تۇرپان بىرلەشمىسىنىڭ 6- ئايلانما خەۋىرى

ئاتەش

5- ماي تۇرپان باھار پەسىللىك بىرلەشمىسىنىڭ 6- ئايلانمىسى شەھەرلىك 7- باشلانغۇچ مەكتەپ مەيدانىدا نورمال ئېلىپ بېرىلدى. چۈشتىن بۇرۇن ئەلقىيا كوماندىسى بىلەن ئىتتىپاق كوماندىسى، «قاڭقىل تائاملىرى» كوماندىسى بىلەن سەرناز كوماندىسى ئوينىدى، چۈشتىن كېيىن ئاتەش ج خ كوماندىسى بىلەن ۋىلايەتلىك تەجرىبە ئوتتۇرا مەكتەپ كوماندىسى، يار ئوتتۇرا كوماندىسى بىلەن ياشلار بىرلەشمىسى كوماندىسى ئوينىدى.

ئەلقىيا 1 : 1 ئىتتىپاق


چۈشتىن بۇرۇنقى تۇنجى مەيدان ئەلقىيا بىلەن ئىتتىپاق ئوتتۇرىسىدىكى كونا رەقىبلەرنىڭ جېڭى بولۇپ، تۇرپان بىرلەشمىسىنىڭ 1- ئورۇندا تۇرىۋاتقان زەردار كوماندىسى ئەلقىيا ئۇدا ئۇتۇش رېكورتى بىلەن رەقىبلىرىنى يەر چىشلىتىپ كېلىۋاتقان بولسىمۇ، لېكىن ئاتەش ج خ كوماندىسى ئۇلارغا نومۇر جەھەتتە يېقىندىن ئەگىشىپ كېلىۋاتقاچقا بۇ مەيدان مۇسابىقىگە يەنىلا سەل قاراشقا بولمايتتى. ناۋادا ئەلقىيا بۇ مەيداندا ئۇتتۇرۇپ ياكى تەڭلىشىپ قالسا ئاتەش ج خ كوماندىسى ئۈچۈن نومۇرنى تەڭلەشتۈرىۋالىدىغان ياخشى پۇرسەت بولاتتى.
ئىتتىپاق كوماندىسى قىشلىق ئايلانمىدا 2- لىكنى قولغا كەلتۈرگەن بولسىمۇ، بىراق باھار پەسىللىك بىرلەشمىدىكى نەتىجىسى كۆڭۈلدىكىدەك بولمايۋاتاتتى. شۇڭا بۇ مەيدان جەڭ ئۇلار ئۈچۈنمۇ مۇھىم ئىدى.
ئىتتىپاق مۇداپىئەنى چىڭىتىپ، ئالدى بىلەن توپ يېيشتىن ساقلىنىپ، ۋەزىيەتنى مۇقىملاشتۇرۇپ، ئەلقىيانىڭ ئەجەللىك ھۇجۇملىرىدىن بىر نەچچىنى بىتچىت قىلدى. ئالدىنقى يېرىم مەيدان 0 : 0 بىلەن ئاخىرلاشتى. كېيىنكى يېرىم مەيداندا زاپاس ئەزا سالاھىيىتى بىلەن مەيدانغا چىققان ئەلى ئىتتىپاق ئۈچۈن بىر توپ ئۇردى. شۇنىڭدىن كېيىن ئەلىقىيا شىددەتلىك ھۇجۇم قىلىپ مۇسابىقە ئاخىرلىشىشقا ئۈچ مىنۇت قالغاندا ئابدۇۋەلى بىر توپ كىرگۈزۈپ نەتىجىنى تەڭلەشتۈرىۋالدى. شۇنىڭدىن كېيىن ھەر ئىككىلا تەرەپكە ئاز _ تۇلا پۇرسەت كەلگەن بولسىمۇ، لېكىن ئومۇمىي نەتىجىدە ئۆزگىرىش قىلالمىدى.

«قاڭقىل تائاملىرى» كوماندىسى 2 : 0 سەرناز كوماندىسى



بۇ مەيدان مۇسابىقىگە سەرنازنىڭ كاپىتانى ۋە غوللۇق ھۇجۇمچىسى قاتنىشالمىدى، «قاڭقىل تائاملىرى» كوماندىسىنىڭ ئەزالىرى ناھايىتى روھلۇق بولۇپ، كەيپىياتى ياخشى كۆرۈنەتتى. ئۇلار مۇسابىقە جەريانىدا باشتىن - ئاخىرى ئۈستۈنلۈكنى ئىگىلەپ، قىممەتلىك ئۈچ نومۇرنى قولغا كەلتۈردى.

ئاتەش ج خ كوماندىسى 5 : 3 ۋىلايەتلىك تەجرىبە ئوتتۇرا مەكتەپ كوماندىسى



ئاتەش ج خ كوماندىسى ئۈچۈن بۇ مەيداندىكى غەلىبە ئىنتايىن مۇھىم بولۇپ بۇ ئايلانمىدىن بۇرۇن ئەلقىيادىن ئىككى نومۇر پەرق بىلەن ئىككىنچى ئورۇندا تۇرۇۋاتاتتى. ئەلقىيا كوماندىسى ئىتتىپاق بىلەن تەڭلىشىپ قالغاچقا مۇشۇ مەيداندا ئۇتسىلا ئەلقىيا بىلەن نومۇر جەھەتتە تەڭلىشىپ، ساپ توپ جەھەتتىكى ئارتۇقچىلىقى بىلەن 1- ئورۇنغا ئۆتۈشىدە گەپ يوق ئىدى. مۇسابىقە باشلاندى، ئاتەش ج خ كوماندىسى ئويلىمىغان يەردىن ئىككى توپ ئىستېمال قىلىۋالدى، كېيىن ئۇلارنىڭ تەجرىبىلىك ماھىرلىرى سەپنى قايتىدىن تەڭشەپ، مۇداپىئەنى كۈچلەندۈرۈش بىلەن بىرگە، ئالدىرىماي، سىستېمىلىق ھۇجۇم قىلىپ ۋىلايەتلىك تەجرىبە ئوتتۇرا مەكتەپنىڭ شاكىچىكلىرىنى مەغلۇپ قىلدى. قېرىشقاندەك ۋىلايەتلىك تەجرىبە ئوتتۇرا مەكتەپ كوماندىسىنىڭ ئوتتۇرا بېكى بۇ مەيدان مۇسابىقىگە قاتنىشالمىغان ئىدى. ۋىلايەتلىك تەجرىبە ئوتتۇرا مەكتەپ كوماندىسى مۇداپىئەگە خىلى كۈچەپ باققان بولسىمۇ ئاتەش ج خ كوماندىسىنىڭ شىددەتلىك قۇرشاۋ ھۇجۇمىغا بەرداشلىق بېرەلمىدى، شۇنداقتىمۇ بۇ شاكىچىكلەر تاماشىبىنلارنىڭ قىزغىن چاۋاكلىرى بىلەن قايىللىقىغا ئېرىشتى.
شۇنداق قىلىپ ئاتەش ج خ كوماندىسى بىرلەشمىدە 1- ئورۇندا ئۆتتى.

يار ئوتتۇرا كوماندىسى 6 : 3 ياشلار بىرلەشمىسى



ئاخىرقى مەيداندىكى بۇ مۇسابىقىدە جەمئىي توققۇز توپ كىرىپ، يار ئوتتۇرا كوماندىسى ئۈچ نومۇرغا ئېرىشىپ، بىرلەشمىدىكى نومۇرى جەھەتتە ياشلار بىرلەشمىسىنى ئارقىدا قالدۇردى.


بۇ ئايلانمىدىن كېيىنكى نومۇر جەدۋىلى
1. ئاتەش ج خ كوماندىسى 16 نومۇر، 19 ساپ
2. ئەلقىيا كوماندىسى  16 نومۇر، 9 ساپ
3. «قاڭقىل تائاملىرى» كوماندىسى 12 نومۇر
4. ئىتتىپاق كوماندىسى 8 نومۇر
5. ۋىلايەتلىك تەجرىبە ئوتتۇرا مەكتەپ كوماندىسى 7 نومۇر، 1 ساپ توپ
6. سەرناز كوماندىسى 7 نومۇر، 2- ساپ توپ
7. يار ئوتتۇرا كوماندىسى
8. ياشلار بىرلەشمىسى

تايگىر

رەسىملەر چىقماپتۇغۇ

سەبرى22

رەسىملەرچۇ.

kuyaxoghli

مۇسابىقىلەر تازا قىزىپتۇ دە. سەككىز توپ، تۇققۇز توپ چۈشۈپتۇ...