پۇتبۇل دۇنياسىدا بىزمۇ بار!

ili-oghli

ئىلى دىيارى ئاگېنتلىقى خەۋرى: ئۆز مۇخبىرلىرىمىز ئىلى ئوغلى، تىتانىكلار خەۋەر قىلىدۇ.

    غۇلجا ناھىيە جىلىليۇزى بازىرىدا ئۆتكۈزۈلگەن 16-قېتىملىق ئىشچى-دېھقانلار پۇتبۇل مۇسابىقىسى شۇ جاي ۋاقتى 2013-يىلى 5-ئاينىڭ 26-كۈنى يەكشەنبە چۈشتىن كىيىن تۇرپانيۈزى يېزىسىنىڭ غەلبىسى بىلەن ئاخىرلاشتى.
   يىللاردىن بېرى ئۆتكۈزۈلۈپ كېلىۋاتقان بۇ مۇسابىقىنى كۆرگىلى كەلگەن تاماشىبىنلار بىزلەرنى ھەيران قالدۇرىدۇ. سىز ھەرگىز بۇ مۇسابىقىنى يېزىلارنىڭ ئاددى بىر مۇسابىقىسى دەپ ئويلاپ قالماڭ. ناھىيەرىمىزدىكى ئەڭ چوڭ مۇسابىقە ھېسابلىنىدىغان بۇ مۇسابىقىنىڭ 20 يىلنىڭ بېرى ئۈزۈلمەي ئۆتكۈزۈلۈپ كېلىۋاتقىنى بىزنىڭ چوڭ خۇشاللىقىمىز ۋە كاتتا نەتىجىمىز. غۇلجا ناھىيىسى مۇناسىۋەتلىك ھۆكۈمەت كومىتېتلىرى تەنتەربىيە تۈلىرىنىڭ تېخىمۇ پائال راۋاجلىنىشىغا ئۈزلۈكسىز ماددى ۋە مەنىۋى جەھەتتىن مەبلەغ سېلىپ ، خەلقىمىزنىڭ تەنتەربىيە پائالىيەتلىرىگە بولغان تەشنالىقى ۋە يېڭى ماھىرلارنىڭ يېتىشىپ چىقىشىغا ئۈزلۈكسىز ھەسسە قوشماقتا. (خەلقىمىز نامىدىن بۇلارغا رەھمەت ئېيتىمىز).
   ئەمدى مۇخبىرلىرىمىزنىڭ تارتقان نەق مەيدان سۈرەتلىرى ھوزۇرىڭىزدا.( ھەل قىلغۇچ مۇسابىقىنىڭ پىلاستىنكىسى جىددى ئىشلىنىۋاتىدۇ، پات ئارىدا تىتانىك نامىدىن سىزلەر بىلەن يۈز كۆرۈشكۈسى).

پۇتبۇل مۇسابىقىسىنى كۆرىۋاتقان كەڭ خەلق توپى

ھەل قىلغۇچ مۇسابىقىگە كىرگەن ئىككى كوماندا. يېشىل كىيىملىك، جىلىليۈزى كوماندىسى.
قېننىق سېرىق كىيىملىك، تۇرپانيۈزى كوماندىسى.
   مۇسابىقە نەتىجىسى: تۇرپانيۈزى: جىلىليۈزى 4:5

ئالدىنقى يېرىم مەيداندا، 0:0 تەڭلىشىپ، كىيىنكى مەيداندا جىلىليۈزى كوماندىسىدىن 11-نومۇرلۇق ماھىر ئەزىمەت 1 توپ ئۇردى. ئاز ۋاقتتىن كىيىن تۇرپانيۈزى كوماندىسىدىن ئابدۇۋەلى 1 توپ ئۇرۇپ 1:1 تەڭلەشتى. ئاخىرىدا نۇقتا توپ ئۇرۇش ئارقىلىق تۇرپانيۈزى كوماندىسى غەلىبە قىلدى.
   ئەمدى يەنە مۇسابىقە سۈرەتلىرىدىن ھوزۇلىنىڭلار!

مۇسابىقە ئالدىدىكى بەدەن قىززىتىش.

مۇسابىقە باشلىنىپ قالدى...

مەيدانغا چىدۇق....

ۋەتەننىڭ بايرىقى ئاجايىپ لەپىلدىمەكتە....
   

     ۋەتەنگە ھۆرمەت

مۇسابىقە قىززىپ كەتتى جۇما ما بىزنىڭ جىلىليۈزىدە.

ئاخىرىدا خەلقىمىز ۋە پۇتبۇلچىلىرىمىزغا ئۇلۇغ ئىگىمىزدىن تىنچ-ئامانلىق تىلەيمىز.
   

motiwar

چوكىناتنىڭ ھەجەپ يۈزى تۆۋەنكەن ھە ، دۈمبىسىنى قىۋاپتۇ

130112

تور سۈرئىتى پەقەتلا ياخشى  ئەمەس رەسىملەر ئېچىلمىدى ،كىيىن تور ياخشى چاغدا ئېچىپ شۇ چاغدا كۆرەي ھە

تارىخ

ئېلى خەلقىنىڭ جۇملىدىن ئۇيغۇر خەلقىنىڭ پۇتبول قىزغىنلىقى ھەقىقەتەن يۇقرى

چوكىنات

رەھمەت ئىلى ئوغۇلى !

  بۇ مەيدان مۇسابىقىنىڭ رەسىملىرىنى يوللاپ ماڭا سەل بېسىم قىلىپ قويدۇڭلاردە . مەندىكى رەسىملەرنى يوللاشقا تازا ئالدىراپ كەتمىدىم. ئىدارىدىكى ئىشلار سەل ئالدىراش ... ۋاقتىم يەتسىلا ئۆزۈم تارتقان رەسىملەرنى بالدۇراق يوللاشقا تۇتۇش قىلىمەن. راس مۇشۇ مۇناسىۋەت بىلەن تېتانىكقا ئالاھىدە رەھمەت ئېيتىمەن. مەزكۇر مۇسابىقە باشلانغاندىن بۇيان مۇسابىقىنى ئىزچىل مىدىيا شەكلىدە ئىشلەشكە ئالاھىدە كۈچ قوشتى. ساڭىمۇ ھەم رەھمەت ئېيتىمەن. مۇنبەرداشلارنى مەزكۇر مۇسابىقىنىڭ خەۋىرىدىن ۋاقتىدا خەۋەرلەندۈرۈپ كېلىۋاتسىلەر.

  لېكىن ئاۋۇ يەرگە مېنىڭ رەسىمىمنى چىقىرىپ قويغىنىڭلاردىن تازا خۇش بولمىدىم. مۇمكىن بولسا شۇ رەسىمنى چىقىرۋىتىشكە بولامدىكىن ؟ سەمىمىي ئۆتۈنۈش !

بېرنابۇ

چوكىنات يوللىغان ۋاقتى  2013-5-28 20:11
رەھمەت ئىلى ئوغۇلى !

  بۇ مەيدان مۇسابىقىنىڭ رەسىملىرى ...

ۋۇي، رەسىمىڭلىنى چىقىرىپ قويسا نېمە بوپتۇ؟ شۇنچە تارتىنچاقمۇ سىلە؟
مەن تېخى مۇنبەر ئالبومىنى ئىشلەۋاتىمەن، نۇرغۇن بالىلار رەسىمىنى يوللاپ بەرگەن، سىلىنى نېمىشقا رەسىمىنى ئەۋەتىپ بەرمەيدىغاندۇ دېسەم، ئەسلى...
ئۆزىنى باشقىلارغا كۆرسىتىشتىنمۇ نومۇس قىلىدىغان گەپما؟

missi2

ياخشى خەۋەر ئىكەن، بۇ مۇسابىقىنىڭ يىلدىن -يىلغا مۇكەممەللىشىپ بىرىشىنى ئۈمىد قىلىمەن
ئىختىيارى مۇخبىرلار كۆپ ئەجىر قىلىپسىلەر،چەتئەللىك پۇتبولچىلاردىن قىلىشقۇچىلىكى يوق بۇ پۇتبولچىلارنىڭ

مۇز

بېرنابۇ يوللىغان ۋاقتى  2013-5-28 20:32
ۋۇي، رەسىمىڭلىنى چىقىرىپ قويسا نېمە بوپتۇ؟ شۇنچە تار ...

ياق ياق، بىزنىڭ چوكىنات تېخى ياتلىق بولمىغان، شۇڭا بەكلا خىجىلچان، توغرا  چۈشىنەيلى، ھا ھا ھا

سەۋدا

ھەر ئىشنىڭ ئۆزىگە چۇشلۇق سەۋەبى بار.

سەييارە

مۇز يوللىغان ۋاقتى  2013-5-29 02:26
ياق ياق، بىزنىڭ چوكىنات تېخى ياتلىق بولمىغان، شۇڭا بە ...

ما گەپنى كۆرۈڭ ئەمدى.

ili-oghli

تارىخ يوللىغان ۋاقتى  2013-5-28 19:55
ئېلى خەلقىنىڭ جۇملىدىن ئۇيغۇر خەلقىنىڭ پۇتبول قىزغىنل ...

ما گەپ ئالمىشىپ قالدىمۇ يا توغرىمۇ؟