- تىزىملاتقان
- 2010-11-11
- ئاخىرقى قېتىم
- 2013-10-25
- ھوقۇقى
- 1
- جۇغلانما
- 3420
- نادىر
- 6
- يازما
- 3420
|
بۇ يازمىنى ئاخىرىدا تانكىچاق تەھرىرلىگەن. ۋاقتى 2013-3-1 19:56
ئەسسالامۇ ئەلەيكۇم مۇنبەرداشلار ...
چىلسى باش تېرنىرى بېنىتىز ئېنىق قىلىپ بۇ پەسىل ئاخىرلاشقاندىن كېيىن چىلسىدىن ئايرىلدىغانلىقىنى ئېيىتتى . ئۇنداق بولسا چىلسىغا كىم يېڭى تېرنىر بۇلىدۇ ؟ تۆۋەندىكىسى مانچىستىرنىڭ ئىلگىرىكى داڭلىق بېكى ، ئېنگلانىد كوماندىسىنىڭ ياردەمچى تېرنىرى ، كۆك ئاسمان تەنتەربىيەسىنىڭ مۇسابىقە چۈشەندۈرگۈچىسى گالى نېۋىلنىڭ مۇشۇ توغۇرلق يازغان ماقالىسىكەن . بىزمۇ تەھلىل قىلىپ باقساق . قېنى ئەمسە مەرھەمەت ...
گالى نېۋىلنىڭ بەيرىنغا ۋە گودىئاۋلانىڭ بەيرىننى تاللشىغا بولغان كۆز قارىشى
ئىلگىرى بىرسى مەندىن : << ئەگەر مانچىستىرىدىن ئايرىلىپ باشقا دۆلەتكە چىقىپ توپ تېپىش توغرا كەلسە قايسى كۇلۇبقا بارىسەن >> دەپ سورىغاندا مېنىڭ كاللامغا بىرنجى بۇلۇپ كەلگىنى بەيرىن مىيۇنخىن ، ئاندىن يۇۋىنتۇس .
مەن ئىلگىرى مانچىستىرغا ۋاكالىتەن بەيرىن بىلەن مۇسابىقىلەشكەندە ئۇلار ماڭا ئىنتايىن چوڭقۇر تەسىر قالدۇرغان . ئەگەر سىز بەيرىننىڭ كەسىپلىشىش دەرىجىسىنى چۈشەنمەكچى بولسىڭىز ئەڭ ئالدى بىلەن ئۇلارنىڭ مەخسۇس ئاپتۇبۇسدىن چۈشىنىشكە بۇلىدۇ .
ئۇلار مەيلى قەيەردە مۇسابىقە ئوينىسۇن ، ئۇلارنىڭ ئاپتۇبۇسى ئۇلار بىلەن بىللە ، دۇنيادا كۆپ قىسىم كۇلۇبلار باشقا يەرگە مۇسابىقە ئوينىغىلى بارغاندا شۇ يەردىن ئاپتۇبۇس ئىجارە ئېلىپ ئىشلىتىدۇ . بىراق بەيرىن ئۇنداق ئەمەس . ئۇلارنىڭ ئاپتۇبۇسى مۇسابىقىدىن بىر نەچچە كۈن بۇرۇن يولغا چىقىپ ، مۇسابىقىلشىدىغان رايۇنغا بېرىپ بۇلىدۇ ، ھەمدە ئايرىدىرومغا چىقىپ پۇتبولچىلارنى ئۆزلىرىنىڭ ئاپتۇبۇسلىرى بىلەن كۈتىۋالىدۇ . دەل مۇشۇنداق ئىنىچكە ئەتىراپىلىق ئۇرۇنلاشتۇرۇشلار ماڭا ئۇنتۇلغىسىز تەسىرلەرنى قالدۇرغان . مەن خاگىرىفۇس بىلەن بەيرىن توغۇرلۇق پاراڭلاشقاندا بەيرىنغا بولغان چۈشەنچەم تېخىمۇ ئاشقان ئىدى .
شۇڭا مەن گودىئاۋلانىڭ بەيرىننى تاللىغىنىدىن ئازراقمۇ ھەيران قالمىدىم . ھەر قايسى تەرەپلەردىن ئويلىساقمۇ ئىككى تەرەپ بىر بىرىگە ناھايتى ماس كەلگەن . گودىئاۋلا بەيرىندەك ئىستىقبالى ناھايتى ياخشى بولغان كۇلۇبنى تاللىغىنى ئەلۋەتتە ئەقىلگە سىغىدۇ . بۇ سودىدا ئەڭ چوڭ پايدا ئالغىنى گودىئاۋلا بولدى . ئۇ ھازىرقى تېرنىرلار ئىچىدە تېخى نام شەرىپى ھىچقانداق « بۇلغانمىغان » تېرنىر ، ئۇ 4 يىللىق تېرنىر ھاياتىدا ئېرىشىشكە تىگىشلىك بارلىق شان شەرەپكە ئىرىشىپ بولدى ، ھەمدە ئۇنىڭ كوماندىسى بىز ھازىرغىچە كۆرگەن ئەڭ چىرايلىق پۇتبولنى ۋۇجۇدقا كەلتۈردى . شۇڭا ئۇ ئورنى يۇقىرى ، تۇراقىلىققا ئىگە ، ياش ماھىرلارنى تەربىيلەشكە ئالاھىدە ئەھمىيەت بىردىغان ئەڭ مۇھىمى كوماندىنىڭ باشقۇرۇش قاتلىمى ئۆزلىرىنىڭ بۇرۇنقى تۆھپىكار چولپانلىرىدىن (بېكىنپاۋىل ،خۇمىس ،رۇمىنىگ قاتارلىق بەيرننىڭ تۆھپىكارلىرى) تەركىب تاپقان ، يۇقىرى قاتلامدىكىلەر پۇتبولنى ھەقىقى سۆيىدىغان ۋە چۈشىنىدىغان مۇشۇنداق كوماندىنى تاللىدى . شۇڭا كىشىلەر ھازىر ئابلاباينىڭ كەيپىياتىنىڭ قانداق ئىكەنلىكىگە قانداقمۇ قىزىقماي تۇرالىسۇن . ئۇ « قىلغانلىرىنىڭ (ئىشلەتكەن تېرنىرلا) جازاسىنى تاتتى » ، ئۇ ھەتتا گودىئاۋلاغا ئېرىشىش ئۈچۈن پۈتۈن كۈچى بىلەن بىر«ئوتۇپىك »كوماندىنى قۇرۇپ چىقماقچىمۇ بولدى ( ئوتۇپىك بولسا ئىلگىرى بىر ئەنگىليەلىك ئالىم ئوتتۇرغا قويغان سوتسىيالىزىمنىڭ ئاتىلىشى يەنى ئوتۇپىك سوتسىيالىزىمى ، بۇ خىل سوتسىيالىزىمدا ھەممە كىشى باراۋەر ياشايدىغان ، ئېكىسپىلاتسىيە بولمايدىغان ، ئەمەلگە ئېشىشى مۇمكىن بولمايدىغان جەمىئىيەت تۈزۈمى ) . ئۇ خۇددى توختىماستىن گودىئاۋلاغا : « سەن ئۈچۈن بارلىق قېرى توپچىلارنى سېتىۋەتتىم ھەم داۋاملىق مۇشۇنداق قىلالايمەن ، مەن سەن ئۈچۈن خازارىدنى ئەكەلدىم ، يەنە سەن ئۈچۈن ئوسكار ، ماتا قاتارلىقلارنىمۇ ئېلىپ كەلدىم . مەندە يەنە ئىسپانىيەلىك تورىسمۇ بار ، مەن سەن ئۈچۈن ياش كوماندىدىن بىرنى قۇرۇپ چىقىمەن ، مېنىڭ كوماندامغا تېرنىر بولغىن » دېدى . بىراق گودىئاۋلا قەتئىيلىك بىلەن « ياق » دەپ جاۋاب قايتۇردى .
ئۇنىڭ يىراقنى كۆرەرلىكى ۋە ئەقىلىلىقلىقى ئۇنى ئابلاباينىڭ «ئايلانما ياغاچ ئات » دىن يىراقلاشتۇرۇدى . ئۇ ئەگەر چىلسىغا تېرنىر بۇلۇپ قالسا ھامان بىر كۈنى ئۆزىنىڭ نامىنى بۇلغىۋالىدىغىنىنى ئوبدان بىلىدۇ . بۇنىسى شەك شۈبىھىسىز ، چۈنكى ئۇنىڭ چىلسىدىكى تېرنىرلىق ھاياتى تۇقۇنۇش ، بۇلغۇنۇش بىلەن ئاخرىلىشىدۇ . گېپىمىزگە كەلسەك ئۇنىڭ ياۋروپادىكى ئەڭ داڭلىق ئەنئەنىۋى زەردار بولغان بارسادىن ئايرىلىپ يەنە ئوخشاش ئەنئەنىۋى زەردارغا بېرىشى ناھايتى تەبىئى ئىش .
كىشلەرنىڭ ھەممىسى فۇرگىسىننىڭ تېرنىرلىق ئورنىغا كىمنىڭ ۋارىسلىق قىلىدىغىنىغا قىزىقىۋاتتىدۇ . مېنىڭچە سىر تېىخى بۇ تېرنىرلىق ئورنىدىن ۋاز كەچكىنى يوق ، مەن ئۇنىڭدىن ئۇنىڭ بۇ خىزمەتتىن زىرىككەنلىكىنى ھېس قىلالمىدىم . بىراق گودىئاۋلانىڭ بەيرىننى تاللىشى ئۇنىڭ ھامان بىر كۈنى سىرنىڭ ئورنىغا ۋارسلىق قىلىش مۇمكىنچىلىكىنى قالدۇرۇپ قويدى . ئەگەر ئۇ چىلسى ياكى مانچىستىر شەھەرنى تاللىغان بولسا بەلكىم ئۇنىڭغا ئۆزى تېرنىرلىق قىلىش ئارزۇسى بولغان مانچىستىرغا بېرىشى ئۈچۈن بىر چوڭ توسالغۇ بۇلۇپ قېلىشى مۇمكىن ئىدى .
گالى نېۋىلنىڭ چىلسىنىڭ كېيىنكى تېرنىر نامزاتىغا بولغان كۆز قارىشى
ئەمدى ئابلاباينىڭ چىلسى ھاياتىغا قارايدىغان بولساق ، ئۇ بىر يېڭى كومپىيوتىر ئۇيۇنىنى ئىجاد قىلدى ، يەنى بۇ ئۇيۇن « چىمپىيۇنلۇق پۇتبول دېرىكتورى » ئەمەس ، بەلكى « چىمپىيۇنلۇق پۇتبول رەئىسى » .
ئەمدى ئابلاباينىڭ ئىشلەتكەن تېرنىرلىرىغا قارايدىغان بولساق ، « يېڭى ئۆتكۈر قورال » مورىنىئودىن تارتىپ ئۇنىڭ دوستى گىرانىت ، دۇنيا لوڭقىسى چىمپىيۇنى سىكىلارىدىن تارتىپ يەنە بىر دوستى ھىدىنىك ، توپچى ۋە تېرنىر سۈپىتىدە ياۋروپدا تارىخ ياراتقان ئەنچىلودىدىن تارتىپ يەنە بىر « يېڭى ئۆتكۈر قورال » بوئاس ، ئۇنىڭدىن كېيىن كۇلۇبنىڭ « ئەتىۋارلىق بالىسى » دىماتودىن تارتىپ چىلسى توپ مەستانىلىرى ئەڭ ئۆچ بېنىتىزغىچە ، ئۇ ئەزەلدىن تەۋرىنىشتىن توختاپ باقمىدى .
ئابلاباي ئەمدى قايسى يوللىنى تاللىشى كېرەك ؟
ئەگەر سىز چىلسىغا ۋاكالىتەن ، كوماندىنىڭ تارىخىنى بىلمىگەن ئاساستا چىلسىغا تېرنىر تاللىماقچى بولسىڭىز نەگە باراتتىڭىز ؟
ئىسپانىيەگە بېرىپ ئەڭ ياخشى تېرنىرنى ئىزدەمسىز ؟ بىلانوۋا بارسادىن ئايرىلمايدۇ ، ئەمسە مورىنىئو ؟ ئەپسۇس ئابلاباي ئۇنى ھەيدىۋەتكەن .
ئېنگىلانىددىنچۇ ؟ فۇرگىسىن بىلەن ۋىنگىر كوماندىسىدىن ئايرىلمايدۇ ، سىز مەنچىنىنى تېخىمۇ يۇقىرى مۇئاش بىلەن تەكلىپ قىلىپ شەھەرلىكلەردىن ئېلىپ كىلەلمەيسىز . ئۇنداقتا ئېنگلانىددا بۇلاردىن قېلىشمىغىدەك ، ياخشىراق تېرنىر بارمۇ ؟ بار ، بېنىتىز . بىراق ئۇ ئاللىبۇرۇن سىزنىڭ بۇلۇپ بولدى ، ئۇنى قانداق ئىشىلىتىش ئۆزىڭىزنىڭ ئىشى . ئېنگىلانىددا بۇلاردىن باشقا ياخشىراق تېرنىر يوقمۇ ؟ بار ، بوئاس . ئەپسۇس ئابلاباي ئۇنىمۇ ھەيدىۋەتكەن .
ئۇنداقتا فىرانسىيەدىن ئىزدەمسىز ؟ ھازىر فىرانىسيەدە ئەڭ ياخشى تېرنىر كىمۇ ؟ شەك شۈھىبىسزكى ئەنچىلودى . ئەپسۇس ئابلاباي ئۇنىمۇ ھەيدىۋەتكەن .
ئۇنداقتا سىز ياۋروپادىن چىقىپ بىرازىلىيەگە بېرىپ ئىزدەپ بېقىڭ ،كىم دۇنيا لوڭقىسى تارىخىدا ئەڭ ئۇتۇق قازانغان دۆلەت بىرازىلىيە كوماندىسىنىڭ تېرنىرى ؟ بىرازىلىيەلىكلەر 2014-يىللىق ئۆز دۆلىتىدە ئۆتكۈزىلىدىغان دۇنيا لوڭقىسىنىڭ بۇنداق شەرەپىلىك ۋەزىپىنى كىمگە بەردى ؟ سىكىلارى . تولىمۇ ئەپسۇس ئابلاباي ئۇنىمۇ ھەيدىۋەتكەن .
ئەمەلىيەت شۇنى ئىسپاتلىدىكى چىلسى مۇشۇنداقلا ماڭدىكەن ھەرگىز مۇقىملىققا ئىگە بولالمايدۇ ، پەقەت ئابلاباي ئۆزى تېرنىر بولمىغىچە ....
سىز تېرنىر بۇلۇش سۈپىتىڭىز بىلەن ئۇنىڭ دىگىنىدەك قىلمىسىڭىز ، يەنى تورىسنى مەيدانغا چىقارمىسىڭىز ، قېرى توپچىلارنى ئاستا ئاستا سىقىپ چىقارمىسىڭىز ،كوماندىنى كىشىلەرنى ئۆزىگە مەپتۇن قىلغىدەك پۇتبول ئوينىتالمىسىڭىز ، ئامال يوق ، ئىشتىن بوشىتىلىسىز .
20 يىل بۇرۇن بىز ئىتالىيەنى كۇلۇب خوجايىنى مەشىق مەيدانىغا بېرىۋېلىپ توپچىلارغا بۇيرۇق سوقىدۇ، تېرنىرغا قانداق مەشىق قىلدۇرۇشنى ، مۇسابىقىنى قانداق ئوينىتىشنى بۇيرۇيدۇ ، كىمنى ئېلىپ كىمنى سېتىشنى ئۆزى بەلگىلەيدۇ دەپ زاڭلىق قىلغان ئىدۇق ، بۈگۈنگە كەلگەندە بۇ ئىشلار كۆز ئالدىمىزدا يۈز بېرىۋاتىدۇ .
كۇلۇبنى بۇ خىل باشقۇرۇش تۈزۈمى ھەقىقەتەن ھەيران قالارلىق . گەرچە ئۇتۇق قازانغان بولسىمۇ بىراق تۆلىگەن بەدەل بەك ئېشىپ كەتتى .
سىز تەسەۋۋۇر قىلىپ بېقىڭ ، ئەگەر 2007-يىلى مورىنىئونى ياكى 2011-يىلى ئەنچىلودىنى تۇتۇپ قالغان بولسا بۇ چاغدا نىمە ئىشلار يۈز بېرەتتى .
سىز ساناپ باقسىڭىز بۇلىدۇ ، دۇنيا پۇتبول ساھەسىدە چىلسىنىڭ « تەمىنى » تېتىپ باقمىغان (چىلسىغا كېلىش مۇمكىنچىلىكى بار بولغان) داڭلىق تېرنىرلاردىن قانچىلىكى قالدى ؟
ئەمدى بېنىتىز كەتسە چىلسىنىڭ يېڭى تېرنىرى كىم بۇلىدۇ ؟ ئېرىتوندىكى مويىسمۇ ياكى مادىرىددكى مورىنىئومۇ ۋە ياكى يۇۋىنتۇستىكى كونتىمۇ ؟ يا بولمىسا .... مۇ ؟
گالى نېۋىلنىڭ مەخسۇس خاتىرىسىدىن ئېلىندى ...
|
-
ھەممە باھا نومۇرى : مۇنبەر پۇلى + 100
تۆھپە + 10
شۆھرەت + 10
تەجرىبە + 10
باھا خاتىرىسى
|
يوللىغان ۋاقتى 2013-3-1 19:52:36
يوللىغان ۋاقتى 2013-3-1 20:13:04
