6-ئاينىڭ 15-كۈنىدىكى ئەڭ يېڭى خەۋەرلەر

توپ تەپكۈچى

6-ئاينىڭ 15-كۈنى كەچتە ،جۇڭگو كوماندىسى ئۆز مەيدانىدا ئاساسلىق U23 ياشلىقلاردىن تەركىب تاپقان تايلاند كوماندىسىغا 1 : 5 چوڭ نومۇر پەرقى بىلەن ئۇتتۇرۇپ ، تارىخىدا تايلاند كوماندىسىغا ئەڭ چوڭ نومۇر پەرقى بىلەن ئۇتتۇرۇش بىلەن بىرگە ،A دەرىجىلىك خەلقئارا مۇسابىقىدە، ئۆز مەيدانىدا ئەڭ كۆپ توپ كەتكۈزۈپ قويۇش رېكورتىنى ياراتتى .ھەقىقەتەن ئېچىنىشلىق مەغلۇبىيەت ! پۈتكۈل جۇڭگو يەنە بىر قېتىم سۈكۈتكە چۆمدى .جۇڭگو كوماندىسى مۇشۇ يېقىندا ئوينالغان ئۈچ مەيدان مۇسابىقىدە ئۇدا مەغلۇپ بولدى .
مۇسابىقىدىن كېيىن نۇرغۇنلىغان توپ مەستانىلىرى غەزەپ بىلەن ،كاماچاۋ خىزمىتىدىن ئىستېپا بەرسۇن ،بىزگە گاۋ خۇڭباۋ كىرەك ! بۇ ئادەمنىڭ ئەمدى لازىمى يوق دەپ ۋارقىردى .كۈزىگە يىغا ئولاشقان كاماچاۋ ئىپادە بىلدۈرۈپ مۇنداق دېگەن ،راستىنى دىگەندە مەن ھازىر نېمە دىيىشىمنى بىلەلمىدىم ،بۇ ئىشقا جۇڭگو پۇتبولچىلار ئۇيۇشمىسى قارار چىقارسۇن .

---

خان مادرىدتىكى ئارگېنتىنالىق داڭلىق ھۇجۇمچى ھىگۇايىننىڭ كوماندىدىن ئايرىلىشى مۇقىملاشتى .ئۇنداقتا ھىگۇايىننىڭ كېيىنكى بېكىتى قايسى ؟ بۇ ماھىرغا ئەڭ دەسلەپتە يۇۋېنتۇس قىزىققان بولۇپ ،ئەنگلىيە « قوغداش گېزىتى » نىڭ ئەڭ يېڭى خەۋىرىگە قارىغاندا ،ئارسىنال كۇلۇبىمۇ بۇ سودىغا كىرىشىپ ھازىر خان مادرىد بىلەن ھىگايىننى يۆتكەش ئىشىدا دەسلەپكى سۆھبەتنى باشلاپتۇ .كوماندا تېرىنىرى ۋېنگىر ھىگۇايىننى يۆتكەشتە چىڭ تۇرغان .
خەۋەردە كۆرسىتىلىشچە ،خان مادرىدنىڭ ھىگۇايىنغا چىقارغان باھاسى 25 مىليون فوند سىتىرلىڭ بولۇپ ،مۇبادا ئارسېنال ھىگۇايىننى يۆتكەپ كەلسە رېكورت يارىتىدىكەن .يەنى ،ھىگۇايىن ئارسېنالدىكى باھاسى ئەڭ يۇقىرى پۇتبولچى بولۇپ قالىدىكەن .2009-يىلى ئارسېنال كۇلۇبى رۇسىيەنىڭ زېنىت كوماندىسدا توپ تېپىدىغان ئارشاۋىننى 15 مىليونغا يۆتكەپ كەلگەن .مانا بۇ پۇتبولچى ئارسېنالدىكى باھاسى ئەڭ قىممەت پۇتبولچى ھېسابلىنىدىكەن .

---

خان مادرىدتىنىڭ كېيىنكى تېرىنىرى ئاخىر بېكىتىلدى .خان مادرىد ئەنچىلوتتى ئۈچۈن پارىژ سانت-گىرمان كۇلۇبىغا ئىككى مىليون قۇشۇمچە ھەق تۈلىگەن .ئەنچىلوتتى كېيىنكى ھەپتىنىڭ بىرىنچى كۈنى ( 6-ئاينىڭ 16-كۈنى ) مادرىدتقا بېرىپ مۇخبىر ۋە توپ مەستانىلىرى بىلەن رەسمىي يۈز كۈرۈشىدىكەن .ئەنچىلوتى ئالىبۇرۇن ئىككى پۇتبولچىنى يۆتكەش نىشانىغا ئېلىپ بوپتۇ .بىرسى ،يۇۋېنتۇسىكى چىلىلىق داڭلىق ماھىر ۋىدال ،يەنە بىرسى ناپولىدىكى مەرگەن كاۋانى ،يەنە بىر خەۋەردە كۆرسىتىلىشچە ،پارىژ سانت گىرمان كۇلۇبى توتىنھامنىدىكى بۇئاسقا يېقىنلىشىپ بوپتۇ .قاتار مالىيە گۇرۇھى بۇئاسنىڭ 12 مىليون توختام بۇزۇش سوممىسىنى تۈلەشكە رازى بوپتۇ .ئۇزۇنغا قالماي بۇئاس پارىژنى يېتەكلىشى مۇمكىن !

---

6-ئاينىڭ 16-كۈنى سەھەردە ئېلىپ بېرىلغان 2013-يىللىق ياۋروپا ياشلار لوڭقىسىنى تالىشىش يېرىم ھەل قىلغۇچ مۇسابىقىسىدە ،ئىتالىيە U21 ياشلىقلار كوماندىسى 1 : 0 نەتىجە بىلەن گوللاندىيە ياشلار كوماندىسىنى مەغلۇپ قىلىپ ھەل قىلغۇچقا كىردى .( مۇسابىقە باشلىنىپ 78 مىنۇت بولغاندا ئىتالىيە كوماندىسىدىكى لېۋېرپولدا توپ تېپىدىغان بورىنى توپ ئۇرغان ) يەنە بىر مەيدان مۇسابىقىدە ،ئىسپانىيە ياشلار كوماندىسى 3 : 0 نەتىجە بىلەن نورۋىگىيە كوماندىسىنى مەغلۇپ قىلغان .ئەمدى ئىتالىيە بىلەن ئىسپانىيە ھەل قىلغۇچ ئوينايدۇ .

---

جۇڭگو دەرىجىدىن تاشقىرى بىرلەشمىسىدە ھازىر پەقەت بارىلا قالدى .لېكىن بارىنىڭ بۇ پەسىل مەيدانغا چىقىشى ناھايىتى تەسكە توختاۋاتىدۇ .ھەتتا ئۇدا ئۈچ مەيدان مۇسابىقىدىمۇ مەيدانغا چىقالمىدى .شاۋكەت بىلەن مىرئەخمەتجان گەرچە شەندۇڭ بىلەن گۇاڭجۇدا بولسىمۇ ،ئاساسى جەھەتتىن بۇ مۇسابىقىگە قاتنىشالمىدى .ئەكرەم خۇنەندىن ئايرىلدى .بۇ پەسىلدىكى توپچىلارنىڭ تىزىملىكتە ئەكرەمنىڭ ئىسمى يوق .لېكىن ھازىر بىر پۇتبولچى قالتىس ئوينىماقتا ،ئۇنداقتا ئۇ كىم ؟ گۇيجۇدىكى ئىلھامجان ،بۇ پۇتبولچى يېقىندا بۇ پەسىلدىكى تۇنجى توپىنى ئۇرۇپ دەسلەپ قىلىۋالدى .
ئىگىلىنىشچە ،ئىلھامجان كوماندىنىڭ ئاساسلىق ماھىرى بولۇپ ،ئالدىنقى پەسىلدىكى ئىپادىسى ياخشى بولغان .
ئىلھامجان 1986-يىلى 6-ئاينىڭ 30-كۈنى تۇغۇلغان .ھۇجۇم ئوينايدۇ .بۇ كوماندىغا كېلىشنىڭ ئالدىدا قەشقەر دارىلمۇئەللمىندە تەنتەربىيە ئوقۇتقۇچىسى بولۇپ ئىشلىگەن .كېيىن 12 توپ ئۇرۇپ گۇيجۇنىڭ ب دەرىجىدە چىمپىيۇن بولۇپ ئا دەرىجىگە ئۆرلىشىگە كۈچ چىقارغان .ئالاھىدىكى : سۈرئەت تېز ،پۇت ئاستى تېخنىكى يۇقىرى ،چەكلەنگەن رايون ئىچىدىكى ئىنكاسى ياخشى ،بەدەن قاۋۇل ،كېيىنكى مۇسابىقىلەردە ئەمدى مۇشۇ ماھىر بىزگە نىسبەتەن قىزىق نۇقتا بۇلۇشى مۇمكىن !

---

خەلقئارا پۇتبول بىرلەشمە لوڭقىسىنى تالىشىش مۇسابىقىسى باشلاندى .بۇ قېتىم بىرازىلىيەدىن باشقا يەنە ئىتالىيە كوماندىسمۇ چىمپىيۇن بولۇش ئېھتىمالى يۇقىرى كوماندا ھىسابىلىنىدۇ .ئىتالىيەدىكى داڭلىق ھۇجۇمچى بالوتېلى بۇ قېتىم ھالقىلىق رول ئوينىشى مۇمكىن .« تاشقى پىلانت ئادىمى » رونالدو بۈگۈن زىيارەت قۇبۇل قىلغاندا مۇنداق دېدى ،بالوتېلى تالانتلىق پۇتبولچى ،بىراق ئەڭ يۇقىرى سەۋىيىگە يېتىشكە تېخى ۋاقتى بار ،بالوتېلى ياش ھەم ئەقىللىق ،ھازىر تەرەققىيات باسقۇچىدا كېتىۋاتىدۇ .كېيىن چوقۇم ھەر تەرەپتىن يېتىلگەن مۇنەۋۋەر ھۇجۇمچى بولۇپ چىقالايدۇ .بالوتېلى ئەڭ دىققەت قىلىدىغان ئىش ،ئەينى چاغدىكى ئادىريانودەك بولۇپ قالماسلىقىنى ئۈمىد قىلىمەن .ئادىريانومۇ شۇ چاغلاردا بالوتېلىدەك ئىدى .كېيىن كەيپ-ساپا ۋە رەڭدار تۇرمۇش كېرەكتىن چىقاردى .بالوتېلى ئۈزىنى قاتتىق باشقۇرمىسا كېيىن چاتاق چىقىدۇ  .

---

قاتىل ھۇجۇمچى مېسسى تولۇق ساقىيىپ ئاخىر ئاساسلىق ئەزا ئورنىغا قايتىپ كەلدى  .ئالدىنقى كۈنى ئوينالغان بەدەن قىزىتىش مۇسابىقىسىدە ،ئۈچ توپ كىرگۈزۈپ بىر پاس چىقاردى .بۇ مەيدان مۇسابىقىدىن كېيىن مېسسىنىڭ ئارگېنتىنا دۆلەت كوماندىسدا جەمىي كىرگۈزگەن توپ سانى 35 كە يېتىپ ئۇستازى مارادونانىڭ دۆلەت كوماندىسدا كىرگۈزگەن توپ سانىدىن ئېشىپ كەتكەن .ھەمدە يەنە بىر مەرگەن كېرىسپو بىلەن تەڭلىشىپ ئارگېنتىنا كوماندا تارىخىدىكى ئەڭ كۆپ توپ كىرگۈزگەن ماھىرلار قاتارىدا ئىككىنچى ئورۇنغا ئۆتكەن .
كېرىسپو پۇتبولچىلىق ساھەسىدىن چېكىنىپ بولغان بولۇپ. بىرىنچى ئورۇندىكى جەڭ ئىلاھى بادىستۇتانىڭ 56 توپ رېكورتىنى ئېھتىمال مېسسى مۇشۇ ھالىتىنى ساقلاپ كەلسە يەنە بىر نەچچە يىلدا بۇزۇشى مۇمكىن ! تەكىتلەشكە تېگىشلىك بولغىنى ،بادىستۇتا 78 مەيداندا 56 توپ ئۇرغان .مېسسى بولسا 82 مەيداندا 35 توپ ئۇرغان .شۇنداق بولغاندا دۆلەت كوماندىسىدىكى توپ ئۇرۇش ئۈنۈمى ئەڭ يۇقىرى پۇتبولچى يەنىلا بادىستۇتا !

---

كەسپى پۇتبولچىغا نىسبەتەن ئالتە ۋە يەتتىنچى ئايلار ئەڭ ياخشى ۋاقىتلار ،بۇنداق چاغدا ماھىرلار كۇلۇب بەرگەن يۇقىرى ئىش ھەققىنى ئېلىپ بەھۇزۇر ساياھەت قىلالايدۇ .يۇرتىغا قايتىپ ئاتا-ئانا ،دوست -بۇرادەرلىرى بىلەن كۈرىشەلەيدۇ .بەزى ئىشلىرىنى بىجىرلەيدۇ .بەزىلەر توي قىلىدۇ .« قۇياش گېزىتى » نىڭ خەۋىرىگە قارىغاندا ،ئارسېنال كوماندىسىدىكى « كىچىك يولۋاس » ۋالكوت بۈگۈن قىز دوستى بىلەن توي قىلغان .ۋالكوت 15 يېشىدا جەنۇبى ئامپىتون ياشلار كوماندىسدا توپ تېپىۋاتقاندا بۇ قىز بىلەن تۇنۇشۇپ ئارىلاشقان .
ئالدىنقى پەسىل ۋالكوت ئارسېنادىكى ئىش ھەققىم ئاز بۇلۇپ قالدى دەپ ئاغرىنغان .ھەمدە كۇلۇب يۆتكىلىش ئىشىنى ئوتتۇرغا چىقارغان .ۋان پېرسىدىن ئايرىلغان ئارسېنال كۇلۇبى ۋالكوتنىڭ بۇ سۈزىنى ئاڭلاپ قاتتىق چۈچۈپ كەتكەن ،كېيىن ئىش ھەققىنى ئۆستۈرۈشكە قوشۇلغاندىن كېيىن بۇ ماھىر بىراقلا ئېچىلىپ قالتىس ئوينىتىۋەتكەن .

---

ئېنگىلاند بويىچە كىيىمىنىڭ سېتىلىشى ئەڭ تېز بولغان پۇتبولچى كىم ؟ بۇنىڭ جاۋابى مانچېستىر بىرلەشمىسىدىكى گوللانىيەلىك داڭلىق ھۇجۇمچى ۋان پېرسى ،بۇ پۇتبولچىنىڭ مەيلى دۆلەت كوماندىسدا بولسۇن ، ياكى ھازىرقى كۇلۇبى ، شۇنداقلا ئىلگىرى توپ تەپكەن ئارسېنالدا بولسۇن ئىپادىسى ئىزچىل ياخشى ھەم توپ ئۇرۇش ئۈنۈمى يۇقىرى بولۇپ كەلگەن .خەۋەردە كۆرسىتىلىشچە ،ۋان پېرسى 2014-يىلدىكى بىرازىلىيە دۇنيا لوڭقىسىنى ياخشى ئويناش ئۈچۈن ،ئۆزى بىلەن ھەمكارلاشماقچى بولغان نۇرغۇنلىغان سودا شىركەتلىرىنىڭ تەكلىبىنى رەت قىلىۋەتكەن .يىغىنچاقلىغاندا ،ۋان پېرىسىغا لازىم بولغىنى پۇل ئەمەس ، بەلكى پۇتبول مەيدانىدىكى شەرەپ ۋە دۇنيا لوڭقىسى ،بۇ تەرىپى بېكخامدىن پەرىقلىنىدۇ .
ۋان پېرسىدىن كېيىنكىسى بولسا سەبدىشى رۇنى ،ياپۇنىيەلىك توپچى كاگاۋا ،لېۋېرپولدىكى جىراد ۋە سۇئارېز ،چېلسىدىكى خازارد ۋە تورېس ،ئارسېنالدىكى پودولوسكى ،مانچېستىر شەھەردىكى ئاگۇيرو قاتارلىق توپچىلارنىڭ كىيىمىنىڭ سېتىلىشى ئىنتايىن تېز ئىكەن .

---

ياپۇنىيە كوماندىسى يېقىندا بىرىنچى بولۇپ 2014-يىلدىكى بىرازىلىيە دۇنيا لوڭقىسى پۇتبول مۇسابىقىسى ئويناش سالاھىيىتىگە ئېرىشتى .بۇ قېتىمقى خەلقئارا بىرلەشمە لوڭقىسىنى تالىشىش مۇسابىقىسىدە ،نۇرغۇنلىغان كىشىلەر ياپۇنىيە كوماندىسى ئېھتىمال چىمپىيۇن بولۇپ قېلىشىمۇ مۇمكىن دەپ پەرەز قىلىشتى .پۇتبول شاھى پىلىمۇ ئىپادە بىلدۈرۈپ ،ياپۇنىيە بىلەن بۇلىدىغان مۇسابىقە بەك جاپالىق بولىدۇ دېگەن بولۇپ ، بىراق ياپۇنىيە تۇنجى ئايلانمىدا 0 : 3 نەتىجە بىلەن بىرازىلىيەگە ئۇتتۇرۇپ قويدى .بۇ مۇسابىقىدە مانچېستىر بىرلەشمىسىدىكى كاگاۋانىڭ ئىپادىسى سەبدىشى خۇندادەك ياخشى بولمىدى .كىشىلەر ئادەتتە ،ياپۇنىيەنىڭ غوجاكىسى كاگاۋا دەپ قارايدىغان بولۇپ ،قارىغاندا ،رۇسىيە مەركىزى قۇرۇقلۇق ئارمىيە كوماندىسىدىكى بۇ « ماتۇر » ياپۇنىيەنىڭ ھەقىقى غوجاكىسى بۇلۇشقا تامامەن سالاھىيىتى تۇشىدىغاندەك تۇرىدۇ .

---

خان مادرىدىكى كىرىستىئانو رونالدونىڭ يۆتكىلىش خەۋىرى ئۈزۈلمەي چىقىۋاتىدۇ .مانچېستىر بىرلەشمىسى ۋە پارىژ سانت-گىرمان كۇلۇبى رونالدوغا يۇقۇرى ئىش ھەققى بېرىشكە ۋەدە قىلىپ تەكلىپ ئەۋەتمەكتە .رونالدونىڭ كوماندىدا قېلىش -قالماسلىقى ھازىرمۇ ئېنىق ئەمەس ،رونالدوغا يۇقۇرى ئىش ھەققى لازىم ،بىراق كۇلۇب رەئىسى فىلورىنتىنو تېخى بىر قارارغا كەلمىدى .مانا مۇشۇنداق توختىماي چىقىۋاتقان خەۋەرلەردىن رونالدومۇ زېرىكتى .بىر نەچچە كۈننىڭ ئالدىدا رونالدو قىز دوستىنىمۇ ئالماي ئۈزى يالغۇز تەنھا ھالەتتە ئامېركىنىڭ مىئامىغا ساياھەتكە چىقىپ كەتكەن .بۇ يەردە رونالدو بىر پاراخوتنى ئىجارىگە ئېلىپ مۇسكۇللىرىنى ئاپتاپقا سېلىپ تاۋلاپ چىققان .

messi-10

ئېسىل تىما يوللاۋاتىسىز جومۇ توپ تەپكۈچى ئاكا ، بىرەرسىنى شاگىرىتلىققا تۇتۇپمۇ قويمىدىڭىز كىيىن ئېزىڭىزدىن ماڭىدىغانغا

كۆكتۈرك

زىدانىينىڭ ئەنچىلودىدىن تەلىم ئالغۇسى باركەندە.

missi2

ھىگۇايىن ئارسىنالغا بارسا ياخشى بولاتتى
ۋالكوت توي قىلدى دەڭلا،15يىشىدىن باشلاپ يۈرگەن بولسا ئۇ قىز بىلەن پاھ،!! دەھشەت سادىقكەنغۇبۇ
ئەلۋەتتە داڭلىق ماركا --خوندا ياپوننىڭ غۇجائاكىسى بولۇشقا مۇناسىپ
بالوتىللى دىققەت قىل بىرازىلىيەدە، دىدەكلەر سىنى ئازدۇرۇپ كەتمىسۇن
ياۋروپا 21 ياشلىقلار مۇسابىقىسىدە ئىسپانىيە 3-0نورۋىگىيەنى يەڭدى، مالاگادىكى ئىسكو، مادرىتتىكى مۇراتتا دىگەن ماھىرلار بەك چىرايلىق توپلارنى ئۇرۋەتتى، ئىتالىيە ھەل قىلغۇچتا يەنە بۇقىلار بىلەن دوقۇرۇشۇپ قالدى، قارىغاندا ئىتالىيە بىلەن ئىسپان كېلەر يىلى دۇنيا لوڭقىسىدا ئىش تىرىپ قويامدۇ-نىمە؟

قىپقىزىل

ۋالكوت  ياخشى  ئارلىشىپتۇ....

ئەبرار

قولىڭىزغا دەرىت كەلمىسۇن توپ تەپكۇچكا. خەۋەر دېگەننى تۆكۈۋىتىپسىز.

ئامېرىكا

كاماچۇۋدا  گۇناھ  يوق...گەپ جوڭگۇ  پوتبۇلچىلار جەميىتىىنىڭ تەشكىلى تۈزۈلمىسىدە.
جوڭگۇ  پوتبۇلچلىقى يەكلەش  خاراكتىرلىك بىكىنمىنچىلىكتىن  قۇتۇلمايدىكەن.مىليارد  مەبلەخ  سالسىمۇ يەنە  ئوخشاش  تىخى  يوق قۇدۇققا  چۈشۈپ كىتىدۇ.

تۇمشۇق

كاماچاۋ نىمە دىيىشىنى بىلەلمەيدۇ ئەمەس جوڭگۇلۇقلارنىڭ كۆڭلىنى ئاغرىتىپ قويماي دىگەن گەپ ، بولمىسا مەسلىنىڭ تىرنىردا ئەمەسلىكىنى جوڭگۇلۇقلارمۇ ئۈزى بىلىدىغاندۇ

messi-10

missi2 يوللىغان ۋاقتى  2013-6-16 15:02
ھىگۇايىن ئارسىنالغا بارسا ياخشى بولاتتى
ۋالكوت توي قى ...

ئۇنداقمۇ قىلماس

messi-10

بىر ئېغىز گەپ جوڭگوغا كىم تېرنىر بولسا ئوخشاش ، گوللاندىيەگە كۈچەپ ئوينىدى ، تايلاندقا قانداق ئوينىدى؟

messi-10

مۇداپىيە سېپى ئېسلكەن جوڭگونىڭ ، تاس قالدى ئەمما