| ئومۇمى يازمىسى: |
ھوقۇق چېكى: 150 |
| جۇغلانمىسى: 2036 |
تۆھپىسى: سەر |
|
مۇخپىر ۋاڭۋېي نىڭ گېرمانىيە ميۇنخىندىن ئەۋەتكەن خەۋىرى : گېرمانىيە داڭلىق توپ چولپىنى برېتنېر مەخسۇس زىيارەتنى قوبۇل قىلغاندا ئاز دېگەندىمۇ 10 قىتىم ئېرپانجاننىڭ ئىسمىنى تىلغا ئېلىپ ، ئۇنىڭ 2013-يىلى چوقۇم بايرىن ميۇنخىنغا كېلىپ مەشىق قىلىشىنى ئارزۇ قىلىدىغانلىقىنى بىلدۈرگەن ئىدى . بۇ قىتىم ، ئېرپانجان كەلدى .
2011-يىلى پۈتۈن دۆلەتلىك مەكتەپلەر پۇتبول لاگىرى چىڭدۇ لاگىر رايونى مۇسابىقىسىدە ، ئالتۇن رەڭ چاچ شىنجاڭلىق ئۇيغۇر كىچىك توپچى كىشىلەرنىڭ دېقىتىنى تارتتى ، پۇختا بولغان تېخنىكا ، ئىشەنچكە تولغان توپ ئېلىپ مېڭىش ، ئوخشاش ياشتىكىلەردىن ئۈستۈن بولغان سەزگۈ ، شۇ ۋاقىتتا بىر چەتتە تۇرغان برېتنېرنىڭ ئېرپانجانغا كۆزى چۈشكەن ئىدى . بۇ يىل 2-ئايدا ، برېتنېر يەنە بىر قىتىم ئېرپانجاننى كۆردى ، ئىككى ياش چوڭايغان ئېرپانجان تېخىمۇ گەۋدىلىك كۆرۈنەتتى . ئېرپانجانغا بىر قانچە ئورننى ئوينىتىپ كۆرگەندىن كېيىن ، برېتنېر نومۇر قويغۇچى ترېنېر شېدوڭفىڭغا :«ئۇنى بايرىنغائېلىپ بېرىشنى ئۈمۈد قىلىمەن .» دېدى .
«ھېلىقى ئاق ساقاللىق مويسىپىت كىشى ئېسىڭىزدىمۇ ؟» دەپ سورىدى مۇخپىر . «ئەلۋەتتە ئېسىمدە .» ئۇندىن كېيىن مۇخپىر ئېرپانجاندىن بايرىنغا كەلگەندىكى تۇيغۇسىنى سورىغاندا :«ھەقىقەتەن ياخشىكەن !» دەپ جاۋاپ بەردى . ئەمەلىيەتتە ئېرپانجان بايرىن توپ مەستانىسى ئەمەس ، ئۇ لىۋېرپۇلنى بەكرەك ياخشى كۆرىدۇ ، ئەينى ۋاقىتتا لىۋېرپۇل ئىستانبۇلدىكى ياۋرۇپا چېمپيونلۇق لوڭقىسى ھەل قىلغۇچ مۇسابىقىسىدە 0 دە 3 ئارقىدا قىلىپ ، كېيىنكى مەيداندا مەغلۇبىيەتنى غەلبىگە ئايلاندۇرۇپ چېمپيونلۇقنى قولغا كەلتۈرگەنلىكى ھېلىمۇ ئۇنىڭ يادىدا بار ئىكەن .
ميۇنخىندىكى «Sportschule» مەشىق مەركىزىدە ، ئېرپانجان ئەڭ ئويۇنچى ھېسابلىنىدۇ ، مەشىق ئاخىرلاشقاندىن كېيىن ئۇ ھەمىشە ياتاقداشلىرىنى ئەگەشتۈرۈپ بىليارت ئوينىغىلى بارىدۇ . 3-چېسلا كەچتە ئۇ رەقىبى بولغان ياپونىيە كوماندىسىنىڭ كوماندا يىتەكچىسىنى ئۇچرىتىپ قىلىپ ، ئاكتىپ ھالدا ئۇنىڭغا جەڭ ئېلان قىلىدۇ ، ھەمدە 3 دە 0 نەتىجە بىلەن ياپونىيە كوماندا يىتەكچىسىنى مەغلۇپ قىلىدۇ . «ياپونىيە كوماندىسىنىڭ ھېلىقى يىتەكچىسى قەتئىي قايىل بولماپتۇ ، مەن ئۇنىڭ جەڭ ئېلانىنى قوبۇل قىلىمەن ، ئۇنى يەنە يېڭىمەن .»
بايرىننىڭ ساھىپجان مەيدانى ئەللىيەن توپ مەيدانىغا كىرگەندە ، ئېرپانجان تۇنجى بولۇپلا بەش يۇلتۇزلۇق قىزىل بايراقنى چىقىرىپ مۇخپىردىن توپ مەيدانى سىرتىدا رەسمىگە تارتىپ قويۇشنى ئۆتۈندى . ئاندىن كېيىن ئۇ بايرىن مەھسۇلاتلىرى دۇكىنىنىڭ ئالدىغا كېلىپ ، بايرىن توپ كېيىمى قاتارلىق بارسىلەرنى ئالدى ، ئاخىرىدا يېنىدا ئېلىپ بارغان 100 ياۋرۇدىن 1 ياۋرۇلا قالدى .
ئادەتتە ، سەپداشلىرى ئۇنى «كىچىك پۇتىن» دەپ چاقىرىدۇ ، روسىيە كوماندىسى بىلەن گورۇپپىلىشىپ مۇسابىقىلەشكەندە ، بايرىندىكى ترېنېر ئېرپانجاننى روسى يەلىك ئەزالار بىلەن بىر گورۇپپىغا بۆلۈپ قويدى . توپ ئېلىپ مېڭىشى چەبدەس ، سەزگۈسى ئۆتكۈر ، بۇ ئېرپانجاننىڭ ئالاھىدىلىكى . ياپونىيە كىچىك توپچىلىرى بىلەن بەدەن قىززىتقان ۋاقىتتا ، ئېرپانجان سەزگۈ ۋە ئاڭ جەھەتتىكى پەرقنى ھېس قىلدى ، شۇنداق بولسىمۇ ئۇ ئاكتىپلىق بىلەن ياپونىيە كوماندىسىنىڭ يادرولۇق ئەزاسى بولغان بويى ئارانلا 1.46 مېتىر كەلگەن تاكاخاشىنى مۇداپىيە قىلىشنى تاللىدى ، دەل مۇشۇ 14 ياشلىق ياپونىيلىك بالا جۇڭگو بىلەن بولغان بەدەن قىزىتىش مۇسابىقىسىدىكى بىردىنبىر توپنى كىرگۈزدى ، ئۇ مەيدان مۇسابىقىنىڭ نەتىجىسى جۇڭگو 2 دە 1 نەتىجە بىلەن ياپونىيە كوماندىسىنى يەڭدى .
«بۇ ئىككى يىلدىكى ئۆزگىرىشكە ئاساسەن ، سىزنىڭچە ئېرپانجاننىڭ سەۋىيسى ئۆستىمۇ ياكى ئىلگىرلەش بولمىدىمۇ ؟» دۆلەتلىك مەكتەپ پۇتبول ئىشخانىسىنىڭ مەسئۇلى زىڭدەن مۇخپىردىن شۇنداق سۇئال سورىدى . ھازىر ئېرپانجان ئۈچۈن چوڭ بىر خوش خەۋەر شۇكى ، بەزى ۋاستىچىلار ئۇنىڭ بىلەن ئالاقىلىشىشنى باشلاپتۇ . مەكتەپ پۇتبولىدىن يىتىشىپ چىققان ئېرپانجان ھازىر ھەقىقەتەن كەسپىي مەشىق ئارقىلىق تەربىيلىنىشكە مۇھتاج ، تالانت ئېگىسى كۆمۈلۈپ قالماسلىقى كېرەك .
مەنبە : «مەكتەپ پۇتبولى» گېزىتى |
|
ۋاقتى: 2013-6-6 12:54:21
تېما كۆتۈرۈش
تېما چوققىلاش
تېما تاقاش
变色卡
ۋاقتى: 2013-6-6 13:15:18
ئىگىسى
