دۇنيا لوڭقىسغا قاتنىشالماسلىق ئېھتىمالى يۇقۇرى ماھىرلار

توپ تەپكۈچى

ئالدىنقى ھەپتىنىڭ ئاخىردا ۋە مۇشۇ ھەپتىنىڭ ئوتتۇرسىدا ،2014-يىلدىكى بىرازىلىيە دۇنيا لوڭقىسنىڭ ئالدىن تاللاش ئىككى ئايلانما مۇسابىقىسى ئېلىپ بېرىلدى .بۇ ئايلانمىدىن كېيىن بەزى كوماندىلار يار لېۋىگە يېقىنلاپ قالدى .مۇبادا پورتۇگالىيە ،شىۋىتسىيە قاتارلىق مۇشۇنداق كۈچلۈك كوماندىلار دۇنيا لوڭقىسىغا قاتنىشالمىسا ،ئۇ چاغدا كىرىستىئانو رونالدو ۋە ئىبرايىموۋىچتەك قالتىس ماھارەتلىك قاتىل ھۇجۇمچىلارنى بىرازىلىيىدە كۈرەلمەي قالىمىز ،بۇ پۈتۈن دۇنيا توپ مەستانىلىرى ئۈچۈن ئەڭ ئازاپلىق  ئىش ! 3-ئاينىڭ 29-كۈنى ، ئەنگلىيە « پوچتا گېزىتى » 2014-يىلدىكى دۇنيا لوڭقىسىغا قاتنىشالماسلىق ئېھتىمالى يۇقىرى بولغان 12 داڭلىق پۇتبولچىلارنى باھالاپ چىقتى .

1 .چېخ ( ۋاراتار )



چېلسى كوماندىسىنىڭ داڭدار ۋاراتارى چېخ دۇنيادىكى ئەڭ مۇنەۋۋەر ۋارتارلارنىڭ بىرسى ھىساپلىنىدۇ .بىراق چېخ دۆلەتلىك كوماندىسىنىڭ ھازىرقى ۋەزىيىتى ئىنتايىن خەتەرلىك ،ھازىر چېخ كوماندىسى ياۋروپا رايونى ب گۇرۇپتا 8 نومۇر بىلەن 3-ئۇرۇندا تۇرىۋاتىدۇ .

2. ئىۋانوۋىچ ( ئوڭ مۇداپىئەچى )



ئىۋانوۋىچنىڭ دەردىمۇ چېلسىدىكى سەبدىشى چېخ بىلەن ئوخشاش كېتىدۇ .ھەتتا چېختىن ئېشىپ كېتىدۇ دەپ قاراشقا بولىدۇ .سېربىيە  كوماندىسى ئىلگىرى ئوينالغان ئالتە ئايلانمىدا پەقەت يەتتە نومۇرغا ئېرىشىپ گۇرۇپپىدا ئۈچىنچى ئورۇندا تۇرماقتا .بىرىنچى ۋە ئىككىنچى ئورۇندىكى بىلگىيە بىلەن كېرۇدىيە ئوخشاشلا 16 نومۇر ، يەنە تۆت ئايلانما مۇسابىقە قالغان ئەھۋال ئاستىدا سېربىيىنىڭ ئۈزۈپ چىقالىشى ناھايىتى تەس !

3 .پېي پېي ( ئوتتۇرا مۇداپىئەچى )



پېي پېي بولسا خان مادرىد ۋە پورتۇگالىيە كوماندىسىنىڭ مۇداپىئە جەھەتتىكى يادورسى ،پورتۇگالىيە كوماندىسمۇ ھازىر خەتەر ئىچىدە ،ئىسرائىلىيە بىلەن نومۇرى ئوخشاش ، 11 نومۇر ،لېكىن ئىسرائىلىيە توپ سانى جەھەتتە پورتۇگالىيىدىن كۆپ بولغاچقا گۇرۇپپىدا ئىككىنچى ئورۇندا ،رۇسىيە بىرىنچى ئورۇندا تۇرىۋاتىدۇ .ئىرلاندىيە ، ئەزەربەيجان ،لوسىنبۇرگ قاتارلىق كوماندىلارنىڭ نۇمۇرى تۆۋەن بولغانلىقى ئۈچۈن بۇلاردا ئاساسى جەھەتتىن ئۈمىد يوق ، لېكىن پورتۇگالىيە يۇقۇردىكى ئىككى كوماندا بىلەن قاتتىق تىركەشمىسە چاتاق چىقىدۇ .ئىككى مەيدان ئۇتتۇرۇپلا قويسا ، ئۇ چاغدا پېي پېينى 2014-يىلى بىرازىلىيىدە كۆرەلمەيمىز !

4 .ئاگېر ( ئوتتۇرا مەيدان )



دانىيە كوماندىسىنىڭ دۇنيا لوڭقىسى ئالدىن تاللاشتا ، ئادەتتە نەتىجىسى ياخشى بۇلاتتى . لېكىن بۇ قېتىم ئەھۋالى چاتاق ،گۇرۇپتا تۆتىنچى ئورۇندا ،كېيىنكى مەيداندا يېڭىپلا ماڭمىسا ، ئۇ چاغدا بۇ قالتىس پۇتبولچىنى كۆرەلمەيمىز !

5 .كېنتىراۋ ( سول مۇداپىئەچى )



2010-يىلدىكى جەنۇبى ئافرىقا دۇنيا لوڭقىسىدىكى قالتىس ئىپادىسى بىلەن بۇ پۇتبولچى پورتۇگالىيە كوماندىسىغا ۋاكالىتەن رەسمى چوڭ سەھنىگە قەدەم تاشلىغان . پورتۇگالىيە قاتتىق تىرىشمىسا ئېھتىمال كېنتىراۋنىڭ كېيىنكى دۇنيا لوڭقىسى 2018-يىلى بولۇپ قېلىشى مۇمكىن !

6 .ئېرىكسۇن ( ئوتتۇرا مەيدان )



ئېرىكسون بولسا 2012-يىلدىكى ياۋروپا لوڭقىسدا چاقنىغان چولپاننىڭ بىرسى ،كىشىلەر بۇ چولپاندىن زور ئۈمىد كۈتىۋاتقان مۇشۇنداق پەيتتە ،دانىيە كوماندىسىنىڭ ۋەزىيىتى خەتەرلىك ئەھۋالغا دۇچار بولدى .بۇ پۇتبولچىمۇ يەنە تۆت يىل ساقلاپ قېلىشى مۇمكىن !

7 .ئاسامۇئا ( ئوتتۇرا مەيدان )



ياۋروپادىكى كوماندىلاردىن باشقا ، گانا كوماندىسمۇ شاللىنىپ كېتىش ئېھتىمالى يۇقىرى بولغان كۈچلۈك كوماندىلارنىڭ بىرسى ،دۇنيا لوڭقىسى ئافرىقا رايۇنىدىكى ئالدىن تاللاش بەلگىلىمىسىدە ،ئىككىنچى باسقۇچتىكى گۇرۇپ مۇسابىقىسىدە ، پەقەت بىرىنچى بولغان كوماندا دۇنيا لوڭقىسنىڭ بېلىتىگە ئېرىشەلەيدۇ دەپ بەلگىلەنگەن .گانا ئۈچ مەيداندا ئالتە نومۇر ئېلىپ ، گۇرۇپتا زامبىيدىن كېيىن ئىككىنچى ئورۇندا تۇرىۋاتىدۇ .يۇۋېنتۇسنىڭ بۇ قابىل ماھىرىنىمۇ كۈرەلمەي قېلىشىمىز مۇمكىن !

8 .كىرىستىئانو رونالدو ( ھۇجۇمچى )



رونالدو بولسا دۇنيادىكى باھاسى ئەڭ يۇقىرى ، شۇنداقلا توپ كىرگۈزۈش ئۈنۈمى يۇقىرى بولغان داڭدار ھۇجۇمچى ،مارادونا بولمىغان دۇنيا لوڭقىسى قىزىمايدۇ،ئارگېنتىنا بولمىغان دۇنيا لوڭقىسى ئەسلى قىزىمايدۇ دىگەنگە ئوخشاش ، رونالدو قاتناشمىغان دۇنيا لوڭقىسى يەنىلا قىزىمايدۇ .مۇبادا پورتۇگالىيە كوماندىسى 2014-يىلى بىرازىلىيەگە بارالمىسا ، ئۇ چاغدا دۇنيا لوڭقىسدا چوڭ يوقۇتۇش ۋە زىيان ئېلىپ كېلىدۇ .چۈنكى ،بىرازىلىيىگە نۇرغۇنلىغان توپ مەستانىلىرى رونالدونى دەپ كېلىدۇ .

9 .بېل ( سول ھۇجۇمچى )



ئېنگىلاندىكى « يېڭى رونالدو » دەپ نام ئالغان بېل بولسا توتىنھامنىڭ يادرولۇق ئەزاسى ، يېقىندىن بۇيان بۇ پۇتبولچىغا كۆپلىگەن زەردار كۇلۇبلار قىزىقماقتا ، باھاسىمۇ 45 مىليون ياۋروغا ئۆرلىدى .بېل ۋېلىش كوماندىسىنى تاللىسا دۇنيا لوڭقىسىغا قاتنىشىش ئېھتىمالىنىڭ ئاز بۇلىدىغانلىقىنى ياخشى بىلىدۇ ، لېكىن ئۆز ۋەتىنى ئۈچۈن يەنىلا تىركەشتى .ئالدىن تاللاشتىكى مۇسابىقىلەردە ، بېل ئۆز ماھارىتىنى تولۇق نامايان قىلدى .بىراق ئۆزى يالغۇز يېتىشەلمىدى .ھازىر ۋېلىش كوماندىسىنىڭ نۇمۇرى پەقەت ئالتە نومۇر ،ئەگەر ۋېلىش كوماندىسى كېيىنكى تۆت مەيداندا تولۇق يەڭسە ئۈمىد بار ، بىر مەيدان مەغلۇپ بولسا بېل رەسمى خوشلىشىدۇ .بېلنى ھازىر ئاساسى جەھەتتىن خۇشلاشتى دەپ قاراشقا بولىدۇ . چۈنكى كېيىنكى كۈچلۈك رەقىبلىرىدىن 12 نومۇر ئالماق ناھايىتى تەس ! ( مۆجىزە يۈز بېرىشىمۇ مۇمكىن )

10 .ئىبرايىموۋىچ ( ھۇجۇمچى )



ياۋروپا س گۇرۇپتا ،گېرمانىيە كوماندىسى بەش مەيدان يېڭىپ ، بىر مەيدان تەڭلىشىپ ، 16 نومۇر بىلەن بىر پۇتى دۇنيا لوڭقىسغا كىرىپ بولدى ،ئىبرايىموۋىچ باشچىلىقىدىكى شىۋىتسىيە كوماندىسى گەرچە ئۇتتۇرمىغان بولسىمۇ ،لېكىن نۇمۇرى ئاۋىستىرىيە ۋە ئىرلاندىيە بىلەن ئوخشاش 8 نومۇر ،شىۋىتسىيە كوماندىسى توپ سانى ئاز بولۇش سەۋەبى بىلەن گۇرۇپتا ئۈچىنچى ئۇرۇندا ، لېكىن شىۋىتسىيە كوماندىسى بىر مەيدان مۇسابىقىنى ئاز ئوينىغان ،بۇ كوماندىدا ئۈمىد چوڭ ،شىۋىتسىيە كېيىنكى ئايلانمىدا تىرىشسا ئىبرايىموۋچىنى يەنە كۆرەلەيمىز ! مۇبادا بىر نەچچە مەيدان ئۇتتۇرۇۋەتسە ئىبرايىموۋچىنى تاماشىبىنلار قاتارىدا كۈرۈش سۇپىسىدا كۈرۈشىمىز مۇمكىن !

11 .سۇئارېز ( ھۇجۇمچى )



ئۇراگۋايلىق بۇ دەرىجىدىن تاشقىرى چولپان 2010-يىلدىكى دۇنيا لوڭقىسدا تۆتىنچى بۇلدى ، كېيىن ئامېرىكا قىتئەسى لوڭقىسدا چىمپىيۇنلۇق لوڭقىسىنى ئېگىز كۆتۈردى .لېكىن ئەمدى ئېلىپ بېرىلماقچى بولغان دۇنيا لوڭقىسنىڭ ئالدىن تاللاشتا ،ئۇراگۋاينىڭ نەتىجىسى ياخشى ئەمەس ،ھازىرغا قەدەر ئوينالغان 11 مەيدان مۇسابىقىدە ، ئۇراگۋاي پەقەت 14 نومۇرغا ئېرىشتى .تۆت مەيدان ئۇتتۇرۇۋەتتى .ھازىر جەنۇبى ئامېرىكا رايۇنىدا 6-ئۇرۇنغا چۈشۈپ قالدى .مۇبادا ئۇراگۋاي سالاھىيەت مۇسابىقىسى ئوينىماقچى بولسا ، ئۇ چاغدا چوقۇم گۇرۇپ مۇسابىقىسىدە بەشىنچى بولۇشى كېرەك ،بولمىسا سۇئارېزنىمۇ 2014-يىلى كۈرەلمەسلىكىمىز مۇمكىن !

12 .ئىرنەندىس ( ھۇجۇمچى )



مانچېستىر بىرلەشمىسىدىكى داڭلىق چولپان ئىرنەندىسنىڭمۇ ئىشى چاتاق ،ئالتە كوماندا ئوتتۇرسىدىكى تۆتىنچى باسقۇچلۇق گۇرۇپ مۇسابىقىسىدە ،مىكسىكا كوماندىسى بەشىنچى ئورۇندا ،دۇنيا لوڭقىسنىڭ دائىملىق مېھمىنى مېكسىكا كوماندىسىنى قاتتىق سىناق كۈتۈپ تۇرماقتا ...مۇبادا ئىرنەندىس دۇنيا لوڭقىسىغا قاتناشمىسا ، مانچېستىر ، شۇنداقلا بارلىق ئېنگىلاند توپ مەستانىلىرى ئۈچۈن ئېچىنىشلىق ئىش !

قۇشۇمچە : 1998-يىلدىكى دۇنيا لوڭقىسى پۇتبول ناخشىسى

ronaldooo

ھەي بۇلانىڭ ھەممىسىنىڭ دۇنيا لوڭقىسىغا قاتنىشىشىنى ئۈمۈد قىلىمەن

poyol

ھەممىدىن چاتاق يىرى پورتىگالىيە

ئوسكار

بولۇپمۇ رونالدۇ...تۈگە   سۇئارىزلار  قاتناشمىسا  قىزىمايدۇ.....  

بەگزات

قاتناشسا بولاتتى

ئەبرار

ئامال يوق ، غەلبە ئۇتقانلارغا مەنسۇپ ھازىر .  ئۆزلىرىنىڭ تىرشچانلىقى ئارقىلىق بىر بىلەتكە ئېرىشەلىسە ، ھەممە شۇلار ئۇچۇن چاۋاك چالىدۇ ، ئەگەر بىر بىلەتكە ئېرىشەلمىسە ، ئۆزلىرىنىڭ ئىقتىدارىدىن كۆرسە بولىدۇ
دۇنيا لۇڭقىسىغا ئەڭ كۈچلۈكلەرنىڭ قاتنىشىشىنى ئۈمۈد قىلمەن ، شۇڭلاشقىمۇ دۇنيا لۇڭقىسىدىن ياۋرۇپا لۇڭقىسىنى بەك ياقتۇرىمەن .

پەرھات

پورتىگالىيدە ئۈمۈد يوق ئەمەس ،كىيىنكى مۇسابىقىلەردە تىرىشىپلا قويسا گۇرۇپتىن 2-بولۇپ چىقىپ كىتىدۇ ...خاتىرجەم بولۇڭلار ....

سەييارە

ىۇدايىم بۇيرىسا پورتۇگالىيە بىر چىقىپ كەتسە بولاتتى

totti

مىكىسىدىكى سانتۇنمۇ  بار ، مۇشۇ بالىمۇ راۋرۇس ياخشى ئويناپ قوياتتى بىر ۋاقىتلاردا رىسدا ئىدى ھازىر قايسى كوماندىدا بىلمىدىم

oyhan

پورتىگالىيە قاتنىشالماسما

توپ تەپكۈچى

totti يوللىغان ۋاقتى  2013-3-30 23:50
مىكىسىدىكى سانتۇنمۇ  بار ، مۇشۇ بالىمۇ راۋرۇس ياخشى ئو ...

ھازىر ئىسپانىيىنىڭ مالۇركاغا كەلدى ...2009-يىلى بارسېلونا توتىنھامغا 7 مىليۇنغا سېتىۋەتكەن .توتىمھام چىمپىيۇنلۇق بىرلەشمىسدىكى بىر كوماندىغا ئىجارىگە بېرىۋەتتى ، كېيىن گالاتا سارايغا ئىجارىگە بەردى ..مالۇركا ئەمدى سېتىۋاپتۇ ...

نامىرار

پورتىگالىيە بىلەن ئېنگىلاند بارالمىسا، كۆرمىسەكلا بۇلىدۇ