- تىزىملاتقان
- 2011-3-31
- ئاخىرقى قېتىم
- 2013-6-11
- ھوقۇقى
- 1
- جۇغلانما
- 2498
- نادىر
- 1
- يازما
- 2498
|
پۇتبول چولپانلېرىنىڭ تولىسى مائاشى مىليوندىن ئاشىدىغان كاتتا بايلاردۇر. شۇڭا چولپانلار دائىم مائاشى ياكى ئېلان كىرىمى قاتارلىق يوللار بىلەن توپلىغان پۇللېرىنى يەنە پۇتبولغا ياكى نۇرغۇن سودا ئىشلېرىغا مەبلەغ سىلىپ قۇشۇمچە تاپاۋەت قىلىپ تۇرىدۇ، شۇنداقلا پۇتبول ساھەسىدىن چېكىنگەندىن كېيىنكى تۇرمۇشىنى كاپالەتكە ئىگە قىلىدۇ. مىسالەن چوڭ رونالدونىڭ جەنوبى ئامېرىكىدىكى كۆپلىگەن كەررىفور تاللا بازارلېرىنىڭ غۇجايىنى ئىكەنلىكى ھەممەيلەنگە ئايان. بېكخاممۇ ئامېرىكا بۈيۈك ئىتتىپاق پۇتبول بىرلەشمىسىگە تەۋە بىر پۇتبول كۇلۇبىنى سېتىۋالماقچى دىگەندەك...ئادەتتە پۇتبولچىلار كۆپرەك رىستۇران، ئۆي مۆلۈك كەسپى دىگەندەك كەسپلەرگە مەبلەغ سىلىشقا ئامراق. لېكىن چېلسىنىڭ بۇلتۇرقى ئۇزغۇنلۇق چىمپىيونلۇقىنىڭ تۆھپىكارى، ھازىرقى گالاتا ساراينىڭ ھۇجۇمچىسى دېۋە دىروگبا دۆلىتى كوتىدىۋودىكى بىر ئالتۇن كانغا پاي قوشقان.
كوتىدىۋو قاتناش مىتىستىرى بىرۇنۇ كېن بۇ خەۋەرنى دەلىللىگەن. بۇ كان كوتىدىۋودىكى ئەڭ بۇرۇن ئېچىلغان كان بۇلۇپ 1991-يىلدىن باشلاپ قىزىلغان. پايتەخت ئابىجاننىڭ 700 كىلومىتىر غەربىدە. ھازىرغىچە 80 تۈمەن ئۇنسىيە(بىر ئۇنسىيە تەخمىنەن 30 گىرام) ئالتۇن قىزىلغان. ھازىر بۇ كاننىڭ پاي ھوقوقى كوتىدىۋو دۆلەتلىك كانچىلىق گۇروھى، كانادادىكى مەلوم بىر كانچىلىك گۇروھ ۋە دىروگباغا تەۋەكەن. لامانچا ئىسىملىك كانادانىڭ بۇ شىركىتى ئەسلى بۇ كاننىڭ پاي ھوقوقىنى پۈتۈن ئۆتكۈزىۋالماقچى بولغان لېكىن كوتىدىۋو تەرەپ قۇشۇلمىغان. شۇنداقتىمۇ بۇ شىركەت ھازىر بۇ كاننىڭ %55 پىرسەنت پېيىنى كونتىرول قىلغان. دىروگبا بولسا ھازىر %5 پىرسەنت پېينى كونترول قىلغان. بۇ كاننىڭ بۇ يىلقى سودا قىممىتى 1 مىليارد 100 مىليوندىن ئاشىدىغان بۇلۇپ دىروگبانىڭ بۇ كاندىن ئېرىشىدىغان پايدىسى 100 مىليون فوندسىتىرلىڭغا يىتىشى مۆلچەرلەنگەن.
كوتىدىۋو پىل چىشى دۆلىتى دەپمۇ ئاتىلىدۇ. دۇنياغا داڭلىق كاكائۇ ئىشلەپچىقىرىدىغان دۆلەت بولۇپ كاكائۇ مەھسولات مىقدارى دۇنيا بويىچە بىرىنچى ئورۇندا تۇرىدۇ. نەچچە يىلدىن ياقى ئىچكى ئۇرۇشقا پىتىپ قالغان كوتىدىۋونىڭ كانچىلىق ئىشلېرىنى ناھايتى قالاق بولۇپ بۇدا ھۆكۈمەت كوتىدىۋو شۇنداقلا پۈتكۈل دۇنيادا زور شۆھرەتكە ئىگە دىروگبانىڭ نام ئابرويى ئارقىلىق كوتىدىۋونىڭ كانچىلىق ئىشلېرىنىڭ تەرەققى قىلىشىنى، چەتئەل شىركەتلېرىنىڭ كوتىدىۋوغا كۆپلەپ مەبلەغ سېلىشىنى ئۈمۈد قىلغان. كونكىرت توختام مەزمونى ئاشكارلانمىغان. |
|
يوللىغان ۋاقتى 
