بۇ يازمىنى ئاخىرىدا بېرنابۇ تەھرىرلىگەن. ۋاقتى 2013-5-30 05:10
بۇ مۇنبەردە ھەممەيلەن پۇتبولنىڭ مەستانىسى. ئېنىقلا پۇتبول يەنە بىزنى نۇرغۇنلىغان توپچىلارغا مەستانە قىلغان. مەستانە ئىكەنمىز ئېنىقلا ئۇلارنىڭ ھەرقانداق ئىشلىرىغا قىزىقىمىز. شۇڭا نۆۋەتتىكى تېمامدا پۇتبول دۇنياسىدىكى نام قازانغان پۇلدار چولپانلارنىڭ ئوماق پەرزەنتلىرى توغرىسىدا قىسقىچە توختىلىپ ئۆتۈشنى پۇتبولغا مۇناسىۋەتلىك تېما يوللاش ئەركىنلىكىم دەپ قاراپ كۆپچىلىككە سۇندۇم. توغرا چۈشەنگەيسىلەر.
+++++++++++++++++++++++++++++++++++++++++++++++++++++++++++++++++++++++++++
1. تېخى نەچچە كۈننىڭ ئالدىدا پۇتبول سەھنىسىدىن خوشلاشقانلىقىنى جاكارلىغان بېھكخامنىڭ ئۈچ ئوغىلى ۋە بىر ئارزۇلۇق قىزى بار.
چوڭ ئوغلى بىروكىلىن (Brooklyn Joseph Beckham)
1999-يىلى 3-ئاينىڭ 4-كۈنى تۇغۇلغان.
2-ئوغىلى رومىيو (Romeo James Beckham)
2002-يىلى 9-ئاينىڭ 1-كۈنى تۇغۇلغان.
3-ئوغىلى كىرۇز (Cruz Beckham)، يېقىن دوستى، داڭلىق ھوللىۋود كىنو چولپىنى توم كىرۇزنىڭ ئىسمىنى قويغان.
2005-يىلى 2-ئاينىڭ 20-كۈنى تۇغۇلغان.
كىچىك قىزى سېۋىن (Harper Seven Beckham) بېھكىخامنىڭ پەرزەنتلىرى ئارىسىدىكى بىردىنبىر قىز بولۇپ، ئەڭ ئەتىۋارلىق. ھەممەيلەن ئۇنى 7-مەلىكە دەپ ئاتايدۇ. (Seven دېگەن سۆز ئېنگىلىزچىدا يەتتە دېگەن رەقەمنى بىلدۈرىدۇ).
+++++++++++++++++++++++++++++++++++++++++++++++++++++++++++++++++++++++++++
2. كاكا ئۆزىمۇ ناھايتى كېلىشكەن، مۇئاشى دۇنيا بويىچە ئالدىنقى قاتاردا تۇرىدىغان پۇلدار توپچى. ئۇنىڭ ئائىلىسىمۇ ئىنتايىن بەخىتلىك.
كاكانىڭ بىر ئوغۇل بىر قىزى بولۇپ، ئوماق ئوغىلىنىڭ ئىسمى لۇكا (2008-يىلى 6-ئاينىڭ 10-كۈنى تۇغۇلغان).
قىزى ئېسابىللامۇ بەك ئوماق. (2011-يىلى 4-ئاينىڭ 23-كۈنى تۇغۇلغان).
ھەقىقەتەن ئادەمنىڭ مەسلىگى كەلگۈدەك ئائىلە.
+++++++++++++++++++++++++++++++++++++++++++++++++++++++++++++++++++++++++++
3. داڭدار ھۇجۇمچى كىرىستىيانو رونالدونىڭ پۇلدار چولپان ئىكەنلىكى ھەممىگە بىلىشلىك. ئەمما ئۇنىڭ تېخى قىز دوستى ئېلىنا بىلەن توي قىلمىغان، تېخى 2 ياشلىق بىر ئوغىلىنىڭ بارلىقىنى، بۇ بالىنىڭ كېلىش تارىخىنى كۆپىنچىلەر بىلمەيدۇ.
2010-يىلى جەنۇبىي ئافىرىقىدا دۇنيا لوڭقىسىغا قاتنىشۋاتقان رونالدو 6-ئاينىڭ 17-كۈنى ئۆزىنىڭ دادا بولغانلىقىنى ئاشكارلايدۇ. ئەمما بۇ بالا كىمدىن تۇغۇلغان؟ بۇ توغۇرلۇق رونالدومۇ بۇ بالىنىڭ ئانىسىدىن ئۆزىنىڭ ئىسمىنى ئاشكارلىماسلىقىنى تەلەپ قىلىدۇ.
بەزى ئىشەنچىسىز مەلۇماتلاردا رونالدو مانچېستېر كوماندىسىدىكى چېغىدا 20 ياشلىق بىر ئامېرىكىلىق قىز ئالىي مەكتەپ ئوقۇغۇچىسى بىلەن لوندوندىكى بىر مېھمانخانىدا بىللە بولغاندا ئۇ قىز بۇ بالىغا ھامىلدار بولغان. ئەمما ئۇ قىز رونالدو تەرىپىدىن «ھەدىيە قىلىنغان» 10 مىليۇن فونىستېرلىڭ پۇلنى ئېلىپ بالىنى بېقىش ھوقۇقىدىن ۋاز كېچىپ ئىز-دېرەكسىز غايىپ بولغان دەپ كۆرسىتلىگەن. (بۇ توغۇرلۇق باشقا تېمامدا ئېنىقراق توختىلىمەن).
مەيلى قانداق بولسۇن رونالدو دۇنيا لوڭقىسى مۇسابىقىسى ئاياقلاشقاندىن كېيىن ئۇدۇل دۆلىتىگە قايتىپ كېلىپ تۇنجى بولۇپ ئوغىلى بىلەن كۆرۈشكەن ۋە ئاخبارات ۋاستىلىرىغا ئۆزىدىن بولغان بالا ئىكەنلىكىنى ئاشكارلىغان. ئەمما ھازىرغىچە بۇ بالىنىڭ ئىسمى توغرىسىدا ئېنىق مەلۇمات يوق. رونالدو بۇ بالىنى ئۆزىنىڭ ئىسىمى بىلەن ئاتايدىكەن، يەنى كىرىستىيانو رونالدو دوس سانتوس. توپ مەستانىلىرى بۇ بالىغا مىنى (mini) دەپ ئىسىم قويۇۋالغان. ھازىر بۇ بالا ئاساسلىقى رونالدونىڭ ئاپىسى بىلەن رونالدونىڭ ئاچىسىنىڭ ھامىيلىقىدا ئىكەن.
كىچىك كىرىستىيانو رونالدومۇ بەلكىم باشقا بالىلارغا ئوخشاش ئۆزىنى بەخىتلىك ھېساپلاپ يۈرىشى مۇمكىن، چۈنكى بالدۇرلا دادىسىز قالغان رونالدو چوقۇم ئۇنىڭغا دادا مېھرىنى چوڭقۇر ھېس قىلدۇرىدۇ.
+++++++++++++++++++++++++++++++++++++++++++++++++++++++++++++++++++++++++++
4. بارسىلونانىڭ داڭلىق مۇداپىيەچىسى پىك بىلەن دۇنياۋى مودا ناخشىچى شاكىرانىڭ 2012-يىلىلا توي قىلىدىغانلىق خەۋىرى چىققان، ئەمما ھازىرغىچە ئىككىسىنىڭ ئاشكارا توي قىلغانلىقى ئېلان قىلىنمىدى. پىكنىڭ ئۆزىدىن 10 ياش چوڭ مەشۇقى شاكىرا بۇ يىل 1-ئاينىڭ 22-كۈنى پىكقا بىر ئوغۇل بوۋاق تۇغۇپ بەردى. پىك ئوغىلىغا مىلان دەپ ئىسىم قويدى.
+++++++++++++++++++++++++++++++++++++++++++++++++++++++++++++++++++++++++++
5. توررىس ھازىر پۇتپول دۇنياسىدىكى قىززىق نۇقتىلىق شەخىسنىڭ بىرى، لېكىن ئۇنىڭ ئائىلىسىگە نىسبەتەن كۆپچىلىك نېمىلەرنى بىلىدۇ بىلمىدىم.
توررىسنىڭ ئايالىنىڭ ئىسمى ئوۋلىيا دومىنگۇس (Olalla Domínguez) بولۇپ، ئادەتتىكى ئائىلە ئايالى. توررىسنىڭ ئىككى پەرزەنتى بولۇپ، تۇنجى پەرزەنتى قىز، ئىسمى نورا (2009-يىلى 5-ئاينىڭ 27-كۈنى تۇغۇلغان). كىچىكى ئوغۇل، ئىسمى لېئو (2010-يىلى 12-ئاينىڭ 7-كۈنى تۇغۇلغان).
+++++++++++++++++++++++++++++++++++++++++++++++++++++++++++++++++++++++++++
6. ھازىر دۇنيادا 3-ئورۇندا سانىلىۋاتقان ئىبىرايىموۋىچ ئۆزىدىن 11 ياش چوڭ بولغان ھېلىننا ئىسىملىك بىر مودىل بىلەن ئايال بىلەن ئۇزۇندىن بېرى ئىچ-پەش تارتىشىپ يۈرۋاتقان بولۇپ، 2006-يىلى 9-ئايدا بۇ ئايال ئۇنىڭغا ئۇزۇن يىللىق مۇھەببىتىنىڭ «تەۋەرۈكى» بولغان بىر ئوغۇل تۇغۇپ بەرگەن. ئىسمى ماكسىمىئان (Maximian).
2008-يىلى 8-ئاينىڭ 3-كۈنى بۇ ئايالدىن ئۇنىڭ 2-ئوغىلى ۋېنسېنىت تۇغۇلغان.
2-ئوغىلى ۋېنسېىنىت
+++++++++++++++++++++++++++++++++++++++++++++++++++++++++++++++++++++++++++
7. گېرمانىيەنىڭ داڭدار پېشقەدەم ھۇجۇمچىسى كېلوزنىڭ ئوماق بىر جۈپ قوشكېزەك ئوغىلى بار. ھەممە ئادەمنىڭ ھەۋىسىنى كەلتۈرگۈدەك بەخىتلىك كۆرۈنىدۇ.
بۇ بىر جۈپ قوشكېزەك 2005-يىلى 2-ئايدا تۇغۇلغان بولۇپ، بىرىنىڭ ئىسمى لۇئان (Luan)، يەنە بىرسىنىڭ ئىسمى نوھاھ (Noah).
+++++++++++++++++++++++++++++++++++++++++++++++++++++++++++++++++++++++++++
يېزىش توغرا كەلسە يەنە تېخى نۇرغۇن بەخىتلىك ئائىلىگە ئىگە چولپانلار بار. ھەممىنى يېزىپ ئولتۇرۇش بىھاجەت. يۇقاردىكىسى ئوخشىمىغان بەخىت تۇيغۇسىغا چۆمگەن چولپانلارنىڭ مىسالى خالاس.
ئۆزەڭلار ياقتۇردىغان چولپانلارنىڭ ئائىلىسى توغۇرلۇق قوشۇمچە قىلىپ قويىدىغانلار بولسا ئىنكاس شەكلىدە مۇشۇ تېمىغا قوشۇپ قويارسىلەر.
ئۇنداقتا سىلەرگە نىسبەتەن ئۇلارنىڭ ئائىلىسىدىكى بەخىت تۇيغۇسىغا قانداق ھېسىياتتا قارايسىلەر؟ (ئەلۋەتتە بەزىلىرىنى بىز مەڭگۈ ئىدىيىمىزگە سىغدۇرالمايمىز). | 
يوللىغان ۋاقتى 2013-5-30 04:57:15
يوللىغان ۋاقتى 2013-5-30 06:42:20
