بارسىلونانىڭ سول قانات مۇداپىيىچىسى : جۇردى . ئالبا ...

nayil

   ئەسسالامۇ - ئەلەيكۇم مۇنبەرداشلار ! بۇگۇنكى تونۇشتۇرۇلىدىغان بارسىلونا جەڭچىسى جۇردى . ئالبا !!~ قېنى كەتتى ئەمسە ......
               

     

   ئىسىم - فامىلىسى   :     جۇردى . ئالبا
   تۇغۇلغان ۋاقتى        :     1989-يىلى 3-ئاينىڭ 21-كۇنى
   دۆلەت تەۋەلىكى      :     ئىسپانىيە
   كۇلۇبى                   :     بارسىلونا كۇلۇبى
   تۇغۇلغان ئورنى       :     بارسىلونا
   بوي ئېگىزلىكى        :     1.65  مېتىر
   ئېغىرلىقى               :     69 كېلوگىرام
   مەيداندىكى ئورنى   :     سول قانات مۇداپىيىچى
   كۇلۇبتىكى نومۇرى   :     18 - نومۇر   ( دۆلەت كوماندىسىدا 18 - نومۇر )
   توختام ۋاقتى          :     2017-يىلى 6-ئاينىڭ 30-كۇنىگىچە
   توپ تەپكەن كۇلۇبلىرى     :     ۋالۇنسىيا ، تاراگېنا ( ئىجارە ) ، بارسىلونا
   
               

   كەسپى ھاياتى توغرىسىدا چۇشەنچە  :
   جۇردى . ئالبا بارسىلونادا تۇغۇلغان بولۇپ ، ئۆسمۇر چاغلىرىنى لاماسسىيا ياشلار تەربىيلەش مەشىق بازىسىدا ئۆتكۇزگەن . ئۇنىڭ بىردىن - بىر ئارزۇسى بولسا ، بارسىلونا 1- كوماندىسىنىڭ بىر ئەزاسى بولۇش ئىدى . بىراق غايىنىڭ ئەمەلىيەتكە ئايلىنىشى ئانچە تېز بولمايدۇ ئەلۋەتتە . بارسىلونا كوماندىسىدىمۇ بوش ئورۇن يوق ئىدى ، شۇ سەۋەبتىن ئالبا ئۆزىنى باشقا كوماندىدا ئىسپاتلاشقا ئاتلاندى .
               

   2006 -يىلى ۋالونسىيا كۇلۇبى ئالبانى قوشۇۋالدى . ئۇ ۋالونسىيە 2-كوماندىسىدا ئۆزىنى بارا-بارا نامايەن قىلماقتا ئىدى . ئۇنىڭ شەخسى تېخنېكىسى ، ئادەمدىن ئۆتۇش قابىلىيىتى ئۇستۇن بولۇپ ، توپ كونتىرول قىلىشىمۇ ئالاھىدە ئىدى . 2009\ 2008 يىللىق مۇسابىقە پەسلىگە كەلگەندە ۋالونسىيا كۇلۇبى ئۇنى تاراگېنا كۇلۇبىغا ئىجارىگە بەردى . ئالبانىڭ چوڭ مۇسابىقىلەردىكى بىرىنچى قەدىمى دەل تاراگېنادىن باشلاندى . بۇ ئارىلىقتا ئۇ تاراگېنا كۇلۇبىغا ۋاكالىتەن 35مەيدان مۇسابىقىغا قاتنىشىپ 4 توپ ئۇردى ، شۇنداقلا تاراگېنا كۇلۇبىنىڭ ئاساسلىق ئەزاسى بولۇپ قالدى . 2010\ 2009 مۇسابىقە پەسلىگە كەلگەندە شەپەرەڭ قوشۇن ئىپادىسى ئالاھىدە ياخشى بولۇۋاتقان ئالبانى قايتۇرۇپ ئەكەلدى . ئۇ قايتىپ كېلىپلا يازلىق بەدەن قىزىتىش مۇسابىقىلىرىدە ۋالونسىياغا ۋاكالىتەن مەيدانغا چىقىپ ، ئېسىل ئىپادىسى ، سەزگۇرلىكى ، تېز ۋە ئادەمدىن ئۆتۇش تېخنېكىسىنىڭ ئالاھىدە بولۇشى بىلەن ھەممىنىڭ كۆزىنى چاقناتتى .  ئۇزۇن ئۆتمەيلا زاراگېسا كۇلۇبى ئۇنى ئىجارىگە ئېلىش تەكلپىنى ئوتتۇرىغا قويدى ، بىراق ، مەشقاۋۇل ئەمرى زاراگېسانىڭ تەكلىپىنى رەت قىلىپ ، ئۇنى ۋالېنسىيادا ئېلىپ قېلىپ 1- كوماندىدا تەربىيەلەيدىغانلىقىنى بىلدۇردى . 2009-يىلى 9-ئاينىڭ 13-كۇنى ۋالادولىد بىلەن بولغان مۇسابىقىدە جۇردى . ئالبا سېلۋانىڭ ئورنىغا ئالمىشىپ چىقىپ ، ئۆزىنىڭ ئىسپانىيە بىرلەشمىسىدىكى تۇنجى قەدىمىنى باستى . ئارقىدىنلا كەينى-كەينىدىن لىئون ۋە پىراگېسلاۋىيا كوماندىلىرى بىلەن بولغان ياۋروپا بىرلەشمە لوڭقىسى تالىشىش مۇسابىقىلىرىغا قاتناشتى . 2010-يىلى 4-ئاينىڭ 11-كۇنى مېھمان مەيداندا مالوكا بىلەن بولغان مۇسابىقىدە ئۆزىنىڭ كۇلۇبدىكى بىرىنچى توپىنى كىرگۇزدى . شۇنىڭدىن باشلاپ مەشقاۋۇل ئەمرى بۇ سول قانات مۇداپىيىچىنى ئەتىۋارلاپ ئىشلىتىشكە باشلىدى . 2011\ 2010 مۇسابىقە پەسلىگە كەلگەندە ئالبا ، جېرمى.ماتىھې بىلەن ۋالونسىيانىڭ سول قانات ھۇجۇمىنى جانلاندۇرىۋەتتى .  شۇنداقلا مەيداندىكى ئاساسى ئەزالىق ئورنىنى مۇستەھكەملىدى . يازلىق يۆتكۇلۇش بازىرىدا ئوكرائىنادىكى بىر كۇلۇب 4 مىليون باھا بىلەن ئالبانى سېتېۋېلىشقا ئۇرۇنغان بولسىمۇ ، بىراق كۇلۇب تەرىپىدىن رەت قىلىندى . 2012\ 2011 مۇسابىقە پەسلىگە كەلگەندە ئالبانىڭ ئىپادىسى تېخىمۇ ياخشى بولۇپ كەتتى ، شۇنداقلا ئىسپانىيە دۆلەت كوماندىسىغا ئەزا بولدى . شۇنىڭدىن باشلاپ نۇرغۇن زەردار كۇلۇبلارنىڭ كۆزى ئۇنىڭغا چۇشتى ، بارسىلونامۇ بۇ توپچىسىنى قايتۇرۇپ كېلىشكە ئۇرۇندى . مانچېستېر بىرلەشمىسمۇ ئالبانى ئېۋرانىڭ ئىز باسار ئورنىغا ئېلىشغا تۇتۇش قىلدى .
               

               

   2012-يىلى 6-ئاينىڭ 28-كۇنى ، ۋالونسىيا تەرەپ جۇردى . ئالبانىڭ بارسىلونا كۇلۇبىغا يۆتكەلگەنلىكىنى رەسمى ئېلان قىلىدۇ . يۆتكۇلۇش باھاسى 14 مىليون ياۋرو بولۇپ ، 5 يىللىق توختام بىلەن بارسىلوناغا قايتىپ كېلىدۇ . ياۋروپا لوڭقىسى تالىشىش مۇسابىقىسىغا قاتنىشىۋاتقان ئالبا ، كوماندىسىغا قايتىپ كەلگەنلىكىدىن ئىنتايىن خوشال ئىكەنلىكىنى بىلدۇرىدۇ .
               

               

   ئالبانىڭ قوشۇلۇشى ، بارسىلونا ئارقا سېپىدىكى بوشلۇقنى تۇلۇقلايدۇ . ئابىدالنىڭ كېسىلىنىڭ قايتا قوزغىلىشى بىلەن ، سول قانات مۇداپىيە ئورنى بارسىلونا يۇقىرى قاتلىمىدىكىلەرنىڭ يۇرەك تۇگۇنى بولۇپ قالىدۇ . ئادرىيانونىڭ ئىپادىسىنىڭ تۇراقسىز بولۇشى ، ھۇجۇمغا قاتنىشىشتا ئالاھىدە بولسىمۇ ، بىراق مۇداپىيەدىكى ئاجىزلىقى ، سول قاناتتىكى ھەر قانداق ئورۇننى ئوينىيالايدىغان بۇ بىرازىلىيىلىك ياشنىڭ سول بېكلىك ئورنى تەۋرەپ قېلىشىغا سەۋەب بولۇپ قالىدۇ . ئادرىيانوغا سېلىشتۇرغاندا ئالبا ھۇجۇمغا ئىزچىل قاتنىشىش بىلەن بىرگە مۇداپىيىدىكى ئىپادىسىمۇ ئىنتايىن تۇراقلىق . بۇ نوقتىغا ئالبانىڭ ياۋروپا لوڭقىسى مۇسابىقىسىدىكى ئىپادىسى ئىسپات بولالايدۇ .
   ئالبا ئۇچۇن يېڭى مۇسابىقە پەسلى ئىنتايىن مۇشكۇل ئىدى . چۇنكى ، ئالبا ياۋروپا لوڭقىسى مۇسابىقىسىنى ئويناپلا قالماي يەنە ، ئىسپانىيە ئولېمپىك كوماندىسىغا ۋاكالىتەن ئولېمپىك مۇسابىقىسىغا قاتنىشىدۇ . مۇسابىقىدىن كېيىن ئارام ئېلىش ۋاقتى ئىتايىن قىسقا بولغانلىقى ئۇچۇن ، بارسىلونا تەرەپ ئۇنىڭ چارچاشتىن پىسخېكا ۋە بەدەن ئەھۋالىدا ئۆزگۇرۇش بولۇپ قېلىشىدىن بەكمۇ ئەنسىرەيدۇ .
   بارسىلوناغا قايتىپ كەلگەن ئالبا ئۆزىنىڭ ئالاھىدە ئىپادىسى بىلەن بارسىلونا توپ مەستانىلىرىنىڭ يۇرىكىدىن ئورۇن ئالىدۇ ۋە توپ مەستانىلىرى تەرىپىدىن ‹‹ سول قاناتتىكى ئالۋېس ›› دەپ تەرىپلىنىدۇ . تاكى ھازىرغىچە بولغان مۇسابىقىلەردە ياخشى ئىپادىسى بىلەن بارسىلوناغا ئۇن-تىنسىز تۆھپە قوشۇپ كېلىۋاتىدۇ .
               

               

   جۇردى . ئالبا ۋالونسىيا 2-كوماندىسىدىكى ئېسىل ئىپادىسى بىلەن ، ئىسپانىيە 19 ياشلىقلار ۋە 21 ياشلىقلار دۆلەت كوماندىسىنىڭ ئاساسلىق ئەزاسى بولۇپ قالىدۇ . 2008-يىلىدىكى ياۋروپا ياشلار لوڭقىسى گېرمانىيە بىلەن بولغان مۇسابىقىدە ئالبا ئىنتايىن چىرايلىق توپتىن بىرنى ئۇرىدۇ . بۇ مۇسابىقىدە ئىسپانىيە كوماندىسى ئۇتتۇرىۋەتكەن بولسىمۇ ، ئالبا ياخشى باھالارغا ئېرىشىدۇ . 08 ياۋروپا لوڭقىسى ۋە 2010 يىللىق دۇنيا لوڭقىسى مۇسابىقىلىرىدىكى ئىسپانىيە ئاساسلىق سول بېكى جون . كابدېۋېللانىڭ دۆلەت كوماندىسىدىن يىراقلاپ كېتىشى ، بوسكېسنىڭ سول بېك ئورنى نامزاتى تاللاشتا بېشى قاتتى . ئىسپانىيەدە باشقا ياخشى نامزاتلار بولسىمۇ بوسېكنىڭ نەزىرىنى ئۆزىگە تارتالمايدۇ . 2012\ 2011 مۇسابىقە پەسلىنىڭ دەسلىپىدە ، بوسېك كۆپ قېتىم مېستانىياغا بېرىپ ئالبانىڭ توپ ئوينىغىنىنى كۆرىدۇ . 9-ئاينىڭ 30-كۇنى ئىسپانىيە ئېلان قىلغان دۆلەت كوماندىسى تىزىملىكىدە ئالبانىڭ ئىسمىمۇ ئورۇن ئالىدۇ . دۆلەت كوماندىسىغا بىرىنچى قەدىمىنى تاشلىغان ئالبا بۇرۇنقى سەبداشلىرىدىن ۋېللا ، سېلۋا ۋە ماتالارنىڭ تەبرىكىگە ئېرىشىدۇ . 2011-يىلى 10-ئاينىڭ 11-كۇنى ياۋروپا لوڭقىسى تاللاش مۇسابىقىسى ئەڭ ئاخىرقى ئايلانمىسى شوتلاندىيە بىلەن بولغان مۇسابىقىدە ئالبا ئاساسلىق ئەزا بولۇپ مەيدانغا چىقىپ ، 90 مىنۇت تولۇق ئوينايدۇ . بۇ مەيداندىكى ئىپادىسى ھەممىنى ھەيران قالدۇرىدۇ . شۇنداقلا بوسېكنىڭ سول بېك ئورنىدىكى تەشۋىشلىرىنى يوققا چىقىرىپ ، سول قاناتتىكى ھەقىقى مۇداپىيىچى ئىكەنلىكىنى ئىسپاتلايدۇ .
   2012-يىلى 7-ئاينىڭ 2-كۇنى ، ئىتالىيە بىلەن بولغان ياۋروپا لوڭقىسى ھەل قىلغۇچ مۇسابىقىسىدە ئىسپانىيە كوماندىسىنىڭ 2- توپىنى ئۇرۇپ كىرگۇزىدۇ . شۇنداقلا ياۋروپا لوڭقىسى ھەل قىلغۇچ مۇسابىقىسىدە توپ ئۇرغان بىردىن -بىر مۇداپىيىچى پۇتبولچى بولۇپ قالىدۇ .

               

               

               

               

               

               

               

               

               

    ئالبانىڭ بارسىلونادىكى سەپىرىگە ئۇتۇق ۋە ئامەتلەر تىلەيمەن !!!~~~   (  تۇگىدى  )

   

potbul10

بۇ گۇينىڭ ئۇشۇقلىقىنى دىمىسە ياخشى ئوينايدۇ،ئگىزنىڭ ئاچچىقى كەلگىچە پاكارنىڭ جېنى چىقىپتۇ دەپ بۇنىڭ ئاچىچىقى بەك يامانكەنغۇ،

ئامېرىكا

ئالبا  كۇلۇپتا كۈزگە كۈرۈنمىدى ...2012.ياۋروپا لوڭقىسىدا كۈزگە كۈرىنىپ بىردەمدىلام  ھەر قايسى زەردالارنىڭ كۈزىگە  چىلىقىپ كەتتى ..ئسىپان دۈلەت تىرنىرى بوسكىس ئىسپاننىڭ قىرىپ قالغان سول مۇداپىيەچىسى كاپتۇۋىلانى شاللاپ ئالبانى دۈلەت كوماندىسىغا قۇبۇل قىلدى،
ئالبا ياۋروپا لوڭقىسىدا قالتىس ئۇينىۋەتتى ..مادرىتمۇ خىلى كۈچىگەن، ئالبا بارسادا  توپ ئۇينىغىم بار  دەپ شۇ يەرگە  كەتتىغۇ..
مۇنبەردە ياۋروپا لوڭقىسى موسابىقىسى ۋاقتىدا بۇ تۇغۇرلۇق خىلى پاراڭلارنى قىلىشتۇققۇ...

ھەل قىلغۇچقا ئىتالىيەگە  4توپ ئۇرغاندا  شۇ توپنىڭ بىرسىنى مۇشۇ ئالبا ئۇرغان..

چۈش

بۇ گۇينىڭ بەزى بىر قىلىقلىرىنى دىمىسە خېلى يامان ئەمەس ئويناپ قويىدۇ.

كۆكتۈرك

ياۋرۇپ لوڭقىسدا كۆزۈمگە خېلى ئىسسىق كۆرۈنگەن،بارىسلوناغا كېپلاخوشۇم كەتتى،نەق ئارتىس بولالمىغان نېمىكەن بۇ.قاملاشتۇرالمىسىلا يالغان يىقىلىۋىلىپ.
پۇتبولنى مۇشۇنداق نېمىلەر بۇزىدۇ.

بوتلاق

راس گەپنى قىلسام ياۋروپا لوڭقىسىدا كۆرۈپ خىلى ئامراق بولوپ قالغان ئىدىم بۇنىڭغا،لىكىن بارسىلوناغا كىلىپلا بۇمۇ ئارتىس بولىۋالدى. شۇندىن بىرى خوشۇم قالمىدى.

يۈكسەل

بۇنىڭ نامى دۆلەت كوماندىسىدا چىققان...

tanhategin

بۇنىڭدىكى سۈرئەت ،توپ كونتىرول قىلىش،پاسلىشىش...كونا بارسلونا توپچىسىدەك ئوينايدۇ بۇ!

0998ئابلىكىم

ياۋرۇپا لوڭقىسىدىكى 4 توپنى ئۇرغان ئالبا ماتا  فابرىگاس سىلۋالار ئىسپانىيە دۆلەت كوماندىسىنىڭ كەلگۈسىدىكى ئۈمىدى

بۈرگىچاق

تېخى ئانچە پىشىپ بولالمىدى بۇ. لىكىن ئۈمۈد زور.

CR.7

ئۇششۇقلۇقتا ھازىر بۇنىڭغا يىتىدىغىنى يوق... قولىڭىزغا دەرت بەرمىسۇن تىما ئىگىسى

missi2

ياۋروپا لوڭقىسىدا بەك داڭىق چىقىرۋەتكەن بۇ،بارسىلونادا داۋاملىق ياخشى ئىپادىسى بىلەن ئالغا ئىلگىرلىشىنى ئۈمىد قىلىمەن