- تىزىملاتقان
- 2011-4-11
- ئاخىرقى قېتىم
- 2013-3-22
- ھوقۇقى
- 1
- جۇغلانما
- 494
- نادىر
- 1
- يازما
- 494
|
كەڭ پوتبول سۆيەر قېرىنداشلار،نەچچە ۋاقتتىن بېرى بىز جۇڭگو دەرىجىدىن تاشقىرى بىرلەشمىسىدىكى 5 نەپەر ئۇيغۇر پوتبولچى ئەزىمەتلىرىمىزگە يېقىندىن دىققەت قىلغان ئىدۇق. بۇ پەخىرلىك ئوغلانلىرىمىز شىنجاڭدىكى نەچچە مىلىيۇن ئۇيغۇر خەلقىنىڭ ئۈمۈدىنى يەردە قويماي ئارقا-ئارقىدىن مەيدانغا چىقىپ ئۆزىنىڭ مۇنەۋەر ئىپادسى بىلەن كەڭ جۇڭگۇ خەلقىنىڭ دىققەت ئېتىبارىنى قوزغاتتى.بۇ تېخى بىر باشلىنىش...ئەمدى بىز دىققەت ئېتىبارىمىزنى ئىچكىردىكى يەنە بىر كوماندا يەنى دەرىجىدىن تاشقىرى بىرلەشمىدىكى گۇاڭجۇۋ خېڭدا كۇلۇبىنىڭ دىققىتىنى تارتىۋاتقان شنجاڭلىق 18 ياشلىق ئۇيغۇر قېرىندىشمىز ئەكرەمجانغا ئاغدۇرۇپ باقايلى.
ئۆتكەن يىللىق ئۈرۈمچى شەھىرى تەنھەركەت كوماندىسىدىكى شىنجاڭ سۇڭچىڭلىڭ پۇتبول مەكتىپىدىن يېتىشىپ چىققان ۋاراتار ئەكرەمجان شۇ قېتىملىق مۇسابىقىدە ئۆزىنىڭ ئىپادىسنى توللۇق نامايەن قىلىپ يېقىندا جۇڭگو دەرىجىدىن تاشقىرى بىرلەشمىسدىكى گۇاڭجوۋ خېڭدا كۇلۇبىنىڭ تەكلىپىنى تاپشۇرۇپ ئالدى.بەلكىم ئۇزاققا قالماي ئەكرەمجان دەرىجىدىن تاشقىرى بىرلەشمدىكى 6-ئۇيغۇر پوتبولچى بولۇپلا قالماستىن يەنە ئۇيغۇرلار تارىخىدىكى دەرىجدىن تاشقىرى بىرلەشمىدىكى 1-ۋاراتار بولۇپ قېلىشى مۇمكىن.
ئەكرەمجاننىڭ پوتبول تېپىش يولىنى ئىستقبالنىڭ چىقىش نۇقتىسى قىلىپ تاللىغىنى تاسادىبلىق ئەمەس. ئۇنىڭ دادىسى ئىتالىيە بىرلەشمىسى AC مىلان كوماندىسنىڭ توپ مەستانىسى، ئۇنىڭ يۇرتى قەشقەردىن بۇلۇپ،كىچىكدىن باشلاپ دادىسىنىڭ تۈرتكىسىدە پوتبول مۇسابىقىسى كۆرۈشكە، پوتبول تېپىشكە باشلىغان.بىر قېتىم ئۇلارنىڭ ئۆيدىكى تېلۋىزور تۇيۇقسىز بۇزۇلۇپ قالغان، دەل شۇ كۈنى كەچتە AC مىلان كوماندىسنىڭ بىر مەيدان مۇھىم مۇسابقىسى بۇلۇپ،مۇشۇ مەيدان مۇسابىقىنى كۆرۈش ئۈچۈن ئۇنىڭ دادىسى ئوغىلىنى ئېلىپ بىر سائەتتىن ئارتۇق ماشنىدا ئولتۇرۇپ ،بىر دوستىنىڭ تاماقخانىسىغابېرىپ ئاخرى AC مىلان كوماندىسنىڭ مۇسابىقسىنى ئوڭۇشلۇق كۆرگەن. مۇسابىقە كۆرگەچ ئەكرەمجان مۇسابقىدىكى كىشىنى ھاياجانغا سالدىغان كۆرۈنۈش ۋە تېخنىكىلارنى كۆرۈپ ئۆزىنى باسالماي ھاياجانلىپ ئولتۇرۇپ مۇسابىقە كۆرگەچ ۋە دادىسىغا :« مەنمۇ چوقۇم پوتبول تېپىمەن،چوقۇم بىر كەسپى پوتبولچى بولىمەن » دېگەن.ئەكرەمجاننىڭ بۇ ئارزۇسى پەقەت ئۇنىڭ ئۆزىنىڭلا ئارزۇسى بۇلۇپ قالماي يەنە ئەڭ مۇھىمى ئۇنىڭ دادىسىنىڭ ئارزۇسى ئىدى.
ھەمىمىزگە مەلۇم،ھەر يىلى شىنجاڭ سۇڭچىڭلىڭ پوتبول مەكتىپى شىنجاڭنىڭ ھەر قايسى جايلىرىدىن پوتبول مايسىلىرىنى تاللاپ چىقىدۇ.شىنجاڭنڭ ھەر قايسى جايلىرىدىن كەلگەن ياش- ئۆسمۈرلەر قەلبىگە چوڭ ئارزۇلارنى پۈكۈپ بۇ مەكتەپكە كېلىدۇ.ئۇلارنىڭ ھەممىسى مۇشۇ پۇرسەتتىن پايدىلىنىپ دىيارىمىزنىڭ پوتبول دەرۋازىسىنى ئېچىشنى چوڭقۇر ئۈمۈد قىلىشىدۇ.
2006-يىلى ئەكرەمجان سۇڭچىڭلىڭ پوتبول مەكتىپنىڭ تاللاش مۇسابىقىسىغا تىزىملاتقان.شۇ ۋاقتتا بۇ مەكتەپكە تىزىملاتقان ياش-ئۆسمۈرلەر 3000 نەپەردىن ئارتۇق بولۇپ،ئەڭ ئاخرىدا تاللاشتىن ئۆتۈپ تاللىنىپ چىققىنى پەقەت ۋە پەقەت 30 نەپەر ئىدى. بۇنىڭدىن شۇ ۋاقتتىكى رىقابەتنىڭ قانچىلىك كەسكىن ئىكەنلىكىنى كۆرۋېلىشقا بولىدۇ.شۇنداق قىلىپ شۇ قېتىمقى تاللاشتا ئۆزىنىڭ ئېگىز بوي-بەستى ۋە ئالاھىدە ئىنكاس ئىقتىدارىغا تاينىپ ئىككى ھەپتىلىك يىغىپ مەشىقلەندۈرۈش ،سىناق ئېلىپ بېرىش ئارقىلىق ئەكرەمجان ئاخرى بۇ مەكتەپكە تاللانغان.
ئەمما،ئۇزاق ئۆتمەيلا ئائىلە ئىقتىسادى ئانچە باياشات بولمىغان ئەكرەمجاننىڭ ئۆيىدە تۇيۇقسىز كۈتۈلمىگەن ئاپەت بولغان.ئۇنىڭ ئانىسى ئېغىر يۈرەك كېسىلىگە گىرىپتار بولۇپ،ھەر كۈنى پەقەت دورا-ئۇكۇللارغىلا تاينىپ ھاياتنى ساقلاپ قېلىشقا مەجبۇر بولۇپ قالغان.شۇ چاغدا ئانسىنىڭ كېسىلنى داۋالىتىش ئۈچۈن ئۇنىڭ دادىسى ئۇلارنىڭ قەشقەردىكى ئۆينى سېتۋەتكەن ۋە داۋالاش شارائىتى ياخشى بولغان ئۈرۈمچىگە كۆچۈپ كېلىپ تۇرمۇشنى قامداش ئۈچۈن كىچىك تىجارەت بىلەن شۇغۇللانغان.
دەسلەپتە ئائىلسىنىڭ ئىقتىساد تۈپەيلىدىن تۇرمۇش يۈكىنىڭ بارغانسىرى ئېغىرلاپ بېرىشى سەۋەبىدىن ئۇنىڭ دادىسى ئەكرەمجاننى بىر مەزگىل پوتبول مەكتىپىدىن توختىتۋېلىشنى ئويلىغان بولسىمۇ لېكىن گۆدەك ئوغىلنىڭ كۆڭلىنى ئاغىرتىپ قويماسلىق ئۈچۈن ئېغىز ئاچالمىغان ( چۈنكى سىلەرمۇ بىلىسلەر، سۇڭچىڭلىڭ پوتبول مەكتپىنىڭ يىللىق ئوقۇش پۇلى نەچچە مىڭ يۈەنگە يېتىدۇ).ئەگەر يەنە ئەكرەمجاننىڭ داۋاملىق پوتبول تېپىشى ئۈچۈن يەنە بىر يىللىق ئوقۇش پۇلىنى تاپشۇرۇش توغىرا كېلىپ قالسا ئۇلارنىڭ تۇرمۇشى تېخىمۇ قىينلىشىپ كېتەتتى.شۇڭا ئەكرەمجاننىڭ دادىسى ئامالسىز مەكتەپتىكى مۇناسىۋەتلىك رەھبەرلەر بىلەن كۆرۈشۈپ ئەكرەمجاننىڭ ئوقۇش پۇلىنى مۇددەتكە بۆلۈپ تۆلەش ئۇسۇلى ئارقىلىق تۆلمەكچى بولغان.ئۇنىڭ دادىسنىڭ ئەھۋالىدىن خەۋەردار بولغان مەكتەپ رەھبەرلىكىمۇ ئەكرەمجاننىڭ تېخنىكىسىغا ئىشەنگەچكە ئۇلارنىڭ تەلىپىگە قوشۇلغان.
ئائىلىسىنىڭ قينچىلىقىنىڭ ئېغىرلىقى ئەكرەمجاننى پەقەت پوتبول تېپىش ئارقىلىق ئۆزىنىڭ تەقدىرىنى ئۆزگەرتىشكە بولغان ئىشەنچىىسنى تېخىمۇ ئاشۇرغان ۋە ھەر قېتىملىق مەشىقتە ئاكتىپ بولۇپ قېتىرقىنىپ مەشىق قىلغان.
2008-يىلى ئۇ 4-قېتىم دۆلەتلىك ياش-ئۆسمۈرلەر پوتبول كوماندىسىغا تاللانغان.ھەممىمىزنى خوشال قىلغىنى بۇ يىل ئۇ دەرىجىدىن تاشقىرى بىرلەشمىدىكى گۇاڭجوۋ خېڭدا كۇلۇبىنىڭ تەكلىپنامىسىنى تاپشۇرۇپ ئالغان.بەلكىم مۇشۇنىڭ بىلەن ئەكرەمجاننىڭ تەقدىرى ئۆزگىرىشى مۇمكىن.
«مەن بىزنىڭ ئۆيدىكى ئوغۇل بالا،مېنىڭ ئارزۇيۇم ئىنتاين ئاددى، ئۇ بولسىمۇ پوتبول تېپىش، پۇل تېپىش،كۈنلەرنىڭ بىرىدە ئۈرۈمچىدە ئۆيدىكىلەر ئۈچۈن بىر يۈرۈش ئۆي ئېلىپ بېرىش» ئەكرەمجاننىڭ ئىرادسى كۈچلۈك ئىدى |
|
يوللىغان ۋاقتى 
