ئۈچ ئاسىيا كۇماندىسى 8 كۈچلۈككە كىردى

تۇمشۇق

ئەسسىلامۇ ئەلەيكۇم !

تۈنۈگۈن ئاسىيا پۇتبولچىلىقى خاتىرلەشكە ئەرزىيدىغان بىر كۈن بولدى . تۈركىيەدە ئۆتكۈزىلگەن U20 دۇنيا لوڭقىسىنىڭ شاللاش  مۇسابىقىسىدە  ئاسىيا دۆلەتلىرى بولغان كورىيە ، ئۆزبىكىستان ۋە ئىراق كۇماندىللىرى قول تۇتۇشۇپ 8 كۈچلۈككە كىردى ، بۇ تۈردىكى مۇسابىقىلەردە ئاسىيادىكى ئۈچ دۆلەت كۇماندىسىنىڭ 8 كۈچلۈككە كىرىشى تۇنجى قېتىملىق ئىش ئىكەن .

كورىيە كۇماندىسى قۇشۇپ بىرىلگەن ۋاقىتتا كولومبىيە كۇماندىسىدىن بىر توپ يەپ تەڭلىشىپ قالغان بۇلۇپ نوقتا توپ جېڭىدە غەلبە قىلىپ 8 كۈچلۈككە كىرگەن . ئۆزبىكىستان كۇماندىسى مۇسابىقە جەريانىدا ئىككى نوقتا توپقا ئىرىشىپ گۇرۇپپا مۇسابىقىسىدە مەغلۇبىيەتنىڭ تەمىنى تېتىپ باقمىغان گىرىتسىيە كۇماندىسىنى 3-1نەتىجە بىلەن مەغلۇپ قىلغان . شۇنىڭ بىلەن گىرىتسىيە كۇماندىسىمۇ مەغلۇبىيەتنىڭ تەمىنى ئاخىرى تېتىغان . ئىراق كۇماندىسى بولسا ۋاراتارنىڭ ئىسىل ئىپادىسىگە تايىنىپ پاراگىۋاي كۇماندىسىنى 1-0نەتىجە بىلەن مەغلۇپ قىلىپ 8 كۈچلۈككە كىرگەن.

تۆت كۈچلۈكنى تالىشىش مۇسابىقىسىدە ئىراق كۇماندىسى بىلەن كورىيە كۇماندىسى تۇتىشىدىكەن ،  بۇ  ئەڭ ئاز بولغاندىمۇ بىر ئاسىيا كۇماندىسىنىڭ 4 كۈچلۈككە كىرىدىغانلىقىدىن دىرەك بىرىدۇ . جوڭگۇ كۇماندىسىنىڭ بۇنداق نەتىجىلەرگە ئىرىشىشىدىن ئۈمىد كۈتۈش ئاسماندىكى غازنىڭ شورپىسىغا نان چىلاپ يىيىش بىلەن باراۋەر ئوخشايدۇ ، بۇلتۇرقى ئاسىيا ياشلار كۇماندىللىرىنىڭ مۇسابىقىسىدە دۆلىتىمىز كورىيە ، ئىراق ۋە تايلاندلار بىلەن بىر گۇرۇپپىغا بۈلۈنگەن بۇلۇپ ئىراق ۋە تايلاندقا ئوخشاشلا 2-1نەتىجە بىلەن ئۇتتۇرۇپ مۇددەتتىن بۇرۇن شاللىنىپ كەتكەن ، كىيىن كورىيە بىلەن ئەھمىيەتسىز بولغان مۇسابىقىنى ئويناپ يەنىلا يېڭىلغان .

تۈركىيەدە ئۆتكۈزۈلگەن بۇ مۇسابىقىدە بۇ ئۈچ ئاسىيا كۇماندىسىنىڭ ئىپادىسى  كىشىنى ھەقىقەتەن قايىل قىلىدۇ . بۇلارنىڭ ئىسىل ئىپادىسى  ئۆتكەن قېتىم دۆلەت كۇماندىمىزنىڭ تايلاند ياشلار كۇماندىسىغا 5-1 بولغان زور نۇمۇر پەرقى بىلەن ئۇتتۇرۇپ ھاقارەتلىك تارىخ ياراتقانلىقىنى كىشىلەرنىڭ ئىسىگە سالىدۇ . دۆلەت كۇماندىسىنىڭ ئەھۋالى ھەقىقەتەن ئادەمنىڭ ئىچىنى ئېچىشتۇرىدىغان ئەھۋالغا چۈشۈپ قالدى . ھازىرقى ۋەزىيەتتە جوڭگۇ كۇماندىسىدىن باشقا بارىلىق ئاسىيا كۇماندىللىرى  ئالغا ئىلگىرلىمەكتە ، ھەتتا ھىندىستانمۇ پۇتبول جەھەتتە ئۈچ يىلدىن بەش يىلغىچە بولغان ئارلىقتا جوڭگۇدىن ئېشىپ كىتىش پىلانىنى ئوتتۇرىغا قويدى . ئۇلار ئاللابۇرۇن كىچىك ئۆسمۈرلەرنى ئىسپانىيەگە تەربىيلىنىشكە ئەۋەتىپ بولدى . 2017-يىلى U17دۇنيا لوڭقىسى مۇسابىقىسىنى ھىندىستاندا ئۆتكۈزمەكچى ، ئالى مەكتەپلەرنىڭ پۇتبول مەيدانلىرىنى سىرىتقا ئېچىۋەتتى . ئۇمۇمەن ئېيتقاندا ھىندىستان پۈتۈن كۈچى بىلەن پۇتبولنى راۋاجلاندۇرۇشقا ئاتلاندى .

مەنبە  : http://sports.sohu.com/20130705/n380809500.shtml

نېھال11

ما ھىندىلار چۇقۇم ئېشىپ كىتىدۇ        قايسى كۈنى بىر ماتېريالدا كۆرۈشۈمچە ئېنگىلاندتا 5تىن 6 گىچە بولغان كۇلۇب  يەنى دەرېجىدىن تاشقىرىدىن تاكى ئا دەرېجىگىچە  ھىندىستانلىق خوجايىن قولىدا ئىكەن  يا بولمىسا شۇنىڭ پايچىكى ئىكەن   شۇڭلاشقا بۇلارمۇ كۇلۇب بازىسىدا  ھىندىستانلىق ئۆسمۈرلەرنى تەربىيلەۋېتىپتۇ
بۇلارنىڭ پۇتبولنى تەرەققى قىلدۇرېشى پۈتۈنلەي ئېنگىلاند ئەندىزىسى بويىنچە بۇلۇۋېتىپتۇ

شاھرۇخ

. ئىراق كۇماندىسى خىلى ئىلگىرلەپتا

nadir0998

بولسا چىمپىيون بولاپ كەتسۇن

رىقابەت

بىزنىڭ ما خەق قاچان ئويغىنا

داۋىس

ئۇرۇش بولغان دۆلەتلەر كىرىپتۇ

يۈكسەل

غەيرەت قىلىڭللا ئۆزبەكلە ۋە ئىراقلىقلا..........

missi2

ئۆزبىك، ئىراق، كورىئانلارنىڭ ئىز باسارلىرى  ئۈزۈلۈپ قالمايدىكەندە

تەنتەربىيە

كورىيەنىڭ ئاخىرىغىچە كۈلۈشىنى ئۈمىد قىلمەن

ئاتىللا

دۆلتىمز ھېلى ياپۇنيە پۇتبۇلدىن ئۇگەنگسى كەلدى ھېلى ئىسپانيەدىن ھېلى گىرمەنيەدىن ئۇگەنگۇسى كەلدى شۇنىڭ بىلەن ھچنمنى باشقا ئېلىپ چقالماي مەغلۇبليەتكە يۇزلەندى .  بۇلار مىللەت روھى ،پۇتبۇل روھى كەمچىل

بەگزات

غەيرەت قىلىڭلا ،مۇسۇلمان قىرىنداشلا.........فىلىم يوقما؟؟؟؟؟؟؟؟؟؟

ئۆركىشى

ئېراقنىڭ   ۋارتاسى  بەك  ئېسىل تۇردىكەن  ،،،،،،،،،،،،،،،