ئۆسمۈرلەرنىڭ چىمپىيون لوڭقىسى مۇسابىقىسى ئاخىرلاشتى

qimbulak

شىنجاڭ پۇتبۇل ھەۋەسكارلىرى جەمئىيىتىنىڭ مۇئاۋىن باشلىقى يۈسۈپ ھاجى ئىمىن ئاكىنىڭ تەشكىللىشى بىلەن شىنجاڭ پۇتبۇل مەشىق بازىسىدا  يېتىپ كېلىش ئالدىدىكى بالىلار بايرىمىنى تەبىرىكلەش  ھەمدە ئۆسمۈرلەرنىڭ تەن - ساپاسىنى يۇقىرى كۆتۈرۈش ئۈچۈن  5- ئاينىڭ 24- كۈنىدىن 5- ئاينىڭ 26- كۈنىگىچە ناھايىتى ئەھمىيەتلىك بىر قېتىملىق مۇسابىقە يەنى شىنجاڭ ئۆسمۈرلەر "چىمپىيون لوڭقىسى" پۇتبۇل مۇسابىقىسى ئۆتكۈزۈلدى .


بۇ قېتىمقى مۇسابىقىگە ئۈرۈمچى ، غۇلجا ، قەشقەر ۋە قاراماي شەھەرلىرى كوماندىلىرى قاتناشقان بولۇپ بۇ كۇماندىلارنىڭ جان تىكىپ مۇسابىقە ئوينىشى بىلەن بۈگۈن چۈشتىن كېيىن مۇسابىقە ئۇتۇقلۇق ئاياغلاشتى ، مۇسابىقىدە ئۈرۈمچى كوماندىسى چىمپىيۇن بولدى ، قەشقەر كوماندىسى ئىككىنجى ، غۇلجا كۇماندىسى ئۈچىنجى ، قاراماي كۇماندىسى تۆتىنجى بولدى  .

ئالدى بىلەن ھەر بىر كوماندىدىن ئەڭ ياخشى ماھىر بىردىن تاللاپ چىقرىلىپ  500 يۈەن بىلەن مۇكاپاتلاندى ، ئاندىن ھەر بىر كوماندا دەرىجىسى بويىچە 20000 مىڭ يۈەن ، 10000 مىڭ يۈەن ، 5000 يۈەن ، 3000 يۈەن نەق پۇل بىلەن مۇكاپاتلاندى ، ئالدىنقى ئۈچ دەرىجىگە ئېرىشكەن ماھىرلارغا ئالتۇن ، كۈمۈش ۋە مىس مىداللار تارقىتىلىپ ياش غۇنچىلارنىڭ ئىرادىسىگە تېخىمۇ زور غەيرەتلەر قوشۇلدى .



بۇ قېتىمقى پائالىيەتكە تاراتقۇلاردىن شىنجاڭ تېلېۋىزىيە ئىستانىسى ، ئۈرۈمچى تېلېۋىزىيە ئىستانىسى ۋە ئۈرۈمچى كەچلىك گېزىتى ، مەركىزى خەلق رادىيو ئىستانىسى ، چىمبۇلاق تورى تەنتەربىيە قانىلى ، پۇتبۇل تەنەپپۇسى ئالاھىدە تور تېلېۋىزىيە پروگىراممىسى گۇرۇپپىسى قاتارلىقلار تەكلىپ بىلەن قاتناشتى ، باشقا تەپسىلاتلار داۋاملىق چىمبۇلاق تورىدا يوللىنىدۇ .

ئاخىرىدا بىز مۇشۇ ئەھمىيەتلىك مۇسابىقىنى ئۆتكۈزگەن شىنجاڭ پۇتبۇل مەستانىلىرى جەمئىيىتى ۋە قوللىغان بارلىق كىشىلەرگە رەھمىتىمىزنى بىلدۈرىمىز !

مۇسابىقە ئورۇنلاشتۇرۇلۇشى تۆۋەندىكىچە :

5- ئاينىڭ 24- كۈنى :
غۇلجا شەھەر 7- باشلانغۇچ كوماندىسى 1:1 قاراماي نايىل
قەشقەر ئارزۇ ئۆي - مۈلۈكچىلىكى 2:0 ئۈرۈمچى 5- باشلانغۇچ

5-ئاينىڭ 25- كۈنى :
قاراماي نايىل VS  قەشقەر ئارزۇ ئۆي - مۈلۈكچىلىكى
غۇلجا شەھەر 7- باشلانغۇچ كوماندىسى  VS  ئۈرۈمچى 5- باشلانغۇچ


5- ئاينىڭ 26- كۈنى :
ئۈرۈمچى 5- باشلانغۇچ  VS  قەشقەر ئارزۇ ئۆي - مۈلۈكچىلىكى
غۇلجا شەھەر 7- باشلانغۇچ كوماندىسى VS  قەشقەر ئارزۇ ئۆي - مۈلۈكچىلىكى


مۇسابىقە ھەققىدە چىمبۇلاق تورىمىز  چىمبۇلاق ئېكرانى پروگراممىسىدا مەخسۇس فىلىم ئىشلەپ ئېلان قىلىدۇ ، ۋاقتىنچە تۆۋەندىكى سۈرەتلەردىن ھوزۇرلىنىپ تۇرۇڭ !

سەبرى22

ئاللاھ بۇ ساخەۋەتچى ئاكىمىزنىڭ ئومرىنى ئۇزۇن،تېنىنى سالامەت قىلسۇن،ئىشلىرىنى ئوڭۇشلۇق قىلسۇن.

مەھمۇدىيە

ئېسېل ئېش بوپتۇ.....يۇسۇپ ئېىمىن بىزنىڭ پەخرىمىز جىمۇ....ئاستىدىن سانغاندىكى 3- رەسىم چەتتىكى ھىلقى پىكەر تەلەپكە قۇلاق سالمايدىغان ئاتاقلىق پۇتبول ئانالىزچىسى لۇتفى ئەپەندى ئېكەنغۇ؟

چېمپىئون

يەنىلا ئۈرۈمچى 5-باشلانغۇچ يامان چىقىپتۇ دە  ،،،   ياخشى پائاليەت بوپتۇ ،،،،

بىپەرۋا

ياشاڭ يۈسۈپ ھاجىمكا ،دىيارىمىزدىكى پۇتبولخۇمار قېرىنداشلىرىمىز نامىدىن تەشەككۈرلەر ئېيتىمەن ...

missi

بىزنىڭ قەشقەر 2-بۇلۇپ قاپتۇدە، يەنىمۇ غەيرەت قىلىڭلار شاكىچىكلەر

ajamjan

مەن ئويلىغاندەك بولۇپتۇ دە، 5 باشلانغۇچ  چىمىيۇن  ،قەشقەر 2 بولامدكى  دەپ ئويلىغان ئىدىم ،   

ئۇچقۇنى

بىلدىغانلار بولسا يۆسۈپ ھاجى ئىمىن ئاكا ۋە شىنجاڭ پۇتبول مەستانىللىرى جەمىيتى توغرىسىدا چۈشەنچە بەرگەن بولساڭلا

زېرەك

مۇكاپات سوممىسى بەك يۇقرىمۇ قانداق

يۈكسەل

يۈسۈپ ئىمىن دىگەن مۇشۇ ئاكىمىزنى بەك ھۆرمەت قىلىمەن. بارىكاللا ئاكا..ئاللاھ ئىشلىرىڭىزنى ئاسان قىلسۇن..

isimsiz

يۇسۇپ ئاكام ئۆزى توپ ئوينىيالمىغان بىلەن توپقا بولغان قىزىقىشى ھەر قانداق بىر توپچىدىن يوقۇرى جۇمۇ. (رومان ئابراموۋىچقا ئوخشىتىپ يۈرمەڭلار).

86-87- يىللىرى يۇسۇپ ئاكام بىلەن ئەسقەر جادى YAMAHA HONDA دىگەن كوماندىلارنى قۇرۇپ  مۇسابىقىلىشىپ يۈرگەندىن باشلاپ مانا ھازىرغىچە پۇتبول ئۈچۈن كۈچ چىقىرىۋاتىدۇ. ئاپىرىن ساڭا ئاكا!!

يۇسۇپ ئەيسا ئاكىمىزدەك باشلىق بىلەن سەندەك ئوت يۈرەكلەردىن يەنە بىر نەچچىسى بولغان بولسا ئۇيغۇر پۇتبولچىلىقى بۇ چاققىچە ‹‹دەرىجىدىن تاشقىرى›› دا مەزموت قەدەملەر بىلەن كىتىپ بارغان بۇلاتتى.

روھلۇق

ئەسلىدە ئۇرۇمچى بىلەن قەشقەرنى ئەڭ ئاخىرىقى مەيداندا مۇسابىقىگە چۇشۇرگەن بولسا مۇسابىقە تەخىمۇ قىززىيتى 1-مەيداندا چۇشۇرۇپ قويۇپتۇ،  ئەڭ ئاخىرقى مەيدان مۇسابىقىگە چۇشۇرگەن بولسا قەشقەرنىڭ ئۇرۇمچىنى يىڭىۋىلىش نىسپىتى يۇقۇرىتى.