىكىن فۇللېر دۇنيا لوڭقىسىدىن بۇرۇن يارىلىنىپ فرانسىيىگە بارالمىدى....كىم بىلسۇن،ھەتتا فۇللېر ئۆزىمۇ ئويلىمىغان ،مۇشۇ بىر يارىلىنىش ئۇنىڭ لىۋېرپولدىكى ھاياتىغا چىكىت قۇيۇشقا قاراپ يۈزلەندى،ئوۋېننىڭ دۇنيا لوڭقىسىدىكى قالتىس ئىپادىسى،ئارگېنتىناغا ئۇرغان بىر توپى ئۇنى بىر كېچىدىلا چولپانغا ئايلاندۇردى،1999-يىلى خولېر كوماندىدا قان يەڭگۈشلەپ ستېفېن جېرراد،خەيپىيا قاتارلىق بىر تۈركۈم ياشلارنى كىرگۈزدى،ھۇجۇم سېپىدە بولسا ئوۋېننى مەركەز قىلىشقا باشلىدى، فۇللېردىن ۋاز كەچتى. شۇنداق قىلىپ ئوۋېن بىلەن بولغان رىقابەتتە فۇللېر مەغلۇپ بۇلۇپ ئورۇندۇق بېقىشقا باشلىدى،ئوۋېن بارا-بارا ئۇتۇق قازىنىپ لىۋېرپولنىڭ ھۇجۇم ياردروسىغا شۇنداقلا كوماندىنىڭ يادروسىغا ئايلاندى،2001-يىلى ئوۋېن كەسپى ھاياتىنىڭ يۇقىرى پەللىسىگە يىتىپ ياۋروپا ئالتۇن توپ مۇكاپاتىغا ئېرىشتى. شۇ يىلى فۇللېر ئامالسىز كوماندىدىن ئايرىلدى...

   ئوۋېننىڭ بۇ نەتىجىلىرى بىر تەرەپتىن ئوۋېننىڭ تىرىشچانلىقىنىڭ مەھسۇلى بولسا يەنە بىر تەرەپتىن تېرېنېر خولېرنىڭ ئۇنىڭغا ئىشىنىشى،ئۇنى كوماندىدا يادرو قىلىپ تۇرغۇزىشىدىن ئايرىپ قارىغىلى بولمايدۇ. شۇنداق قىلىپ بۇ ئۇستاز بىلەن شاگىرت بىرلىكتە كۆرەش قىلىشقا باشلىدى...
2001-يىلى 5 تۈردە چىمپىيون بولغاندىن كىيىن لىۋېرپولنىڭ نەتىجىسى ياخشى بولمىدى،نۇرغۇن پۇل خەجلەپ توپچى سېتىۋالغان بولسىمۇ كوماندىدا زور ياخشىلىنىش بولمىدى، 2004-يىلى خولېر نەتىجىسى ياخشى بولماسلىق سەۋەبىدىن لىۋېرپولدىن ئايرىلدى، ئۇنىڭغا ئەگىشىپ ئوۋېنمۇ لىۋېرپولدىن ئايرىلدى،شۇنداق قىلىپ بۇ ئۇستاز-شاگىرتلار بىرلقكتە كوماندىدىن ئايرىلدى.
  تىلغا ئېلىشقا ئەرزىيدىغىنى خولېرنىڭ يۈرەك كېسىلى بۇلۇپ 2002-يىلى ئوپىراتسىيە قىلغۇزۇپ كېسەل كارىۋېتىدا يېتىپ تۇرۇپ كوماندىنى باشقۇردى. ئوۋېن ئۆزىنىڭ تەرجىمىھالىدا مۇنداق يازىدۇ:«تېرېنېر ئوپىراتسىيە قىلغۇزۇپ كېسەل كارىۋېتىدا ياتقان كۈنلەردە بىز مۇسابىقىدىن بۇرۇن كىيىم ئالماشتۇرۇش ئۆيىدە بىر تاختاينى كۆرەتتۇق،ئۇنىڭغا «خولېر ئۈچۈن»دىگەن خەت يىزىلغان ئىدى، بىز تېرېنېر ئۈچۈن كۆرەش قىلاتتۇق...»
  ئەينى يىللىرى خولېرنىڭ ئىسمىنى بىلمەيتتىم،تونۇيدىغىنىم پەقەت ئۇنىڭ ھەر مەيدان مۇسابىقىدە دىگۈدەك قىزىل شارپا تاقاپ كوماندىغا يىتەكچىلىك قىلىشى ئىدى...
  رەخمەت ساڭا خولېر،ئىشىنىمەنكى ئوۋېن سېنىڭ قول ئاستىڭدا بارلىقىنى لېۋېرپولغا ئاتاپ قان كېچىپ قەڭ قىلغان كۈنلىرىنى مەڭگۈ ئۇنۇتمايدۇ.

ئوۋېننىڭ دۆلەت كوماندىسىدىكى كىرگۈزەەن توپلىرىنىڭ كۆپىنچىسى ئېرىكسون دەۋرىدە بولغان،ئېرىكسون ئوۋېننى دۆلەت كوماندىسىدىكى يادرولوق ھۇجۇمچى قىلىپ شۇنى مەركەز قىلىپ تاكتىكا تۈزگەن.
  2000-يىلىدىكى ياۋروپا لوڭقىسىدىكى مەغلۇبىيەتتىن كىيىن كېگان ئىستىپا بېرېپ ئېرېكسون كوماندىغا كەلدى،ئېرىكسون ئوۋېننى ئەتىۋارلاپ ئىشلەتتى،شۇندىن باشلاپ ئوۋېننىڭ دۆلەت كوماندىسىدىكى توپ كىرگۈزۈش قېتىم سانى بارا-بارا كۆپىيىشكە باشلىدى...
  2006-يىلى دۇنيا لوڭقىسىدىن كىيىن ئېرېكسون كوماندىدىن ئايرىلدى. كوماندىنى مېكىلارون ئۆتكۈزىۋالدى. ئوۋېن دۇنيا لوڭقىسىدا يارىلانغاندىن كىيىن بىر يىلغا يېقىن ۋاقىت دۆلەت كوماندىسىدىن خوشلاشتى. يارىسى ساقايغاندىن كىيىنمۇ مېكىلارون ئۇنى داۋاملىق ئىشلەتتى...2008-يىللىق ياۋروپا سالاھىيەت مۇسابىقىسىدە ئوۋېننىڭ ئىپادىس ئالاھىدە ياخشى بۇلۇپ دۆلەت كوماندىسىدىكى 40-توپىنى كىرگۈزدى،ئەپسۇسلىنارلىقى  ئەڭ ئاخىرقى مەيداندا كرودىيە بىلەن تەڭلەشسىلا بۇلىدىغان ياخشى ۋەزىيەتتە ئېنگلاند كرودىيىگە ئۇتتۇرۇپ قۇيۇپ ياۋروپا لوڭقىسىدىن خوشلاشتى...

ئەمدىكى باش پېرسوناژ كاپېررو ئىدى،2007-يىلى 12 ئايدا كاپېررو ئېنگلاند دۆلەت كوماندىسىنى ئۆتكۈزىۋالدى،ئوۋېننىڭ دۆلەت كوماندىسىدىكى قارا چۈشى باشلاندى، كاپېررو ئوۋېننىڭ يارىسىنى باھانە قىلىپ ئوۋېننى دۆلەت كوماندىسىغا قۇبۇل قىلغىلى ئۇنىمىدى. كاپېررونىڭ قول ئاستىدا ئوۋېن پەقەت بىرلا قېتىم دۆلەت كوماندىسىغا تاللىندى،2008-يىلى 3-ئايدىكى فرانسىيە بىلەن بولغان دوستلۇق مۇسابىقىسىدە كىيىنكى مەيداندا زاپاس ئەزا بۇلۇپ مەيدانغا چىققان ئوۋېن شۇندىن كىيىن قايتا دۆلەت كوماندىسىغا تاللىنالمىدى...
  ئۇنىڭ 89 مەيداندا 40 توپ كىرگۈزگەن ئۈنۈمى، دۆلەت كوماندىسىدىكى ئومۇمى مەرگەنلەر قاتارىدا 4-ئورۇندا تۇرۇشى،ھازىرقى ئېنگلاند توپچىلىرى ئارىسىدىكى مەرگەنلەر قاتارىدا 1-ئورۇندا تۇرۇشىدەك رېكورد شۇ پېتى قېلىۋەردى...

  ھەقىقەتەن بۇ مەزگىلدە ئوۋېن جىق يارىلىنىپ ئىپادىسى تۇراقسىز ئىدى، لىكىن 29 ياشلىق بۇ يىگىت يەنىلا دۆلەت كوماندىسىغا كۈچ بىرەلەيتتى،كاپېررو ھەتتا كوماندىدىكى ھۇجۇمچىلار ئۇدا توپ كىرگۈزەلمەيۋاتقان، پۇرسەتنى تۇتالمايۋاتقان چاغدىمۇ ئوۋېننى زاپاس ئەزا قىلىپ بولسىمۇ ئىشلىتىشنى خالىمىدى، ئوۋېننىڭ بۇچاغدىكى قابىلىيىتى زاپاس ئەزا بۇلۇشقا تامامەن تۇشاتتى...كاپېررو «89 مىنۇت كوماندىدا رولى يوق، 1 مىنۇتتا كوماندىدا توپ كىرگۈزىدىغان بۇنداق ئادەمنى ئىشلەتمەيمەن» دەپ ئوۋېندىن ئۇدا ۋاز كەچتى...كاپېررو ئوۋېندەك تىپىك ھۇجۇمچىلارنى ئىشلەتمەي رونى،خېسكىيدەك كوماندىدا قۇربانلىق بېرەلەيدىغان،توپ ئېلىپ باشقىلارغا پۇرسەت يارىتىدىغان ھۇجۇمچىلارغا ئامراق ئىدى...
  بەزى خەۋەرلەردە دىيىلىشىچە كاپېررو ئېنگلاندنى ئەمدىلا ئۆتكۈزىۋالغان چاغدا ئوۋېن مۇخبىرلارنى كۈتىۋېلىش يىغىنىدا «بىز ئەمدى كاپېررونىڭ تاكتىكىسىغا ماسلىشىشىمىز كېرەك،ھازىرچە ئۇ بىزگە ناتۇنۇش» دىگەن مەزمۇندىكى گەپلەرنى قىلغان،كىيىن بۇگەپ كاپېررونىڭ قۇلىقىغا ئوۋېن كاپېررونى قارشى ئالمىغاندەك بۇلۇپ يەتكەن ،نەتىجىدە ئۇنىڭدا ئوۋېنغا بولغان بىر تەرەپلقمە قاراش پەيدا بولغان...

  نىمە بۇلۇشىدىن قەتئىنەزەر،كاپېررو بولمىغىنىدا ئىدى،ئوۋېن ئاللىقاچان دۆلەت كوماندىسىدىكى 49 توپلۇق ئۆتكەلنى بۇزۇپ تارىىتىكى 1-ئورۇنغا ئۆتكەن، دۆلەت كوماندىسىدىكى مۇسابىقە قېتىم سانىمۇ ئاللىقاچان 100 مەيدانلىق ئۆتكەلنى بۇزۇپ ئۆتكەن بۇلار ئىدى...
  ئەپسۇس ،بۇلارنىڭ ھىچقايسىس يۈز بەرمىدى، شۇنداق قىلىپ بۇ ئىتالىيىلىك ئوۋېنغا ئۆمۈرلۈق ھەسرەت،كۆڭۈل يارىسى ئېلىپ كەلدى،بۇ ئىتالىيىلىك ئېنگلاندتىن خوشلاشقاندا بولسا (2012-يىلى) ئوۋېندا ھەقىقەتەن دۆلەت كوماندىسىغا كۈچ قوشقۇدەك ماغدۇر قالمىغان ئىدى...



3.تەڭرىنىڭ شاپائىتى ۋە ھەسىتى______«ئالتۇن ئۆسمۈر» دىن «ئەينەك ئادەم» گىچە
تەڭرى ئوۋېنغا شامالدەك سۈرئەت ۋە تالانت ئاتا قىلدى، كىيىن ئوۋېنغا ئۆزى ھەسەت قىلىپ ئۇنىڭ پېشانىسىگە يارىلىنىش تامغىسىنى بېسىۋەتتى.......
  ئوۋېننىڭ كەسپى ھاياتىنى تىلغا ئالغىنىمىزدا بارلىق توپ مەستانىلىرىنىڭ يادىغا 1-بۇلۇپ كىلىدىغىنى ئۇنىڭ ئۇدا يارىلىنىشى بولسا كېرەك....ھەقىقەتەن شۇنداق، ئوۋېننىڭ زادى قانچە قېتىم يارىلانغانلىقىنى ئۆزىدىن باشقا ھىچكىم بىلمىسە كېرەك،لىكىن بارلىق مەستانىلەرنىڭ يادىدىن چىقمايدىغىنى 2006-يىلىدىكى ئاشۇ نەس باسقان،ئەسلىدىنلا بېرىشقا تىگىشلىك بولمىغان دۇنيا لوڭقىسى...

ئوۋېننىڭ يېقىلىپ ياتقان مۇشۇ تۇرقى نۇرغۇنلىغان مەستانىلەرنىڭ يۈرىكىنى قان-زار يېغلاتقان ئىدى


ئوۋېن مەخسۇس ئايروپىلانغا ئولتۇرۇپ گېرمانىيىدىن ئايرىلدى.


تۆۋەندە ئوۋېننىڭ يارىلىنىش تارىخى بىلەن تونۇشۇپ ئۆتەيلى (ماتىرىيال مەنبەسى چەكلىك بۇلۇش سەۋەبىدىن باشقىلىرى چۈشۈپ قالغان بۇلۇشى مۇمكىن، توردى تاپالىغانلىرىمنىلا يازدىم)

98-99 مۇسابىقە پەسلىىنىڭ ئاخىرىدا ئوۋېن يارىلىنىش سەۋەبىدىن  بىر مەزگىل مۇسابىقە ئوينىيالمايدۇ.
1999-يىلى4-ئايدا لىز بىرلەشمە كوماندىسى بىلەن بولغان مۇسابىقىدە ئوۋېننىڭ تاپاننىڭ ئۈستىدىكى پەي  قىسمى  ۋە مۇسكۇلى بۈلۈنۈپ كىتىپ يارىلىنىدۇ، ئەھۋال ئالدىن پەرەز قىلغاندىكىدىنمۇ ئېغىر بۇلۇپ 3 ئايدىن كىيىن ساقىيىدۇ.بۇ ئوۋېننىڭ ھاياتىدىكى تۇنجى قېتنملىق ئېغىر يارىلىنىشى ئىدى.
2001-2002-يىللىق مۇسابىقە پەسلىنىڭ ئاخىرىدا يارىلىنىش سەۋەبىدىن بىر نەچچە مەيدان مۇسابىقە ئوينىيالمايدۇ.سەۋەبى تىز قىسىمىنىڭ پەي قىسىمى ئۇدا يارىلىنىش ۋە كونا يارىسىنىڭ توختىماستىن قوزغىلىشى ئىدى.
2003-يىلى كۈزدە ئوۋېننىڭ تاپان بىلەن تىز ئارىلىقى (胫骨) يرىلىنىپ يېڭى مۇسابىقە پەسلىنىڭ بېشىدىكى بىر نەچچە مەيدان مۇسابىقە ئوينىيالمايدۇ.
2005-يىلى 12-ئاينىڭ 31-كۈنى،رېس بىلەن بولغان مۇسابىقىدە پەنجە سۆڭىكى سۇنۇپ ئاز بولغاندا 10 ھەپتە دەم ئېلىشى كېرەك دەپ دىئاگنۇز قۇيۇلىدۇ،نەتىجىدە بىر نەچچە ئاي ئارام ئالىدۇ.
دۇنيا لوڭقىسىغا قاتنىشىش ئۈچۈن 2006-يىلى 3-ئاينىڭ 24-كۈنى ئوۋېن پۇتىنى قايتا ئوپىراتسىيە قىلغۇزۇپ پۇتىغا لوسا مىق سالغۇزىدۇ.
2006-يىلى 5-ئاينىڭ 13-كۈنى بىرلەشمىدە زاپاس ئەزا سۈپىتىدە مەيدانغا چىقىدۇ، لىكىن ئاغرىقى قوزغىلىپ بىرلەشمىنىڭ ئەڭ ئاخىرقى مەيدان مۇسابىقىسىنى ئوينىيالمايدۇ.
2005-2006-مۇسابىقە پەسلىدە ئوۋېن نېۋكاستېل ئۈچۈن ئاران 11 مەيدان مۇسابىقىگە چۈشىدۇ.
2006-يىلى 6-ئاينىڭ 20-كۈنى دۇنيا لوڭقىسىنىڭ گوروپپا ئايلانمىسى 3- مەيدان مۇسابىقىسىدە مۇسابىقە باشلىنىپ 2 مىنۇت بولمايلا ئوڭ  تىزىنىڭ  پەي قىسىمى ئېغىر يارىلىنىپ   ( بۇ 2002-يىلىدىكى كونا يارىسىغا ئىنتايىن ئوخشىشىپ كىتەتتى، بۇ قېتىم ئۈزۈلۈپ كەتكەن ) ئاز بولغاندا 9  ئاي ئارام ئېلىشى كېرەك دەپ دىئاگنۇز قۇيۇلىدۇ ۋە بىر يىلغا يېقىن دەم ئالىدۇ.
2006-2007-مۇسابىقە پەسلىدە پۈتۈن پەسىلنى دىگۈدەك دەم ئېلىش بىلەن ئۆتكۈزۈپ ئارنلا 3 مەيدان مۇسابىقە ئوينايدۇ.2007-يىلى 5-ئايدا ئاران ساقىيىپ مەيدانغا قايتىپ كىلىدۇ.
ئەپسۇس 2007-يىلى 5-ئايدا ئەمدىلا 11 ئايلىق دەم ئېلىشتىن ساقايغان ئوۋېن مۇسابىقىدە مىڭىسى سىلكىنىپ كىتىپ 1 ئاي دەم ئالىدۇ.
2007-يىلى 7-ئاينىڭ 20 -كۈنى ساقىيىپ 3 مەيدان مۇسابىقە قاتناشقان ئوۋېن مەشق جەريانىدا يوتىسىنىڭ پېيى سوزۇلۇپ كىتىپ يېڭى پەسىلنىڭ تۇنجى مەيدان مۇسابىقىسىدىن خوشلىشىدۇ.
2007-يىلى 9-ئاينىڭ 17-كۈنى ۋە 23-كۈنى ئوۋېن ئىككى قېتىم مەيداندا يارىلىنىپ ئالماشتۇرپ چۈشۈرىۋېتىلىدۇ.25-كۈنى نېۋكاستېل تېرېنېرى ئوۋېننىڭ يارىسى يامانلىشىپ كەتكەچكە 3 ئاي دەم ئالىدىغانلىقىنى ئېلان قىلىدۇ.شۇنداق قىلىپ ئوۋېن ياۋروپا لوڭقىسى سالاھىيەت مۇسابىقىسىنىڭ 2 مەيدانىدىن خوشلىشىدۇ.
2007-يىلى 11-ئاينىڭ 16-كۈنى ئاۋستىىرىيە بولغان دوستلۇق مۇسابىقىسىدە ئوۋېن يەنە يارىلىنىپ مەيداندىن چۈشۈپ كىتىدۇ.
2008-2009-مۇسابىقە پەسلىنىڭ كىيىنكى يېرىمىدا ئۇدا يارىلىنىش تۈپەيلىدىن 4 ئايغا يېقىن توپ كىرگۈزەلمەيدۇ، نېۋكاستىل دەرىجە چۈشۈپ كىتىدۇ.
2009-يىلى 1-ئاينىڭ 29-كۈنى شەھەرلىكلەر بىلەن بولغان مۇسابىقىدە ئوۋېننىڭ سول ئوشۇقى ئاجراپ كىتىپ 6ھەپتىدىن 8 ھەپتىگىچە دەم ئېلىشى كېرەك دەپ دىئاگنوز قۇيۇلىدۇ.نەتىجىدە 2 ئاي دەم ئالىدۇ.
2009-يىلى 9-ئاينىڭ 30-كۈنى ،ئۇزغۇنلۇقنىڭ ۋولفۇسباۋ بىلەن بولغان مۇسابىقىدە  مۇسابىقە باشلىنىپ 20- مىنۇتتا ئوۋېننىڭ چاتراق قىسىمى يارىلىنىپ 3 ھەپتە ئەتراپىدا دەم ئالىدۇ دەپ دىئاگنوز قۇيۇلىدۇ.
2010-يىلى 2-ئاينىڭ 28-كۈنى مۇسابىقە بىرلەشمىسى ھەل قىلغۇچ مۇسابىقىسىدە ئوۋېن بىر توپ كىرگۈزۈپ نەتىجىنى تەڭلەشتۈرگەندى كىيىن  يوتىسىنىڭ پېيى بۈلۈنۈپ كىتىپ مەيداندىن چۈشۈپ كىتىدۇ. شۇنداق قىلىپ ئوۋېننىڭ دۇنيا لوڭقىسىغا قاتنىشىشتەك كىچىككىنە ئىمكانىيىتىمۇ پۈتۈنلەي يوق بۇلىدۇ. شۇ پەسىلنىڭ قېپقالغان بارلىق مۇسابىقىلىرىدىن خوشلىشىدۇ.مانچېستېر ئاخىرى 2:1 نەتىجە بىلەن غەلبە قىلىپ چىمپىيون بۇلىدۇ، بۇ ئوۋېننىڭ 7 يىلدىن بۇيان تۇنجى قېتم چىمپىيون بۇلۇشى ئىدى.
2011-يىلى 11-ئاينىڭ 3-كۈنى، ئۇزغۇنلۇق گوروپپا مۇسابىقىسىدە ئوۋېن مۇسابىقە باشلىنىپ 10 مىنۇتتىلا يوتا مۇسكۇلى بۈلۈنۈپ كىتىپ مەيداندىن چۈشۈپ كىتىدۇ ، شۇ ئاينىڭ 15-كۈنى مانچېستېر ئورگان تورىدا ئوۋېننىڭ 6 ھەپتە ئارام ئالىدىغانلىقىنى ئېلان قىلىدۇ. بىراق ئەھۋال بۇنچە يىنىك ئەمەس بۇلۇپ ئوۋېن يارىسى ئۇدا قوزغىلىپ 5 ئاي دەم ئالىدۇ.
بۇ يىلى ئوۋېن مانچېستېرغا ۋاكالىتەن بىرلەشمە ۋە ئۇزغۇنلۇقتا ئارانلا 2 مەيدان مۇسابىقە ئوينايدۇ.
2012-يىل ستوك  شەھىرىگە قۇشۇلغان ئوۋېن كونا يارىسىدىن قۇتۇلالمايدۇ. 12-ئايدا كونا يارىسىنى داۋالاتقاچ چېنىقىۋاتقان ئوۋېن چېنىقىش ئۆيىدە ئوشۇقىنىڭ كەينىدىكى پەي قىسمىنى يارىلاندۇرىۋالىدۇ.نەتىجىدە ئۇنىڭ ساقىيىش ۋاقتى يەنە كەينىگە سۈرۈلىدۇ.
ستوك شەھىرىگە قۇشۇلغان  ئوۋېن بۇيىلى يارىلىنىش ۋە كوماندا تاكتىكا  مەسىلىسى سەۋەبىدىن بىرلەشمىدە ئارانلا 8 مەيدان ( جەمئى 93 مىنۇت ) مۇسابىقىەە قاتنىشىدۇ ۋە 1 توپ كىرگۈزىدۇ.

مۇشۇنچىۋالا توختىماستىن يارىلىنىش، ئەمدى ساقىيىپ ئۇزاق ئۆتمەيلا كونا يارىسىنىڭ قوزغىلىشىنى ئاز دىگەندەك  يېڭى يارىنىڭ پەيدا بۇلىشى ،مەيداندىكى كۈنلىرىنىڭ بارا-بارا ئازىيىشىمۇ بۇ يىگىتنىڭ پۇتبولغا ،ئۆزى چوڭ بولغان يېشىل مەيدانغا بولغان مۇھەببىتىنى قىلچە سۇسلاشتۇرالمىدى،چۈنكى ئۇنىڭغا ئايان ئىدى، يېقىلىشنىڭ ئۆزى بىر قېتىملىق مەغلۇبىيەتنىڭ ئالامىتى ئىدى، ئۇ چۇقۇم تىرىشىپ بۇ مەغلۇبىيەتتىن ساقلىنىشى كېرەك ئىدى. چۈنكى ئۇنىڭ يۈكسەك ئارزۇ-ئارمانلىرى بار ئىدى، دۇنيا لوڭقىسى، ئېنگلاند دۆلەت كوماندىسىدىكى تارىخى مەرگەنلەر چوققىسىغا چىقىش ئۇنىڭ نىشانى ئىدى، بۇ نىشانغا ئازلا قالغان ئىدى، شۇ ۋاقىتتىكى ئەھۋال بۇيىچە ئېيتقاندا بۇ پەقەت ۋاقىت مەسىلىسى ئىدى. بۇ نىشانغا يىتىشكە پەقەت 9 توپلا قالغان ئىدى...
لىكىن تەقدىر ئۇنىڭغا ئېغىر چاقچاق قىلدى، ئۇنىڭغا مەرگەنلىك رېكورتىنى ئەمەس يارىلىنىش رېكورتىنى بەردى. ئەينى يىلدىكى «شامال بىلەن بەسلىشەلەيدىغان» ، ھىچكىمگە بوي بەرمەيدىغان بۇ «ئالتۇن ئۆسمۈر» ئەمدىلىكتە «ئەينەك ئادەم»گە ئايلىنىپ قالغان ئىدى. لىكىن بۇ يىگىت تەقدىرگە باش ئەگمەي ھەر بىر قېتىملىق يېقىلىشتىن كىيىن ئورنىدىن دەس تۇردى،چۈنكى ئۇنىڭ ئارزۇ -ئارمانلىرى تېخى ئىشقا ئاشمىغان ئىدى.
ۋاقىت رەھىمسىز، بارا -بارا بۇ يىگىت نىشانلىرىنىڭ ئگزىدىن يىراقلاۋاتقانلىقىنى ھېس قىلدى، لىكىن يەنىلا باش ئەگمىدى،چۈنكى باش ئەگمىگەندىلا يەنە پۇرسەت بار، باش ئەگدىمۇ بولدى بۇنىڭ ئۆزى مەغلۇبىيەت.
مەستانىلەر بارا-بارا بۇ يىگىتنىڭ ئۆزلىرىنىڭ كۆزىدىن يىراقلىشىۋاتقانلىقىنى، مەيداندىكى ۋاقتىنىڭ ئۇدا ئازلاۋاتقانلىقىنى، جىقراق ۋاقىتلىرنىڭ سوغۇق ئورۇندۇقتا ئولتۇرۇش بىلەن، ياكى ئۈن-تىنسىز ھالدا  مەشىق مەيدانىدا ياكى چېنىقىش ئۆيىدە يارىسىنى ساقايتىش بىلەن ئاۋارە ئىكەنلىكىنى ھېس قىلدى.

مەستانىلەر بۇ رەھىمسىز رېئاللىقنى قۇبۇل قىلدى،ئۇنىڭدىن بۇرۇنقىدەك توپ كىرگۈزۈشنى تەلەپ قىلمايدىغان،ئەكسىچە ئاران قولغا كەلگەن ئازغىنە مەيدانغا چىقىش پۇرسىتىنى قەدىرلەپ پۇتبولدىن ھۇزۇرلىنىشىنى كۆرىدىغان بولدى ھازىر ئۇنىڭ مەيدانغا چىقىشىنى كۆرۈشى مەستانىلەرنىڭ ئارزۇسىغا ئايلاندى.
رەھىمسىز رېئاللىق، مەستانىلەر كۆرۈشنى خالىمايدىغان كۈن ئاخىرى يىتىپ كەلدى،2013-يىلى 3-ئاينىڭ 19-كۈنى ئوۋېن تور بېتىدە مۇشۇ پەسىل ئاخىرىدا پۇتبول ھاياتىنى ئاىىرلاشتۇرىدىغانلىقىنى ئېلان قىلدى.

ئاق يول بولسۇن يىگىت،سىنى مەستانىلەر ھەرگىز ئۇنتۇپ قالمايدۇ، سەن ئۇلارنىڭ قەلبىدە،خاتىرىسىدە «مەڭگۈ ياش»!


4.ئۇنتۇلغۇسىز مۇسابىقىلەر
⑴       1998.06.30            ئېنگلاند 2:2 ئارگېنتىنا،    دۇنيا لوڭقىسى 8 كۈچلۈككە كىرىش مۇسابىقىسى
دىمىسەممۇ ھەممەيلەنگە مەلۇم، بۇ ئوۋېننىڭ «بىر توپ بىلەن دۇنياغا تۇنۇلغان »مۇسابىقىسى، مۇسابىقىدە ئوۋېن بېكھام بەرگەن ئۇزۇن پاسنى ئالغاندىن كىيىن ئارگېنتىنانىڭ ئىككى بېكى چامور ۋە ئايالادىن ئۆتۈپ چىرايلىق بىر توپ كىرگۈزىدۇ،  شۇنىڭدىن كىيىن بۇ «ئالتۇن ئۆسمۈر»نىڭ نامى دۇنياغا تونۇلۇشقا باشلايدۇ.

⑵      1998.08.30      لىۋېرپول 1:4  نېۋكاستېل      بىرلەشمە
دۇنيا لوڭقىسىدىن كىيىن بۇ ئۆسمۈر يەنىلا توختىماي توپ كىرگۈزمەكتە ئىدى، بۇ مەيدان مۇسابىقىدە ئوۋېن يېرىم مەيدان ئاياغلشماي تۇرۇپلا 3 توپ كىرگۈزىدۇ، بۇلۇپمۇ 3-توپىنى كىرگۈزگەندىن كىيىن كىچىك بالىلارغا خاس ئىككى قۇلىنى ئۇۋۇلاپ ھەييارلارچە كۈلگەن كۆرۈنۈش مەستانىلەرگە ئۇنتۇلغۇسىز ئەسلىمە ئاتا قىلىدۇ.

⑶      2001.05.12   لىۋېرپول 1:2 ئارسېنال      ئۇيۇشما لوڭقىسى ھەل قىلغۇچ مۇسابىقىسى
مۇسابىقە باشلىنىپ 18 مىنۇت بولغاندا ئارسېنالدىن بېنايون بىر توپ كىرگۈزۈپ ئۈستۈنلۈكنى ئىگەللەيدۇ، مۇسابىقىنىڭ 83-مىنۇتىغا كەلگەندە ئوۋېن بوشلۇقتا يېرىم يېقىلىپ بىر توپ ئۇرۇپ نەتىجىنى تەڭلەشتۈرىدۇ،88-مىنۇتتا يەنە شۇ ئوۋېن ئوتتۇرا مەيداندىن توپ ئېلىپ كىرىپ ناھايىتى چىرايلىق بىر توپ ئۇرۇپ ئارسېنالنى بوغۇزلاپ چېمپىيون بۇلىدۇ. بۇ توپ ھازىرغىچە ئۇيۇشما لوڭقىسىدىكى نادىر توپلارنىڭ بىرسى ھىسابلىنىدۇ.

⑷       2001.09.01    ئېنگلاند 1:5 گېرمانىيە       دۇنيا لوڭقىسى تاللاش مۇسابىقىسى
دۇنيا لوڭقىسى تاللاش مۇسابىقىسى تارىىخىدا گېرمانىيە ئز مەيدانىدا پەقەت بىرلا مەيدان مەغلۇپ بۇلۇپ باققان بۇلۇپ مۇسابىقىدىن بۇرۇن نۇرغۇب كىشىلەر گېرمانىيە ئاسانلا غەلبە قىلىدۇ دەپ قارايدۇ. لىكىن ئوۋېن باشچىلىقىدىكى لىۋېرپولدىكى 3  ئەزىمەت  گېرمانىيىنى بىر قوللۇق مەغلۇب قىلىدۇ، خېسكېي،جېرراد بىردن توپ ئۇرىدۇ ، ئوۋېن بولسا كائىنغا 3 توپ ئۇرۇپ قالپاق كىيىدۇ.

⑸        2002.09.28    لىۋېرپول 0:3 مانچېستېر شەھىرى      بىرلەشمە
بۇ مۇسابىقىدىن بۇرۇپ شەھەرلىكلر ئۆز مەيدانىدا بىر يىلغا يېقىن مەغلۇپ بۇلۇپ باقمىغانىدى. ئوۋېن بۇ مۇسابىقىدە 3 توپ ئۇرۇپ شەھەرلىكلەرگە مەغلۇبىيەت تەمىنى تېتىغۇزىدۇ. بۇ مەيداندا شەھەرلىكلەرنىڭ ۋارىتارى بولسا دانىيەلىك داڭلىق ۋارىتار شۇمىچېر ئىدى.

⑹    2005.04.10   مادرېد 2:4 بارسېلونا       بىرلەشمە
دۆلەر دېربىسىنىڭ 2-ئۇچرىشىشى. دۆلەت دېربىسى تارىخىدىكى ئۇنتۇلغۇسىز مۇسابىقە، مادرېدنىڭ 7 بۆرە دەۋرى. مۇسابىقىدە ئوۋېن بېكھامنىڭ بەرگەن پېسىنى ئېلىپ ۋالدېسنىڭ چاتىرقىدىن ئۆتكۈزۈپ توپ كىرگۈزىدۇ.

⑺       2005.11.12   ئېنگلاند 2:3 ئارگېنتىنا   دوستلۇق مۇسابىقىسى
1998-يىلىدىكى دۇنيا لوڭقىسىدا ئارگېنتىنا بىلەن بولغان مۇسابىقىدە بىر توپ كىرگۈزۈپ ۋە بىر نۇقتا توپقا ئېرىشكەندىن كىيىن2002-يىلىدىكى دۇنيا لوڭقىسىدا ئارگېنتىنا بىلەن بولغان مۇسابىقىدە ئوۋېن يەنە بىر نۇقتا توپ كەلتۈرىدۇ،بۇنى بېكھام ئۇرۇپ كىرگۈزۈپ ئېنگلاند غەلبە قىلىدۇ.بىراق ئوۋېننىڭ ئارگېنتىناغا بولغان سوۋغىسى يەنە داۋاملاشماقتا ئىدى.
2005-يىلى يىل ئاخىرىدا ئېنگلاند بىلەن ئەشەددى رەقىبى ئارگېنتىنا بىر مەيدان دوستلۇق مۇسابىقىسى ئوينايدۇ،ئوۋېن ئەڭ ئاخىرقى 5 مىنۇتتا 2 توپ كىرگۈزۈپ ئەشەددى رەقىبى ئارگېنتىنانى ئۇتىدۇ.
ئوۋېن ئارگېنتىنالىقلارنىڭ قارا چۈشىگەئايلانغان ئىدى.
بۇ مۇسابىقىدىكى يەنە بىر كۆرۈنۈش،ئوۋېن 88-مىنۇتتا 1-توپىنى كىرگۈزگەندىن كىيىن  تەبرىكلىگىلى كەلگەن باشقا سەبداشلىرىغا قاراپمۇ قويماي قۇلىنى كۆتۈرگىنىچە ئوتتۇرا مەيدانغا يۈگرەيدۇ، بۇ يەردە ئۇنىڭغا مۇشۇ ئۇزۇن پاسنى بەرگەن ھەمراھى كۈلۈمسىرىگىنىچە ئۇنىڭغا قاراپ كىلىۋاتقان ئىدى، ئىككىيلەن قۇچاقلاشقىنىچە تەبرىكلىشىدۇ، بۇ باشقا بىرى بولماستىن دەل جېرراد ئىدى.

⑻      2009.09.20    مانچېستېر بىرلەشمىسى 3:4 مانچېستېر شەھىرى
گەرچە مانچېستېردا مەيدانغا چىقىش پۇرسىتى جىق بولمىسىمۇ ئوۋېن ئالۋاستى مەستانىلىرىغا ئۇنتۇلغۇسىز مىنۇتلارنى ئاتا قىلغانىدى،  بۇنىڭ بىرى ئۇزغۇنلۇقتا قالپاق كىيىش، يەنە بىرى بولسا بۇ مەيدان مۇسابىقە ئىدى.
بۇ مەيدان دېربىنىڭ 90-مىنۇتىدا بېلامى بىر توپ ئۇرۇپ شەھەرلىكلەر نەتىجىنى 3:3 قىلىپ تەڭلەشتۈرىۋېلىپ ئالۋاستى مەيدانىدىن بىر نۇمۇر ئېلىپ قايتىدىغان بولدۇق دەپ خوشاللىققا چۆمگەن پەيتتە ئوۋېن «فۇرگېسې ۋاقتى»،يەنى مۇسابىقىنىڭ ئەڭ ئاخىرقى مىنۇتى بولغان 96-مىنۇتتا گىگىسنىڭ پېسىنى ئېلىپ چەكلەنگەن رايۇنغا كىرىپ شەھەرلىكلەرنى بوغۇزلىۋەتتى،پۈتۈن مەيدان قاينام-تاشقىنلىققا چۆمدى...

Ⅳ ئائىلە ئەھۋالى
ئايالى___لۇيىس____（Louise Bonsall）
چوڭ قىزى ____جېمما______（Gemma Rose Owen）  تۇغۇلغان ۋاقتى : 2003-يىلى 5-ئاينىڭ 1-كۈنى        
ئوغلى_____جامېس ______（James Michael Owen） تۇغۇلغان ۋاقتى : 2006-يىلى 2-ئاينىڭ 7-كۈنى        
ئوتتۇرانچى قىزى____ئېملي____（Emily May Owen）    تۇغۇلغان ۋاقتى : 2007-يىلى10-ئاينىڭ29-كۈنى        
كىچىك قىزى_____جېشكا_____（Jessica Louise Owen）   تۇغۇلغان ۋاقتى :2010-يىلى2-ئاينىڭ26-كۈنى        

ئوۋېننىڭ مۇھەببەت كەچۈرمىشى ئىنتايىن ئاددى ۋە تەسىرلىك. ئايالى لۇيىس بىلەن يەسلىدە تۇنۇشقان بۇلۇپ 16 ياشقا كىرگەندە رەسمى ئارىلاشقان.
ئايالى لۇيىسنى ئەسلەپ ئوۋېن مۇنداق دەيدۇ : « ئىنتايىن كىچىك چېغىمىلا ئۇنى تۇنۇيتتۇم، بىز ئوخشاش كۈندە يەسلىگە كىرگەن،بەلكىم كىچىكىمىزدىنلا ئالاھىدە بىر ھىسيات بولسا كېرەك. نۇرغۇن يىللاردىن بېرى بىز قىلچىمۇ ئايرىلمىدۇق،مەن تولۇق ئوتتۇرىدىن قايتىپ كەلگەندە ( ئوۋېن تولۇق ئوتتۇرىنى ۋېلشى دا ئوقۇپتىكەن) ئۇنىڭ مىنى ياخشى كۈرىدىغانلىقىنى ھېس قىلدىم،چۈنكى ئۇ ئاپتۇبۇستا كىچىك سىڭلىمغا ئۇچراپ مىنىڭ ئەھۋالىمنى سوراپتىكەن. بىر كۈنى كەچتە مەن ئۇنى ئۇچراتتىم، ئۇ مىنىڭ تەلىپىمگە ماقۇل بولدى.»
  2003-يىلى 5-ئاينىڭ 1-كۈنى ئوۋېن بىلەن لۇيىسنىڭ تۇنجى قىزى جېمما دۇنياغا كەلدى.
2005-يىلى 6-ئاينىڭ 25-كۈنى چېسىت شەھىرىنىڭ ئەتراپىدىكى بىر 4 يۇلتۇزلۇق مىھمانخانىسىنىڭ ئايرىمخانىسىدا ئوۋېن ئايالى لۇيىس بىلەن توي مۇراسىمى ئۆتكۈزدى، مۇراسىم ئىنتايىن ئاددى ئۆتكۈزۈلگەن بۇلۇپ ئارانلا 10 نەچچە مىھمان چاقىرىلغان ئىدى.


ئوماق قىزىغا دائىر كىچىك كۆرۈنۈش:
ئوۋېن 2006-يىلى دۇنيا لوڭقىسىدا يارىلانغاندىن كىيىن گېرمانىيىدە تۇرۇپ قىزىغا تىلفۇن قىلغان، ئوۋېن ئەمدىلا گەپ باشلىشىغا بۇ ئوماق قىز «دادا، مەن كارتون فىلىم كۆرىۋاتاتتىم،كىيىن پاراڭلىشايلى»  دىگەن.

يەنە بىر قېتىم قىزى ئوۋېن بىلەن پاراڭلىشىپ ئولتۇرۇپ،«دادا،مەن سىنىڭ مۇسابىقىدە خەقنى ئىتتىرىۋەتكىنىڭنى كۆردۈم ،بۇنداق قىلساڭ بولمايدۇ» دىگەن.

Ⅴ ئوۋېنغا مۇناسىۋەتلىك فىلىملەر
1.لىۋېرپولدىكى 10 توپى  

2.لىۋېرپولدىكى توپ كىرگۈزگەن كۆرۈنۈشلىرى

3.لىۋېرپولدىكى 100 توپلۇق خاتىرە فىلىمى

4.مانچېستېردىكى بارلىق توپى

5.دۆلەت كوماندىسىدىكى 40 توپى

6.ئوۋېنغا بېغىشلانغان فىلىىم___ھېلىمۇ ئىسىمدە

7.ئوۋېنغا بېغىشلانغان فىلىم___خەير-خوش،دۇنيا لوڭقىسى

8.    2006-يىلىدىكى دۇنيا لوڭقىسىدىكى يارىلىنىشنىڭ پۈتۈن كۆرۈنۈشى

9. ئوۋېن تونۇشتۇرۇلغان فىلىم




خاتىمە:
شۇنداق قىلىپ ئوۋېن چىكىندى، مەستانىلەرگە نۇرغۇنلىغان ئۇنتۇلغۇسىز ئەسلىمىلەرنى قالدۇرۇپ كەتتى،بۇ ئەسلىمىلەر ئۇنى ياخشى كۆرىدىغان مەستانىلەرنىڭ زور بايلىقى بۇلۇپ ئۇلارنىڭ قەلبىدە مەڭگۈ ئورناپ قالغۇسى.

ئاخىرىدا ئوۋېننىڭ بۇندىن كىيىن ئۆزى ياقتۇرىدىغان قىزىقىشلىرىنى داۋاملاشتۇرۇپ ئۆيىدىكىلەر بىلەن تۇرمۇشتىن ياخشى بەھىرلىنىشىنى ئۈمىد قىلىمەن!

ھايات داۋاملىشىۋېرىدۇ، رەخمەت ساڭا «ئالتۇن ئۆسمۈر»، سەن بىزنىڭ قەلبىمىزدە «مەڭگۈ ياش»!

يىتۈك

مەن تۇنىجى بۇلۇپ تونىغان پۇتبولچىرەخمەت سىزگە چوقۇم تەپسىلىي ئوقۇپ چىقىمەن

ھەسەنشاش

ئىلمىي ماقالىدەكلا چىقىپتۇغۇ ... بارىكاللا .............

نىكى

نادىر بولۇشقا لايىق تىما

تەنتەربىيە

ئىنىگىلاد توپچىلىرى ئارسىدا 1-بۇلۇپ ياقتۇردىغىنىم دەل-ئوۋىن ! كەمتەر ، سۈرئەت دىگەن بوراندەك بار ئىدى.
ئەپسوس يارلىنىش كەسپىي ھاياتىنى داۋاملاشتۇرۇشقا پۇرسەت بەرمىدى.
ھە راسىت   ئوۋىننى ئون چوڭ داڭلىق قىمارۋاز پۇتبولچىنىڭ بىرنچسى دەيىدىغۇ! بۇلۇپمۇ مۇشۇ ئات بەيىگسى مۇسابىقسىنىڭ پايچىكىنى قاتتىق ئوينايىدۇ دەيىدۇ! ئات بەيگىسىگە دو تىكشىكىلى شياڭگاڭغا كۆپىرەك كىلدىكەن

سۈبھى

پورتۇگالغا ئۇرۋەتكەن توپى مەن ئۆمرۈمدە كۆرگەن ئەڭ چىرايلىق توپ!

بىلگىيار

چىملىقتىكى ئەينەك چولپان ئىنگىلاندنىڭ ۋەقىللىك چولپانلىرىدىن بىرسب

missi2

بۇ تېمىنى تېخىچە نادىرلىماپتۇغۇ؟  ناھايتى ئەتراپلىق، سىستىمىلىق شەرھىلەپتۇ
ئوۋىن ئىنگىلانىد تارىخىدىكى داڭلىق ھۇجۇمچىلارنىڭ بىرى

مادرد0908

ئاجايىپ ئىسىل ھۇجۇمچى بۇ

王子

  مۇشۇ ئوۋېن مەن كىچىك ۋاقىتلىرىمدا تۇنۇغان چولپانلارنىڭ بىرى !...
   مۇشۇ ئوۋېن بىلەن بېكخامغا بەك ئامراقتىم !..

schweinsteiger

نادىر  تېما  قۇلىڭىزغا دەرت بەمىسۇن ......

مۇزات

رونالدودىن قالسىلا ئەڭ ياقتۇرىدىغان ھۇجۇمچى مۇشۇ ئىدى ، سۈرئەت دىگەن ئالامەت تېز ، پۇرسەت تۇتۇشىغا گەپ كەتمەيدۇ ، يارىلىنىش ...
بىرازىلىيەگە ئۇرغان بىر توپى بارتىغۇ ، بىرازىليە 2---1 ئۇتقان .