پۈتۈنلەي ئاق رەڭدە كېيىنىپ بېرنابۇغا بېرىڭ !!!

باھادىر

     رېئال مادرىد مەستانىلىرى twitter دا بارلىق مادرىد مەستانىلىرىنى پۈتۈنلەي ئاق رەڭدە كېيىنىپ بېرنابۇغا بېرىشقا مۇراجىئەت تېمىسى يوللىدى ، مەستانىلەر بېرنابۇدا نومۇر قايتۇرىۋىلىش ئۈچۈن تەييارلىقنى باشلىۋەتتى .

     كېلەر ھەپتە سەيشەنبىگە يەنە 4 كۈن بار ، ئەمما رېئال مادرىد توپ مەستانىلىرى بېرنابۇدا نومۇر قايتۇرىۋىلىش ئۈچۈن تەييارلىقنى باشلىۋەتتى . گەرچە دورتمۇندتا 1 دە 4 يېڭىلىپ قالغان بولسىمۇ ، سامان يولى كېمىسىنىڭ توپ مەستانىلىرى قەلبىدىكى ئىشەنچ ئۇرغۇپ تاشماقتا ، ئىجتىمائىي ئالاقە تور بەتلىرىدىكى ئەھۋاللار بۇنىڭ ئەڭ ياخشى ئىسپاتى . توپ مەستانىلىرى twitter دا بارلىق مادرىد مەستانىلىرىنى پۈتۈنلەي ئاق رەڭدە كېيىنىپ بېرنابۇغا بېرىشقا مۇراجىئەت پائالىيتى يوللىدى .
     
     بۇندىن سىرت ، بېرنابۇ توپ مەيدانىمۇ تەييارلىقنى باشلىۋەتتى . مۇشۇ جۈمە كۈنى توپ مەستانىلىرىنى پۈتۈنلەي ئاق رەڭدە كېيىنىپ بېرنابۇغا كېلىش ، كوماندىغا ئىشىنىش ھەمدە بۇنى كۆرۈش سۇپىسىدا ئىسپاتلاش توغرىسىدىكى ئىلان توپ مەيدان سىرتىغا چىقىرىلدى .

     ئارىسىدىكى بىر ۋاراق ئېلاندا كرىستىئانونىڭ ، خۇانىتونىڭ ، توپ كىرگۈنگەندىن كېيىنكى تەبرىكلەش ۋە بېرنابۇنىڭ رەسىمى بار بولۇپ ، ئۇنىڭغا «بىز بىر كوللىكىتىپ !» ، «دۇنياغا نېمىنىڭ بېرنابۇ ئىكەنلىكىنى كۆرسۈتۈپ قويايلى !» دەپ ماۋزۇ قويۇلغان .

يەنە بىر ۋاراقتا ، رېئال مادرىد توپ مەستانىلىرىگە بولغان «بۇيرۇق» يېزىلغان :

«بېرنابۇ توپ مەيدانىغا كەلگەن توپ مەستانىلىرىگە كۆرسەتمە :
1. ئاق رەڭدە كېيىنىڭ ، شارپا لەپىلدىتىڭ .
2. كوماندىغا مەدەت بېرىڭ ، 90 مېنۇت ۋاقىت ئىچىدە كوماندىنىڭ ئالغا ئىلگىرلىشىگە تۈركە بولۇڭ ، قارشى تەرەپ توپ ئالغاندا ئەڭ چوڭ دەرىجىدە بېسىم ئىشلىتىڭ ؛ بىراق ، ئەڭ مۇھىمى شۇكى ، روھىڭىزنى بۇ مەيدان مۇسابىقە بىلەن بىرىكتۈرۈڭ .
3. دۇنياغا سىلەرنىڭ كىم ئىكەنلىكىڭلارنى بىلدۈرۈپ قويۇڭ.

بىز ياۋرۇپا شاھى !!! ئالغا مادرىد !!! نېمىنىڭ رېئال مادرىد ئىكەنلىكىنى ئىسپاتلاپ بېرەيلى !!! »


مەنبە : ماركا گېزىتى

Hala Madrid !!!

dilmurat.

گەرچە ئۈمۈت بەك ئاز بولسىمۇ يەنىلا مادرىدنىڭ پۈتۈن كۈچى بىلەن دورتىموند بىلەن كەسكىن بىر مەيدان ئېلىشىشىنى ئۈمۈت قىلىمەن .

ajamjan

مانا  مەستانا دىگەن  مۇنداق  بولمامدۇ  ،  ئىغىر مەغلۇبىيەتمۇ  ئۇلارغا تەسىر قىلالماپتۇدە  ، ئەكىسچە  مەستانىلكى  تىخمۇ كۈچىيىپتۇ  
بۇلار گالاتا ساراي مەستانىلىرىدىىن  ئۈگەندىمۇ قانداق  

yipak-yurti

مەستانىلەر شۇنداق  قوللاپ  بەرسە  توپچىلارمۇ  پۈتۈن  كۈچىنى  چىقىرىپ ياخشى  ئىپادىسىنى  جارى قىلدۇرۇپ  بىر مەيدان قىززىغان  مۇسابىقە بولسىلا  بولدى  قايسىسى  يەڭسە  بۇ  ئابچە  مۇھىم  ئەمەس  

جاھانگىر

ھەي ئۆيدە بولغان بولسام مەنمۇ مادرىتنىڭ كىيىمىنى كىيىپ كۆرەكەنمەن........

مەھمۇدىيە

2- قىتىملىق ئۇچرۇشۇشنىڭ نەتىجىسىنى پەرەز قىلىپ باقايمۇ؟

ajamjan

مەھمۇدىيە يوللىغان ۋاقتى  2013-4-27 17:03
2- قىتىملىق ئۇچرۇشۇشنىڭ نەتىجىسىنى پەرەز قىلىپ باقايمۇ ...

ھەقاچان  سىزدىن ياخشى گەپ چىقمايدۇ   ، شۇڭا دىمەپسىزدە   ھى ھى ھى ھى

گېنرال

مەھمۇدىيە يوللىغان ۋاقتى  2013-4-27 17:03
2- قىتىملىق ئۇچرۇشۇشنىڭ نەتىجىسىنى پەرەز قىلىپ باقايمۇ ...

دەپ  باقماملا

پۇتبول

ۋوي ... بەكلا ھەيۋەتقۇ ؟؟؟
مېنىڭچە بۇنداق مۇسابىقىلەرگە تولا قاتنىشىپ قاغدالما بولۇپ كەتكەنلەر بۇنىڭغا پەرۋا قىلمايدۇ

sardar1818

گازىرنىڭمۇ ئىقىدىن ئەكىرىپ چىقىپ ئولتاغاچ كۆرىدىكەندە بولسا مادرىتتىكى دوختۇرخانلارنى بىر كۈن دەم ئىلىش قىلىپ  دوختۇر سىستىرالارنى ئەكىلىپ مەدەت بەرگۈزسە بولىدۇ

nasin

بۇ خۇئەنتو دىگەن كىمدۇ دەپ خەنچە بەتلەردىن ئىزدىسەم ھىچنىمە يوق. ئىنگىلىزچە ۋىكىدىن تەرجىمھالى چىقىپ قالدى.
Juan Gómez González تولۇق ئىسمىكەن. 1954-يىلى تۇغۇلۇپ، 1992-يىلى قاتناش ھادىسىسدە قازا قىپتىكەن. 1977-يىلىدىن 1987-يىلىغىچە خانلىق مادىرىدتا توپ تىپىپتىكەن. ئىسپانىيە دۆلەت كوماندىسغا ۋاكالاتەن ئىككى قېتىملىق دۇنيا لوڭقىسى، بىر قېتىملىق ياۋرۇپا لوڭقىسى مۇسابىقىسىگە قاتنىشىپتىكەن. 5 قېتىم بىرلەشمە چىمپيونى، ئىككى شاھلىق لوڭقىسى، ئىككى قېتىم ياۋرۇپا ئىتپاق لوڭقىسى چىمپىيونى بوپتىكەن. قەيسەر، جەسۇرلۇقى بىلەن مادىرد مەستانىلىرىغا تونۇلغان بولۇپ نۇرغۇن قېتىم كوماندا قىيىن ئەھۋالدا قالغاندا كوماندىنى يىتەكلەپ غەلبىگە يول ئېچىپتىكەن. ئەڭ داڭلىقى 1979-1980-يىلى چارەك ھەل-قىلغۇچنىڭ بىرىنجى ئايلانمىسىدا گىلاسكو كوماندىسىغا 2:0 نەتىجە بىلەن ئۇتتۇرغان، ئىككىنجى ئايلانمىدا 3:0 نەتىجە بىلەن قارشى تەرەپنى شالىۋىتىپتىكەن. كىيىنكى يىللاردا ئىنتىر ۋە ئاندىرلېت دىگەن كوماندىلار بىلەن بولغان مۇسابىقىدىمۇ ئوخشىشىپ كىتىدىغان ھىكايە تەكرارلىنىپتىكەن. خانلىق مادىرد مەستانىلىرىنىڭ نەزىرىدە ئۇ «مادىرىد روھى»غا سىمۋول قىلىنىدىكەن.   

تەپسىلى تەرجىمھال ۋە ھىكايىلىرىنى مادىرىد مەستانىلىرىدىن بىرەرىڭلار تېخىمۇ تولۇقلاپ ئايرىم تىما قىلىپ چىقىرىپ قويارسىلەر.

nayil

nasin يوللىغان ۋاقتى  2013-4-27 17:50
بۇ خۇئەنتو دىگەن كىمدۇ دەپ خەنچە بەتلەردىن ئىزدىسەم ھ ...

رەھمەت ، جاپا تارتىپسىز ...