ئەسسالامۇ ئەلەيكۇم مۇنبەر ئەھلى :
مۇشۇ مۇنبەر باشلىقى بولغاندىن باشلاپ تۈزۈك تېما يېزىشمۇ تۈرلۈك سەۋەبلەر تۈپەيلى نىسىپ بولماي كەلگەنىدى . بىر زامانلاردا مۇنبىرىمىزدىكى باگگىئو ( ي ي قانىلىدىكى ئىسمى بوران ) نىڭ ماتتىريال مەنبەسى بىلەن تەمىنلىشى نەتىجىسىدە ئىسپانىيە بىرلەشمىسىدىكى بېلباۋ رىقابەت بىلەن باسىك مىللىتى ھەققىدىكى مەزمۇنلارغا ئېرىشكەن ئىدىم . بۇنىڭمۇ مانا بۈگۈن سائىتى توشقان بولسا كېرەك . شۇڭا ھوزۇرۇڭلارغا سۇندۇم ، ئەسلى مەنبەنى ئەڭ زور چەكتە ئۆز تىلىمغا ئايلاندۇرۇپ يېزىشقا تىرىشتىم ، بىراق تارىخى مەزمۇنلار ۋە بىر قىسىم يەر جاي ، شەخىس ئىسىملىرىنىڭ بەيدۇ ۋە wikipidea لاردا ئاساسەن ماتتىريالى بولماسلىق تۈپەيلى تېمىدا خېلى يىتەرسىزلىكلەر مەۋجۇت بۇلىشى تەبئىي . شۇنداق بولسىمۇ نەزىرىڭلارنى تۆۋەندىكى قۇرلارغا ئاغدۇرلايسىلەر :
ئەجەپ ۋاقىت ۋە زېھنىم كەتتى دىسە ماۋۇ تېمىغا ... 
2012 – يىلى << باسىك ئەركەك شىرى >> ئاتلىق كۇلۇپ بىلباۋ رىقابەت << ساپ قانداشلىق >> توپچىلارنى چاقىرتىپ Cantera سىياسىتىنى خاتىرلىدى .
ئەمىليەتتە بېلباۋ رىقابەت بۇ ئەسىردىكى ھەقىقىي تۈردىكى ئېتقاد ۋە مەدەنيەتنىڭ يۇقىرى پەللىسىگە يەتكەن كوماندا دەپ قارىلىدۇ . باسىك مىللىتىدىكىلەرنىڭ قارىشىدا Cantera بولسا باسىكلارنىڭ مىللى مۇستەقىللىقى بىلەن بىرلىكتە مەۋجۇت بۇلۇپ تۇرىدىغان بىرخىل سىياسەت . بېلباۋ رىقابەت بۈگۈنكى دەۋىر پۇتبولچىلىق ساھەسىدىكى چىپا گۈلى (بۇ بىرخىل گۈل بۇلۇپ ئامالسىز خەنچە ئاتلىشى ئېلىندى ) ھېسابلىنىدۇ . ھەتتا ئەنگىلىيەنىڭ ھېچكىمگە يۈز قارىمايدىغان ئەڭ شەپقەتسىز دەپ قارىلىدىغان ئاخبارات ۋاستىلىرىمۇ Cantera سىياسىتىنى ماختاپ كۆككە كۆتۈرۋەتكەن .
Cantera سىياسىتى
<< بېلباۋ رىقابەت بىر مۆجىزە ، ئەلۋەتتە بۇلارنى تەڭرى ئاتا قىلغان مۆجىزە دەپ قاراش تامامەن مۇمكىن (بۇ يەردىكى ئىبارىلەر تەرجىمىدە مۇشۇنداق ئېلىندى ، ئېزىپ كەتكەن بولسام ئىگىسى كەچۈرگۈچى ) >> باسىكلارنىڭ توپ مەستانىلىرى پەخىرلىنىپ مۇشۇنداق ئاتاشنى ئۆزىگە ئادەت قىلىۋالغان . 1928 – يىلى ئىسپانىيە بىرلەشمسى بارلىققا كەلگەندىن تارتىپ تاكى بۈگۈنگىچە مادىرىد ، بارسادىن باشقا پەقەت بېلباۋ رىقابەت كوماندىسىلا دەرىجە چۈشۈپ كىتىشنى بېشىدىن كەچۈرمىگەن كوماندا ھېسابلىنىدۇ . ئۇلار بۈگۈنگىچە جەمئىي 8 قېتىم ئىسپانىيە بىرلەشمىسىنىڭ چېمپىيۇنلىقىنى قولغا كەلۈرگەن . ھەتتا تارىختا 1930 – يىلى 12 :1 نەتىجە بىلەن بارسىلونا كوماندىسىنى دەھشەتلىك قىرغىن قىلغان ، بۇلار باسىكلارنىڭ مەستانىلىرى ئۈچۈن ھەقىقەتەن پەخىرلەنگۈدەك بىر ئەسلىمە .
Cantera سىياسىتى ئىلگىرى بېلباۋ رىقابەت كوماندىسى ئۈچۈن مىسلىسىز گۈللىنىش پۇرسىتى ئېلىپ كەلگەن . 1920 – يىلى ئانتۋېرپ ئولىمپىك تەنھەركەت يىغىنىدا ئىسپانىيە كوماندىسىنىڭ 21 نەپەر ئەزاسىنىڭ ئىچىدە 14 نەپىرى باسىك مىللىتىدىن بولغان ، ھەتتا << كىچىك كەپتەر >> دەپ نام ئالغان مورېنونى ھەم ئۆز ئىچىگە ئالاتتى . Cantera سىياسىتىنىڭ ئەسلى ماھىتى يەرلىك توپچىلارنى نىشان قىلىپ تەرەققى قىلدۇرۇش بۇلۇپ ، ئىلگىرى بۇ سىياسەتنى مادىرىد ، باسىلونا ۋە ئىسپانىيول قاتارلىق كۇلۇبلارمۇ قوللىنىپ باققان . كېيىنچە فىرانسىسكو فىرانكونىڭ ھاكىممۇتلەقلىقى سىياسىتى تۈپەيلى باسىك مەدەنىيىتى مەنئىي قىلىنىپ بۇ مەدەنىيەت ئاقىۋەتتە قوغدىلىش مەدەنىيىتى ۋە ساپ قانلىق بۇلۇشنىڭ قۇرالىغا ئايلىنىپ قالدى . (بۇ جاي سەل چۈشىنىسكز بۇلۇپ قالدى ، سەۋىيەم چەكلىك بولغاچقا ئۆزرە ) . ئەكىسچە ، ئىككىنجى دۇنيا ئۇرۇشىدىن كېيىن ئىسپانىيە بىرلەشمىسىدىكى ھەربىر كۇلۇپ 3 نەپەر چەتئەللىك توپچىلارنى كىرگۈزۈشكە رۇخسەت قىلىنغانلىقى ئۈچۈن مادىرىد فىرانكونىڭ قوللىشىدىن پايدىلىنىپ كۆپلەپ قوش دۆلەت تەۋەلىكىگە ئىگە توپچىلارنى كىرگۈزۈپ يەرلىك توپچىلارنىڭ ئورنىغا دەسسەتتى . مانا بۇ خىل ھالەت باسىك مىللىتىنى توپتوغرا 30 يىللىق ئىزىش ھالىتىنى شەكىللەندۈرگەنىدى .
بېلباۋ رىقابەت كوماندىسىدا چەتئەللىك توپچىلار يوق بۇلۇشتىن سىرت يەنە باسىك مىللىتىدىن بولمىغان ئىسپانىيەلىك توپچىلارمۇ يوق ئىدى . فىرانسىيە دۆلەت كوماندىسى توپچىسى لىزارازۇ مۇ بېلباۋ رىقابەت كوماندىسىدا توپ تەپكەن بۇلۇپ سەۋەبى گەرچە ئۇ چەتئەللىك بولسىمۇ بىراق باسىك مىللىتىدىن ئىدى . ئەينى چاغدا بېلباۋ يەرلىك بىر ئاخبارات ئورگىنى خەلىق رايىنى سىناش ئېلىپ بارغان نەتىجىدە 76 پىرسەنىت باسىك مىللىتىدىن بولغان كىشىلەر بۇ سىياسەتتىن ۋاز كەچمەيدىغانلىقىنى بىلدۈرگەن . ئۇلار ھەتتا دەرىجە چۈشۈپ كەتسىمۇ بىرمۇ باسىك مىللىتىدىن بولمىغان توپچىنىڭ سانمامېس پۇتبول مەيدانىنىڭ چىمىغا دەسسىشىگە يول قويمايدىغانلىقىنى بىلدۈرۈشكەن .
باسىكلار ئىسپانىيە پۇتبول ئۇسلۇبىنىڭ ئاساسىنى ياراتقان
باسىكلار ئىسپانىيە پۇتبولچىلىقىنىڭ بىخ ھالىتىگە نىسبەتەن ناھايتى مۇھىم ۋە ھەل قىلغۇچ رول ئوينىغان دىيىشكە بۇلىدۇ . ئىسپانىيە بىرلەشمىسى باشلىنىشتىن بۇرۇن شاھلىق لوڭقىسى ئىسپانىيە ئۈچۈن ناھايتى زور ئىش ھېسابلىناتتى شۇنداقلا باسىكلار بىلەن كاتالۇنىيەلىكلەرنىڭ جېڭى دەپمۇ قارىلاتتى . 1901 - يىلدىن 1936 - يىلغىچە بولغان ئىسپانىيە ئىچكى ئۇرۇش مەزگىلىدىن بۇرۇن بېلباۋ رىقابەت 13 قېتىم ئىسپانىيە شاھلىق لوڭقىسىنىڭ شاھىدى بولغان . 4 قېتىم ھەل قىلغۇچقا كىرىش قەدىمى ھېچبىر رەقىبسىز ھالەتتە كىرگەن دىيىشكىمۇ بۇلاتتى . 1920 - يىلى ئانتۋېرپ ئولىمپىك يىغىنىدا ئىسپانىيە ئىككىنجىلىككە ئىرىشىدۇ ، بۇ ۋاقىتتا كوماندىدىكى ئاسالىق كۈچ يەنىلا باسىك مىللىتىدىن ئىدى . 1921 - يىلى ھەر ھەپتىسىگە 1000 پېزېتا (قەدىمكى ئىسپانىيىنىڭ پۇل بىرلىكى) مائاش ئالىدىغان بېلباۋ رىقابەتنىڭ ئەنگىلىيەلىك تېرىنىرى بانتىرات (توردىن بۇ ئادەمنىڭ ئىسمىغا مۇناسىۋەتلىك ھېچبىر ماتتىرىيال تاپالماي ، ئۇدۇللا مۇشۇنداق ئالدىم) ئۆزى بىر قوللۇق ھازىرقى ئىسپانىيە كوماندىسىنىڭ ‹‹ تۇيۇقسىز توپ چىقىرىش (بۇنىمۇ مۇشۇنداقلا ئالدىم ، كاللامغا ھېچ باشقا ئاتالغۇ كەلمىدى ) ، توپ كونتىرول قىلىشتا ئالاھىدە ئۈستۈنلۈكنى ساقلاش›› تەك ئويناش ئۇسلۇبىنى بارلىققا كەلتۈرگەن .
1928 - يىلى تۇنجى قېتىم يولغا قۇيۇلغان ئىسپانىيە بىرلەشمىسى ‹‹ باسىك بىرلەشمىسى ›› دەپ قارالسىمۇ ھېچبىر غۇلغۇلا قوزغىمايدىغان ھالەتتە ئىدى . چۈنكە بىرلەشمە مۇسابىقىگە قاتنىشىدىغان 10 كۇلۇبنىڭ ئىچىدە 4 كۇلۇپ باسىك رايونىدىن ، قاتناشقان توپچىلارنىڭ 56 پىرسەنتى باسىك مىللىتىدىن ئىدى . ئىسپانىيە بىرلەشمىسىنىڭ تۇنجى توپىنى ئۇرغان كىشىمۇ دەل شۇ باسىك مىللىتىدىن ئىدى . 1953 - يىلى ئىسپانىيە پۇتبولچىلار بىرلەشمىسى 1910 - يىللىاردا ئۆتكەن بېلباۋ رىقابەتنىڭ مەرگىنى مورېنونىڭ ‹‹باچكا ›› دىگەن لەقىمىنى قوللىنىپ ئىسپانىيە بىرلەشمىسىنىڭ ئالتۇن كەش مۇكاپاتىنى تەسىس قىلغان . ھالا بۈگۈنگە كەلگەندە باسىكلارنىڭ ئىسپانىيە بىرلەشمىسىدە ئىگەللىگەن نىسبىتى ئاران 8 پىرسەنىتكە چۈشۈپ قالدى . بىراق بۇنىڭلىق بىلەن ئۇلارنىڭ ئىگىرىگە ھەرگىز كۆز يۇمۇشقا بولمايدۇ .
لېزاما ئەمىليەتتە ‹‹ساپ قانداشلىق ›› پۇتبولدىن ئىبارەت
ئۆزى قان ياساش - بۇ سۆزنى پۇتبولغا تەتبىقلىساق ياشلار بازىسىغا ئالاھىدە كۆڭۈل بۈلۈش دىگەندىن ئىبارەت . بېلباۋ رىقابەتنىڭ ياشلار بازىسى ‹‹ لېزاما ›› دەپ ئاتىلاتتى . بۇ ياشلار بازىسىنىڭ نامى ئىسپانىيىدە ھەتتا لاماسىيە ياشلار بازىسىدىنمۇ بەك داڭلىق .
بېلباۋ رىقابەت كوماندىسىنىڭ تەنتەربىيە باش نازارەتچىسى يىرۇتا ئىپادە بىلدۈرۈپ : ‹‹ بىزنىڭ كۇلۇب يولغا قۇيۇپ كېلىۋاتقان باسىك سىياسىتى كۇلۇبقا نىسبەتەن نۇرغۇن قولايسىزلىقلارنى ئېلىپ كەلدى دىيىشكە بۇلىدۇ ، بىراق بىز باسىكلارنىڭ قان سېستىمىسىغا تەۋە بولغان ياشلارنى كۆپلەپ تەربىيلەشكە تىرىشىمىز ، مەيلى قانداقلا نەتىجە يۈز بىرىشىدىن قەتئىينەزەر بىز بۇ سىياسەتتىن ھەرگىز ۋاز كەچمەيمىز ، بىز نىمىلا بولمىسۇن ساپ قانلىق بۇلۇشنى قوللاپ كەلدۇق ، لېزاما ياشلار بازىسىدىن چىققان ياش نوتىلار ئەڭ بولمىغاندا ئەڭ زور چەكتىكى كۆرەش قىلىش روھىغا ئىگە ›› دىگەنىدى .
لېمازا ياشلار بازىسى ئەڭ دەسلەپ قاپقىچى تەربىيلەش بىلەن نام چىقارغان . تارىخنىڭ ھەر قايسى يىللىرىدىكى ئىسپانىيە دۆلەت كوماندىسىنىڭ قاپقىچىلىرىغا نەزەر سالىدىغان بولساق : 50 - يىللاردىكى ساگدىن (بۇمۇ ئامالسىز مۇشۇنداق تەرجىمە قىلىندى ) ، 80 - يىللاردىكى ئاركونادا ۋە 90 - يىللاردىكى زۇببىزارېتا قاتارلىقلار باسىكلارنىڭ ئىسپانىيە دۆلەت كوماندىسىنىڭ ۋاراتار سېپىدىكى ئورنىنى نامايەن قىلغان . 16 ياشقا كىرىپ 289 كۈنلۈك بولغان مۇنىيا ئىسپانىيە بىرلەشمىسىدە ئەڭ كىچىك توپ ئۇرغان توپچىمۇ دەل مۇشۇ باسىكلاردىن ئىدى . ئۇ 1.68 مىتىر بويى بىلەن ھازىرقى قاتىل ھۇجۇمچى مېسسىنىڭ ئىز باسارى دەپ قارىلىدۇ . مۇنىيا 2011 - يىللىق ياشلارنىڭ ياۋروپا ئۇزغۇنلۇق مۇسابىقسىدە چېمپىيۇن بولغان ئىسپانىيە u21 ياشلىقلار كوماندىسىنىڭ يادرولۇق ئەزاسى ئىدى .
بېلباۋ رىقابەت ئەزەلدىن باشقا كۇلۇبلار تەرىپىدىن تالان تاراج بۇلۇپ كىتىشتىن قورقمايدۇ ، ئۇلار ئۆزلىرىنىڭ ئەتراپىدىكى يۈزلىگەن كۇلۇبلار بىلەن ھەمكارلىق مۇناسىۋىتى ئورناتقان بۇلۇپ ، ھەر ھەپتىسى 11 - 18 ياشقىچە بولغان نۇرغۇن ئۆسمۈرلەر لېمازا ياشلار بازىسىنىڭ دەرۋازىسىدىن كىرىپ بۇ يەردە كەسپىي پۇتبولچى بۇلۇش ئارزۇسى ئۈچۈن تىرىشماقتا . دەل مۇشۇ ياشلار بازىسى بېلباۋ رىقابەت كۇلۇبى ئۈچۈن يىلىغا نەچچە ئون مىليون ياۋرو كىرىم قىلىدۇ . بۇنىڭدىن باشقا يەنە بېلباۋ رىقابەت كۇلۇبىنىڭ يەتتە جايدا كىچىك لېمازا بازىسى بۇلۇپ بۇلار بىر تورلاشقان ياشلار بازىسىنى شەكىللەندۈرگەن .
يوتقان كىرلىكى جېڭى ، تىتانىك ناملىك پاراخوت
گەپ بۇ يەرگە كەلگەندە كۆپىنچە مەستانىلەر گاڭگىراپ قېلىشى مۇمكىن ، قېنى دىققىتىڭىز تېمىنىڭ داۋامىدا بولسۇن ، يېڭىلىقلار داۋاملىق ھۇزۇرۇڭلاردا ...
ھەر ئىككى كۇلۇبنىڭ كىيمى ئاق قىزىل بالداق رەڭدىن تەشكىللەنگەن بولغاچقا ، بۈگۈنكى كۈندە بۇلارنىڭ مۇسابىقىسى ‹‹ يوتقان كىرلىكى دېربىيسى ›› دەپ ئاتالغان . بۇ دەل 100 يىل بۇرۇنقى تىتانىك ناملىق پاراخوت بىلەن مۇناسىۋەتلىك .
1898 - يىلى بېلباۋ رىقابەت كۇلۇبى قۇرۇلغان دەسلەپكى مەزگىلدە ، كۇلۇبنىڭ كىيمى كۆك-ئاق بالداق رەڭلىك ئىدى . 1909 - يىلى روژىستوۋ بايرىمىنىڭ ئارام مەزگىلىدە بېلباۋ رىقابەت كۇلۇبىنىڭ يوھان . ئىرود ئىسىملىك بىر نەپەر توپچىسى ئارام كۈنلىرىنى ئۆتكۈزۈش ئۈچۈن ئەنگىلىيەگە كېلىدۇ ، بۇ ۋاقىتتا ئۇنىڭ ئۇچىسىدا كۇلۇبنىڭ شۇ ۋاقىتتىكى كىيمىگە ماس ھالدا كۆك-ئاق بالداق گەزمال كىيىم بار ئىدى . 10 نەچچە كۈنلۈك ساياھەت جەريانىدا ئۇنىڭ يېنىدا نە پۇل نە بىر قايتىپ كەتكۈدەك ئىقتىسادى ئۈنۈم ياراتقۇدەك نەرسە قالمىغانلىقتىن ئاخىرى ئامالسىز جەنۇبى ئامپىتۇن پورتىدىن دۆلىتگە قايتىشقا مەجبۇر بۇلىدۇ . دەل بۇ ۋاقىتتا جەنۇبى ئامپىتۇن پورتى تارىختىكى نامى ھەممەيلەنگە تۇنۇشلۇق بولغان ‹‹ تىتانىك ›› ناملىك پاراخوتنى يولغا چىقىرىش خىزمىتىنى تىرىشىپ ئىشلەۋاتقان ئىدى . بۇ ۋاقىتتا شەھەر باشلىقىنىڭ چاقىرىقى بىلەن ئامپىتۇن شەھرى ئاھالىلىرى ئاق -قىزىل رەڭلىك بايراقنى (بۇ بايراق ئەنگىليەنىڭ ئەڭ چوڭ تىرانسىپورت شىركىتى بولغان ئاق يۇلتۇز يۈك تىرانسىپورت شىركىتىنىڭ سىموۋلى بولسا كېرەك ) پۈتۈن شەھەرگە ئېسىپ ئاجايىپ بىر مەنزىرە شەكىللەندۈرگەن ئىدى . بۇ پاراخوتنى يولغا چىقىرىش مۇناسىۋىتى بىلەن ۋەتىنىگە قايتىش پۇرسىتىگە ئېرىشكەن بۇ توپچى 50 فونىستىرلىڭ پۇل تېپىپ ئۆزىگە بىر قۇر بايراقنىڭ ماتتىريالىدىن كىيىم سېتىۋېلىپ ۋەتەنگە قايتماقچى بۇلىدۇ . ئۇ ۋەتىنىگە قايتقاندىن كېيىن بۇ كىيىمنىڭ سۈپىتىگە كۇلۇبنىڭ رەئىسى ئالاھىدە قىزىقىپ قېلىپ 1910 - يىلدىكى مۇسابىقە پەسلىدىن باشلاپ مەزكۇر رەخىتتىن كوماندىنىڭ كىيمىنى ئالاھىدە بۇيرۇتۇپ توپچىلارغا كەيدۈرىدۇ . بۇ رەڭ دەل مۇشۇ ۋاقىتتىن باشلاپ بېلباۋ رىقابەت كۇلۇبىنىڭ سىموۋۇل خارەكتىرلىك كىيمىنىڭ رەڭگى بۇلۇپ تاللىنىدۇ . قىسقىغىنە 1 يىلدىن كېيىن بۇ توپچى مادىرىد رىقابەت كۇلۇبىغا يۆتلىكىدۇ . ( بۇ يەرگە كەلگەندە بېلباۋ رىقابەت بىلەن مادىرىد رىقابەت ھەققىدىكى قىسقىچە مۇنۇ بىلدۈرگۈنى قۇشۇپ قويماقچىمەن : مادىرىد رىقابەت كۇلۇبى ئەڭ دەسلەپتە مۇستەقىل كۇلۇب بولماستىن بەلكى بېلباۋ رىقابەت كۇلۇبىنىڭ مادىرىد شەھرىدىكى تارماق كوماندىسى ھېسابلىناتتى ، 1903 - يىلىغا كەلگەندە بۇ كۇلۇب مۇستەقىل كۇلۇب بۇلۇپ قۇرۇلغان ) .
ئۇ مادىرىد رىقابەتكە يۆتكەلگەندىن كېيىن ئېشىپ قالغان 25 يۈرۈش ئاق - قىزىل گەزدىن ئىشلەنگەن كىيىمنى مەزكۇر كۇلۇبنىڭ رەئىسىگە تەقدىم قىلىدۇ ، دەل شۇ ۋاقىتتىن باشلاپ مادىرىد رىقابەتمۇ بۇ خىل رەڭنى كۇلۇبنىڭ كىيمى قىلىپ ئادەتلەنگەن . بۇ كىيىملەر ھېلىھەم مادىرىد رىقابەتنىڭ مۇزىيىدا ساقلىنىپ كەلمەكتە .
2010 - يىلنىڭ بېشىدا ، تىتانىك فوندى جەمىيتىنىڭ رەئىسى ھەر ئىككى كۇلۇبقا ئەينى چاغدىكى بايراقتىن ئىككى يۈرۈش تەقدىم قىلىدۇ . بۇ بايراق ھازىرمۇ خاتىرە بۇيۇم سۈپىتىدە ساقلىنىپ كەلمەكتە .
باسىك ئالتۇن ئۆسمۈرى
گونزالىس 8 ياش ۋاقتىدا بېلباۋ رىقابەتنىڭ ياشلار بازىسىغا قۇشۇلغان . لېمازا ياشلار بازىسىدىن يىتىشىپ چىققان تىپىك ۋەكىللەرنىڭ بىرى بۇلۇپ ھېساپلىنىدۇ . ئۇ 18 ياشقا كىرگەن يىلى بېلباۋ رىقابەت كۇلۇبىنىڭ بىرىنجى سەپ كوماندىسىغا كىرىدۇ . جاپالىق تىرىشچانلىقلار ئارقىلىق ئۇ تۇنجى باسىك مىللىتىدىن بولغان ئالتۇن ئۆسمۈر بۇلۇ قالىدۇ . 2006 - يىلى 7 - ئاينىڭ 11 - كۈنىگە قەدەر ئۇ بېلباۋ رىقابەت كوماندىسىغا ۋاكالىتەن 430 مەيدان مۇسابىقىگە قاتنىشىپ 116 توپ ئۇرغان گونزالىس پۇتبولچىلىق ھاياتىدىن رەسمى خوشلاشقانلىقىنى جاكارلاپ كېيىن كۇلۇبنىڭ ياشلار كوماندىسىغا تېرىنىر بۇلۇپ ۋەزىپىگە قۇيۇلىدۇ .
...
تېمىنىڭ ئاخىرلىشىشى ياخشى چىقمىدى ، داۋاملىق ماتتىريال ئىزدەۋدتىمەن پات يېقىندا داۋامىنى تەھرىرلەيمەن . | 
ۋاقتى: 2013-7-15 22:43:14
تېما كۆتۈرۈش
تېما چوققىلاش
تېما تاقاش
变色卡
ئىگىسى
ۋاقتى: 2013-7-15 22:45:28
