قارغىشنىڭ باش كۆتىرىشى ۋە ھالەك بولىشى

پۇتبول

پۇتبول دۇنياسىدىكى قارغىشنىڭ باش كۆتىرىشى ۋە ھالەك بولىشى

دۇنيا لوڭقىسىدا كىرگۈزگەن توپى 6دىن ئاشماسلىق :
1978-يىلىدىكى دۇنيا لوڭقىسىدىن باشلىنىپ 1998-يىللىق دۇنيا لوڭقىسى ئاياغلاشقۇچە ئېلىپ بېرىلغان 6 نۆۋەتلىك دۇنيا لوڭقىسى پۇتبول مۇسابىقىللىرىدىكى دۇنيا لوڭقىسىنىڭ ئالتۇن كەش مۇكاپاتىغا ئېرىشكەن 6 مەرگەننىڭ ھېچقايسىنىڭ كىرگۈزگەن توپ 6 دىن ئېشىپ باقمىغان. ئارلىقتا 1986-يىلىدىكى دۇنيا لوڭقىسىنىڭ مەرگىنى ئىنگىلاندلىق لىنىكېر بەش مەيدان مۇسابىقىدە 6 توپ كىرگۈزۈپ ئىنگىلاندنى 8كۈچلۈككە ئېلىپ كىرىپ پۇتبول دۇنياسىدىكى بۇ قارغىشقا خاتىمە بەرمەكچى بولدى . بىراق 8كۈچلۈكتىكى رەقىبى ئارگىنتىنا كوماندىسىدىكى مارادونا «تەڭرىنىڭ قولى»ئارقىلىق ئىنگىلاندلىق بۇ ماھىرنىڭ شېرىن چۈشىنى بەرباد قىلدى . لىنىكىردىن كېيىنمۇ ئاز بولمىغان مۇنەۋۋەر مەرگەنلەر يىتىشىپ چىقتى . بىر مەيدان مۇسابىقىدە 5 توپ كىرگۈزگەن روسىيەلىك سالىيەنكو قاتارلىق ... لېكىن ھېچقايسى 6 توپ ئۆتكۈلىدىن ئۆتەلمىدى . پەقەت 21-ئەسىر يېتىپ كېلىپ ئېلىپ بېرىلغان تۇنجى دۇنيا لوڭقىسىدا بىرازىليەلىك رونالدو ئۆزى يالغۇز 8 توپ ئۇرۇپ مەرگەن بولۇپ پۇتبول دۇنياسىدىكى بۇ قارغىشقا خاتىمە بەردى . لېكىن كېيىنكى نۆۋەتلىك دۇنيا لوڭقىسىدىكى گېرمانىيەلىك مەرگەن كلوزمۇ 6 توپ ئۆتكۈلىدىن ئۆتەلمىدى . ئافرىقا دۇنيا لوڭقىسىنىڭ مەرگىنى مۇللېرمۇ 6 توپ ئۆتكىلىدىن ئۆتەلمىدى ... قارىغاندا بۇ قارغىش يەنە داۋاملىشىدىغان ئوخشايدۇ ...

ياۋرۇپا كوماندىللىرىنىڭ قارا تەقدىرى :
18نۆۋەتلىك دۇنيا لوڭقىسى پۇتبول مۇسابىقىسىدا ئىلگىركى كېيىن بولۇپ ياۋرۇپا دۆلەتلىرى 9 قېتىم چىمپىيون بولدى ، جەنۇبىي ئامېرىكا دۆلەتلىرى 9 قېتىم چىمپىيون بولدى . لېكىن ياۋرۇپا دۆلەتلىرى ئالدىنقى 17نۆۋەتلىك دۇنيا لوڭقىسىدا ياۋرۇپا قىئتەسىدىن ھالقىغان باشقا دۆلەتلەردە ئۆتكۈزۈلگەن دۇنيا لوڭقىسىدا چىمپىيون بولۇپ باقمىدى . بىرازىليە بىلەن ئارگىنتىنا ياۋرۇپالىقلارنىڭ بۇ قارغىشنى ئاخىرلاشتۇرىشىدىكى ئۆتمەك قىيىن بولغان بىر توساق بولۇپ قالدى . ياۋرۇپا زىمىدىن ئايرىلغان دۇنيا لوڭقىسىدىكى ياۋرۇپا زەردارلىرى دائىم شاللاش مۇسابىقىللىرىدە موللاق ئاتتى . ياۋرۇپا كوماندىللىرىنىڭ بۇ قارغىشنى ۋەيران قىلىشتىكى ئەڭ يېقىنلاشقان مەزگىلى بولسا 1994-يىلىدىكى ئامېرىكا دۇنيا لوڭقىسى بولۇپ ئىتالىيە كوماندىسى بىرازىليە كوماندىسى بىلەن تاكى 120مىنۇتلۇق مۇسابىقە ئاياغلاشقۇچە تىركىشىپ ئاخىرى نۇقتا توپ جېڭىگە كىرگەن . بىراق تەقدىر ياۋرۇپالىقلارغا يەنە ئېغىر چاقچاق قىلدى . 2002-يىلى ئۆتكۈزۈلگەن دۇنيا لوڭقسىدا ياۋرۇپادىن كەلگەن كۈچلۈك ئىنگىلاند ، گېرمانىيە ، تۈركىيە كوماندىللىرى ئاخىرقى دۈشمەن بىرازىليەنى يوقۇتۇپ قارغىشنى ئاخىرلاشتۇرماقچى بولدى . ئاخىرىدا ھەممىسى بىرازىليەنىڭ قولىدا ھالەك بولۇپ تارىختىكى بۇ ئېچىنىشلىق قىسمىتىنى ئۆزگەرتەلمىدى .بۇ نەچچ يۈز يىلچە داۋاملاشقان قارغىش ئاخىرى 2010-يىلى ئىسپانىيە كوماندىسى تەرىپىدىن ھالەك بولدى . يەنى ئىسپانىيە كوماندىسى ئافرىقا دۇنيا لوڭقىسىدا چىمپىيون بولۇپ ، ياۋرۇپا كوماندىللىرىنىڭ مەھەلىسىدىن باشقا يەردىمۇ چىمپىيون بولالايدىغانلىقىنى ئىسپاتلىدى .

كاردىف مەيدانىدىكى شىمالىي كىيىم ئالماشتۇرۇش ئۆيى :
2000-يىلى 10-ئاينىڭ 7-كۈنى ، ئىلگىرى ئىنگىلاند پۇتبولچىلىقىنىڭ سىموۋلى بولغان ھەيۋەت ۋىمبولى مەيدانىنىڭ شۆھرىتىنى يېڭى ئەسىر كېلىشى بىلەن يېڭىدىن قۇراشتۇرۇلۇپ ياسالغان ۋالىستىكى كاردىف مەيدانى تارتىۋالدى . ئىنگىلاند ئۇيۇشما لوڭقىسىنىڭ ھەل قىلغۇچ مۇسابىقىللىرى ھەم قوشۇمچە مۇسابىقىلەر مانا مۇشۇ مەيداندا ئۆتكۈزىلىدۇ . كاردىف مەيدانىنىڭ بىر داڭلىق كىيىم ئالماشتۇرۇش ئۆيى بار . يەنى شىمالىي كىيىم ئالماشتۇرۇش ئۆيى . بۇ مەيداندا ئېلىپ بېرىلغان 17مەيدان مۇسابىقىدە شىمالىي كىيىم ئالماشتۇرۇش ئۆيىنى ئىشلەتكەن كوماندا 14مەيدان ئۇتۇق 3مەيدان تەڭلىشىشتەك ئالاھىدە نەتىجىگە ئىگە .شۇنىڭ بىلەن ھەرقايسى ئاخبارات ۋاستىللىرىدا بۇ ئىش چوڭ غۇلغۇلا قوزغاپ كەتكەن. ئاخىرى ئىنگىلاند پۇتبولچىلار جەمئىيىتى چەك تارتىش ئۇسۇلى ئارقىلىق مۇسابىقىگە چۈشىدىغان كوماندىلار شىمالىي ۋە جەنۇبىي كىيىم ئالماشتۇرۇش ئۆيىگە تەقسىم قىلىنىدىغان قائىدىنى بېكىتكەن.  2002-يىلىدىكى ئۇيۇشما لوڭقىسىنىڭ ھەل قىلغۇچ مۇسابىقىسىدە لوندوننىڭ جەنۇبىدىن كەلگەن چېلسى كوماندىسى ئىنگىلاند پۇتبولچىلار جەمئىيىتىگە كىيىم ئالماشتۇرۇش ئۆيىنى تەقسىملەشتە تارتىدىغان چەككە نىسبەتەن گۇمانىي قاراشلىرىنىڭ بارلىقىنى ئېيتىپ ئەرز سۇنغان . شۇنداق قىلىپ ئىنگىلاند پۇتبولچىلار جەمئىيىتى ئەنئەنىۋىي ئۇسۇل بولغان تەڭگە تاشلاش ئارقىلىق ھەرقايسى كىيىم ئالماشتۇرۇش ئۆيىگە تەقسىملىنىدىغان كوماندىلارنى بىكىتكەن . نەتىجىدە تەلەيلىك ئارسىنالغا شىمالىي كىيىم ئالماشتۇرۇش ئۆيى چىققان . شۇنداقلا مۇسابىقىدە ئارسىنال 2:0 نەتىجە بىلەن چېلسىنى مەغلۇپ قېلىپ شۇ يىللىق ئويۇشما لوڭقىسىغا ئېرىشكەن . لېكىن بىر يىلدىن كېيىن ئارسىنال جەنۇبىي كىيىم ئالماشتۇرۇش ئۆيىنى ئىشلىتىپمۇ غالىبلار لوڭقىسى ۋە ئۇيۇشما لوڭقىسىغا ئېرىشەلىگەن . شۇنداق قىلىپ شىمالىي كىيىم ئالماشتۇرۇش ئۆيى توغرۇلۇق چىققان ھەرخىل غەيرى قاراشلارمۇ بارا-بارا بېسىقىپ قالغان.

يېڭىلمەسلىك رىكورتىنىڭ بىر ئوربىتىدا ئايلىنىشى :
كاپېللو باشچىلىقىدىكى مىلان كوماندىسى ئالدىنقى ئەسىرنىڭ 90-يىللىرىنىڭ بېشى ئۆزىنىڭ خاندانلىقىنى ياراتتى . بۇ  خاندانلىقنىڭ كىشىنىڭ ئەڭ ھەۋەس قىلىدىغان يېرى بولسا ئۈچ پەسىللىك مۇسابىقىدە ئۇتتۇرماسلىق رىكورتى ، يەنى 58مەيدان بىرلەشمە مۇسابىقىدە ئۇتتۇرمىغان . بۇ بەش چوڭ بىرلەشمىدىكى ئەڭ يۇقىرى رىكورت . بۇ رىكورتنىڭ باشلىنىشى بولسا 91-يىلى 5-ئاينىڭ 26-كۈنى ، 91~92-يىللىق مۇسابىقە پەسىلنىڭ ئەڭ ئاخىرقى مەيدان مۇسابىقىسى يەنى پارما بىلەن 0:0 تەڭلەشكەن مۇسابىقىسى ھېسابلىنىدۇ . شۇ مۇسابىقىدىن كېيىن 57مەيدان بىرلەشمە مۇسابىقىسىدە 39مەيدان ئۇتۇق ، 18مەيدان تەڭلىشىشنى قولغا كەلتۈرگەن . بىراق مىلانلىقلار بۇ رىكورتىنىڭ يەنىلا شۇ پارما تەرىپىدىن ئاخىرلىشىدىغانلىقىنى ئويلاپمۇ باقمىغان بولسا كېرەك . 1993-يىلى 3-ئاينىڭ 21-كۈنى پارما كوماندىسىدىكى فاستىنو سانسىرو مەيدانىدا مىلاننىڭ ئۇتتۇرماسلىق رىكورتىنى ئاخىرلاشتۇرۇپ قويدى . مانا بۇ يېڭەلمەسلىك رىكورتىنىڭ بىر ئوربىتىدا ئايلىنىشى . يەنە گوللاندىيە بىرلەشمىسىدىكى ئاجاكىس كوماندىسى 93~94-يىللىق مۇسابىقە پەسىلدە ۋىلىيام ئىككىنچى دۇنيا كوماندىسىنى ئۇتقاندىن باشلاپ 53مەيدان مۇسابىقىدە ئۇتتۇرمىغان .  پەقەت 96-يىلى 1-ئايغا كەلگەندە ۋىلىيام ئىككىنچى دۇنيا كوماندىسى ئۇلارنىڭ بۇ رىكورتىنى ئۆز قولى بىلەن ئاخىرلاشتۇرۇپ قويغان . يەنە دۆلىتىمىز بىرلەشمىسىدىن دالىيەن ۋەندا كولۇبى 95-يىلى شاڭخەي شىنخۇاغا ئۇتتۇرۇپ قويغاندىن باشلاپ 55مەيدان ئۇتتۇرماسلىق رىكورتى ياراتقان . 97-يىلىغا كەلگەندە يەنە شۇ شاڭخەي شىنخۇا كوماندىسى ئۇلارنىڭ بۇ رىكورتىنى ئاخىرلاشتۇرۇپ قويغان .

غالىبلار لوڭقىسىنىڭ چىمپىيونلىقىنى ھېچكىمنىڭ ساقلاپ قالالمىغانلىقى :
(ئاۋۋال چىمپىيونلۇقنى ساقلاپ قېلىش توغرىسىدا چۈشەنچە: ئالدىنقى نۆۋەتلىك چىمپىيوننىڭ كىلەر نۆۋەت يەنە چىمپىيون بولىشى چىمپىيونلۇقنى ساقلاپ قېلىش دەپ ئاتىلىدۇ) ياۋرۇپا غالىبلار لوڭقىسىنى ئۆتكۈزۈش 1961-يىلىدىن باشلانغان . دەسلەپكە 39يىلدا مۇنداق بىر غەلىتە ئىش ساقلانغان . يەنى ھېچقانداق كوماندا غالىبلار لوڭقىسىنىڭ چىمپىيونلۇقىنى ساقلاپ قالالمىغان . ئالدىنقى نۆۋەتلىك چىمپىيوننىڭ كېيىنكى نۆۋەتلىك ھەل قىلغۇچتا پەيدا بولىشى جەمئىي 7 قېتىم يۈز بەرگەن . لېكىن ھەممىسى مەغلۇب بولغان . 90-يىلىدىن 2000-يىلىغىچە بولغان 10يىلدا غالىبلار لوڭقىسىنىڭ چىمپىيونى ئوخشىمىغان 10كوماندا بولغان . 93-يىلى پارما چىمپىيون بولغان . 94-يىلى ھەل قىلغۇچقا كىرگەن پارما ئارسىنالغا ئۇتتۇرۋەتكەن . ئارسىنال 95-يىلى ھەل قىلغۇچقا كىرىپ ساراگۇساغا ئۇتتۇرۋەتكەن . 96-يىلى پارىژ ساينت گېرمان چىمپىيون بولغان . 97-يىلى يەنە ھەل قىلغۇچقا كىرگەن ، پۈتۈن دۇنيا ئۇلارنىڭ ھەل قىلغۇچتا بارسلونانى مەغلۇپ قىلىپ تۇنجى قېتىم چىمپىيونلۇقنى ساقلاپ قالغان كوماندا بولىشىنى ئارزۇ قىلغان ، بىراق بارسلونادىكى رونالدونىڭ كىرگۈزگەن نۇقتا توپى ئۇلارنىڭ بۇ چۈشىنى بەرباد قىلغان . 1999-يىلىغا كەلگەندە ئىتىپاق لوڭقىسى بىلەن غالىبلار لوڭقىسى بىرلەشتۈرۋىتىلگەن . شۇنىڭ بىلەن بۇ سىرلىق قارغىش ھېچقانداق كوماندا تەرىپىدىن ئاخىرلاشتۇرۇلماي ، كىشىلەرنىڭ ئىسىدە مەڭگۈ قېلىپ قالغان .  

پىلىنىڭ شۇم ئېغىزى :
پۇتبول دۇنياسىدا پىلىدەك«بىر نەرە تارتىپ ئالەمنى مالەم قىلىۋىتىدىغان»كىشىلەرمۇ بار . بىراق ھېچكىم بۇ پۇتبول شاھىنىڭ قابىلىيىتى ۋە مۇۋاپىقىيىتىگە كۆز يۇمالمايدۇ . ئۇ ئىلگىرى پۇت ماھارىتىنىڭ قالتىسلىقى بىلەن دۇنياغا تونۇلغان بولسا مانا ئەمدىلىكتە ئېغىز ماھارىتىنىڭ قالتىسلىقى بىلەن دۇنياغا تونىلىۋاتىدۇ . ھەرقېتىملىق دۇنيا لوڭقىسىنىڭ باشلىنىشىدا ئۇ ھەرقايسى كوماندىلار توغرۇلۇق ئازراق سۆزلەپ قويىدۇ . بىراق ئۇ ھەرقېتىم ياخشى نەتىجە ئالىدۇ دەپ ماختىغان كوماندا ئاقىۋەت مۇسابىقىدە ئېچىنىشلىق ئاقىۋەتكە قالىدۇ . ئۇنىڭ بۇ تەتۈر ئېغىزىنىڭ يۈز بېرىش ئېھتىماللىقى ھەتتا %100كە يېتىدۇ . 94-يىللىق دۇنيا لوڭقىسى باشلىنىشتىن بۇرۇن دۇنيا لوڭقىسى تاللاش مۇسابىقىسىدە ئارگىنتىنا كوماندىسىنى 5:0 نەتىجە بىلەن ئۇتقان كولۇمبىيە كوماندىسىنى پىلى دۇنيا لوڭقىسىدا ياخشى نەتىجە ئالىدۇ دەپ ماختىغان ئىدى . بىراق كولۇمبىيە كوماندىسى دۇنيا لوڭقىسىنىڭ گۇرپا مۇسابىقىسىدىلا شاللىنىپ كەتتى . ھەم ئۆزىگە خائىن توپ ئۇرىۋالغان كولۇمبىيەلىك ماھىر ئوسكوبار دۆلىتىگە قايتقاندا ئەسەبىي مەستانىلەر تەرىپىدىن ئېتىپ ئۆلتۈرۈلدى . پىلىنىڭ شۇم ئېغىزى 1998-يىلىغا بارغاندا ئۆزىنىڭ ۋەتىنىگىمۇ زىيان ئېلىپ كەلدى . پىلى 1998-يىللىق دۇنيا لوڭقىسىنىڭ ھەل قىلغۇچ مۇسابىقىسى باشلىنىشتىن بۇرۇن بىرازىليەنى چىمپىيون بولىدۇ دەپ قارىغان . بىراق بىرازىليە كوماندىسى فرانسىيەگە 3:0 نەتىجە بىلەن ئېچىنىشلىق ئۇتتۇرۇپ دۇنيا لوڭقىسى تارىخىدىكى ئەڭ نۇمۇسلۇق تارىخنى يازدى.  2002-يىللىق دۇنيا لوڭقىسىدا پىلى يەنە قالايمىقان سۆزلەرنى قىلىشقا باشلىدى . ئۇنىڭ قارىشىچە فرانسىيە ياكى ئارگىنتىنا شۇ نۆۋەتلىك دۇنيا لوڭقىسىنىڭ چىمپىيونى بولىدىكەن . نەتىجىدە ئىككىلى كوماندا گۇرپا مۇسابىقىسىدىلا شاللىنىپ كەتتى . ھەل قىلغۇچ مۇسابىقىدە گېرمانىيە بىلەن بىرازىليە ئوتتۇرىسىدا ئېلىپ بېرىلىشنىڭ ئالدىدا بىلى يەنە مۇخبىرنىڭ « سىزنىڭچە قايسى كوماندا چىمپىيون بولىدۇ ؟» دېگەن سۇئالىغا ئۇچراپ قالدى . ئۆزىنىڭ ئېغىزدىن ئەنسىرەپ قالغان پىلىمۇ دۆلىتىنى يەنە نەس باسقۇزىشتىن قورقۇپ مۇنداق جاۋاب بەرگەن : « مەن پەرەز قىلىشنى ياخشى كۆرمەيمەن ، ماڭا پەقەت قىززىغان بىر مەيدان مۇسابىقە بولسىلا بولدى »  . نەتىجىدە ئۇنىڭ شۇم ئېغىزىنىڭ قارغىشىغا كەتمىگەن بىرازىليە گېرمانىيەنى مەغلۇپ قىلىپ بەشىنچى قېتىم دۇنيا چىمپىيونى بولدى.

ئىتالىيە دۆلەت كوماندىسى - قارغىش تەگكەن 17-نۇمۇر :
غەرىبلىكلەر 13دېگەن ساننى ئەڭ يامان كۆرىدۇ . بىراق ئىتالىيەدىكى ئەڭ قارشى ئېلىنمايدىغان سان بولسا 17 دېگەن سان ، 17بولسا خۇددى بىر سېھىرلىك قارغىشقا ئوخشاش ئىتالىيە دۆلەت كوماندىسىغا ئاز بولمىغان زىيانكەشلىكلەرنى قىلغان. 17دېگەن ساننىڭ قارغىشىنى ئەسلەيدىغان بولساق 1986-يىلىدىكى مېكسىكا دۇنيا لوڭقىسىدىن سۆزلەشكە توغرا كېلىدۇ . ئىتالىيە كوماندىسى گۇرپىدىن چىقىپ 16كۈچلۈك كوماندىسىغا كىرگەن بولسىمۇ پۇلاتىنى باشچىلىقىدىكى فرانسىيە كوماندىسىغا 2:0 نەتىجە بىلەن ئۇتتۇرۇپ قويىدۇ . ئىتالىيە مەغلۇپ بولغان ئۇ كۈنى دەل 17-چىسىلا ئىدى . 1990-يىلى ئىتالىيە ئۆزىنىڭ مەھەلىسىدە ئۆتكۈزگەن دۇنيا لوڭقىسى مۇسابىقىسىدە ئۇلارنىڭ چىمپىيون بولۇش ئىرادىسى تولۇپ تاشقان ئىدى . بىراق سىرلىق 17 ئۇلارنىڭ قەدىمىنى يەنە توختۇتۇپ قويدى. ئىتالىيە كوماندىسى يېرىم ھەل قىلغۇچتا ئارگىنتىنا كوماندىسى بىلەن نۇقتا توپ تىپىشىپ نەتىجىنى ئايرىغاندا ئىتالىيە كوماندىسىنىڭ 17-نۇمۇرلۇق ماھىرى دونادونى نۇقتا توپنى كىرگۈزەلمەي ئىتالىيەنىڭ چىمپىيونلۇق چۈشىنى بەرباد قىلدى. كېيىن 17-نۇمۇرلۇق كېيىم ئىتالىيەلىك ماھىرلار ئۆزىنى ئېلىپ قاچىدىغان نۇمۇرغا ئايلاندۇردى. ھېچكىمنىڭ 17-نۇمۇرنى كەيگۈسى كەلمىدى . 94-يىلىدىكى باگىيونىڭ نۇقتا توپ ئۇرالمىغانلىقىنى پۈتۈن كائىنات ھازىرغىچە ئاچچىق ئەسلىمىلەر ئورنىدا ئەسلىشى مۇمكىن . لېكىن كىممۇ ئويلىغان ؟باگىيو نۇقتا توپ ئۇرالمىغان كۈن بولسا دەل 17-چىسىلادۇر . 2002-يىللىق دۇنيا لوڭقىسىدا تومماسى ئىسىملىك بىر ئىتالىيەلىك ماھىر باتۇرلارچە 17-نۇمۇرلۇق كىيىمنى كىيىشنى تاللىدى . بىراق 17نىڭ ئىتالىيەلىكلەرگە سالغان زىيىنى ھەقدادىغا يەتمىگەن بولسا كېرەك .... 16كۈچلۈككە كىرگەن ئىتالىيە كوماندىسى كورىيە بىلەن مۇسابىقىلىشىپ قالدى . 17-نۇمۇرلۇق ماھىر تومماسى مۇسابىقە جەريانىدا كورىيەگە مۇنازىرە تەلەپ قىلمايدىغان چىرايلىق توپتىن بىرنى ئۇردى . بىراق رېپىر بۇ توپنى ئوفسايىت دەپ ھۆكۈم قىلىپ ئىناۋەتسىز قىلىۋەتتى . رېپىر بۇ توپتا ھۆكۈم قىلىشتا خاتالىق ئۆتكۈزگەن ئىدى . شۇنداق قىلىپ ئىتالىيە كوماندىسى يەنە بىرقېتىم 17 تەرىپىدىن يىقىلدى ....

ئىنگىلاندتىكى «مۇنەۋۋەر مەشقاۋۇل»لارنىڭ قارغىشقا ئۇچرىشى
ئىنگىلاند بىرلەشمىسىدە مۇنداق بىر ئەنئەنە بار . يەنى ھەرئايدا «مۇنەۋۋەر مەشقاۋۇل» ، « مۇنەۋۋەر كوماندا» ، «مۇنەۋۋەر ماھىر»لارنى تاللايدۇ . بۇمۇ بىرخىل مۇكاپاتلاش شەكلى . بىراق ئىنگىلاندتىكى مەشقاۋۇللارنىڭ نەزىرىدە بۇ مۇكاپات ھەرخىل ئورۇن تۇتىدۇ . ھېچقايسى مەشقاۋۇل بۇ مۇكاپاتنى ياخشى كۆرۈش ياكى ياخشى كۆرمەسلىكنى بىلمەيدۇ .چۈنكى 01~02-يىللىق مۇسابىقە پەسىلىدىن بۇيان بۇ ئايدا مۇكاپاتقا ئېرىشكەن مەشقاۋۇل كىلەر ئايدا موللاق ئاتىدىغان مۇنداق بىر سىرلىق قارغىش شەكىللىنىپ قالغان . 8-ئايدا مۇنەۋۋەر مەشقاۋۇل بولۇپ باھالانغان ۋىنگىر . 9-ئايدا ئوزغۇنلۇق لوڭقىسىدا ئىنتىرمىلانغا 3:0 نەتىجە بىلەن ئۇتتۇرۇپ قويغان . 9-ئايدا مۇنەۋۋەر مەشقاۋۇل بولغان چېلسىنىڭ مەشقاۋۇلى رانېرى (ھازىر مۇناكۇنىڭ مەشقاۋۇلى) 10-ئايدا ئوزغۇنلۇق لوڭقىسىدا ئاجىز كوماندا بولغان بېشىكتاشقا ئۆزىنىڭ مەيدانىدا ئۇتتۇرۇپ قويغان . ھەمدە ئۇزۇن ئۆتمەيلا ئېلىپ بېرىلغان ئارسىنال بىلەن ئوينايدىغان بىرلەشمە مۇسابىقىسىدىمۇ ئارسىنالغا ئۇتتۇرۇپ قويغان . 10-ئايلىق مۇنەۋۋەر مەشقاۋۇل بولغان نېۋكاستلنىڭ مەشقاۋۇلى روبىنسونمۇ 11- ئايدا 5:0 نەتىجە بىلەن چېلسىغا ئۇتتۇرۇپ قويغان . «مۇنەۋۋەر مەشقاۋۇل»قارغىشى ئەڭ ئېغىر كەلگەن مەشقاۋۇل بولسا غەربىي ھام كوماندىسىنىڭ مەشقاۋۇلى . دەرىجە چۈشۈپ كېتىش تەھتىدىدە قالغان غەربىي ھام كوماندىسى ئۇدا ئۈچ مەيدان غەلبە قىلدى . ھەم غەربىي ھام كوماندىسىنىڭ مەشقاۋۇلى روت شۇ ئايلىق مۇنەۋۋەر مەشقاۋۇل بولۇپ باھالاندى . كىلەر ئايدا ئېلىپ بېرىلىدىغان ئەڭ مۇھىم دەرىجە ساقلاش مۇسابىقىسىدە بولسا بولتون كوماندىسىغا ئۇتتۇرۇپ قويۇپ ، ئاخىرىدا ئېچىنىشلىق ھالدا دەرىجە چۈشۈپ كەتتى . بولتون كوماندىسى بولسا شۇ ئايلىق «ئۈچتە مۇنەۋۋەر»نىڭ ھەممىنى ئالدى . لېكىن كىلەر ئايدا ئۇلارنىڭ ئىپادىسى ياخشى بولدى . چېلسىنى مەغلۇپ قىلدى . ئارسىنال بىلەن تەڭلەشتى . قارىغاندا بۇ قارغىشنى بولتۇن كوماندىسى ئاخىرلاشتۇرغان بولسا كېرەك ...

مىس مىدالنىڭ بەختسىزلىكى
1982-يىلىدىن باشلاپ دۇنيا لوڭقىسىدا ئۈچىنچى بولغان ياۋرۇپا كوماندىللىرىنىڭ ئىككى يىلدىن كېيىنكى ياۋرۇپا لوڭقىسىدىكى كاج تەلىيى ناھايىتى ئۇزۇن داۋاملاشقان . 82-يىلىلىق دۇنيا لوڭقىسىدا ئۈچىنچى بولغان پولشا كوماندىسى 84-يىللىق ياۋرۇپا لوڭقىسىغا قاتناشمىغان . 86-يىللىق دۇنيا لوڭقىسىدا ئۈچىنچى بولغان فرانسىيە كوماندىسى 88-يىللىق ياۋرۇپا لوڭقىسىغا قاتناشمىغان . چۈنكى پۇلاتىنى چىكىنگەنلىكىنى ئېلان قىلغاندىن كېيىن كوماندىنى قايتىدىن رەتلەشكە توغرا كېلەتتە . 90-يىللىق دۇنيا لوڭقىسىدا ئۈچىنچى بولغان ئىتالىيە كوماندىسى 92-يىللىق ياۋرۇپا لوڭقىسىنىڭ تاللاش مۇسابىقىسىدە سىچىلاسى ، باروس ، باگىيو ، مالدىنى قاتارلىق داڭلىق چولپانلاردىن تەشكىل تاپقان ئىتالىيە كوماندىسى نورۋىگىيە بىلەن روسىيەگە ئۇتتۇرۇپ قويۇپ ياۋرۇپا لوڭقىسىغا قاتنىشالمىغان . ئۇنىڭدىن كېيىنكى دۇنيا لوڭقىللىرنىڭ مىس مىدالىغا ئېرىشكەن كىرودىيە ، شىۋىتسارىيەنىڭمۇ ياۋرۇپا لوڭقىسىدا سايىسىمۇ كۆرۈنمىگەن . بۇ قارغىش ھەتتا 2002-يىلىدىكى مىس مىدال ساھىپى تۈركىيەنىمۇ بوش قويۋەتمىگەن . تۈركىيە كوماندىسى 2004-يىلى ياۋرۇپا لوڭقىسى تاللاش مۇسابىقىسىدە ئاجىز لاتۋىيە كوماندىسىغا ئۇتتۇرۇپ قويۇپ ياۋرۇپا لوڭقىسىغا قاتنىشالمىغان . پەقەت 2006-يىللىق مىس مىدال ساھىپى گېرمانىيەلا بۇ قارغىشنى ئاخىرلاشتۇرغان . يەنى 2008-يىللىق ياۋرۇپا لوڭقىسىغا قاتنىشالىغان ھەمدە ئىككىنچى بولغان.

ئىتالىيەنىڭ دۇنيا لوڭقىسىدا 12يىلدا بىر قېتىم ھەل قىلغۇچقا كىرىشى
1934-يىلىدىن باشلاپ ئىتالىيە ھەر 12يىلدا بىر قېتىم ھەل قىلغۇچ مۇسابىقىگە كىرگەن . يەنە كېلىپ ئۇلارنىڭ چىمپىيون بولۇش ياكى ئىككىنچى بولىشىمۇ ماس قەدەمدە ئالمىشىپ ماڭغان . ئىتالىيەنىڭ ھەل قىلغۇچقا كىرگەن مۇسابىقىللىرىنىڭ ۋاقتى ئايرىم - ئايرىم ھالدا 1970-، 1982-،1994-، 2006-يىللىرى . ھەربىرىنىڭ يىل نامىسىدا 12يىل پەرق قىلىدۇ . 1958-يىلى ئىتالىيە ھەل قىلغۇچقا كىرەلمىگەن . 1946-يىلى بولسا ئىككىنچى دۇنيا ئۇرىشى سەۋەبلىك دۇنيا لوڭقىسى ئەمەلدىن قالدۇرۇلغان . 1934-يىلى ھەل قىلغۇچقا كىرگەن . بۇنى ھېسابلاپ كۆرسەك ئىتالىيە ھەر12يىلدا بىر قېتىم ھەل قىلغۇچقا كىرىدۇ . يەنە بىر غەيرى ئەھۋال بولسا ، ئىتالىيە ھەل قىلغۇچقا كىرگەن يىللىرىدىكى چىمپىيونلۇق ۋە ئىككىنچىلىكمۇ ماس قەدەمدە ئالمىشىپ ماڭغان . 1970-يىلى ئىككىنچى بولغان . 1982-يىلى چىمپىيون بولغان . 1994-يىلى ئىككىنچى بولغان . 2006-يىلى چىمپىيون بولغان .
1982-يىلى ئىتالىيە بىرلەشمىسىدىكى يالغان توپ ئويناش ۋەقەسى پۈتۈن دۇنيانى زىل-زىلىگە قالغان ئىدى . شۇ يىلى دەل ئىتالىيە دۇنيا چىمپىيونى بولدى . 2006-يىلىدىكى «تېلفون ۋەقەسى»سەتچىلىكىمۇ پۈتۈن دۇنيانى زىل-زىلىگە سالدى .لېكىن بۇ يىلىمۇ ئىتالىيە دۇنيا چىمپىيونى بولدى .


ماۋۇ تېمىنى ساق يېرىم كۈن ئىشلەپتىمەن . ئەسلى پۇلغا ساتاي دېگەن ، ساتمىساممۇ ئاتىغىنىڭلانى بېرىۋېرىسىلە ھەقىچان ...

سەبرى22

ماۋۇ تېمىنى ئۇقۇپ پورلى يازمىلىرى يەنە بىر قېتىم ئۈزىنى كۆرسەتتى..ياخشى يىزىپسىز..دەل مۇشۇ پۇراق .مۇ ئۇسلۇب شۇ تېمىلارنى ئادەمگە ئەسىلتىدۇ..

Leverkusen

ئەلا.

تەرسا

ئېسىل تىما ....ھەي مىنىڭمۇ مۇنبەر پۇلۇم بولغان بولسا ....ئەجرىڭىزگە رەھمەت،،،

نىدا

ئاز بولسىمۇ

چوكىنات

ئېسىل..تېما...ئاز..بولسىمۇ..بىر..ئەلا،...بىر...نادىر...كەتتى...ئەمسە...ھە...

پەرۋەر

مەندىن 500 ياۋرۇ كەتتى ئەمسە.....

سەبرى22

پەرۋەر يوللىغان ۋاقتى  2013-7-4 20:53
مەندىن 500 ياۋرۇ كەتتى ئەمسە.....

سىلە ئۇنداق دىمەڭلار..بولمىسا ئۆتكەنكى 10مىليونمۇ ئىسىمگە كىلىپ قالدىكە  ئۈنۈم بار ئىش قىلىڭلا دەيمە.

تۇمشۇق

ئىسىل تىمىكەن ، مەنمۇ باي بولغان بولسام چۇقۇم  نەچچە مىڭ ياۋرۇ سېلىۋەتكەن بۇلاتتىم

پەرۋەر

سەبرى22 يوللىغان ۋاقتى  2013-7-4 20:56
سىلە ئۇنداق دىمەڭلار..بولمىسا ئۆتكەنكى 10مىليونمۇ ئىس ...

بۇغداي ياۋرۇ بولمىغان بىلەن بۇغداي گىپىمىزنى ئايىمىدىققۇ،،،،،

تەنتەربىيە

نادىرتېما

jabran

نوچى نوچى ...ھەرقايسىدىن بىر يۈرۈش كەتتى .ئاز بولسىمۇ . قۇبۇل قىلاسىلە ، پۇل ئۇراي دىسەم بانكا پارۇلنى ئۇنتۇپ قاپتىمەن .