|
ئىسپانىيە ئاخبارات ۋاستىلىرى نېيمارنىڭ مۇئاشىنى ئاشكارلىدى
يېقىندا «ئاس گېزىتى» نېيمارنىڭ بارسىلونادىكى مۇقىم يىللىق مۇئاشى 7 مىليۇن ياۋرو بولىدۇ، ئەڭ كۆپ دېگەندىمۇ 9 مىليۇن ياۋرودىن ئېشىپ كەتمەيدۇ دەپ خەۋەر بەرگەن. كەينىدىنلا ئىسپانىيەدىكى يەنە بىر ئاخبارات ئورگىنى «نۇقتا توپ نۇقتىسى» ئاشكارلاپ نېيمارنىڭ يىللىق مۇئاشى 17 مىليۇن ياۋرو بولىدۇ دەپ خەۋەر باسقان. زادى قايسىسىغا ئىشىنىش كېرەك؟ بۇنىڭغا قارىتا بارسىلونا ھېچقانداق ئىپادە بىلدۈرمىگەنىدى. ئەمما ئالدىنقى كۈنى بارسىلونانىڭ زۇۋاندارى «دۇنيا تەنتەربىيە گېزىتى» خەۋەر بېسىپ، نېيمارنىڭ يىللىق مۇئاشىنىڭ 7 مىليۇن ياۋرو ئىكەنلىكىنى، شۇنداقلا مۇئاشنىڭ يۇقىرلىقى جەھەتتە بارسىلونادا 6-ئورۇندا ئىكەنلىكىنى دەلىللىگەن.
بارسىلونا كۇلۇبى نېيمار بىلەن توختام ئىمزالىغاندىن كېيىن تا ھازىرغىچە ئۇنىڭ مۇئاشى توغرىسىدا ھېچقانداق ئاشكارلاش ئېلىپ بارمىغان. شۇ سەۋەپتىن ئىسپانىيە ئىچى-سىرتىدا نېيمارنىڭ مۇئاشى توغرىسىدا ئوخشمىغان خەۋەرلەر تارقىلىپ يۈرگەن. نېيمارنىڭ يىللىق مۇئاشىنىڭ زادى قانچىلىك بولغانلىقىنى ئىسپاتلاش ئۈچۈن «دۇنيا تەنتەربىيە گېزىتى» ئەڭ كەسپىي ئىككى نەپەر مۇخپىرىنى بارسىلونا كۇلۇبىنىڭ ئىچكى قىسىمىغا تىڭ-تىڭلاپ بېقىشقا ئەۋەتكەن بولۇپ، ئۇلار ئىگەللىگەن ئاخباراتلاردىن مەلۇم بولۇشىچە، بارسىلونا كۇلۇبىدا نېيمارنىڭ مۇئاشى ئەڭ يۇقىرى بولماستىن ، بەلكى مېسسىنىڭ يەنىلا يىللىق مۇئاشنىڭ يۇقىرلىقى جەھەتتە (باجدىن كېيىنكى يىللىق مۇئاشى 13 مىليۇن ياۋرو) 1-ئورۇندا ئىكەنلىكى، مېسسىدىن قالسا شاۋى، ئىنىستا، ۋىللا ئۈچىنىڭ يىللىق مۇئاشى 8 مىليۇندىن 9 مىليۇنغىچە، پىكنىڭ مۇئاشى 7 مىليۇندىن ئاشىدىغانلىقى، نېيمارنىڭ مۇئاشى بولسا نەق 7 مىليۇن ياۋرو قىلىپ بېكىتىلىپ، كۇلۇپ ئىچىدە 6-ئورۇنغا تىزىلغانلىقى ئاشكارلانغان. ئۇنىڭدىن باشقا يەنە بۇسكىسنىڭ توختام ئۇزارتقاندىن كېيىنكى مۇئاشىمۇ 7 مىليۇن ياۋرو قىلىپ بېكىتىلىدىغانلىقى مەلۇم بولغان. | 
يوللىغان ۋاقتى 2013-6-11 02:11:28
يوللىغان ۋاقتى 2013-6-11 02:24:52
