تۇرپان بىرلەشمىسى خەۋىرى (8- ئايلانما)

ئاتەش

ئەسسالامۇ ئەلەيكۇم قېرىنداشلار
تۇرپان باھار پەسىللىك بىرلەشمىسىنىڭ 8 - ئايلانمىسى 19 - ماي (يەكشەنبە) شەھەرلىك 7 - باشلانغۇچ مەكتەپ مەيدانىدا نورمال ئېلىپ بېرىلدى. ئالدىنقى ھەپتىدە باھار پەسىللىك بىرلەشمىنىڭ ئالدىنقى يېرىم پەسلى ئاخىرلاشقاچقا، كوماندىلار ئېھتىياجىغا ئاساسەن، ماھىرلار بىلەن كېلىشىپ، ئەزا يۆتكەش، يېڭى ئەزا قوشۇش، بىرقىسىم ئاكىتىپچانلىقى ئىزچىل ناچار بولۇۋاتقان ئەزالارنى چىكىندۈرۈش قاتارلىق پائالىيەتلەرنى جىددىي ئېلىپ باردى. ئاخىرىدا ۋىلايەتلىك پۇتبولچىلار جەمئىيىتى بىرلەشمە ھەيئىتىنىڭ قاراپ چىقىپ ماقۇللىشىدىن ئۆتكۈزۈلدى.

1 . تۇنجى مەيداندا ئىتتىپاق كوماندىسى بىلەن ياشلار بىرلەشمىسى ئۇچراشتى.

ئىتتىپاق كوماندىسى


ياشلار بىرلەشمىسى كوماندىسى

ئىتتىپاق كوماندىسى ئىككى نەپەر ياش ماھىرنى يار ئوتتۇرا مەكتەپ كوماندىسىغا چېنىقىشقا چىقارغاندىن باشقا ئەزالىرىدا كۆپ ئۆزگىرىش بولمىغان ئىدى. ياشلار بىرلەشمىسى بىرقانچە ماھىرنى يېڭىدىن قوشقان بولۇپ، ئەمەلىي كۈچىدە كۆرۈنەرلىك ئۆزگىرىش بولغان ئىدى. مۇسابىقە باشلىنىپ ئۇزۇن ئۆتمەي ياشلار بىرلەشمىسى نەتىجىنى 2 : 1 قىلىپ، ئاكىتىپ ئورۇنغا ئۆتۈۋالدى. ئىتتىپاق كوماندىسى كېيىنكى يېرىم مەيداندا ئىككى - ئۈچ نەپەر ماھىرنى كەينى - كەينىدىن ئالماشتۇرۇپ، سەپ شەكلىنى ئۆزگەرتىپ، مۇسابىقە ئاخىرلىشىشقا ئاز قالغاندا ئۇدا توپ كىرگۈزۈپ 4 : 2 نەتىجە بىلەن رەقىبىنى يەڭدى.


2. ئىككىنچى مەيداندا ئاتەش ج خ كوماندىسى بىلەن يار ئوتتۇرا مەكتەپ كوماندىسى ئۇچراشتى

ئاتەش ج خ كوماندىسى


يار ئوتتۇرا مەكتەپ كوماندىسى

ئالدىنقى يېرىم مەيداندىكى نەتىجە 1 : 1 بولۇپ، ناھايىتى كەسكىن ئېلىپ بېرىلدى. يار ئوتتۇرا مەكتەپ كوماندىسىنىڭ ياش نۇتىلىرى قەيسەرلىك بىلەن ئېلىشقان بولسىمۇ، مەيلى بەدەن جەھەتتىن ياكى تاكتىكا جەھەتتىن بولسۇن يەنىلا ئاتەش ج خ كوماندىسىدىن سەل ئاجىز كۆرۈنۈۋاتاتتى. ئاتەش ج خ كوماندىسىنىڭ مەشقاۋۇلى ئەكرەم ئاكىمىز كېيىنكى يېرىم مەيداندا ماھىرلارنى ئۇستىلىق بىلەن ئالماشتۇرۇپ، ئاساسلىق ھۇجۇمچى پەرھاتجاننى ئاساس قىلغان ئوق بېشى ھۇجۇم شەكلىنى تۈزۈپ، شىددەتلىك ھۇجۇم قىلدى. تاكتىكا ئۈنۈمىنى كۆرسەتتى. تەجرىبە ئەسقاتتى. ئۇلار كېيىنكى يېرىم مەيداندا ئىككى توپ كىرگۈزۈپ يار ئوتتۇرا مەكتەپ كوماندىسىنى 3 : 1 نەتىجە بىلەن يېڭىپ، قىممەتلىك ئۈچ نومۇرنى قولغا كەلتۈرۈپ، نومۇر تەرتىپىدىكى 1- ئورۇننى يالغۇز ئىگىلىدى.


3. سەرناز كوماندىسى بىلەن تەجرىبە ئوتتۇرا مەكتەپ ئوتتۇرىسىدىكى جەڭدە تەجرىبە ئوتتۇرا مەكتەپ كوماندىسىنىڭ ئاساسلىق بىرقانچە ئەزاسى كېچىكىپ كەلگەننىڭ جازاسىنى يەتكۈچە تارتتى.

سەرناز كوماندىسى


ۋىلايەتلىك تەجرىبە ئوتتۇرا مەكتەپ كوماندىسى

بىر قانچە يېڭى ئەزا كىرگۈزۈپ، ئالدىنقى يېرىم پەسىلدىكى سەپ كەمتۈكلىكىنى تولۇقلىغان سەرناز كوماندىسى پۇرسەتنى چىڭ تۇتۇپ ئالدىن يېرىم يېرىم مەيداندىلا نەتىجىنى 3 : 0 قىلىۋالدى. كېيىنكى يېرىم مەيداندا تەجرىبە ئوتتۇرا مەكتەپ كوماندىسىنىڭ ئەزالىرى تولۇق يېتىپ كەلگەن بولسىمۇ، كىچىككەن ئىدى، بۇچاغدا سەرناز ھالسىرىغان ئەزالارنى ئالماشتۇرۇپ، مۇداپىئەنى كۈچەيتىپ قايتۇرما ھۇجۇمنى ئاساس قىلىۋالدى. تەجرىبە ئوتتۇرا مەكتەپ كوماندىسى ھەرقانچە قىلىپمۇ نومۇرغا ئېرىشەلمىدى، ئەكسىچە كېيىنكى يېرىم مەيداندا يەنە بىر توپ كىرىپ نەتىجە 4 : 0 بولدى، سەرناز كوماندىسى يەنە ئۈچ نومۇرغا ئېرىشتى.


4. شۇ كۈنىدىكى ئەڭ ئاخىرقى مەيداندا «قاڭقىل تائاملىرى» كوماندىسى بىلەن ئەلقىيا كوماندىسى ئۇچراشتى، بۇ ئايلانمىدىكى ئەڭ قىززىيدىغان مۇسابىقە دەپ قارالغان بۇ مۇسابىقە ئويلىمىغان نەتىجە بىلەن ئاخىرلاشتى.

«قاڭقىل تائاملىرى» كوماندىسى


ئەلقىيا كوماندىسى


بۇ ئايلانمىدىن بۇرۇن ئەلقىيا كوماندىسى نومۇر جەھەتتە ئاتەش ج خ كوماندىسى بىلەن تەڭ ئىدى، چۈشتىن بۇرۇن ئاتەش ج خ كوماندىسى ئۈچ نومۇرنى قولغا كەلتۈرگەن بولغاچقا ئەلقىيا بۇ مەيداندا «قاڭقىل تائاملىرى» كوماندىسىنى ئۇتمىسا 1- ئورۇننى تارتقۇزۇپ قوياتتى. «قاڭقىل تائاملىرى» كوماندىسى بولسا 3- ئورۇندا بولۇپ، ناۋادا ئەلقىيانى ئۇتسىلا 2- ئورۇنغا چىقىپ ئاتەش ج خ كوماندىسىغا خىرىس قىلىپ، چىمپيۇنلىقنى قولغا كەلتۈرىشىگە ئۈمىد تۇغۇلاتتى. مۇسابىقىگە ئەلقىيانىڭ ئارانلا ئالتە ماھىرى ئۈلگۈرۈپ كەلگەننىڭ ئۈستىگە، كۆپىنچىسى مۇسابىقە ھالىتىدە ئەمەس ئىدى، مۇسابىقە باشلاپ ئۇزۇن ئۆتمەيلا «قاڭقىل تائاملىرى» كوماندىسى مەيداننى كونترول قىلىۋالدى، ھازىرغا قەدەر ئەلقىيانىڭ بۇنداق پاسسىپ ھالەتكە چۈشۈپ قالغىنىنى كۆرۈپ باقمىغان كۆپلىگەن تاماشىبىنلار مەيدان كەيپىياتىغا قاراپ ھەيران قېلىشتى. «قاڭقىل تائاملىرى» كوماندىسى تىرىشقاننىڭ ئۈنۈمىنى كۆردى، ئۇلار ھەربىر كىچىككىنە پۇرسەتنىمۇ چىڭ تۇتۇپ نومۇر ئېلىشقا تىرىشتى. ئۇلارنىڭ كاپىتانى خالمۇرات، باش ھۇجۇمچى ئادىل، يان ھۇجۇمچى سالام، ئوتتۇرام مەيدان تەشكىللىگۈچى مۇختەر قاتارلىقلار تەشكىللىگەن شىددەتلىك ھۇجۇملارغا ئەلقىيا بەرداشلىق بېرەلمەي قالدى، ئالدىنقى يېرىم مەيدان ئاخىرلاشقاندا ئەلقىيا 0 : 3 نەتىجە بىلەن دەم ئېلىشقا چىقتى. قىسمەن تاماشىبىنلار ئۈمىدسىزلىنىپ كۆرۈش سۇپىلىرىدىن ئايرىلدى. كېيىنكى يېرىم مەيدان باشلاندى، لېكىن مۇسابىقە ھالىتىدە كۆپ ئۆزگىرىش يوق بولۇپ، كۆپىنچە ھالدا «قاڭقىل تائاملىرى» كوماندىسى مەيداننى كونترول قىلىپ، بىرقانچە ئەجەللىك ھۇجۇم قىلىپ، يەنە بىر نەچچە توپ كىرگۈزىۋالدى. ئەلقىيا كوماندىلىرىنىڭ ئەزالىرىدىن باش ھۇجۇمچى ئەلقەمجان بىلەن قاپقىچى ۋەلىدىن باشقىلىرىنىڭ ئىپادىسىگە 3 نومۇر قويساقمۇ ئارتۇقلۇق قىلاتتى. مۇسابىقە ئاخىرلىشىش پۇشتىكى چېلىنغاندا نەتىجە ئاللىقاچان 7 : 0 بولۇپ، «قاڭقىل تائاملىرى» كوماندىسى چوڭ نومۇر پەرقى بىلەن ئەلقىيا كوماندىسىنى يەڭدى.

ئەلقىيا كوماندىسى 6- ئايلانمىدىن بۇرۇن مۇتلەق ئۈستۈن نومۇر بىلەن 1- ئورۇندا تۇرۇپ كېلىۋاتقان ئىدى. ئۇلار 6 - ئايلانمىدا ئىتتىپاق كوماندىسى بىلەن تەڭلەشكەندىن باشلاپ ھازىرغا قەدەر ئۇدا ئۈچ مەيدان ئۇتالماي، كوماندا تارىخىدىكى يېڭى رېكورتنى ياراتتى. ھازىر ئۇلار بىرلەشمە رەت تەرتىپىدە «قاڭقىل تائاملىرى» كوماندىسىغا 2- ئورۇننىمۇ قوش قوللاپ ئۆتكۈزۈپ بەردى. ئەلقىيا كوماندىسىنىڭ تەجرىبىلەرنى يەكۈنلەپ، ساۋاقلارنى قوبۇل قىلىپ، ئەسلىدىكى ئەلقىيا سەۋىيىسىگە قايتىشىنى، تاماشىبىنلارغا تېخىمۇ ئېسىل، تېخىمۇ كەسكىن مۇسابىقىلەرنى تەقدىم ئېتىشىنى ئۈمىد قىلىمىز.

8- ئايلانمىدىن كېيىنكى ئەڭ يېڭى نومۇر تەرتىپى
1. ئاتەش ج خ كوماندىسى 20 نومۇر؛
2. «قاڭقىل تائاملىرى» كوماندىسى 18 نومۇر؛
3. ئەلقىيا كوماندىسى 17 نومۇر؛
4. ئىتتىپاق كوماندىسى 14 نومۇر؛
5. سەرناز كوماندىسى 13 نومۇر؛
6. ۋىلايەتلىك تەجرىبە ئوتتۇرا مەكتەپ كوماندىسى؛
7. يار ئوتتۇرا مەكتەپ كوماندىسى؛
8. ياشلار بىرلەشمىسى كوماندىسى؛


مۇسابىقە جەريانىدىكى بىر قىسىم كۆرۈنۈشلەر:

توپ تەپكۈچى

قىزغىنلىق بەك يۇقۇرى بوپتۇ ...چىملىق ياخشىكەنغۇ ....شۇنداق تەكشى .....

بۈرگىچاق

31-قېتىملىق مىللەتلەر ئىتپاقلىقى تەربىيە - ئېيى پائالىيتىنى قانات يايدۇرۇش پۇتبول مۇسابىقىسى ئوخشايدۇ بۇ.

ئاتەش

messi100 يوللىغان ۋاقتى  2013-5-21 18:46
31-قېتىملىق مىللەتلەر ئىتپاقلىقى تەربىيە - ئېيى پائالىي ...

بۇ بىرلەشمە مۇسابىقە، ھېچقانداق پائالىيەت بىلەن مۇناسىۋىتى يوق.

ئاتەش

ھەر ھالدا بوپ قالىدۇ، يوقتىن ياخشى. ئاساسلىق مەسىلە ياشلار، كىچىكلەرنى يېتەكلەپ ياخشى بولغان پۇتبول كەيىپىياتى يارىتىپ، پۇتبول ئىشلىرىمىزنى تەرەققىي قىلدۇرۇش، چوڭلار كۆپ بولسا يەنە 1 -2 يىل ئوينالامىز شۇ، لېكىن شۇ ۋاقىتقىچە ھەممىزنىڭ ۋەزىپىسى بار، كىچىكلەرنى تەربىيەلەپ، پۇتبول ئىشلىرىنى ئۈزۈپ قويماسلىق. پۇتبول ھەرىكىتى ئارقىلىق ياشلارنى قالايمىقان سورۇنلارغا بارىدىغان ئىشلاردىن، ئۇيۇنچۇقخانا، تورخانا قاتارلىق كىشىنى زەئىپلەشتۈرىدىغان جايلاردىن يىراقلاشتۇرۇش، ساغلام بولغان كىشىلىك تۇرمۇشقا باشلاشتىن ئىبارەت.  

ئاتەش

دەپ كەلسەك گەپ جىق ....

ماتروس

atesh يوللىغان ۋاقتى  2013-5-21 19:20
بۇ بىرلەشمە مۇسابىقە، ھېچقانداق پائالىيەت بىلەن مۇنا ...

شەنبە كۈنى  ئوينامدۇ ئورنى نەدە  شەنبە كۈنى ئوينىسا  مەن  بىرىېپ كۆرۈپ كەلسەم بوغدەك    ئارلىق يراق بولسىمۇ  كۆرۈشكە  ئەرزىيدۇ مىنىڭچە  

ئاتەش

ئادەتتە ھەر يەكشەنبە ئېلىپ بېرىلىدۇ، لېكىن 9- ئايلانمىنى مەلۇم سەۋەبلەر تۈپەيلىدىن 25 - ماي (شەنبە) ئوينايدىغان بولۇپ قالدۇق.

بانۇم