ياۋروپادىكى ھالسىرىغان زەردارلار(1) (سەييارە)

سەييارە

                                            ئەسسالامۇ ئەلەيكۈم
        زەردارلار ماكانى بولغان كەڭ كەتكەن ياپيېشىل ياۋروپا قىتئەسىدە ئۆچمەس شانلىق تارىخلارنى ياراتقان نۇرغۇن كۇلۇبلار بار.خۇددى ئېرىپ تۈگىمەيدىغان شام،يېنىپ خىرەلەشمەيدىغان چىراق بولمىغىنىغا ئوخشاش ،بىز بۇدۇنياغا كۆز ئاچماستا ياۋروپا ھەتتا دۇنيانى سورىغان،مونوپوللۇقنى قولىغا ئېلىۋالغان غايەت زور بىر تۈركۈم زەردارلارنىڭ ھالا بۈگۈنگە كەلگەندە ئۆزىنى ساقلاپ قالغانلىرى قېلىپ،چېكىنگەنلىرى چېكىنىپ بۇرۇنقى نەۋقىران ياشلىقىدىن قېلىۋاتىدۇ.بۇنىڭ سەۋەبىنى تاپىمىز دېسەك تېخىمۇ كۆپ سۆزلەشكە توغرا كېلىدۇ،ئەلۋەتتە.

           ھەممىمىزگە ئايانكى دۇنياۋى، ئېسىل، ياراملىق ،پۇتبولچىلارنىڭ كۆپلىرى جەنۇبى ئامرىكا قىتئەسىدىكى بىرازىليە،ئارگېنتىنا قاتارلىق ئەنئەنىۋى پۇتبول دۆلەتلىرىدىن كۆپ چىققان لېكىن ئۇلار بىرازىلىيە ،ئارگىنتىنادا ئەمەس بەلكى  تەرەققى تاپقان ياۋروپا قىتئەسىگە كېلىپ ئۆزىنىڭ تالانتىنى نامايەن قىلىپ دۇنيا جامائەتچىلىكىگە تونىلىدۇ.ياۋروپادىكى كۇلۇپلارنىڭ ئىقتىسادى باشقا يەردىكى كۇلۇپلاردىن ياخشى بولغانلىقى سەۋەپلىك دۇنيانىڭ ھەرقايسى جايلىرىدىكى پۇتبول چولپانلىرى ۋە مايسىلىرىنى ئۆزىگە تارتىدۇ ھەمدە قازىدۇ.شۇ ئارقىلىق دۇنيانىڭ كۆپ قىسىم جايلىرىدىكى مەستانىلەرنى ئۆزىگە جەلىپ قىلىدۇ.
تۆۋەندىكى ياۋروپا ھەمدە پۈتكۈل دۇنياغا داڭلىق بەش چوڭ بىرلەشمە:
1.ئىنگىلاند دەرىجىدىن تاشقىرى بىرلەشمىسى

2.ئىسپانىيە ئا دەرىجىلىكلەر بىرلەشمىسى

3.ئىتالىيە ئا دەرىجىلىكلەر بىرلەشمىسى

4.گىرمانىيە ئا دەرىجىلىكلەر بىرلەشمىسى

5.فىرانسىيە ئا دەرىجىلىكلەر بىرلەشمىسى

    يۇقىرىدا كۆرۈپ ئۆتتۇق مانا مۇشۇنداق دۇنياۋى بىلەشمىلەر ئىچىدىن قانچىلىغان كوماندىلار بىر زامانلاردا بولىشىغا دەۋىر سۈرۈپ ھازىر خۇددى ھارغىنلىق يەتكەندەك بولۇپ ئۆز ئەسلىنى تاپالمايۋاتىدۇ.ھەقىقەتەنمۇ ئاسان ئەمەس رىقابەت ئەڭ كۈچلۈك بولغان ئىنگىلاند دەرىجىدىن تاشقىرى بىرلەشمىسىگە نەزىرىمىزنى ئاغدۇرۇپ باقايلى.ھازىر زەردارلىقىنى يوقاتماي ئويناۋاتقان ۋە يېڭى زەردارلىققا يۈزلەن كوماندىلارغا ئەمەس بۇرۇن ياۋروپانى زىل زىلگە سېلىۋەتكەن لېۋىرپولدەك كونا قېرى زەردەرلارغانوتتىنھام ئورمان كۇلۇبى،ئېۋىرتون كۇلۇبى دەك كونا كۈچلۈك كوماندىلارغا قاراپ باقساق بولىدۇ.يەنە ئىتالىيە ئا بىرلەشمىسىدىكى بوشاپ قېلىۋاتقان ئىنتىر مىلەن،رىم قاتارلىقلارمۇ بار.ئۇلار دەۋىر سۈرگەن دەۋىرلەر دە ئارىمىز دىكىلەردىن قانچىمىز كۆرگەن بۇ نامەلۇم لېكىن ناھايىتى ئاز.
      گەپنىڭ قىسقىسىغا كەلسەك،مەن ئۆزۈم بىر مادرىد مەستانىسى.شۇنداق بولسىمۇ ياۋروپادىكى بەش بىرلەشمە ۋە ئۇلارنىڭ ئىچىدىكى كونا ھالسىرىغان ،زەردارلىقىنى ئاز تولا يوقىتىپ قويىۋاتقان چىمپىيونلۇق بىرلەشمىسىدە بۇرۇنقىدەك چاقنىيالمايۋاتقان بەزى كوماندىلار ئۈستىدە ئاز تولا بىر نەرسە يېزىپ باقماقچى بولۇپ مۇنۇ تېمىغا تۇتۇش قىلدىم.قېنى ئەمسە 1-قىسىمدا ئۆزۈم مادرىتتىن باشقا ئەڭ ياقتۇرىدىغان ئارسېنال كوماندىسىدىن باشلاپ كېتەي...................
   
                                                                  .........................

كۇلۇپ ئىسمى:ئارسېنال پۇتبول كۇلۇبى
ئېنگىلىزچە ئاتىلىشى:Arsenal FC
قاتنىشىدىغان دۆلەت بىرلەشمىسى ۋە تەۋەلىكى:ئىنگىلاند دەرىجىدىن تاشقىرى بىرلەشمىسى،ئەنگىلىيە لوندون شەھىرى شىمالى رايونى
قۇرۇلغان ۋاقتى:1886-يىلى                             

ساھىپخان مەيدانى:خەلىپە مەيدانى
سىغدۇرالايدىغان ئادەم سانى:60432ئادەم
كۇلۇپ خوجايىنى:ئەلشىر ئوسمانوف
ھازىرقى تېرىنىرى:ئارسېنا ۋىنگىر
كۇلۇپتا ئۆتكەن دۇنياۋى چولپانلار:زېررىي ھىنرى،پاترىك ۋېيرا
       2003-2004-يىللىرى ياۋروپانى تىترەتكەن بىر كوماندا بار .ئۇ ئىنگىلاند دەرىجىدىن تاشقىرى بىرلەشمىسىنىڭ  بىر پەسىل يېڭىلمەسلىك رىكوتىنى يارىتىپ ئىنگىلاند بىرلەشمە چىمپىيونى بولغان.گەرچە بىرەر قېتىم ياۋروپا ئۇزغۇنلىقىنى دەس كۆتۈرۈپ باقمىغان بولسىمۇ ،شۇ يوغان قۇلاقنى كۆتۈرگەنلەرنى خېلى قاغجىراتقان.ھېنرىدەك دۇنياۋى توپ ئۇرۇش ماشىنىسى دەل شۇ كوماندىدا چىمپىيونلۇق مۇسابىقىلىرىدە قارشى تەرەپ ۋارتاسىنى ئۆتمە تۆشۈك قىلىۋەتكەن.ئۇ دەل زەمبىرەك شاھى ،ئەسكەر ئىشلەپچىقىرىش زاۋۇتى______ئارسېنال.

      ئارسېنال 1886-يىلى ئەنگىلىيەنىڭ لوندون شەھىرى ۋورۋىچ رايونى دېيىر مەيدانىدىكى ‹‹خان جەمەتى ئارسېنال ››قۇرال ياراق ئىشلەپچىقىرىش زاۋۇتىنىڭ بىر ئىشچىسى تەرىپىدىن قۇرۇلغان.1891-يىلى كەسپىي پۇتبول كۇلۇبى بولۇپ ئۆزگەرگەن.ھەمدە  ئىككى يىلدىن كېيىن پۇتبول بىرلەشمە مۇسابىقىسىگە رەسمى قاتناشقان.1904-يىلى ئا دەرىجىگە ئۆرلەپ چىققان.لېكىن ئىقتىسادىي قىيىنچىلىق سەۋەبىدىن 1910يىلى ۋەيران بولۇش گىردابىغا بېرىپ قالغان.كۇلۇپ ھىنرى.نولىس دېگەن كىشى تەرىپىدىن سېتىۋېلىنغاندىن كېيىن،ئىقتىساددا ياخشىىلانغان.1913يىلى لوندوندىكى خەيبورى مەيدانىغا كۆچكەن.1-دۇنيا ئۇرىشىدىن كېيىن ئا دەرىجە بىرلەشمىسىگە قايتقان.كۇلۇپ قۇرۇلۇپ1960-يىللارغىچە گۈللىنىش ۋە خاراپلىشىشنى بېشىدىن ئۆتكۈزگەن.

      2-دۇنيا ئۇرىشىدىن كېيىن تام.خوتىكنىڭ باشچىلىقىدابىرلەشمە ۋە ئۇيۇشما لوڭقىسىدا ئىككى قېتىمدىن چىمپىيون بولغان.خوتىكنىڭ ئالەمدىن ئۆتىشى كۇلۇپنىڭ نەتىجىرىنى بارا بارا تۆۋەنلىتىۋەتكەن.تاكى1966-يىلىغىچە13يېرىم يىل ھېچقان لوڭقا ۋە نەتىجە ئېلىپ باقمىغان.1966-يىلىدىن كېيىن،كۇلۇپ  تېرىنىرى بېل.خۇەينت ئىستىپا بېرىپ،بېيتى.مېر كۇلۇپنى  قولىغا ئالغاندىن كېيىن تەدرىجى ياخشىلىنىشقا قاراپ يۈزلەنگەن.

    شۇنى ئالاھىدە ئېيتىپ ئۆتۈشكە بولىدۇكى ھازىرقى ۋىنگىرنى ھىساپقا ئالمىغان ئارسېنال تارىخىدىكى تۇنجى ئەڭ مۇنەۋۋەر تېرىنىر بولساخېربېرت.چاپمەن.ئۇ ئارسېنالغا تۇنجى چىمپىيونلىقنىڭ ،لوڭقىنىڭ تەمىنى تېتىقان تېرىنىر.1925-يىلى ئۇ باش تېرىنىرلىقنى ئۈستىگە ئېلىپ 5يىلدىن كېيىن يەنى 1930-يىلى ئىنگىلاند ئۇيۇشما لوڭقىسىدا چىمپىيون بولۇپ،بايا دەپ ئۆتكەن چىمپىيونلىقنىڭ تەمىنى ئارسېنالغا تېتىتتى.بۇ ئارسېنالنىڭ تۇنجى لوڭقىسى بوپ قالدى.مانا بۇ ئاېرسېنالنىڭ 30 يىللاردىكى شانلىق دەۋرى.

       تۇنجى قوش شاھلىق
  70-يىللار كىرگەندىن كېيىنكى تۇنجى پەسىلدە ئارسېنىال تارىخى خارەكتىرلىك بۆسۈش ھاسىل قىلدى.ئۇلار شۇ پەسىلدە بىرلەشمە چىمپىيونى ۋە ئۇيۇشما چىمپىيونى بولۇپ كۇلۇپ تارىخىدىكى تۇنجى قوش شاھلىقنى قولغا كەلتۈردى.ئەينى ۋاقىتتىكى ئارسېنالدا چارلىز.گوركىي،گوركىي.ئامۇستىردام،راي.كېننىدى ۋە كاپىتن فىرانىك.مىكلىنتوفتىن ئىبارەت كوزۇر توپچىلارمۇ بار ئىدى.ئارسېنال ئالدى بىلەن بىرشەھەردىكى قان رەقىبى توتىنھام رېس كوماندىسىدىن بىرلەشمە چىمپىيونلىقىنى تارتىۋالدى.كېيىن ۋېنبورىي دىكى ھەل قىلغۇچ مۇسابىقىنىڭ قوشۇپ بېرىلگەن ۋاقتىدا لېۋىرپولنى بوغۇزلاپ ئۇيۇشما لوڭقىسىنى دەس كۆتۈردى.
   1986-يىلى گىئورگىي.گىراھام ئارسېنالغا مەشقاۋۇل بولدى.ئۇ 1980-يىللارنىڭ ئاخىرى1990-يىللارنىڭ باشلىرىدا ئارسېنالنى تەڭداشسىز بويسۇندۇرۇش كۈچىگە ئىگە ئارسېنال قىلىپ چىقتى.دەل شۇ يىللار لىۋىرپولنىڭ زاۋاللىققا يۈز تۇتقان،مانچىستىرنىڭ بولسا تازا تەخىتكە چىقالماي يۈرگەن ۋاقىتلىرىدا ئارسېنال ئىنگىلاندنىڭ شاھىنشاھىغا ئايلاندى.1989-يىلى مەغلۇبىيەتنى غەلبىگە ئايلاندۇرۇپ بىرلەشمە چىمپىيونى بولغاندىن كېيىن ،1990-01مۇسابىقە پەسلىدە گىراھام ئارسېنالنى يەنە بىر قېتىم بىرلەشمە چىمپىيونلۇق ئورنىغا ئېلىپ چىقتى.ئەينى ۋاقىتتىكى داڭقى  بار تۈت كىشىلىك مۇداپىئە سېپىنىڭ تۈرتكىسىدە ئارسېنال پۈتۈن مۇسابىقە پەسلىدە  پەقەتبىرلا مەيدانن ئۇتتۇردى.
                                     ۋىنگىرنىڭ ئارسېنالغا كېلىشى
       گىراھام كۇلۇپتىن ئايرىلغاندىن كېيىن،ئارسېنال ۋاقىتلىق ئۆتكۈنچى دەۋىردە تۇردى.خوستون ۋە لىئوچ ئالدى كەينى بولۇپ كۇلۇپنى تۇتقان بولسىمۇ ئىككىلىسى ئۇزاققا بارالمىدى.1996-97مۇسابىقى پەسلىنىڭ ئالدىنقى يېرىمىدا،ئارسېنال كۇلۇپ تارىخىدىكى تۇنجى چەتئەللىك تېرىنىرنى كۈتىۋالدى.ئۇ دەل ئارسېنا.ۋىنگىر ئىدى.ۋىنگىر كېلىپ كېيىنكى پەسىل ئارسېنال ئۈچۈن يەنە بىر قېتىم بىرلەشمە ۋە ئۇيۇشما لوڭقىسىنى ئالدى.ھەمدە2003-2004مۇسابىقە پەسلى بىر مەيدانمۇ يېڭىلمەي بىرلەشمە چىموپىيونلىقىنى قولغا كەلتۈرۈپ كۇلۇپ تارىخىدا رىكورت ياراتتى.
   

                   قايتا گۈللىنىشنى كۈتۈش
    2006-يىلى 7-ئايدا ئارسېنال شانلىق دەۋىرگە شاھىت بولغان خەيبورىي مەندانىدىن خوشلىشىپ يېڭى مەيدانى بولغان زامانىۋى خەلىپە مەيدانىغا كۆچۈپ كىردى.يېڭى مەيدان مەستانىلەر ۋە كوماندىغا ياخشى مۇھىت،ئىلغار مۇلازىمەتلەرنى ئېلىپ كەلگىنى بىلەن كۇلۇپقا   ئىقتىسادىي بېسىم پەيداقىلىپ قويدى.گەرچە كۇلۇپ ھەريىلى ياۋروپا چىمپىيونلىقىنىڭ خېلى ئاخىرغىچە چېپىپ بارغان بولسىمۇ يەنىلا لوڭقىسىز قالدى.2007-يىلدىن2011-يىلغىچە 2قېتىم ئىنگىلاند بىرلەشمە لوڭقىسى ھەلقىلغۇچ مۇسابىقىسىگە كىرگەن بولسىمۇ كىچىككىنە پەرق بىلەن ئۇتتۇرۇپ قويۇپ لوڭقا كۆتۈرۈشكە ئامالى بولمىدى.
    2011-يىلى كۇلۇپنىڭ يادرولۇق توپچىسى فابرىگاس بىلەن ناسرى ئايرىم ئايرىم بارسېلونا ۋە مانچىستىر شەھرىگە يۆتكىلىپ كەتتى.كىلەركى يىلى ۋان پېرسى ۋە سوڭمۇ مانچىستىر ۋى بارسېلوناغا يۆتكىلىپ كەتتى.ۋىنگىرنىڭ تاكتىكا قۇرۇلمىسى قايتا قۇرۇشقا دۇچ كەلدى.ئەمدى ھەقىقەتەنمۇ قايتا قۇرۇپ چىقمىسا بولمايدۇ.ئارسېنال ئەمدى قايتا بىر قۇرۇلۇشقا بەكمۇ موھتاج.توپچىلىرىنى بۇنداق سېتىپ تۈگەتسە تېخىمۇ بەك تۈگىشىشى مۇقەرەر.

     ئاخىرىدا ئارسېنالنىڭ ئىسمى جىسمىغا لايىق كۇلۇپ گىربىگە لايىق زەمبىرەكچىلەر قوشۇنى بولۇپ چىقىىشىنى ھىنرى جاھان سۈرگەن دەۋىرلىرىگە يەنە قايتىشىنى بەكمۇ ئۈمۈد قىلىمەن.ئالغا ئارسېنال.سەن ھەقىقى بىر مەدەنىيەتلىك ئېسىلزادىلەرگە خاس كۇلۇپ.تۆۋەندىكى بۇ ناخشىدىن ھوزۇرلانغايسىلەر شۇنداق قىلىپ ‹‹ياۋروپادىكى ھالسىرىغان زەردارلار››دېگەن تېمامنىڭ 1-قىسمىنى ئوڭۇشلۇق تۈگەتتىم.خاتا يەرلىرى بولسا مۇنبەردىكى قېرىنداشلىرىم تەلىم بەرگەي.ئىنكاسلىرىڭلارنى ئايىمىغايسىلەر.
         

messi-10

مۇشۇ مەن تىما يازسام كىرگۈزگەن رەسىم دائىم تېگىگە چىقىدۇ ، باشقىلار يازسا نىمىشقا بۇنداق بولمايدۇ ؟

باھادىر

نادىر تېما !!! ئاخىرىنى ساقلايمىز !!!

چېمپىئون

messi-10 يوللىغان ۋاقتى  2013-6-3 19:54
مۇشۇ مەن تىما يازسام كىرگۈزگەن رەسىم دائىم تېگىگە چىقى ...

رەسىمنى ئۆزىڭز نەگە قستۇرسىڭز شۇ يەرگە چىقارغلى بولدۇ ،،تېما يېزىپ رەسىم قىستۇردىغان ۋاقىتتا ئامال بار بىر قۇر تاشلىۋىتپ رەسىم قىستۇرسىڭز رەسىم ياخشى چىقدۇ ،،

چېمپىئون

ئارسىنال 21-ئەسىردە ھىنرى بار ۋاقىتدا ئەڭ گۈللەنگەن يۇقىرى پەللىگە چىققان ۋاقتىلرى ،،،ھىنرى ئارسنالدا نام چىقارغان ۋاقتتا دائىم دۆلىتمىزدىكى داڭلىق تەنتەربىيە ۋاستلىرنىڭ تەكلىپگە بنائەن دۆلتىمزگە كېلىپ نەق مەيدان پائالىيەتلىرگە قاتنشار ئىكەندۇق ،،،،،مەن مۇشۇ ھىنرى بار ۋاقىتتىن باشلاپ ئارسنالنمۇ ياقتۇراتىم ،،،،ئارسىنالنىڭ ھىنرىنىڭ ھەيلكىلنى خەلپە مەيدانغا تىكلىشى كىشنى تولىمۇ سۈيۈندۈردۇ ،،،

messi-10

چېمپىئون يوللىغان ۋاقتى  2013-6-3 20:06
رەسىمنى ئۆزىڭز نەگە قستۇرسىڭز شۇ يەرگە چىقارغلى بولد ...

پەقەت چۈشەنمىدىم

چېمپىئون

messi-10 يوللىغان ۋاقتى  2013-6-3 20:22
پەقەت چۈشەنمىدىم

مۇنبەردە بۇرۇن بىرسى مەخسۇس تېما يوللاش قوللانمىسنى رەسىملىك قىلپ تېما يوللىغان ،،بەك بىملىسڭز شۇ تېمنى كۆرۈپ چىقىڭ دوستۇم   

يۈكسەل

خان مادرىت ،مانچىستىر بىرلەشمىسى،بارسىلونا كوماندىلىرىنى ھالسىرغان كوماندىلا قاتارىغا چىقىرۋىتىش بىر ئاخمىقانىلىق.مادرىت گەرچە چىمپىيۇن بولمىسىمۇ ئۇدا 3 يىل بولدى ياۋرۇپا ئۇزغۇنلۇقنىڭ ئالدىنقى 4نىڭ ئىچىگە كىرىۋاتقىلى. ئۇلا ھەر يىلى لوڭقا تەمىنى تىتىپ تۇرىدۇ.بۇ پەسىلمۇ دەرىجىدىن تاشقىرى لوڭقىسىنى ئالدى.بارسىلوناغا بىر قىتىممۇ ئۇتتۇرمىدى.بىرلەشمىدە 2-بولدى.دۇنيا كۇلۇپلانىڭ رەت تەرتىپىدە3-ئورۇندا تۇردى.مانچىستىر بىرلەشمىسىمۇ گەرچە ئۇزغۇنلۇقتا 16كۈشلۈكتە توختاپ قالغان بولسىمۇ ئەمما بىرلەشمىدە چىمپىيۇن بولدى.رىقابەت ئىنتايىن كەسكىن بولغان كۈشلۈكلە كۆپ بولغان ئىنگىلانت بىرلەشمىسىدە چىمپىيۇن بولۇش ئاسان ئەمەس.بارسىلونا يىللاردىن بىرى ياۋرۇپانى سوراپ كەلگەن بۇ پەسىل بەيرىن تەرىپىدىن شاللاندى.لىكىن ئۇلا يەنىلا ئىسپانىيە بىرلەشمىسىنىڭ بۇ پەسىللىك چىمپىيونى.

يۈكسەل

ھالسىرغان زەردارلانى مەن دەپ بىرەي...1-دەرىجىلىك ھالسىرغان كوماندا ئىتالىيە ئىنتىر مىلەن كوماندىسى. ئاندىن قالسا ئىنگىلانت لىۋىرپول كوماندىسى.ئاندىن قالسا ئاس مىلەن. ئارسىنال. قالغانلىرى ھىلىمۇ ئەڭ كۈشلۈك كوماندىلا قاتارىدىندۇر....

nadir0998

توغرا  ، بۇرۇن مەن پۇتبول كۆرمەيدىغان ۋاقىتلاردا كىچىق ۋاقتىمدا ئارسىنالنىڭ نامى  ھەممە يەرگە تارقالغان ئىدى .. ھازىر ئۇلار توپچىللىىنى سىتىۋىتىپ خىلىلا ھالسىراپ قالدى

messi-10

چېمپىئون يوللىغان ۋاقتى  2013-6-3 20:40
مۇنبەردە بۇرۇن بىرسى مەخسۇس تېما يوللاش قوللانمىسنى  ...

ئېسمى نىم بولغۇيتى شۇ تىمىنىڭ

سەييارە

يۈكسەل يوللىغان ۋاقتى  2013-6-3 20:40
خان مادرىت ،مانچىستىر بىرلەشمىسى،بارسىلونا كوماندىلى ...

مەن مادرىت بارسېلونا مانچىستىرلارنى  ھالسىرغان كوماندا دېمىدىم ساراڭ ئادەممۇ ئۇنداق دېمەيدۇ .بىرئوبدان ئويناۋاتقان زەردارلار ئۇ.خااتاچۈشىنىۋاپسىز ياكى ياخشى ئوقۇماپسىز تېمىنى .مەن  لېۋىرپول.ئارسېنال ،رىم قاتارلىق كوماندىلارنى دېمەكچى ھەم يازماقچى.