6-ئاينىڭ 12-كۈنىدىكى ئەڭ يېڭى خەۋەرلەر

توپ تەپكۈچى

6-ئاينىڭ 12-كۈنى چۈشتىن بۇرۇن ، ئىتالىيە ئىنتېر مىلان كۇلۇبى ئورگان تورىدا ،كوماندىدىكى ئارگېنتىنالىق يولباشچى زاننىتى بىلەن يەنە بىر يىل توختام ئۇزارتقانلىقىنى ئېلان قىلغان .بۇ يىل 8-ئايدا زانىتى دەل 40 ياشقا كىرىدىغان بولۇپ ،بۇ پۇتبولچى 1995-يىلى ئارگېنتىنا بىرلەشمىسىدىكى بەنفىلىد كوماندىسىدىن ئىنتېر مىلانغا يۆتكىلىپ كەلگەن .ئىزچىل ئىنتېردا توپ تەپكەن .كېيىنكى پەسىل زانىتتى ئىنتېردىكى  19-پەسىلنى كۈتىۋالىدىكەن .ھازىر ئارام ئېلىۋاتقان بۇ كاپىتان تېلىفۇن ئارقىلىق كۇلۇبىنىڭ ئۈزىگە ئىشەنگەنلىكىگە چوڭقۇر رەھمەت ئېيتقان .

---

مانچېستىر بىرلەشمىسىدىكى پورتۇگالىيەلىك داڭلىق چولپان نانىنىڭ كوماندىدىن ئايرىلىشى مۇقىملىشىپ قالدى .بۇ خەۋەر چىققىلىمۇ خېلى بولدى .نۆۋەتتە ، بۇ پۇتبولچىغا گالاتا ساراي كۇلۇبى يەتتە مىليون ياۋرو باھا قويغان .بىراق بۇ باھا مانچېستىر بىرلەشمىسىنى رازى قىلالمىغان .مانچېستىر تەرەپنىڭ نانىغا قويغان باھاسى 10 مىليون ئىكەن .خەۋەردە كۆرسىتىلىشچە ،نانىغا چېلسى ،مۇناكۇ ۋە ناپولى كوماندىسى قىزىقىۋېتىپتۇ .

---

خەلقئارا بىرلەشمە لوڭقىسىنى تالىشىش مۇسابىقىسىدىن ئىلگىرىكى ئەڭ ئاخىرقى بىر مەيدان بەدەن قىزىتىش مۇسابىقىسىدە ،ئىسپانىيە كوماندىسىنىڭ تېرىنىرى بوسىك بارسېلونا ۋاراتارى ۋالدېسنى مەيدانغا چىقىرىپ كاسىللاسنى زاپاس قىلىپ قويدى . « ماركا گېزىتى » دە كۆرسىتىلىشچە ،ئەمدى ئىسپانىيەنىڭ كېيىنكى مۇسابىقىلىرىگە ۋالدېس ئاساسلىق ۋاراتار سۈپىتىدە مەيدانغا چىقىدىكەن .شۇنداقلا بولغاندا ،خان مادرىدتتىكى ئورنىنى لوپېزغا تارتقۇزۇپ قويغان كاسىللاس دۆلەت كوماندىسىمۇ ئاساسلىق ئورنىدىن ئايرىلىپ قېلىشى مۇمكىن !

---

بارسېلونا گەرچە يېقىندا نېيمارنى يۆتكەپ كەلگەن بولسىمۇ ، بىراق يەنىلا ھۇجۇمچى سېتىۋالىدىكەن .قىزىل-كۆك قوشۇنغا ھەقىقى 9-نومۇر لازىم ،« دۇنيا تەنتەربىيە گېزىتى » دە خەۋەر قىلىنىشچە ،بارسېلونانىڭ ئاساسلىق نىشانى دورتىموندىكى پولشالىق ھۇجۇمچى لەيۋەنتوۋسىكى بولسىمۇ ، ئەمما بۇ ماھىرنى يۆتكەپ كېلىشنىڭ قىيىنلىقىنى ھىس قىلغان .شۇڭىلاشقا چېلسىدىكى داڭلىق ھۇجۇمچى توررېسنى پىلانغا ئالغان .بارسېلونا نۆۋەتتە تورېسنى سېتىۋېلىش ئۈچۈن 20 مىليون ياۋرو باھا قويغان .

---

دورتىموندىكى لەيۋەنتوۋسىكىنىڭ بايرىنغا يۆتكىلىش خەۋىرى چىققىلى خېلى بولدى .يېقىندا لەيۋەنتوۋسىكىنىڭ ۋاكالەتچىسى ئىپادە بىلدۈرۈپ ،ئىككى تەرەپ ھازىر يۆتكىلىش كېلىشىمنامىسىنى ئىمزالاپ بولدى .لەيۋەنتوۋسىكى ئۇزۇنغا قالماي بايرىنغا يۆتكىلىدۇ دېگەن بولۇپ ،لېكىن بەلگىلەنگەن ۋاقىت يىتىپ كەلسىمۇ دورتىموند تەرەپ ھېچقانداق ھەرىكەت قىلمىغان .جىم تۇرىۋالغان .ھەمدە لەيۋەنتوۋسىكى بۇ يىل يازدا بايرىنغا يۆتكەلمەيدۇ دەپ ئېلان قىلىۋەتكەن .بۇ ئىشتىن قاتتىق غەزەپكە كەلگەن لەيۋەنتوۋسىكى ،دورتىموندقا قەتئى ئىشەنگىلى بولمايدىكەن دېگەن .ئىگىلىنىشچە ،دورتىموند يۇقۇرى قاتلىمى لەيۋەنتوۋسىكىغا ھازىرقى ئىش ھەققىدىن ئۈچ ھەسسە يۇقىرى ئىش ھەققى بېرىشكە ۋەدە قىپتۇ .لېكىن لەيۋەنتوۋسىكى يەنىلا يۆتكىلىش پىكرىدە چىڭ تۇرغان .

---

« دۇنيا تەنتەربىيە گېزىتى » نىڭ خەۋىرىگە قارىغاندا ،بىرازىلىيەلىك چولپان نېيمار بارسېلوناغا قوشۇلغاندىن بۇيان جەمئىي توققۇز مىليون ياۋرو كىرىمگە ئېرىشىپ بوپتۇ .بۇلۇپمۇ نېيمارنىڭ كىيىمى سېتىلىشى ناھايىتى تېز بولغان .نېيمارنىڭ بىرازىلىيدە دوستىلىرى كۆپ بولۇپ ،بارسېلوناغا كەلگەندىن كېيىن نېيمار دوستلىرىنى ئىسپانىيىگە تەكلىپ قىلىپ ساياھەت قىلدۇرغان .ياتاق -تاماق ۋە باشقا بارلىق چىقىملارغا نېيمار بىر سىنىتمۇ خەجلىمىگەن . يەنى ،بارسېلونا يۇقىرى قاتلىمى پۈتۈنلەي كۆتۈرۈۋەتكەن .نېيمار ئىسپانىيىدە بىر مەيدانمۇ مۇسابىقە ئوينىماي تۇرۇپلا مانا مۇشۇنداق ئىناۋەت تاپقان .

---

سۇئارېز بولسا ماھارىتى يۇقىرى ھۇجۇمچى ،لېۋېرپولنىڭ ھەقىقى يادروسى ، لېكىن ئالدىنقى پەسىل مۇسابىقە جەريانىدا ئادەم چىشلەپ قۇيۇپ پۈتكۈل ئېنگىلاند توپ مەستانىلىرىنىڭ نەزىرىدە يامان ئاتلىق بولۇپ قالدى .سۇئارېزنىڭ لۋېرپولدا قالىدىغان ئازراقمۇ بوشلۇقىنى قالدۇرمىدى .كوچىلاردا ئادەم چىشلىگەن مودېلنى كۈتۈرۈپ چىقىرىپ سۇئارىزنى زاڭلىق قىلدى .بىر تەرەپتىن تاراتقۇلار ئارام بەرمىدى .بۇ ئۇرۇگۋايلىق ماھىرنىڭ نورمال تۇرمۇشىغىمۇ تەسىر كۆرسەتتى .سۇئارېز بۈگۈن يەنە بىر قېتىم خان مادرىدتقا قۇشۇلۇش ئارزۇسىنى بىلدۈردى .

---

ئالدىنقى پەسىل توتىنھام كوماندىسى رەت-تەرتىپتە بەشىنچى بولدى .قولغا كېلەيلا دەپ قالغان ياۋروپا ئۇزغانلىق ئويناش سالاھىيىتىمۇ يوق بولدى .تېرىنىر بۇئاسنىڭ تاكىتىكىسى كۈچىنى كۆرسەتكەن بولسىمۇ .لېكىن قوشماق مانچېسترنىڭ توختىماي غەلىبە قىلىشى ،ئارسېنال ،چېلىسنىڭ ئاخىرقى باسقۇچتا كۈچىشى توتىنھامنى بۇ پۇرسەتتىن مەھرۇم قىلدى .6-ئاينىڭ 12-كۈنىدىكى ئېنگىلاند ئاخبارات ۋاستىلىرىنىڭ ئەڭ يېڭى خەۋىرىگە قارىغاندا ،پارىژ سانت -گىرمان كۇلۇبى كوماندىدىن ئايرىلماقچى بولغان مەشقاۋۇل ئەنچىلوتىننىڭ ئورنىغا بۇئاسنى قۇيۇشقا تەييارلىنىپتۇ .ئىگىلىنىشچە ،پارىژ تەرەپ بۇئاسنىڭ يىللىق ئىش ھەققىگە 10 مىليون  ياۋرو بەرمەكچى بولغان .بۇ سودا ئېھتىمال پۈتۈپ قېلىشى مۇمكىن !

---

يېقىندا جۇڭگو دەرىجىدىن تاشقىرى بىرلەشمىسىدىكى جىياڭسۇ شۈنتىيەندە توپ تېپىدىغان داڭلىق پۇتبولچى بارى مۇھەممەتئېلى ئۆز مىكرو بىلۈگدا قىز دوستى بىلەن دوپپا كىيىپ چۈشكەن سۈرىتىنى ئېلان قىلغاندىن كېيىن ،دۆلىتىمىزدىكى شىنلاڭ ،ۋاڭيى ،تېڭشۈن ، سوخۇ قاتارلىق نۇرغۇنلىغان داڭلىق تور بەتلىرىدە بۇ سۈرەت ئېلان قىلىنىپ ،ھەرقايسى تورداشلارنىڭ قىزىق تېمىسىغا ئايلانغان .چېكىلىش قېتىم سانىمۇ كۆپ بولغان .بەزى خەۋەرلەردە كۆرسىتىلىشچە ،بارىنىڭ قىز دوستى گەرچە تەنھەرىكەتچى بولمىسىمۇ ،لېكىن جۇڭگو تەنھەرىكەت ساھەسىدىكى ئەڭ چىرايلىق دەپ قارالغان بىر نەچچە ئايال تەنھەرىكەتچىلەردىن ئېشىپ كەتتى دىيىلگەن .كۆپلىگەن تورداشلار بارىنىڭ قىز دوستى چىرايلىق ئىكەن دەپ ماختىغان .ھەمدە بارىنىڭ بىرلەشمىدىكى مۇسابىقىنى ياخشى ئويناشنى ئۈمىد قىلىدىغانلىقىنى بىلدۈرگەن .

---

ياپۇنىيە كوماندىسى ئالدىنقى كۈنى مۇددەتىن بۇرۇن 2014-يىلدىكى بىرازىلىيە دۇنيا لوڭقىسنىڭ بېلىتىنى ئېلىپ بولدى .كورىيە بىرىنچىلىكىنى تالىشىش جېڭىدە ئۆزبېكىستاننى مەغلۇپ قىلىپ ئاساسى جەھەتتىن كىرىپ بولدى ،ئىران كوماندىسى لىبانىنغا تۆت توپ ئۇرۇپ قىرغىن قىلىپ ئۆزبېكىستانىدىن ئىككى نومۇر ئۈستۈنلۈك بىلەن ئىككىنچى ئۇرۇنغا مۇقىملاشتى .يەنە بىر گۇرۇپتا ئاۋسترالىيە كوماندىسىمۇ ئىئوردانىيىگە تۆت توپ ئۇرۇپ 10 نومۇر بىلەن ئىككىنچى ئورۇنغا ئولتۇردى .خەۋەرگە قارىغاندا ،كېيىنكى ئايلانمىدا باشقىچە ئۆزگىرىش بولۇپلا قالمىسىلا ياپۇنىيە ۋە كورىيىدىن باشقا مۇشۇ  ئىككى كوماندىنىڭ بىرازىلىيەگە بېرىش ئېھتىمالى يۇقۇرىكەن .

---

« قۇياش گېزىتى » نىڭ خەۋىرىگە قارىغاندا ،يېقىندا مانچېستىر شەھەر كوماندىسىدىن ئىتالىيەنىڭ ئا س مىلانغا يۆتكەلگەن داڭلىق ھۇجۇمچى بالوتېلى ئالدىنقى ھەپتىنىڭ ئاخىردا ،قىز دوستىغا 100 مىڭ فوند سىتىرلىڭ قىمىتىدىكى بىر دانە ئۈزۈك سوۋغا قىلىپ توي تەكلىپى قويغان .بىلگىيەلىك بۇ قىز دەرھال قۇشۇلغان .
خەۋەردە كۆرسىتىلىشچە ، بالوتېلىدەك بۇنداق مەرت پۇتبولچىنى ئاسان ئۇچىراتقىلى بولمايدىكەن .بالوتېلى ئىلگىرى مانچېستىر شەھەر كوماندىسدا گەرچە ياخشى ئوينىغان بولسىمۇ ،لېكىن مەيدان سىرتىدىكى تۇرمۇشى رەڭدارلىققا تولغان بولغاچقا كۆك(كۆپ) قېتىم قائىدىنى بۇزۇپ قۇيۇپ كوماندا تېرىنىرى بىلەن قىزىرشىپ قالغان .ئېنگىلاندىن ئايرىلغاندىن كېيىن بالوتېلى ئىتالىيەدە ئوخشاشلا پۇلىنى سۇدەك خەجلىگەن .لېكىن قائىدە تۈزۈمگە خىلاپىق قىلىش ئەھۋالى كۈرۈلمىگەن .ئىگىلىنىشچە ،دۆلەت كوماندا ئەزالىرىمۇ بۇ « قارا ئالتۇن » نى ھۆرمەت قىلىدىكەن .چۈنكى ،بالوتېلى ئىتالىيەنىڭ كەلگۈسى ئۈمىدى دەپ قارىلىدىغان پۇتبولچى ھىسابلىنىدۇ .

---

CR.7

بالا تىرى تويۇڭغا مۇبارەك بولسۇن... سۇيارىزنى مادىرىد چوقۇم قارشى ئالىدىغۇ دەيمەن

تۇمشۇق

نېيمار مۇشۇنداق ئىناۋەت تاپقانغۇ چۇشلۇق ياخشى ئويناپ كەتسە بۇلاتتى ، ياخىش ئوينىيالماي ساختا چىقىپ قالسا كىيىن كەلمەي تۇرۇپ باسانىڭ بىرمۇنچە پۇلىنى خەجلىگەن دەپ گەپ تاپمايدۇ دىگىلى بولمايدۇ ئىسپاننىڭ تاراتقۇللىرىنىڭ يامانلىقىدا

تۇمشۇق

بالوتېلى خېلى ياخشى ئوخشىمامدۇ توي تەكلىبى قويغانغا قارىغاندا ، بەزى گۇيلار بالا تېپىپ قۇيۇپمۇ توي تەكلىپى قويمىدى ھەقچان

بۈرگىچاق

توپ تەپكۈچى ئەزەلدىن چاتما خەۋەرلەرگە ئارلاشمايتتى، بۇ قېتىم ھەجەپ ئارلىشىپ قۇيۇپتا.

ئامېرىكا

يىڭى خەۋىرىىڭىزگە ئىنتىر كاپىتانىنىڭ توختام ئۇزارتقان خەۋىرىنىمۇ قۇشۇپ قويوڭ  توپ تەپكۈچىكا ..
زانىتى يىڭىدىن بىر يىللىق توختام ئۇزارتىپتۇ..

تۇمشۇق

كاسسىلاس زاپاس بوپكەتمىسە بۇلاتتى

ئامېرىكا

بالوتىللى  چىخ بىلەن بولغان دۇنيا لوڭقىسى تاللاش موسابىقىسىدە قىزىل كارتا  يەپتىغۇ...بۇنىڭ دۈلەت كوماندىسى كاپىتانلىقىنى تالىشۋاتقان گەپ  سۈز  چىقۋاتىدۇ...

130112

كاسىللاسقا چاتاق بولغۇدەكتە

ئەلقۇت

دورتىموند لەيۋەنتوۋسىكىنى توتۇپ قىلىشى بەك تەس ئەمدى قانچىلىك پۇل بەرسىمۇ بىكاردەك قىلىدۇ .

پارتىزان

نانى بىرەر زەردار كوماندىغا قوشۇلۇپ باقسا بولاتتى !  ئازراق شەخسىيەتچىلىكىنى تاشلىسا دەششەت توپچى بۇمۇ !  مىنىڭچە كاسىللاس زاپاس بوپ قالمايدۇ ! ۋالدىسنىڭ كاسىللاسنىڭ ئورنىنى تارتىۋىلىشى سەل تەس !

پارتىزان

نېيمار دىگەن تۈكباش كىلە كەلمەي  ئەجەپ داغدۇغا قوزغىۋەتتا !     بىر ئىككى مەيداندىكى ئىپادىسى ناچار بوپ قالسا ھېچ گەپ ئەمەس ..ئاۋۋال بىر پەسىل تۈگىگىچە ئويناپ باقسا ئاندىن  قاغىمۇ ياكى بۈركۈتمۇ بىلىمىزغۇ !