بارسېلونا VS ئا س مىلان ( كەسكىن جەڭ )

توپ تەپكۈچى

بارسېلونا ئۆز مەيدانىدا AC مىلاننى ھالاك قىلىشقا تەييارلاندى

---

دىيارىمىز ۋاقتى 3-ئاينىڭ 13-كۈنى سەھەردىكى . ( يەنى بۈگۈن كېچە ) ياۋروپا ئۇزغانلىق ئىككىنچى ئايلانما مۇسابىقىسىدە ،دۇنيا سەركەردىسى دەپ تەرىپلىنىپ كېلىۋاتقان بارسېلونا كوماندىسى ئۆز مەيدانىدا ئىتالىيەنىڭ زەردارى AC مىلان كوماندىسىنى كۈتىۋالىدۇ .ئالدىنقى ئايلانمىدا بارسېلونا مېھمان مەيداندا 0 : 2 نەتىجە بىلەن ئۇتتۇرۇۋەتكەن بولۇپ ، ئەمدى بۇ مەيدان مۇسابىقىدە بارسېلونا دەسلەپتە چوقۇم ئىككى توپ ئۇرۇشى كېرەك ،ئاندىن كېيىنكى باسقۇچقا ئۈمىد تۇغۇلىدۇ .لېكىن بۇنىڭ قىيىنلىق دەرىجىسى ھەقىقەتەن يۇقىرى ،ھازىر AC مىلان ئاكتىپ ئورۇندا ،بۇ مۇسابىقىدە ئىككى تەرەپنىڭ كەسكىن تۇتۇشىدىغىنى ئېنىق ،پۈتكۈل دۇنيا بۇ مۇسابىقىگە دىققەت قىلماقتا ،



بارسېلونا يېقىنقى ئۈچ يىلدىن بۇيانقى ياۋرۇپا ئۇزغانلىقتا ئۆز مەيدانىدا ئۇتتۇرۇپ باقمىغان .ئۇدا 19 مەيدان ئۇتتۇرماسلىقتەك ياخشى ھالىتىنى ساقلاپ كەلگەن .لېكىن ئىككى توپ يۇقىرى ئۈستۈنلۈك بىلەن AC مىلاندىن ئېشىپ چۈشۈش ئاسان ئەمەس ،ياۋروپا ئۇزغانلىق شاللاش باسقۇچىدىكى تارىخقا نەزەر سالغاندا ،ئىلگىرى 28 قېتىم تۇنجى مەيداندا ئۇتتۇرۇپ قۇيۇپ ، ئارقىدىن يېڭىشتەك نەتىجە كۆرۈلگەن .بۇنىڭ ئىچىدە تۆت مەيداندىكى تۇنجى ئايلانمىدا ئىككى توپ كەتكۈزۈپ قۇيۇپ ، كېيىنكى ئايلانمىدا يېڭىشتەك قالتىس نەتىجە بارلىققا كەلگەن .ئەمدى نۆۋەت بارسېلوناغا كەلدى .



بارسېلونانىڭ ياۋروپا ئۇزغانلىقتىكى تارىخىدا ،ئىلگىرى مېھمان مەيداندا ئۇتتۇرۇپ قويغاندىن كېيىن ،11 مەيدان مۇسابىقىدە رەقىبىنى ئۆز  مەيدانىدا ھالاك قىلغان .پەقەت 13 قېتىم شاللىنىپ كەتكەن .تۇنجى ئايلانمىدىكى مېھمان مەيداندا ئىككى توپتىن يۇقىرى توپ كەتكۈزۈپ قويغان مۇسابىقىسىدە ،ئاخىردا بەش مەيدان يېڭىپ ،يەتتە مەيدان مۇسابىقىدە شاللىنىپ كەتكەن .مۇبادا بارسېلونا بۇ مەيداندا شاللىنىپ كەتسە ،2005-2006-يىلدىن كېيىن تۇنجى قېتىم سەككىز كۈچلۈكتىن مەھرۇم بولىدۇ .



بارسېلونا ئالدىنقى كۈنى 19 كىشىلىك چوڭ تىزىملىكنى ئېلان قىلغان بولۇپ ،كوماندىنىڭ چوڭ مىڭىسى شاۋى بۇ مۇسابىقىدە مەيدانغا چىقىدۇ .يارىسى ساقايغان .يەنە بىرسى، شاۋىنىڭ مېسسىگە ياردىمى ئىنتايىن چوڭ بۇلىدۇ .شۇنداقلا ھازىر ئاساسلىق رول ئوينايدىغان پۇتبولچى شاۋى دەپ قارالماقتا ،مېسسى AC مىلان بىلەن ئوينىغان ئىلگىرىكى ئۈچ مەيدان مۇسابىقىدە ئۆز تېخنىكىسى ئارقىلىق توپ ئۇرۇپ باقمىدى .ئۇرغىنى پەقەت ئۈچ نوقتا توپ ،قېنى مېسسى AC مىلانغا توپ ئۇرۇپ ئاخبارات ۋاستىلىرى ۋە توپ مەستانىلىرىنىڭ ئاغزىنى ئىتەلەمدۇ - يوق ؟



مۇسابىقىدىن بۇرۇنقى ئىپادە بىلدۈرۈش  :

بارسېلونانىڭ تېرىنىرى لورا : بىزنىڭ رەقىبىمىز بولسا كۈچلۈك كوماندا ،0 : 2 نەتىجىنى ئۆزگەرتمەك ھەقىقەتەن تەس ،بىراق بىز بارلىق كۈچىمىز بىلەن مۇسابىقىدە غەلبە قىلىشقا تىرىشىمىز ،بىز ئەمدى توپ كەتكۈزۈپ قويساق بولمايدۇ .بولمىسا بۇ ئىنتايىن خەتەرلىك ،بىز ھازىر تەييارلىق قىلىپ بولدۇق ،لېكىن دەسلەپتە مەيدانغا چىقىدىغان 11 نەپەر ئاساسلىق ئەزانى تېخى بېكىتىپ بولالمىدۇق .تېرىنىرلار گۇرۇپىسى ھازىر مۇشۇ ئىشنى جىددى مۇزاكىرە قىلىۋاتىدۇ .90 مىنۇتلۇق مۇسابىقە جەريانىدا بىز چوقۇم سەۋىرچانلىق بىلەن ئوينىشىمىز ،ئامال بار خاتالىق سادىر قىلىپ قويماسلىقىمىز لازىم ،شۇنداقلا توپ كونتورول قىلىشنى قولدىن بېرىپ قويساق قەتئى بولمايدۇ .AC مىلاننىڭ ئىپادىسىگە مەن ھەيران قالمايمەن .نۆۋەت ئەمدى بىزگە كەلدى .بىز بارسېلونانىڭ قورقۇنۇشلۇق ئىكەنلىكىنى كۆرسىتىپ قۇيىمىز !



AC مىلان تېرىنىرى ئالېرگىلى : بىز مېمان مەيداندا قەيسەرلىك بىلەن ئوينايمىز ،كۆز ئالدىمىزدىكى كوماندا دۇنيادىكى ئەڭ كۈچلۈك كوماندا بولسىمۇ ،بىراق بىز ئۆزىمىزنى قەتئى يوقۇتۇپ قويمايمىز ،ھۇجۇم سېپىدە پۇرسەت كەلمەي قالمايدۇ .كۆپچىلىكنىڭ ھەممىسى تەمكىن بولۇشى كېرەك ،خۇددى ئالدىنقى ئايلانمىدىكىگە ئوخشاش ،ماھىرلارنىڭ تەييارلىقى پۈتتى .ھالىتىمۇ تۇراقلىق ،

دەسلەپتە مەيدانغا چىقىدىغان ئاساسلىق ئەزالار تىزىملىكى : ( مۆلچەر )



ھەر ئىككىلا تەرەپ  3-3-4 سەپ شەكلىنى ئىشقا سالىدۇ :

بارسىلونا تەرەپتىن :  

ۋاراتار : ۋالدىس
مۇداپىئەچىلار  :  ئالبا ، پۇيۇل ، پىك ، ئارۋىس
ئوتتۇرا مەيدان : ئىنىستا ، شاۋى ، بۇسىكۇس  
ھۇجۇمچىلار : پىدرو ، سانچىس ، مىسسى

---

AC مىلان  تەرەپتىن :

ۋاراتار : ئابىياتى  
مۇداپىئەچىلار : كونىستانت ، زاپاتا ، مېكىس ، ئاباتى
ئوتتۇرا مەيدان : مۇنتارى ، ئامبىروسسىنى ، مونتولىۋو
ھۇجۇمچىلار :  ئەل شارراۋى ، نىئاڭ ، بوئاتىڭ

مۇسابىقە ۋاقتى ، بۈگۈن كېچە شىنجاڭ ۋاقتى 1 دىن 45 مىنۇت
مۇسابىقىنى سۈزۈك كۈرۈش ئادىرسى :    http://tv.putbol.cn/tv/help/2013-01-18/29.html

ئۈلكەر

مەزكۇر تېمىدىن ، بۈگۈن كەچتىكى مۇسابىقىنى زادى كۆرمىسەك بولمايدىغانلىقىنى ھېس قىلدىم .

katalon

بۈگۈنكى مۇسەبىقىنىڭ قىزىشىنى .ئۈمۈت قىلىمەن

ئۈلكەر

ئالېرگىلى : بىز ئالدىنقى مەيداندىكى 2:0 دىگەن نەتىجىنى ئۇنتۇغان ئاساستا بۇ مەيداندىمۇ بارسىلونا كوماندىسىنى مەغلۇپ قىلىمىز .

مىراس

سانچىسنىڭ ئورنىغا ۋىللا ياكى فابرىگاس چىققان بولسا

totti

3:30 بىلەن كۆزنى يىرتىپ قوپۇپ مۇسابىقە كۆرۈشكە تەييارلىق قىلاي ، مىلەن ئۈچۈن ئىتالىيە بىرلەشمىسى ئۈچۈن بولسىمۇ !!

ئامېرىكا

ئاس مىلاندەك بىر كۇلۇپنىڭ تىرنىرى بارسلونانى دۇنيادىكى ئەڭ كۈچلۈك كوماندادەپتىما .........

02142816

راست، بۈگۈنكى مۇسابىقىنى كۆرمەي بولمايدۇ، مىلان ئاكتىپ ئورۇندا، لېكىن بارسىلونامۇ بوش كەلمەيدىغىنى ئېنىق، يەنىلا مۇسابىقە نەتىجىسى ھەممىنى بەلگىلەيدۇ. ھازىر بىر نىمە دىگەننىڭ پايدىسى يوق. ئىشقىلىپ ئىككى تەرەپ بارلىق كۈچى بىلەن تىركەشكەن، كەسكىن بىر مەيدان مۇسابىقە بولىدۇ، بىزمۇ ئۇنتۇلغۇسىز، ئىسىل بىرمەيدان رىقابەت ھوزۇرىنى  سۈرىۋالىدىغان بولدۇق!

tagderem

Forza Milan

nijat

ئۇيقامنى بۇزاي دىسەم تېخى كۆڭلۈم ئۇنىمايدۇ ، چۈنكى ھېچقايسىنىڭ مەستانىسى ئەمەسكەنمەن ، بۇزماي دىسەم پۇتبول ئامراقلىقىم تېخى قويمايدۇ ، ئولتۇرۇپ 03:30 ئۆتكەندە ئوخلاپ قالىدىغان چىرايلام تۇرىمەن

kal~bem

تولىمۇ جاپالىق بىر مەيدان مۇسابىقە بولدىغان بولدى دە بۇ بارىسلونا غا.