- تىزىملاتقان
- 2012-1-15
- ئاخىرقى قېتىم
- 2013-10-25
- ھوقۇقى
- 1
- جۇغلانما
- 984
- نادىر
- 2
- يازما
- 984
|
بۇ يازمىنى ئاخىرىدا nayil تەھرىرلىگەن. ۋاقتى 2013-4-24 18:35
داڭلىق ۋارتار دۇدېك نەزىرىدە تارىخىدىكى ئەڭ كۇچلۇك سەپ شەكلى تۆۋەندىكىچە :
1. ۋارتار : سېمېچېل
سىمېچېل ئۇزغۇنلۇق مۇسابىقىلىرىدە ئۇزۇن ۋاقىت ئېسىل ئىپادىسى بىلەن پۇتكۇل پۇتبول مەستانىلىرىنى ھەيران قالدۇرغان مۇنەۋۋەر قاپقىچى . ئۇنىڭ ۋارتار ئالدىدىكى تەمكىنلىكى ، ئىپادىسىنىڭ ئىزچىل ياخشى بولۇشى ۋە ئارقا مۇداپىيە سېپىنى كونتىرول قىلىشى ھەممىنى قايىل قىلغان .
2. ئوڭ قانات مۇداپىيىچى : كافۇ
كافۇ مەيلى ھۇجۇمغا قاتنىشىشتا بولسۇن ، مەيلى مۇداپىيەدە بولسۇن ئىنتايىن تولۇق يېتىشكەن ئوڭ قانات مۇداپىيىچى . شۇنداقلا ھازىرقى زامان پۇتبولچىلىقىنىڭ مۇداپىيە سېپىدىكى ئۇلگىلىك شەخىس . ئۇنىڭ مەيداندا بولۇشى دائىم كوماندا ئۇچۇن ئويلاپ باقمىغان خوشاللىقلارنى ئېلىپ كېلىدۇ .
3. ئوتتۇرا بېك : رونالدو . كومان
كومان توپ مەستانىلىرى نەزىرىدىكى قەيسەر ، تېخنىكىسى ئالاھەدە بولغان ئەڭ ئۇلۇغ پۇتبول چولپانلىرىنىڭ بىرى ھېسابلىنىدۇ . ئۇنىڭ مەيداندىكى توپ ئوينىغىنىنى كۆرۇش كىشىگە بىر خىل ھوزۇر بېغىشلايدۇ . كوماننىڭ پاس چىقىرىش ماھارىتى قالتىس بولۇپلا قالماي ، ئىختىيارى توپ تېپىش ماھارىتىمۇ ئىنتايىن ئۇستۇن بولغان ئەقىللىق توپچىلارنىڭ بىرى .
4. ئوتتۇرا بېك : پاۋلو . مالدېنى
بۇ ئىسىم ھەممىگە تونۇشلۇق . نۇرغۇن يىللاردىن بېرى مىلان ئۇچۇن جەڭ قىلغان ۋە ئالاھىدە ئىپادىسى بىلەن پۇتبول سەھنىسىدە يۇكسەك ئوبراز ياراتقان قەيسەر جەڭچى . كىشىلەر نەزىرىدە مالدېنى سول قانات مۇداپىيچى ئوبرازىنى ياراتقان بولسىمۇ ، نەچچە يىللار مابەينىدە ئۆزىنىڭ مۇنەۋۋەر ئوتتۇرا بېك ئىكەنلىكىنى ئىسپاتلىدى .
5. سول قانات مۇداپىيىچى : روبېرىتو . كارلوس
روبرتو . كارلوس كەم تېپىلىدىغان پۇتبولچى . كۆپلىگەن كىشىلەرنىڭ نەزىرىدىكى سول قانات مۇداپىيە سېپىدىكى 1-نومۇرلۇق شەخىس . ئۇنىڭ كەم ئۇچرايدىغان ۋارتاغا توپ تېپىش ماھارىتى ۋە كۆپ تەرەپلىمىلىك ساپاسى كىشىنى قايىل قىلماي تۇرالمايدۇ . ھەقىقەت ، ئىۇنىڭ بىر-بىرىدىن ئېسىل كىرگۇزگەن توپلىرى ھېچ كىمنىڭكىگە ئوخشىمايدۇ . ھەممىنى قايىل قىلىدىغىنى ، ئۇنىڭ ئۇچقۇر تېزلىكى ۋە ھارماس جاسارىتى .
6. ئوڭ كىراي : رېۋالدو
رېۋالدو ئىنتايىن ئالاھىدە توپچى . ئۇنىڭ پۇرسەت تۇتۇشى ياخشى بولۇپلا قالماي ، بوشلۇقتىن پايدىلىنىش ئىقتىدارى كىشىنى جەلىپ قىلىدۇ . ئۇنىڭ مەيداندىكى ھەل قىلغۇچ رولى سەبداشلىرىنى تېخىمۇ جەڭگىۋارلىققا ئۇندەيدۇ . ئۇنىڭ سېھرى كۇچكە ئىگە سول پۇتى ھەر قاچان رەقىبلىرىنى يەر چىشلىتىدۇ .
7. ئوتتۇرا مەيدان : زىدانى
زىدانىغا نىسبەتەن تەرىپلىگۇدەك ھېېچقانداق يېڭى سۆزمۇ يوق ، چۇنكى ، نەچچە ۋاقىتتىن بېرى نۇرغۇن باھالار ئۇنىڭغا بېرىلىپ بولغان . ئۇنىڭ ئىقتىدارى ھەممىگە ئايان .
8. ئوتتۇرا مەيدان : دېگو . مارادونا
1986-يىلىدىكى دۇنيا لوڭقىسى تالىشىش مۇسابىقىسىدىكى مارادونا پۇتكۇل پۇتبول ساھەسىنىلا ئەمەس ، پۇتكۇل دۇنيا خەلقىنى ھەيرەتتە قالدۇرغان . كۆپ سۆزلەشنىڭ ھاجىتى يوق ، پۇتبول ساھەسىدە ھازىرغىچە ئۇنىڭدەك پۇتبولچى چىقىپ باققىنى يوق .
9. سول كىراي : كىرويېف
كېرويېف گوللاندىيىنىڭ ئەڭ ئۇلۇغ رىۋايەتلىك پۇتبولچىسى . ئۇنىڭ مەيداندىكى پۇتبول ماھارىتى ، كوللىكتىپ روھى ، شەخسىيەتسىزلىكى ھەممىگە تونۇشلۇق . ئۇ ھۇجۇمچىلار ھازىرلاشقا تېگىشلىك شارائىتلارنىڭ ھەممىسىنى ئۆزىگە مۇجەسسەملىگەن . ئۇنىڭ پۇرسەت يارىتىشى ۋە توپ ئۇرۇشى ئىنتايىن چىرايلىق بولۇپ ، كوماندىنىڭ روھى تۇۋرۇكى ھېسابلىنىدۇ . ئۇنىڭ سەرگۇزەشتىلىرى ئۇنىڭ ئۆزىگە خاس پۇتبول پەلسەپىسى يارىتىشىغا تۇرىتكە بولدى . ئۇنىڭ مۇسابىقىغە بولغان كۆز قارىشى ھېچكىمنىڭكىگە ئوخشىمايدۇ . مەسىلەن : قارشى تەرەپ ئىختىيارى توپ ئۇرۇپ قالسا تام تۇرغۇزمايدۇ ، ئۇنىڭ قارىشىچە ، بۇنداق بولغاندا ۋارتارنىڭ كۆرۇش دائىرىسى ۋە ئىنكاسى ئالاھىدە بولىدىكەن .
10. ھۇجۇمچى : پېلى
ئۇنىڭ مەيداندىكى ھالىتى ئىنتايىن تۇراقلىق ھەم ھېچقانداق كەم يېرى يوق . مەيلى ئوڭ ياكى سول پۇتتا بولسۇن ياكى باش توپتا بولسۇن ، پاس بېرىش ۋە ۋارتارغا توپ ئۇرۇش بولسۇن ئۇنىڭ پۇتتۇرەلمەيدىغىنى يوق . ئۇ بىر رىۋايەتلىك تالانت ئىگىسى .
11. ھۇجۇمچى : دېنا
پولشا پۇتبول تارىخىدىكى مەشھور پۇتبولچى . ئۇمۇ خۇددى مارادونا ، كىرويېفلارغا ئوخشاشلا تېخنېكىسى ئۇستۇن ، كۆپ قىرلىق تالانت ئىگىسى . ئۇ شۇ دەۋېردىكى داڭلىق پۇتبول چولپىنى . ئىەڭ ئېسىل ماھارىتى بۇلۇڭ توپنى بىۋاستە ۋارتارغا كىرگۇزىۋەتكىنى .
قېنى مۇنبەرداشلار ، سىلەرمۇ نەزىرىڭلاردىكى مۇنەۋۋەر سەپ شەكلى ۋە ئەزالىرىنى تىزىپ بېقىڭلار !! كەتتى ئەمسە ....
|
-
|
يوللىغان ۋاقتى 2013-4-24 16:59:59
