- تىزىملاتقان
- 2011-3-31
- ئاخىرقى قېتىم
- 2013-6-26
- ھوقۇقى
- 1
- جۇغلانما
- 2585
- نادىر
- 1
- يازما
- 2585
|
بۇ يازمىنى ئاخىرىدا kuyaxoghli تەھرىرلىگەن. ۋاقتى 2013-4-24 21:48
كاۋانى ئىتالىيە بىرلەشمىسىدە چاقناۋاتقان ھەممە ئىتراپ قىلغان چولپان. بۇ پەسىللىك بىرلەشمىدە كاۋانى ناپولى ئۈچۈن 23 توپ كىرگۈزدى. ناپولىمۇ بىرلەشمىدە مىلان، ئىنتېر، فىلورىنسىيە، رىم قاتارلىق ئەنئەنىۋى كۈچلۈك كوماندىلارنى بىسىپ ئىككىنچى ئورۇندا كېتىۋاتىدۇ. ناپولىنىڭ مۇشۇنداق ياخشى نەتىجىگە ئېرىشىشىدە كاۋانىنىڭ تۆھپىسى كۆپ ئەلۋەتتە. شۇڭا نۇرغۇن زەردار كۇلۇبلارنىڭ كاۋانىغا كۆزى چۈشتى. كاۋانىنىڭ يۆتكىلىشى توغرىلىق خەۋەر چىققىلى ئۇزۇن بولدى. بۇلتۇرلا چېلسى كاۋانى ئۈچۈن خېلى كۈچەپ توختاپ قالدى. ئەمدى بۇ پەسىل ئاخىرلىشىش ئالدىدا كاۋانى يەنە قىزىق نۇقتا بولۇشقا باشلىدى. ھازىر كاۋانى ئۈچۈن ئەڭ كۈچەۋاتقىنى مانچىستېر شەھەر كۇلۇبى. مەنچىنى بۇلتۇر يازلىق يۆتكىلىشتە ۋانپېرىسنى قولدىن بەرگەنگە يەتكۈچە پۇشايمەن قىلدى. ۋان پېرىس بۇ پەسىل ئالۋاستىلار ئۈچۈن 24 توپ ئۇردى شۇنداقلا ھەم كۇلۇبنىڭ مۇددەتتىن تۆت ئايلانما بۇرۇن چىمپىيون بولۇشىغا كۈچ قوشتى. شەھەر بۇ پەسىل بىرلەشمىدىن قۇرۇق قالدى، ئۇزغۇنلۇقتىن گۇرۇپپىنىڭ ئەڭ كەينىدە قىلىپ ئىچىنىشلىق شاللىنىپ كەتتى. شەھەر قەتئى نىيەتكە كېلىپ كىلەر يىلقى بىرلەشمە ۋە ئۇزغۇنلۇقتا ياخشى نەتىجە يارىتىش ئۈچۈن كاۋانى بىلەن توختاملاشماقچى بولدى.مانچىستېر تەرەپ كاۋانىنىڭ توختام بۇزۇش ھەققى 53 مىليون فوندسىتىرلىڭ دەپ قارىغان ھەم كاۋانىغا ھەپتىسىگە 25.6 تۈمەن فوندسىتىرلىڭ يۇقۇرى مائاش بەرمەكچى بولغان لېكىن مانچىستېر شەھىرى ئۇچرايدىغان رىقابەت ۋە مۇشكۇلات ئاز ئەمەس. ناپولى كۇلۇبى كاۋانىنىڭ كىتىپ قىلىشىنى خالىمايدۇ. ناپولى تەرەپتىن دىلاۋرۇنتىس مۇنداق دەيدۇ.: بىز توختام بۇزۇش ھەققى ئۈچۈن 70 مىليون ياۋرۇ يەنى تەخمىنەن 60 مىليون فونىستىرلىڭلىق بىر شەرتنامە تەييارلىدۇق ئەگەر قايسى كاللىسى ئېلىشىپ قالغان بۇ باھادىن ئاشۇرالىسا بىز ئۇلار چىقارغان باھانى ئاڭلاپ باقساق بولىدۇ.
مانچىستېرنىڭ رىقابەتچىلېرىدىن يەنە پارىژ سانت گىرمان كۇلۇبى بار. پارىژ تەرەپ كاۋانى ئۈچۈن يەتتە مىليون فوندسىتىرلىڭلىق يىللىق مائاش تەييارلىغان بۇ مائاش كاۋانى ئېرىشىدىغان مۇكاپاتنى ئۆز ئىچىگە ئالمايدۇ. ئۇنىڭ ئۈستىگە ئىبراموۋىچنىڭ يۇۋىنتۇسقا قايتىشى توغرىلىق گەپلەر چىققىلى ئۇزۇن بولدى. مىلانمۇ لاۋىچنى قوشىۋالماقچى بۇنداق بولغاندا پارىژ كىلەر پەسىللىك ئۇزغۇنلۇق ئۈچۈن قاتىل ھۇجۇمچىدىن بىرگە مۇھتاج بولىدۇ. لېكىن بۇ ئۈچىدىن سىرت يەنە بىر كۈچلۈك رىقابەتچى خانلىق مادرىد كۇلۇبى. مادرىد تەرەپمۇ خېلىدىن ياقى كاۋانىغا دىققەت قىلىپ كېلىۋاتىدۇ. ئۇنىڭ ئۈستىگە ئەڭ مۇھىمى كاۋانى ئۆزىنىڭ مادرىدقا بارغۇسى بار. بېرنابودا توپ تېپىش كاۋانىنىڭ ئارزوسى. مادرىد ئېھتىمال كاۋانىنىڭ كۆڭۈلدىكىدەك تاللىشى بولۇپ قېلىشى مۇمكىن. چېلسى تەرەپ بولسا كاۋانىدىن ۋاز كېچىپ پۈتۈن كۈچى بىلەن فالكاۋنى قوغلاشماقتا.
فالكاۋ مادرىد رىقابەتنى يىتەكلەپ بىرلەشمىدە ئۈچىنچى ئورۇندا كېتىۋاتىدۇ. فالكاۋ بىرلەشمىدە 25 توپ ئۇرۇپ مىسسى رونالدودىن كېيىن مەرگەنلىك قاتارىدىمۇ ئۈچىنچى ئورۇندا كېتىۋاتىدۇ. فالكاۋغا قىزىقىۋاتقان كۇلۇبلارمۇ ئاز ئەمەس. مادرىد تەرەپمۇ فالكاۋغا ئېرىشىشنى ئارزو قىلىدۇ. لېكىن مادرىد رىقابەت بىر شەھەردىكى رىقابەتچىسى خانلىق مادرىدقا فالكاۋنى ئۆتۈنۈپ بېرىشنى خالىمايدۇ. يىقىندىن فوگسىنمۇ فالكاۋنى تىرانفوردقا ئېلىپ كېلىشنى پىلانلاۋاتىدۇ. پارىژ بىلەن شەھەرمۇ فالكاۋغا قىزىقۋاتىدۇ. لېكىن فالكاۋ ئۈچۈن ئەڭ كۈچەۋاتقىنى يەنىلا چېلسى. چېلسى بىلەن مادرىد رىقابەتنىڭ بۇ جەھەتتە ئالاقىسى خېلى قۇيۇق بۇلۇپمۇ چېلسىدىن مادرىد رىقابەتكە ئىجارىگە بېرىلگەن 20 ياشلىق بىلگىيەلىك ۋارتار كۇرتوۋانىڭ يىقىنقى ئىككى يىلدىن ياقى مادرىد رىقابەتتىكى ئىپادىسى ناھايتى قالتىس. كىشىلەر تەرىپىدىن ئىزچىل چېخنىڭ ئىزباسارى دەپ قارىلىپ كەلگەن كۇرتۇۋانى ئەسلى چېلسى ئىنگىلاندتىكى بىرەر كۇلۇبقا يەنە بىر يىل ئىجارىگە بېرىپ چىنىقتۇرۇشنى پىلانلىغان لېكىن مادرىد رىقابەت كۇرتوۋانى يەنە بىر يىل ئىجارىگە ئېلىش توغرىلىق چېلسى بىلەن توختاملاشماقچى چېلسى تەرەپ بولسا كۇرتۇۋانى تۇتقا قىلىپ تۇرۇپ فالكاۋغا ئېرىشمەكچى. خەۋەرلەرگە قارىغاندا فالكاۋنىڭ يۆتكىلىش باھاسى 46 مىليون فوندسىتىرلىڭدىن كەم بولمايدىكەن ئابلاباي يەنە فالكاۋ ئۈچۈن ھەپتىسىگە 20 تۈمەن فوندسىتىرلىڭ مائاش تەييارلىغان. چېلسى فالكاۋغا ئېرىشىش ئۈچۈن كاۋانىدىن رەسمى ۋاز كەچكەن. فالكاۋمۇ ئابلاباينىڭ تەكلىبىگە بىنائەن چېلسىنىڭ كېبام مەشق مەيدانىنى كۆزدىن كەچۈرگەن. توررېس بىلەن دىمبابانىڭ ئىپادىسى تۇراقلىق بولمايۋاتقان ھازىرقى ۋاقتلاردا چېلسى فالكاۋغا ئوخشاش بىر قاتىل ھۇجۇمچىغا مۇھتاج. |
|
يوللىغان ۋاقتى 2013-4-24 21:40:51
