|
ئەسسالامۇ ئەلەيكۇم !
بىر قاتار دۆلەتلىك مۇسابىقىلەردىن كېيىن بىز تەقەززالىق بىلەن كۈتكەن ئوزغۇنلۇق تۆت كۈچلۈككە كىرىش مۇسابىقىسى ۋاقتى يېتىپ كەلدى ، ئۇيغۇر ۋاقتى 3-فېۋرال كېچە سائەت 0:45 تە ئوزغۇنلۇق تۆت كۈچلۈك مۇسابىقىسىنىڭ دەسلەپكى ئۇچراشمىسى باشلىنىدۇ .
پارىژ سان گېرمان VS بارسىلونا
پارىژ سان گىرمان ساھىبخان مەيدانى بولغان مەلىكە باغچىسىدا بارسىلونانى كۈتىۋالىدۇ . ئىككى تەرەپ تارىخىدا ھەر خىل مۇسابىقىلەردە ئۈچ قېتىم ئۇچراشقان بولۇپ ھەر ئىككى تەرەپ بىر ئۇتۇق ، بىر تەڭلىشىش ، بىر ئۇتتۇرۇش نەتىجىسى بىلەن تەڭ ھالەتتە تۇرىدۇ . ھازىرقى ئەھۋالدىن قارىساق بارسىلونا كۈچلۈك پەللىسىدىن سەل ئارقىغا چىكىنىۋاتقان ، پارىژ ئۆزىنىڭ تەڭپۇڭلۇق ھالىتىنى ساقلاپ تۇرماقتا ، گەرچە كۈچ سېلىشتۇرمىسى جەھەتتە بارسىلونا پارىژدىن خېلىلا ئۈستۈنلۈكتە بولسىمۇ پارىژنىڭ بۇ قېتىملىق ئۇزغانلىق نەتىجىسى ناھايىتى ياخشى كېتىۋاتماقتا ، ئۆز گۇرۇپپىسىدىن بىرىنچى بولۇپ چىقىپ 8 كۈچلۈكتە ۋالىنسىيەنى بىر ئۇتۇپ ، بىر تەڭلىشىپ تۆت كۈچلۈككە ئوڭۇشلۇق كىردى ، ئۇلار ئىبراھىموۋىچ ، تىياگو سېلۋا قاتارلىق داڭلىق توپچىلارنى كىرگۈزگەن بولۇپ ، ئوزغۇنلۇقتا لوڭقا كۆتۈرۈش ئارزۇسى بەكمۇ كۈچلۈك . ئىبراھىموۋىچنىڭ چەكلەنگەن جازاسىنىڭ بىكار قىلىنىشى پارىژ توپچىللىرىنىڭ روھىي ھالىتىنى يەنە بىر بالداق كۆتۈردى . بارسىلونانىڭ تۆت كۈچلۈككە كىرىش قەدىمى بىر قەدەر تەس بولغان بولۇپ رەقىبى كۈچلۈك بولۇش بىلەن بىرگە دەسلەپكى ئۇچرىشىشتا كوماندا ياخشى ھالىتىنى جارى قىلدۇرالمىدى ، بۇ قېتىمقى رەقىبى سەل ئاجىز سانالسىمۇ تارىختىكى ئۇچرىشىش نەتىجىسىگە قارىساق بارسانىڭ ئەھۋالى ئۇنچە ياخشىمۇ ئەمەس .تۆۋەندە بۇ ئىككى تەرەپنىڭ سەپ شەكلىنى كۆرۈپ باقايلى .
سەپ شەكلى
قىزىق نۇقتا :
1. مىسسى ۋە ئىبراھىموۋىچ بۇ مۇسابىقىنىڭ يارقىن نۇقتىللىرى ھېسابلىنىدۇ ، ئىبراھىم پارىژدىكى چاغدا بارسا بىلەن بىر مەيدان مۇسابىقىگە چۈشكەن بولۇپ ھەر ئىككىسى بىر دىن نۇقتا توپ ئۇرغان ، بۇ ئىككىسى يەنە ھەركىتىنى داۋاملاشتۇرۇپ قارشى تەرەپ ۋارىتاسىغا توپ ئۇرالامدۇ ؟
2. تىياگو سېلۋا مىسسىنى ئوڭۇشلۇق توسالامدۇ ؟ چېلسىينىڭ ئىلگىرىكى بۇ پولات تېمى ئالدىنقى يىلى چېلسىيدىكى ۋاقتىدا بارسا بىلەن ئۇچرىشىپ باققان بولۇپ بارسانىڭ ھۇجۇملىرىغا قارىتا ئېنىق چۈشەنچىگە ئېگە ، بۇ قېتىممۇ يەنە ئىلگىرىكىدەك مىسسىنى مىخلاپ قويالارمۇ ؟
3. پېك ئۆزىنىڭ بۇرۇنقى جان-جىگەر ئاغىنىسى  ئىبراھىمنى توسالارمۇ ؟
مىسسى VS ئىبراھىموۋىچ
مىسسى بىلەن ئىبراھىم ئىككىسىنى سان سىپىرلار بىلەن سېلىشتۇرۇپ باقىدىغان بولساق :
مىسسى :
ئۇرغان توپ سانى : بۇ مەۋسۇم ئوينىغان ئوزغۇنلۇق مۇسابىقىسى ئومۇمىي 662 مىنۇت بولۇپ بۇ جەرياندا 26 قېتىم ۋارىتارغا توپ ئۇرغان 7 توپ كىرگۈزگەن ، مەرگەنلەر قاتارىدا يىلماز ۋە رونالدو ( ھەر ئىككىسى 8 توپتىن ) كېيىنلا تۇرىدۇ .
پاس قېتىم سانى : جەمئىي 513 قېتىم پاس بەرگەن بولۇپ بۇنىڭ ئىچىدە 408 قېتىم جايىغا يەتكۈزۈپ بەرگەن بولۇپ پاس يەتكۈزۈش نىسبىتى 80% بولغان . ئۈچ قېتىم ياردەمچى پاس بەرگەن .
خاتالىق ئۆتكۈزۈشى : پۈتۈن مۇسابىقە جەريانىدا پەقەت بىر قېتىملا خاتالىق ئۆتكۈزگەن ، بۇنىڭغا قارشى 20 قېتىم قائىدىگە خىلاپ ھەرىكەت ئىشلەنگەن . ھېچقانداق كارتا يېمىگەن . بىر قېتىم ئوفسايت بولغان ، بۇ مەۋسۇم ئوزغۇنلۇقتىكى ئۇمۇمىي مۇساپىسى 53159 مېتىر بولغان .
ئىبراھىموۋىچ :
ئۇرغان توپ سانى : بۇ مەۋسۇم ئوينىغان ئوزغۇنلۇق مۇسابىقىسى ئومۇمىي 613 مىنۇت بولۇپ بۇ جەرياندا 19 قېتىم ۋارىتارغا توپ ئۇرغان 2 توپ كىرگۈزگەن .
پاس قېتىم سانى : جەمئىي 353 قېتىم پاس بەرگەن بولۇپ بۇنىڭ ئىچىدە 221 قېتىم جايىغا يەتكۈزۈپ بەرگەن بولۇپ پاس يەتكۈزۈش نىسبىتى 63% بولغان . بەش قېتىم ياردەمچى پاس بەرگەن .
خاتالىق ئۆتكۈزۈشى : پۈتۈن مۇسابىقە جەريانىدا 14 قېتىم خاتالىق ئۆتكۈزگەن ، بىر قېتىم قىزىل كارتا يېگەن ، بۇنىڭغا قارشى 7 قېتىم قائىدىگە خىلاپ ھەرىكەت ئىشلەنگەن .13 قېتىم ئوفسايت بولغان ، بۇ مەۋسۇم ئوزغۇنلۇقتىكى ئۇمۇمىي مۇساپىسى 61375 مېتىر بولغان .
| 
يوللىغان ۋاقتى 2013-4-2 05:00:15
يوللىغان ۋاقتى 2013-4-2 10:16:42
