ئىبرايىموۋىچ دۇنيا لوڭقىسى ئۈچۈن تىرىشماقتا !

توپ تەپكۈچى

     ياۋروپا شۇ يەر ۋاقتى 6-ئاينىڭ 12-كۈنى سەھەردە ئېلىپ بېرىلغان 2014-يىلدىكى بىرازىلىيە دۇنيا لوڭقىسى ئالدىن تاللاش  C گۇرۇپپىدىكى بىر مەيدان مۇسابىقىدە ،شىۋىتسىيە كوماندىسى ئۆز مەيدانىدا فائېرو تاقىم ئاراللىرى كوماندىسى بىلەن تۇتۇشتى .تۆت كۈننىڭ ئالدىدا مېھمان مەيداندا ئاۋىستىرىيە كوماندىسىغا ئۇتتۇرۇپ قويغان شىۋىتسىيە كوماندىسى بۇ مۇسابىقىدە قاتتىق تىركەشتى .ئاخىردا ،شىۋىتسىيە كوماندىسى دۇنيادا ئۈچىنچى ئورۇندا تۇرىدىغان قاتىل ھۇجۇمچى ئىبرايىموۋىچنىڭ ئۇرغان ئىككى توپى بىلەن رەقىبىنى مەغلۇپ قىلىپ ئۈچ نومۇرنى قولغا كەلتۈردى .

       مۇسابىقىدىن كېيىن بۇ گۇرۇپپىنىڭ ۋەزىيىتى ئىنتايىن خەتەرلىك ئەھۋالغا چۈشۈپ قالدى . ھازىر شىۋىتسىيە ،ئاۋىستىرىيە ،ئىرلاندىيە قاتارلىق ئۈچ كوماندىنىڭ نومۇرى ئوخشاشلا 11 نومۇر ،بىرىنچى ئۇرۇندىكى گېرمانىيە كوماندىسى ئاساسى جەھەتتىن دۇنيا لوڭقىسى ھەل قىلغۇچ چەمبىرىكىگە كىرىپ بولدى .گېرمانىيىدە چاتاق يوق ،ئەمدى مۇشۇ ئۈچ كوماندا ئىككىنچىلىك ئورنىنى تالىشىش ئۈچۈن كېيىنكى ئايلانمىدا كەسكىن جەڭ قىلىدۇ .قازاقىستان ۋە فائېرو تاقىم ئاراللىرى پۈتۈنلەي خۇشلاشتى .

       ئىبرايىموۋىچ دۆلەت كوماندىسىغا ۋاكالىتەن ھازىرغا قەدەر 90 مەيدان مۇسابىقىگە قاتناشقان بولۇپ ،جەمئىي توپ سانى 41 گە يەتكەن .ئىبرايىموۋىچلا بۇلىدىكەن شىۋىتسىيە خەلقى خاتىرجەم بولىدۇ .ئىبرايىموۋىچ دۇنيا لوڭقىسىغا قاتناشمىسا پۈتۈن دۇنيا توپ مەستانىلىرى ،جۈملىدىن بارسېلونادىكى مېسسى بىلەن خان مادرىدتىكى كىرىستىئانو رونالدۇنىڭمۇ كۆڭلى يېرىم بولىدۇ .2014-يىلى ، بىرازىلىيە مانا مۇشۇنداق داڭدار ماھىرلار بىلەن يۇقۇرى پەللىگە يەتكۈسى !

ماھىرچاق

2014_يىلى بۇ تۆگىنى بىرازىليەدە كۆرۈشنى ئۈمۈد قىلمەن........... تىرشىقىن تۆگە..............

كۆكتۈرك

ئېسىل تۆگە.

تۇمشۇق

گىرمان بىلەن بىر گۇرۇپپىدا بۇلۇپ قېلىپ تەلەيسىز بوپقاپتۇ ، بۇ بولمىسا راسلا قىززىمايدۇ

بەگزات

بىلگىيار

تۆگە

بۈركۈت

ئىبرايموۋىچتەك ئىپادىسى  تۇراقلىق ھەم  ئالدىنقى  قاتاردىكى  ھۇجۇمچدىن  نەچچىسى  باردۇ ؟؟؟ يامان  تۆگە  جۇمۇ  . بۇنىڭغىمۇ   بىر  ئەپەندىلىك  كەم  بوپ  قالدى

awral1432

بەكلا تەس،تىرىشقىن تۆگە.

missi0998

بىرازىليەدە ساقلايمەن

kuyaxoghli

تۆگە دىگەن زادى ماسلىشىشچان. سۇ بارمۇ يوقمۇ قۇملۇقمۇ باشقا يەرمۇ ياشاۋېرىدۇ. بۈرگىدەك پارازىت ياشىمايدۇ.

ئېتقاد

نۇقتا توپ بىرىشكە تىگىشلىك ئەمەستەكلىغۇ ئالدىراپ بېرىپ قۇيۇپتۇ

ئوتقاش

kuyaxoghli يوللىغان ۋاقتى  2013-6-12 18:38
تۆگە دىگەن زادى ماسلىشىشچان. سۇ بارمۇ يوقمۇ قۇملۇقمۇ ب ...