مادرىد « ئالتۇن سول پۇت » بىلەن توختام ئىمزالىدى

توپ تەپكۈچى

      ئىلگىرىكى يىللارغا ئوخشاشلا بارسېلونا بىلەن خان مادرىد يۆتكىلىش بازىرىدا دۆلەت دىربى ئويناپ كېتىدۇ .ھازىر بارسېلونا 1 : 0 خان مادرىد ،چۈنكى بارسېلونا يېقىندا نېيمارنى يۆتكەپ كەلدى .ئەمدى خان مادرىدچۇ ؟ مۇشۇنداق بارسېلوناغا قاراپ قول قوشتۇرۇپ تۇرامدۇ ؟ ياق ،بۇ ئاقسۆڭەكلەرمۇ بوش ئەمەس ! 6 -ئاينىڭ 8-كۈنىدىكى ئىسپانىيە ئاخبارات ۋاستىلىرىنىڭ ئەڭ يېڭى خەۋىرىگە قارىغاندا ،خان مادرىد كۇلۇبى توتىنھامدىكى « ئالتۇن سول پۇت » بېلنى 90 مىليون ياۋروغا سېتىۋاپتۇ .توختامنىمۇ بۈگۈن ئىمزالاپتۇ .

      بۇ خەۋەرنى ئەسلى خەلقئارا پۇتبول بىرلەشمىسنىڭ داڭلىق ۋاستىچىسى ۋىللام گاللاس كاتولونىيا تېلېۋىزىيە قانىلىنىڭ زىيارىتىنى قوبۇل قىلغاندا ئاشكارلىغان بولۇپ ،نۇرغۇنلىغان يۆتكىلىش خەۋەرلىرىنىڭ ئەسلى ماھىيىتى دەل مۇشۇ ئادەمنىڭ دەلىللىشىدىن ئۆتىدىكەن .ۋىللام مۇنداق دېگەن :بېلنى ھىساپتا مادرىدنىڭ ئادىمىگە ئايلىنىپ بولدى دىسەكمۇ بولىدۇ .بېل ئۇزۇنغا قالماي مادرىدنىڭ كىيىمىنى كىيىدۇ .بۇ مۇقىملىشىپ بولغان ئىش ،بۇ سودا ھەقىقەتەن 90 مىليۇنغا توختىدى .

       شۇنداق بولغاندا بېل دۇنيا پۇتبول تارىخىدىكى باھاسى ئەڭ يۇقىرى پۇتبولچىلارنىڭ ئىچىدە ئىككىنچى ئورۇنغا ئۆتىدىكەن .بىرىنچىسى پورتۇگالىيەلىك قاتىل ھۇجۇمچى كىرىستىئانو رونالدو بولۇپ ،ئەينى يىلى مانچېستىر بىرلەشمىسىدىن 94 مىليون ياۋرولۇق باھا بىلەن يۆتكىلىپ كەلگەن .



قۇشۇمچە : بېل  1989-يىل 7-ئاينىڭ 16-كۈنى ۋىلىشتا توغۇلغان .مەيداندىكى ئورنى : سول ھۇجۇم ،9 يېشىدىن باشلاپ ئېنگىلاندىنىڭ جەنۇبى ئامپىتون ياشلار تەربىيىلەش مەركىزىدە چېنىققان .بېلنىڭ ھەرقايسى جەھەتلەردىكى تېخنىكىسى دەل مۇشۇ كوماندىدا تەرەققى قىلغان . 2006-يىل 4-ئاينىڭ 16-كۈنى ، يەنى 2005-2006-يىلدىكى ئېنگىلاند چېمپىيونلۇق بىرلەشمىسىدە ، شۇ چاغدا 16 ياش ، 275 كۈنلۈك بولغان بېل تۇنجى قېتىم جەنۇبى ئامپىتون كوماندىسىغا ۋاكالىتەن مەيدانغا چىققان .

        كېيىنكى پەسىل جەنۇبى ئامپىتون كوماندىسىنىڭ دەرىجىدىن تاشقىرى بىرلەشمىسىگە چىقىش نىشانى مەغلۇپ بولغاندىن كېيىن ،توتىنھام كۇلۇبى ،ئىلگىرى -كېيىن بولۇپ مانچېستېر بىرلەشمىسى ،ئارسىنال قاتارلىق بىر نەچچە كۇلۇپ ئۈستىدىن غالىب كېلىپ 12 مىليون ياۋرولۇق يۇقىرى باھا بىلەن بېلنى يۆتكەپ كەلگەن .بېل بۇ كوماندىغا كەلگەندىن كېيىن ھەقىقى سەۋىيسىنى نامايەن قىلغان .ئىپادىسى قالتىس بولغان .ھەمدە توتىنھام توپ مەستانىلىرىنىڭ قەلبىگە سىڭىپ كىرگەن .

          2007-2008-يىللىرى بېل تېخىمۇ يۇقىرى پەللىگە چىققان .بۇلۇپمۇ ئارسىنال كوماندىسى بىلەن بولغان 156-قېتىملىق لوندون دىربىدە يۇقىرى ماھارەتلىك توپتىن بىرنى ئۇرۇپ كىرگۈزگەن .بو توپ ناھايىتى چىرايلىق كىرگەن .بىراق كېيىنكى ئايلانمىدا بېلنىڭ تىز لىپەك قىسمى ئېغىر يارىلىنىپ  بىرلەشمىسنىڭ ئاخىرقى مۇسابىقىلىگە قاتنىشالمىغان .شۇ پەسىل بېل 13 مەيدان مۇسابىقىدە ئۈچ توپ كىرگۈزگەن .ياشلىق كۈچى ئۇرغۇپ تۇرىدىغان بېل تېزىلكتە ساقىيىپ قايتىدىن مەيدانغا قايىتىپ كەلگەن .شۇ پەسىل بېل ئېنگىلاندىكى ئەڭ چاقنىغان ،شۇنداقلا ئەڭ قىزىق نوقتىغا ئايلانغان پۇتبولچى بۇلۇپ قالغان .پىشىپ يېتىلگەن بېل يېقىنقى بىر نەچچە يىلدىن بۇيان قالتىس ئىپادىسى بىلەن تېخىمۇ تۇنۇلۇپ كەتكەن . .....ئەمدى رونالدو بىلەن بېل ، بارسېلونادىكى مېسسى بىلەن نېيمارغا قارشى جەڭگە ئاتلىنىدۇ .

               « ئالتۇن سول پۇت » نىڭ ماھارىتىنى كۆرگىڭىز بارمۇ  ؟ .....

awral1432

دېربى يەنىلا قىزىيدىغان بولدىدە.

missi2

مىسسى ، ئىنىستا،نىيمارلار،
كۈتمەكتە  چىملىق  مەيداندا .
رونالدو ئاكاڭ تەڭ كىلەلمەي،
دەرت تۆكەر ئىلىنانىڭ قوينىدا.

مانا ئەمدى كەپسەن ئىسپانغا،
رونالدوغا بولماقچى ھەمدەم.
قىزىپ كەتسۇن يېڭى پەسىل،
يار بولغاي غەلىبىلىك باسقان قەدەم.

چاڭ چىقىرار ئىسپان بۇقىلىرى،
سەنمۇ كۆنەرسەن ئۇشبۇ جەڭگاھقا.
بارسىلونا مادرىد ئەشەددى رەقىب،
قان تولۇقلاپ توپلاندى بارگاھقا.

يۇلۇچى

ھازىر 1؛1بوپتىدە. بۇيىل بارسىلونا كۆپرەك قان تۇلۇقلىمىسا كىلەر يىلى چاتاق.

زومىگەر

金刚左脚   
90 مىليۇنغا ئالغانغا يارىشا مۇشۇ نامغا چۇشلۇق ئويناپ كەتسە مەيلىتى..
  ئەمدى رونالدو ئاخشامقى مۇسابىقىگە ئوخشاش ئوتتۇرا ھۇجۇم ئوينامدىغاندۇ؟؟
   

يورۇق

خوش خەۋەر بولا مۇشتاق بولا

چىملىق

  مۇھىمى  تىرنىرتى.....  بىرە  شەپىمۇ  يوق  ھازىرغىچە....  بىل  ئېچىلىپ  كەتسە  بولاتتىغۇ  كىپلا.

سەبرى22

ۋاھ  ۋاھ ..مانا كارامەت..مېسسى نېيمار...رونالدو بېل...ماۋۇ مەنزىرە ھەجەپ ھەيۋەتلىك ھە...مادىرتنىڭ ئاساسى جەھەتتىن ئىشى تۇگەپتۇ...ئەنچىلودى كەلسە تېرىنېردىن غېمى يوق....ئەمما بىزنىڭ غەم تېخى يەتكۇچى  بار..بىرەر بېكنى  سېتىۋالغانلىق خەۋەر تېخى  يوق...قارىغاندا  بىزنىڭ كىلىشكەن  يەنە تۇرۇپ قالدىغان چىراي..بېلنى 100پىرسەنىت مادىرىت ھۇجۇم سېپىگە ماسلىشالايدۇ دىسە ئىشىنىمەن...لىكىن  ماۋۇ بىزنىڭ ھۆپپوپ ياق ئۇنداق دىمەي ，بىزنىڭ تالانىت ئىگىسى بىرازىليەدە يىگانە ئويناپ كونگەن بارساغا  ماسلىشارمۇ...گۇئاردىيولا بولغان بولسا ماسلاشتۇرۋېتىتى..لىكىن  خۇدا  ساقلىسۇن ..ساقتا  بۇلۇپ  قېلىشتىن..ئىشلار ئاسانغا چۇشۇپ  لۇيىسنى پۇيولنىڭ ئورنىغا..سېلۋانى ياكى خۇملىسنى پېكنىڭ ئورنىغا سەپلىگەن بولساق..ئوتتۇردا بۇ ئىككى دارازا  بوشلۇق ھۇجۇمغا ئۇنۇملۇك تاقابىل تۇرالايتى...ئارۋىس بىلەن ئالبا ھۇجۇمدىن ئوت چىقىرۋاتسا بەك پەيزى بۇلاتتى.

زەردار

ئەمدى ئىبراھىمۇۋىچنى ئەكەلسە بۇلاتتى  .   (ھىگۇايىن+پۇل = ئىبراھىمۇۋىچ )

ئەبرار

مەنمۇ كۆرگەنتىم بۇ خەۋەرنى لېكىن تازا ئىشىنىپ كېتەلمىگەن . ئەگەر راسىت بولسا بەك ياخشى ئىش بولاتتى . ئەمدى دىمارىياخانغا خەيرى خۇش دەيمىزكەندە .
يەنە بىر خەۋەرلەرگە قارىغاندا ، پارىژ كوماندىسى ، ئەنچىلۇتىنى مادرىتقا بېرىمىز لېكىن شەرتىمىز بەك ئاددى ، دىمارىيانى بىزگە بىرىلىسلەر ئۇستىدىن پۇل قۇشۇپ بېرىمىز دەپ شەرىت قويۇپتۇ .
مېنىڭچە دىمارىيا بىلەن بىل تەڭ دەرىجىدىكى توپچىلار ، دىمارىيا بەك تولا يارلىنىدۇ شۇڭا بۇنى يولغا سالغان تۇزۇك .
90 مىليۇنغا سەل قىممەت كەتتى 70 مىليۇن ئەتىراپىدا بولسا مۇۋاپىق بولاتتى . لېكىن پۇلنى بىز چىقارمىغاندىن كېيىن بىزنىڭ نېمە كارىمىز . بىزگە ئېچىلىپ ئويناپ بەرسە شۇ ئەڭ ياخشى .

تۇمشۇق

نىمانچە قىممەت ئېلىۋالغاندۇ بۇ ، رونالدونىڭ ئاچچىقى كىلىپ كىتىپ قالمىسىلا بۇلاتتىغۇ بۇ ، رونالدونىڭ ئورنىنى تولدۇرۇپ بۇلالمايدۇ بۇ

c.ronaldo77

ھەر كۈنى نەچچە قېتىملاپ مۇنبەرگە قايتا-قايتا كىرىمەن.
نېمىشقا؟
بېلنى مادرىتقا كەلدىمىكىن دەپ،
‹‹مانا بۈگۈن ئازراق بولسىمۇ خوش خەۋەر كەلدى.››