ئۇنتۇلماس دەقىقىلەر

زەربىدار

                                             

                                                              
    2011-يىلىدا دىيارىمىز تەنتەربىيە ساھەسىدە قولغا كەلگەن نەتىجىلەرنى بىر قۇر ئەسلەپ كۆرگىنىمزدە، ۋاسكىتىبول، بوكس، پۇتبول ۋە باشقا تۈرلەردە قولغان كەلگەن نەتىجىلەر ھەقىقەتەن كىشىنىڭ ھاردۇقىنى چىقىرىدۇ. ئىلگىرى ئىزچىل دىققەت –ئىتىبارىنىڭ سىرتىدا قالغان، بۈگۈنكى كۈندە پۈتۈن مەملىكەتتىكى نوپۇزلۇق تەنتەربىيە ئاخبارات ئورۇنلىرنىڭ دىققىتىنى جەلپ قىلىپ كېلىۋاتقان پۇتبولدىن بۇ نۇر دىيارىمىزنىڭ پۇتبولدىن .ئەۋزەللىك ئورنىنى، ماھىرلىرىمىزنىڭ كەلگۈسى ئىستىقبالىنىڭ ئىنتايىن پارلاق ئىكەنلىكىنى نامايەن قىلدى.
                                                  

  دۆلەت ئىچىدىكى ھەرقايسى بىرلەشمە مۇسابىقىلەردە بولسۇن ياكى دۆلەتلىك ئولىمپىك كوماندىسى شۇنداقلار دۆلەتلىك ياشلار كوماندىسىدا بولسۇن ئۆزلىرىنىڭ يېتىلگەن ماھارىتى، يۇقىرى تېخنىكا – ساپاسى بىلەن ھۆرمەت تېپىپ، شۇ ئاساستا تېگىشلىك ئىزەتكە ئېرىشكەن ماھىرلىرىمىز پۈتۈن مەملىكەتتىكى پۇتبول مەستانىلىرىگە پۇتبول ئارقىلىق دىيارىمىزنى تەشۋىق قىلدى ۋە چۈشەندۈردى.
   بىر پۇتبول ماھىرى كۆپ ھاللاردا قوش دۆلەت تەۋەلىكىگە ئىگە بولغان بولىدۇ. پۇتبول ماھىرى ئالدى بىلەن ئۆزى تونۇلغان ۋە توپ تېپىۋاتقان رايۇندىكى كۇلۇبقا تەۋە، شۇ كۇلۇبنىڭ توپ مەستانىلرى ئۇلارنىڭ ئەڭ يېقىن قوللىغۇچىلىرى. ئۇنىڭدىن قالسا مەلۇم پۇتبولچى تۇغۇلغان ياكى پۇتبول تەربىيىسىنى ئالغان يەرگە تەۋە. شۇڭا تونۇلغان بىر پۇتبول ماھىرى رايۇن، مىللەت، ئىرق، ئۆرپ-ئادىتى ئوخشىمىغان، ئەمما پۇتبولغا بولغان ھۆرمىتى ئوخشاش بىر كىشىلەرنىڭ ھېسىياتىنى تۇتاشتۇرۇپ تۇرغۇچى كۆۋرۈككە ئايلىنالايدۇ.  بۇ ماھىر ئېرىشكەن شەرەپتىن ھەممە تەرەپ ئورتاق ھالدا خۇشاللىق تاپالايدۇ. بۇنداق خۇشاللىق 2011-يىلى دىيارىمىزدىكى پۇتبول مەستانىلىرىگىمۇ نېسىپ بولدى.
                                            

  
                                              مىرەخمەتجاننىڭ قىسقىچە ئارخىپى
  مىرەخمەتجان مۇزەپپەر 1991-يىلى قەشقەردە تۇغۇلغان، دادىسى مۇزەپپەر ئاكا ئالدىنقى ئەسىرنىڭ 80-يىللىرى شىنجاڭ پۇتبول كوماندىسىدا توپ تەپكەن. مىرەخمەتجاننىڭ چوڭ دادىسى زۇنۇن ئەپەندىم بولسا قەشقەر تەۋەسىدىلا ئەمەس ئاپتونۇم رايۇنمىزدىمۇ بەلگىلىك نام قازانغان تەنھەرىكەتچى بولۇپ، مىرەخمەتجان دەسلەپكى تەربىيەنى ئەمىن پۇتبول مەكتىپىدە زۇنۇن ئەپەندىمدىن ئالغان. 2003-يىلى شەندۇڭ لۇنىڭ پۇتبول مەكتىپىنىڭ تاللىشى ئارقىلىق بەش نەپەر ئۆسمۈر بىلەن بىرلىكتە لۇنىڭ پۇتبول مەكتىپىدە تەربىيلەنگەن. ئۇ شەندۇڭ لۇنىڭ مەكتىپى كوماندىسى تەركىبىدە مەملىكەتلىك 15-17 ياشلىقلار مۇسابىقىسىدە چىمپىئون بولغان. 2009-يىلى شىنجاڭ كوماندىسى تەركىبىدە مەملىكەتلىك تەنھەرىكەت يىغىنىنىڭ ئالدىن تاللاش تۈرىگە قاتناشقان. ئۇنىڭ مەملىكەت ئىچىدە باش كۆتۈرۈپ بىر پۇتبول چولپىنىغا ئايلىنىشى 2009-يىلىدىن كىيىن باشلانغان.
    2009-يىلى سۇماۋچىن دۆلەت ياشلار كوماندىسىغا تېرىنىر بولغاندىن كىيىن مىرەخمەتجان بۇ بوسۇغىدىن ئاتلاش شەرىپىگە ئېرىشتى . ئۇ لۇنىڭ پۇتبول مەكتىپىدىكى تەڭ قۇرداش شىنجاڭلىق ماھىرلار ئارىسىدا تۇنجى بولۇپ، شۇنداقلا 2000-يىلى ۋاڭ شۇبىڭدىن كىيىن بۇ شەرەپكە ئېرىشكەن شىنجاڭلىق ماھىر بولۇپ قالدى. ئۇ ئۆزىنىڭ تىرىشچانلىقى ۋە ماھارىتى بىلەن ياشلار كوماندىسىدا ئاساسلىق سول بېك ئورنىنى مۇستەھكەملىدى. 2009-يىلى ۋېيفاڭ لوڭقىسى ۋ ئاسىيا ياشلار لەۋھە تاللىشىش مۇسابىقىسىنىڭ تەييارلىق مۇسابىقىسىدە تۇنجى توپنى كىرگۈزدى.     2009-يىلى مىرەخمەتجان ئۈچۈن ئالاھىدە بىر يىل بولۇپ، دۆلەتلىك ياشلار كوماندىسى، دۆلەتلىك ئولىمپىك كوماندىسى، جۇڭگۇ كوماندىسى شۇنداقلا جۇڭگۇ دەرىجىدىن تاشقىرى بىرلەشمە مۇسابىقىسىدىن ئىبارەت تۆت چوڭ ئوخشىمىغان مۇسابىقىلەردە ئۆزىنى نامايەن قىلىپ كەلگۈسىدىكى تەرەققىياتى ئۈچۈن ئاساس سالدى.
2009-يىلى 8-ئايدا ئېلىپ بېرىلغان ۋېيفاڭ لوڭقىسىنى تالىشىش خەلقئارا تەكلىپ مۇسابىقىسىدە جۇڭگۇ ياشلار كوماندىسى، ئىسپانىيەنىڭ بارسىلونا شەھىرىدىن كەلگەن ئىسپانىيەلىكلەر ياشلىرى، نېگىرىيە ياشلار، ۋېيتنام ياشلار، كورىيە چىڭنەن يىخى كۇلۇبى ياشلار كوماندىسى بىلەن ئا گۇرۇپپىغا بۆلۈنۈپ مۇسابىقىلەشتى، تۇنجى كۈندىكى مۇسابىقىدە مىرەخمەتجان جۇڭگۇ ياشلار كوماندىسىنىڭ 4-نومۇرلۇق كىيمىنى كىيىپ بېك بولۇپ ئىسپانىيەلىكلەر كوماندىسى بىلەن بولغان مۇسابىقىگە قاتناشتى. جۇڭگۇ ياشلار كوماندىسى كوماندىسى ئاخىرىدا 2-بولدى. 2009-يىلى مىرەخمەتجان تۇرغان كوماندا 11-ئاينىڭ 1-كۈنىدىن 11-كۈنىگىچە شەندۇڭدا ئېلىپ بېرىلغان 35-نۆۋەتلىك ئاسىيا 19ياشلىقلار تاللاش مۇسابىقىسىنىڭ ج گۇرۇپپىسىدا فىلىپىن، مالايسىيا، بېرما، گۇەندۋا تاقىم ئارىلى، چاۋشىيەن كوماندىلىرى بىلەن مۇسابىقىلەشتى، بىرىنچە كۈنى فىلىپىن بىلەن بولغان مۇسابىقىدە تۇنجى توپنى مىرەخمەتجان كىرگۈزۈپ، جۇڭگۇ كوماندىسىنىڭ 13-0 نەتىجە بىلەن غەلبە قىلىشنىڭ مۇقەددىمىسىنى باشلاپ بەردى. 11-ئاينىڭ 11-كۈنى ئەڭ ئاخىرقى بىر مەيدان مۇسابىقىدە 2ئاي ئىلگىرى ئۆزلىرىنى يېڭىۋالغان چاۋشىيەن كوماندىسى بىلەن گۇرۇپپىدىن چىقىش 1-بولۇپ چىقىشنى تالاشتى. بۇ مەيدان مۇسابىقىدە مىرەخمەتجان سول بېك بولۇپ چاۋشىيەن كوماندىسىغا توپ كىرگۈزۈش پۇرسىتىنى زادىلا بەرمىدى. ئاخىر 3-0نەتىجە بىلەن چاۋشىيەن كوماندىسىنى يېڭىپ  35-نۆۋەتلىك ئاسىيا 19ياشلىقلار مۇسابىقىسىگە قاتنىشىش شەرىپىگە ئېرىشتى. مىرەخمەتجاننىڭ ئىپادىسى ھەرقايسى ئاخبارات ئورۇنلىرىدا تىلغا ئېلىندى.
   2010-يىلى 1-ئاينىڭ ئاخىرلىرى جۇڭگۇ دۆلەت كوماندىسىنىڭ شەرقىي ئاسىيا 4دۆلەت مۇسابىقىسىگە تەييارلىق قىلىش ئۈچۈن مەشىقلەندۈرۈشكە ماھىرلار چاقىرىتىلدى، دۆلەتلىك ياشلار كوماندىسىدىكى مىرەخمەتجانمۇ بۇ قېتىمقى دۆلەت كوماندىسىنىڭ يىغىپ مەشىقلەندۈرۈشىگە چاقىرتىلىپ، ئاپتونۇم رايۇنىمىز تارىخىدىكى تۇنجى دۆلەت كوماندىسىغا چاقىرتىلغان ئۇيغۇر بولۇپ قالدى. بۇ قېتىمقى تاللاشتا مىرەخمەتقاننىڭ تېخنىكىدىكى ئۆزگىچىلىكى، مەيداننى كۆزىتىش ئىقتىدارىنىڭ يۇقىرىلىقى، مۇداپىئە ۋە بۆسۈپ ئۆتۈشتىكى ئىقتىدارى ئويلىشىلغان ئىدى. دۆلەتلىك ياشلار كوماندىسىنىڭ تېرىنىرى سۇماۋجىنىڭ سۆزى بويىچە ئېيتقاندا مىرەخمەتجان پۈتۈن مەيداندا كۆپ قىسىم ئورۇنلارنىڭ ھۆدىسىدىن چىقالايدىغان، بولۇپمۇ ئارقا مۇداپىئە ۋە سول بېكلىك ئورنىدا باشقىلاردىن بېسىپ چۈشكىدەك ئىقتىدارغا ئىگە ماھىر ئىدى. بۇ قېتىمقى 10كۈنلۈك مەشىقلەندۈرش ئۇنىڭغا نىسبەتەن ئۆزىگە ئىشىنىش تۇيغۇسىنى كۈچەيتتى شۇنداقلا دۆلەت كوماندا ئەزالىرى قاتارىدا يۇقىرى سەۋىيەلىك مەشىق پۇرسىتىگە ئېرىشتى.
                                             

                     
  2010-يىلى 1-ئاينىڭ 20-كۈنى شەرقىي ئاسىيا 4دۆلەت مۇسابىقىسىگە تەييارلىق قىلىش مەشىقىگە قاتنىشىدىغان تەنھەرىكەتچىلەر تىزىملىكىگە مىرەخمەتجانمۇ كىرگۈزۈلۈپ ئاخبارات ۋاستىلىرىدا زىلزىلە قوزغىدى. بۇ بىر ئايلىق مەشىق جەريانىدا مىرەخمەتجان تىركەشمە مەشىقلەر ئارقىلىق ئۆز ماھارىتىنى تېخىمۇ يۇقىرى كۆتۈردى، ئۇنىڭ ئۈچۈن بۇ قېتىملىق مەشىق ناھايىتى ياخشى سەۋىيە ئۆستۈرۈش پۇرسىتى بولدى. ئاخىرقى مۇسابىقىگە قاتنىشىدىغان ماھىرلار قاتارىدا ئۇنىڭ ئىسمى يوق بولسىمۇ، بۇ ئاپتونۇم رايون قۇرۇلغاندىن بىرى رايۇنىمىز ماھىرى ئىسىمىنىڭ دۆلەت كوماندىسىدا تەركىبىدە تۇنجى كۆرۈلۈشى ئىدى.
   2010-يىلى دۆلەتلىك كوماندىسىنىڭ يىغىپ مەشىقلەندۈرۈشكە قاتناشقان مىرەخمەتجاننىڭ ئىپاىدىسىنى كۆرگەن خېنەن قۇرۇلۇش كوماندىسى دەرھاللا شۇندۇڭ لۇنىڭ بىلەن مىرەخمەتجاننى ئىجارىگە ئېلىش ئىشنى مەسلىھەتلەشتى، شەندۇڭ لۇنىڭ كوماندىسىدا مىرەخمەتجان ئوينايدىغان سول بېك ۋە سول ئارقا مۇداپىئە ئورنىدا پىشقەدەم، كۆپ مۇسابىقە كۆرگەن ماھىرلار كۆپ بولغاچقا، تەجرىبىلىك مىرەخمەتجانغا مەيدانغا چىقىش پۇرسىتى بەك ئاز بولاتتى، شەندۇڭ لۇنىڭ كۇلۇبىمۇ ئۇنى باشقا كۇلۇبلارغا ئىجارىگە بېرىش ئارقىلىق چېنىقتۇرۇشقا موھتاج ئىدى، لۇنىڭ كۇلۇبى بىلەن خېنەن قۇرۇلۇش كۇلۇبى تېزلا چۈشىنىش ھاسىل قىلىپ، مىرەخمەتجان بىر يىللىق ئىجارە بېرىش بىلەن خېنەن قۇرۇلۇش كۇلۇبى كوماندىسىدا توپ ئوينايدىغان بولدى، بۇ مىرەخمەتجان ئۈچۈن ياخشى چېنىقىش پۇرسىتى بولۇپ، بۇ كوماندىدا ئۆزىنى كۆرسىتىش پۇرسىتى كۆپ بولاتتى. 2-ئاينىڭ ئاخىرلىرى ئۇ خېنەن كوماندىسىنىڭ ئەزالىرى قاتارىدا مەشىقنى باشلىۋەتتى.
  خېنەن قۇرۇلۇش كوماندىسى بىلەن چىڭداۋ جۇڭنىڭ كوماندىسى ئوتتۇرىسىدىكى مۇسابىقىدە مىرەخمەتجان خېنەن كوماندىسىنىڭ ئوڭ يولىدىكى ھۇجۇم تەشكىللەش ۋە مۇداپىئە قىلىشتىكى يادروسىغا ئايلاندى. ئۇنىڭ ئوڭ يولدىن بۆسۈپ ئېلىپ كىرىپ تەشكىلىگەن ھۇجۇمى بىلەن خېنەن كوماندىسى بىر توپ ئۇرۇپ غەلبىنى قولغا كەلتۈردى. ئۇ ئۆزىنىڭ مۇشۇ مەيداندىكى ئىپادىسى ئارقىلىق 10-ئايلانما مۇسابىقىدىكى ئەڭ مۇنەۋۋەر سەپ شەكلىگە كىرىپ ئەڭ مۇنەۋۋەر ئوتتۇرا مەيدان ماھىرى بولۇپ باھالاندى. ئۇ بارا-بارا سەپلەنمە ئەزالىقىنى خېنەن كوماندىسىنىڭ ئاساسلىق ئەزاسىغا ئايلىنىپ پۈتكۈل خېنە توپ مەستانلىرىنىڭ قەلبىدىكى ئۈمىد يۇلتۇزلىرىنىڭ بىرىگە ئايلاندى. بۇ دىيارىمىز ماھىرلىرىنىڭ جۇڭگۇ دەرىجىدىن تاشقىرى بىرلەشمە مۇسابىقىسىدىكى يەنە بىر يېڭى رىكورتى ئىدى. خېنەن قۇرۇلۇش كۇلۇبى ۋاقىت مىرەخمەتجاننىڭ پۇتبولچىلىق ھاياتىدىكى ئۇنتۇلماس مىنۇتلار بولۇپ، خېنەن پۇتبول مەستانىلىرىنىڭ قەلبىدە ئۆزىنىڭ ئېسل ئوبرازىنى قالدۇردى، بولۇپمۇ ئاخىرقى مەيدان مۇسابىقىدە خېنەن توپ مەستانىلىرى «مىرەخمەت كەتمەڭ! مىرەخمەتجاننى كەتكۈزمەيمىز!» دېگەن لوزۇنكىنى كۆتۈرۈپ ئۇنىڭغا بولغان ھۆرمىتىنى ئىپادىلىردى. خېنەن قۇرۇلۇش كۇلۇبى تەرەپمۇ بۇ بىر يىل جەريانىدا ئۇنىڭ ئەمەلىي كۈچىنى كۆرۈپ يەتكەچكە، ئۇنى ئېلىپ قېلىشقا تېرىشقان بولسىمۇ شەندۇڭ تەرەپنىڭ رەت قىلىشى بىلەن ئامالسىز قالدى.  
                                                    خەلقئارا مۇسابىقىلەردىكى ماھارەتلەر  
                                                      

                                    
     2010-يىلى 10-ئاينىڭ 3-كۈنى جۇڭگۇ ياشلار كوماندىسى شەندۇڭنىڭ زىبۇ شەھىرىدە 36-نۆۋەتلىك ئاسىيا 19ياشلىقلار مۇسابىقىسىنىڭ ئا گۇرۇپپىسىدا سەئۇدىي ئەرەبىستان ياشلار كوماندىسى بىلەن تۇتۇشتى، بۇ گۇرۇپپىدا يەنە تايلاند، سۈرىيە ياشلار كوماندىلىرىمۇ بار ئىدى. بۇ قېتىمقى ئاسىيا 19ياشلىقلار مۇسابىقىسى ماھىيەتتە كېلەركى قېتىملىق دۇنيا لوڭقىسى ياشلار مۇسابىقىسىنىڭ تاللاش مۇسابىقىسى بولۇپ، ھەل قىلغۇچ مۇسابىقە چەمبىرىكىگە كىرگەن ئالدىنقى 4كوماندا 2011-يىلى كولۇمبىيەدە ئېلىپ بېرىلىدىغان دۇنيا 19ياشلىقلار مۇسابىقىسىگە قاتنىشالايتتى. مۇسابىقىدە مىرەخمەتجان 3-نومۇرلۇق كىيىمنى كىيىپ ئوڭ بېك بولۇپ مەيدانغا چىقتى. ئاخىرىدا جۇڭگۇ كوماندىسى 3-1 نەتىجە بىلەن تۇنجى مەيدان مۇسابىقىنى قولغا كەلتۈردى. 10-ئاينىڭ 5-كۈنى سۈرىيە ياشلار كوماندىسى بىلەن بولغان مۇسابىقىدىمۇ مىرەخمەتجان ئاساسلىق ئەزا بولۇپ مەيدانغا چىقىپ 2-0 نەتىجە بىلەن غەلبىنى قولغا كەلتۈرۈشكە تۆھپىسىنى قوشتى.
   2010-يىلى جۇڭگۇ دەرىجىدىن تاشقىرى بىرلەشمە مۇسابىقە ئاخىرلىشىشغا ئاز قالغاندا گۇاڭجۇ ئاسىيا تەنھەرىكەت يىغىنىنىڭ پۇتبول مۇسابىقىسىگە تەييارلىق قىلىش ئۈچۈن ئولىمپىك كوماندىسىغا مەشىق قىلىش ئۈچۈن چاقىرتىلىدىغان 26ماھىرنىڭ تىزىملىكى ئېلان قىلىندى، ئاسىيا ياشلار مۇسابىقىسىدە ئىپادىسى تۇراقلىق بولغان مىرەخمەتجان تۇنجى قېتىم دۆلەتلىك ئولىمپىك كوماندىسىغا چاقىرتىلدى. 2010-يىلى مىرەخمەتجان دۆلەتلىك ياشلار، ئولىمپىك ۋە دۆلەت كوماندىسىغا چاقىرتىلغان تۇنجى ماھىر بولۇپلا قالماستىن يەنە بۇ قېتىمقى مەشىقلەندۈرۈشكە چاقىرتىلغان يېشى ئەڭ كىچىك ماھىر ئىدى. بۇ قېتىمقى مەشىقلەندۈرۈش گەرچە ئون نەچچە كۈن ئەتراپىدا بولسىمۇ، ماھىرلار ئىپادىسىنىڭ ياخشى –يامانلىقى ئۇلارنىڭ رەسمىي مۇسابىقە تىزىملىكىگە كىرىش-كىرەلمەسلىكىنى بەلگىلەيتتى.
                                                     

    2010-يىلى 11-ئاينىڭ 10-كۈنى جۇڭگۇ ئولىمپىك كوماندىسى بىلەن قىرغىزىستان كوماندىسى مۇسابىقىلەشتى. بۇ قېتىم جۇڭگۇ ئولىمپىك كوماندىسىنىڭ تېرىنىرى سۈنۋىي مەيدانغا چىقىدىغان ئەزالاردا تەڭشەش ئېلىپ بارغان بولۇپ، مىرەخمەتجان ئاساسلىق ئەزا بولۇپ مەيدانغا چىقتى. ئەمما مۇسابىقە باشلىنىپلا ئۇزاق ئۆتمەي جۇڭگۇ كوماندىسى بىر توپ كەتكۈزۈپ قويدى. 83-مىنۇتتا مىرەخمەتجان سول تەرەپتىن بەرگەن ئېگىز توپنى ئەمدىلا مەيدانغا چىققان سەبدىشى توختاتمايلا ۋاراتارغا ئۈسسۈپ كىرگۈزۈپ تەڭلەشتۈرىۋالدى. جۇڭگۇ كوماندىسى كەينىدىن يەنە بىر توپ ئۇرۇپ غەلبە قىلدى. كوماندىنىڭ بۇ قېتىمقى غەلبىنى قولغا كەلتۈرۈشتە ئۇنىڭ تۆھپىسى ئالاھىدە بولدى.
   مىرەخمەتجان خېنەن قۇرۇلۇش كوماندىسى بىلەن بولغان توختام ئاخىرلاشقاندىن كېيىن شەندۇڭغا قايتىپ كەلدى. شەندۇڭ لۇنىڭ كۇلۇبى ئۇنىڭ بىر يىللىق ئىپادىسىدىن كوماندىغا قايتۇرۇپ كېلىپ مۇسابىقىگە قاتناشتۇرۇش قارارىغا كېلىپ بولغانىدى. يەنە بىر قانچە كۇلۇبلارمۇ مىرەخمەتجانغا بولغان قىزىقىشىنى ئىپادىلىگەن بولسىمۇ ئىزچىل شەندۇڭ تەرەپنىڭ رەت قىلىشىغا ئۇچرىدى.
     2011-يىلى 2-ئاينىڭ 17-كۈنى جۇڭگۇ پۇتبولچىلار جەمئىيتى يېڭى بىر نۆۋەتلىك دۆلەتلىك ئولىمپىك كوماندىسىنڭ يىغىپ مەشىقلەندۈرۈشكە قاتنىشىدىغان ماھىرلارنىڭ تىزىملىكىنى ئېلان قىلدى.بۇ تېزىملىكتە ئالدىنقى قېتىم مىسىرغا بېرىپ مەشىققە قاتناشقان ماھىرلارنىڭ كۆپى يوق بولۇپ، تېرىنىر بۇلازىۋىچ بۇ قېتىم ئاساسەن ئۆزى تاللىغان، شۇنداقلا كۇلۇبلاردا ئالاھىدە تەسىر كۆرسەتكەن ماھىرلارنى قوبۇل قىلىپ سىناپ كۆرۈشنى مەقسەت قىلغانىدى. بۇ قېتىمقى يىغىپ مەشىقلەندۈرۈشكە مىرەخمەتجان يەنە چاقىرتىلىشتىن باشقا يەنە شىنجاڭلىق ماھىر- خاڭجۇ يېشىل  شەھەر كۇلۇبىدىكى بارىمۇ چاقىرتىلغانىدى. بۇ مىرەخمەتجاننىڭ 2-قېتىم قېتىم بارىنىڭ تۇنجى قېتىم ئولىمپىك كوماندىسىنىڭ يىغىپ مەشىقلەندۈرۈشىگە چاقىرتىلىشى ئىدى. مىرەخمەتجان بۇ قېتىم كاپىتانلىق سالاھىيىتى بىلەن مەشىققە قاتناشتى. ھەم بۇ قېتىمقى يىغىپ مەشىقلەندۈرۈشتە ئۆزىنىڭ ئالاھىدە ئىپادىسى بىلەن تېرىنىر بۇلازىۋىچ ۋە ھەرقايسى ئاخبارات ۋاستىلىرىنىڭ ياخشى باھاسىغا مۇيەسسەر بولدى. 2-ئاينىڭ 25-كۈنى دۆلەت ئولىمپىك كوماندىسى شاڭخەي شىنخۇا كۇلۇبى بىلەن بىر مەيدان بەدەن قىزىتىش مۇسابىقىسىدە كاپىتان بولۇپ مەيدانغا چىقىپ ئاپتونۇم رايۇن پۇتبولچىلىرىنىڭ دۆلەت كوماندىسىدىكى يەنە بىر رېكورتىنى ياراتتى. بۇ تۇنجى قېتىم ئاپتونۇم رايۇنىمىز ماھىرىنىڭ 3چوڭ توپ تۈرىدە كاپىتانلىق ئورنىغا ئېرىشىشى ئىدى.
                                                         داڭلىق كۇلۇب ئاياكىس ئوغلانىمىزغا تەكلىپنامە ئەۋەتتى
                                                              

   2011-يىلى 2-ئاينىڭ 28-كۈنى ئاخبارات ۋاستىلىرى يېڭى بىر خەۋەر شەندۇڭ لۇنىڭ كوماندىسىدىكى شىنجاڭلىق ماھىر مىرەخمەتجان گوللاندىيەنىڭ داڭلىق كۇلۇبى ئاياكىس كۇلۇبىغا بېرىپ مەشىققە قاتنىشىش تەكلىپنامىسىنى تاپشۇرىۋالغانلىقىنى بەس-بەستە خەۋەر قىلىشتى. ئاياكىس كۇلۇبى ياۋرۇپادىكى ئەنئەنىۋى كۈچلۈك كۇلۇب بولۇپ، ياش ماھىرلارنى بايقاش ۋە تەربىيلەش جەھەتتە دۇنيادا ئالدىنقى قاتارىدا تۇراتتى. نۇرغۇن ماھىرلار ئاياكىسنىڭ مەشىق بازىسىدىن يېتىشىپ چىقىپ ۋە تونۇلۇپ ياۋرۇپادىكى باشقا كۇلۇبلارغا يۆتكىلەتتى. شۇ سەۋەب ئاياكىس كۇلۇبى «پۇتبولچى ئىشلەپ چىقىرىدىغان زاۋۇت» دېگەن نامغىمۇ ئىگە ئىدى. ئۇلار پۈتۈن دۇنيا دائىرىسىدە تالانتلىق پۇتبول مايسىلىرىنى ئىزدەپ بايقاش جەھەتتىمۇ ئالدىنقى قاتارىدا ئىدى. خەۋەرلەرگە قارىغاندا ئۇلار خېلى بۇرۇنلا مىرەخمەتجانغا دىققەت قىلغان بولۇپ، گۇاڭجۇ ئاسىيا تەنھەرىكەت يىغىنىدا ئۇلار مەخسۇس ئادەم ئەۋەتىپ مىرەخمەتجاننىڭ ئىپادىسىنى كۆزەتكەن. شەندۇڭ ؛ۇنىڭ كۇلۇبى ئىسپانىيەدە قىشلىق مەشىققە بېرىش قارارىنى ئېلان قىلغاندىن كېيىن، ئاياكىس تەرەپ بىۋاستە ئىسپانىيەگە بېرىپ مىرەخمەتجاننى كۆزەتمەكچى ھەمدە شەندۇڭ تەرەپ بىلەن سۆزلەشمەكچى بولغان، ئەمما مىرەخمەتجان پاسپورت جەريانىدىكى بىر قاتار سەۋەبلەر تۈپەيلىدىن ئىسپانىيەگە بارالماي قالدى. شەندۇڭ لۇنىڭ كۇلۇبى مىرەخمەتجاننى ئاسىيا پۇتبولچىلار بىرلەشمىسىگە ئاسىيا كۇلۇبلار لوڭقىسى مۇسابىقىسىگە قاتنىشىدىغان شەندۇڭ لۇنىڭ كۇلۇبىنىڭ ئەزالىرى قاتارىدا تىزىمغا ئالدۇرغان بولغاچقا ئۇنىڭ ئاياكىسقا بېرىش ئىشى كۇلۇبنىڭ قارار چىقىرىشىغا باغلىق بولۇپ قالغانىدى.
                                                           

                                          
  ئاخبارات ۋاستىلىرىدا مىرەخمەتجان توغۇرلۇق خەۋەر قىزىپ كەتكەندىن كېيىن شەندۇڭ تەرەپ دەرھال ئىنكاس قايتۇرۇپ، مىرەخمەتجاننىڭ شەندۇڭ لۇنىڭ كۇلۇبىنىڭ ئادىمى ئىكەنلىكىنى، مىرەخمەتجان بىلەن بۇرۇنلا توختام ئىمزالاپ بولغانلىقىنى جاكارلىدى. شەندۇڭ لۇنىڭ كۇلۇبىنىڭ دائىمىي ئىشلارغا مەسئول مۇئاۋىن لىدىرى خەن بەسەي 2-ئاينىڭ 28-كۈنى جىنەن ۋاقىت گېزىتى مۇخبىرىنىڭ زىيارىتىنى قوبۇل قىلغاندا، شەندۇڭ لۇنېڭ كۇلۇبىنىڭ يۇقىرىقى ئىنكاسىنى ئالاھىدە تەكىتلىدى. چۈنكى مىرەخمەتجان ئۇلارنىڭ نەزىرىدە كۆزگە كۆرۈنگەن، ئۆزلىرى تەربىيلەپ چىققان، ئەمەلىي كۈچى زور، ئىستىقبالى پارلاق بىر پۇتبولچى ھېسابلانغاچقا، ئۇنى قولدىن چىقرىپ قويۇشنىڭ ئۆزى قولىدىكى ئالتۇن ئۈزۈكنى يىتتۈرۈپ قويۇش بىلەن باراۋەر ئىدى.
     2011-يىللىق مۇسابىقە پەسلىدە مىرەخمەتجان 7توپ كىرگۈزدى. ئۇنىڭ بىرى ئاسىيا كۇلۇبلار لوڭقىسى مۇسابىقىسىدە، يەتتىسى 2-سەپ كوماندىسىنىڭ مۇسابىقىسىدە كىرگۈزۈلدى. بۇ مۇسابىقە پەسلىدە شەندۇڭ لۇنىڭ 2-سەپ كوماندىسى جەمئى 64توپ ئۇرغان بولۇپ ئۇنىڭ 32سى مىرەخمەتجان بىلەن مۇناسىۋەتلىك ئىدى. بۇ مۇسابىقە پەسلىدە ئۇ ئىككىنچى سەپلەر ئارا ياردەمچى پاس شاھى بولۇپ قالدى.


شىنجاڭ ياشلىرى ژۇرنىلىنىڭ 2012-يىللىق 7-سانىدىن ئېلىندى.

dilmurat.

مىرئەخمەتجاننىڭ بۇندىن كىيىنكى تەرەقىياتىنىڭ تېخىمۇ تىز بولۇشىنى ئۈمۈت قىلىمەن . مىرئەخمەتجان تىزراق  
شەندۇڭ لۇنىڭنىڭ ئاساسلىق ئەزاسىغا ئايلانسا بەك ياخشى بولاتتى

ئوسكار

مىرئەخمەتجان جىمىپلا كەتتىغۇ......  ھەقىقەتەن ياخشى ئوينايتى....ئەخلەقىمۇ شۇنداق ياخشى.

تۇمشۇق

شەندۇڭ لۇنىڭ كۇلۇبىنىڭ دائىمىي ئىشلارغا مەسئول مۇئاۋىن لىدىرى خەن بەسەي 2-ئاينىڭ 28-كۈنى

تۇمشۇق

بۇندىن كىيىنكى ئىشلىرىنىڭ ئۇڭۇشلۇق بۇلىشىغا تىلەكداشمەن

tagderem

بۇ بالا ھەقىقەتەن ئەكرەمدىن كىيىنكى يەنە بىر شىنجاڭ پوتبۇل ئابىدىسى بولۇشقا لايىق  . ئۇنىڭدىكى ئىرادە بىلەن تىرىشچانلىقنى باشقا ئىچكىردىكى قىرىنداشلىرىمىز كۆپىرەك ئۆگەنسىكەن دەيمەن .

غەيرەت قىل مىرئەخمەت . سىنىڭ لۇنىڭدا باش كۆتۈرۈشىڭگىمۇ ئاز قالدى  . !

پۇتبول

ماۋۇ ھەقىقەتەن نادىر تېما بوپتۇ . كېيىنچە ئايرىم كۆرەي ...

nayil

نادىر تېما بوپتۇ . قولىڭىزغا دەرت بەرمىسۇن !~~ ئۇيغۇر پۇتبولچىلىقىدىكى بۇنداق تۆھپىكار ئىنىلىرىمىزنى بېشىمىزدا كۆتۇرسەكمۇ ئەرزىيدۇ !~ غەيرەت قىل ، سەن ۋە سەن قاتارلىق ئەزىمەتلىرىمىز ئۇيغۇر پۇتبولچىلىقغا يېتەكلىگۇچ رول ئوينايدۇ !!

بۈرگىچاق

مۇشۇ ئىچكىردە توپ ئوينايدىغان ئوغلانلىرمىزدىن يا پەخرلىنىشنى ياكى ئۇلارنىڭ ئىچكىردە توپ تەپكەنلىكىدىن خۇشال بۇلۇشنى پەقەتلا بىلمىدىم.ئۇلارنىڭ قىلغىنى ئۈزى ئۈچۈنمۇ ياكى خەلقىمىز ئۈچۈنمۇ؟ بولسا مۇشۇ سوئالغا شۇ ئوغلانلىرمىزدىن بىرسى قانائەتلىنەرلىك جاۋاپ بەرگەن بولسا ھەممە ئىش ئايدىڭ بۇلاتتى. مىنىڭ كۆڭلىمدە بۇ سوئالغا پەقەت جاۋاپ يوق. مەن ئويلايمە چەتئەلدىكى ياكى ئىچكىردىكى داڭلىق بىلىم يۇرتىدا ئوقوغانلار شۇ يەردىكى ئەۋزەل شارائىتنى ۋە يۇقىرى سوممىلىق تەمىناتنى رەت قىلىپ دىيارىمىز شىنجاڭغا قايتىپ كىلىپ ، ئۈزىنىڭ قابىلىيتى ئارقىلىق خەلقىمىزگە ئاز بولسىمۇ بىرەر پايدىلىق ئىش قىلىپ بىرىپ ، خەلقىمىزنىڭ ماختىشىغا سازاۋەر بولدىكەن، ئەممازە ماۋۇ بىزنىڭ پۇتبول ئوينايدىغان ئوغلانلىرمىزچۇ؟ بەلكىم بۇ چولپانلىرمىز بىزنىڭ شىنجاڭدا تەرەققى قىلىش پۇرسىتىمىز چەكلىك، ئاپتۇنۇم رايۇنىمىز بىزگە كۈڭۈل بۆلمەيدۇ دەپ ھۆكۈمەتتىن ئاغىرنىشى ئېنىق،مەنچە بۇ تۈپكى سەۋەپ بولالمايدۇ.بولسا شۇ چولپان ئوغلانلىرمىز ياخشىراق ئويلىنىپ باقسا.ھەممىمىز بىلمىز چولپانلىرمىزدىن 90%لىرى ئاساسەن ئىچكىردە بەسەي ساتقۇچىلارنىڭ سوغوق ئۇرۇندۇقىنى بېقىپ ياتىدۇ.

ئىزھار

messi100 يوللىغان ۋاقتى  2013-4-16 19:59
مۇشۇ ئىچكىردە توپ ئوينايدىغان ئوغلانلىرمىزدىن يا پەخر ...

مىنىڭ دەيدىغىنىممۇ مۇشۇنىڭغا ئوخشاش`1`````````````````