پۇتبول ۋە ئەيدىز

توپ تەپكۈچى

ئەنگىلىيە ئاخبارات ۋاستىلىرىنىڭ يېقىندا بەرگەن ئەڭ يېڭى خەۋىرىگە قارىغاندا ،نۆۋەتتە ئېنگىلاند بىرلەشمىسدە 6 نەپەر پۇتبولچى ئەيدىز ۋىروسىدىن يۇقۇملانغان دەپ دەسلەپكى دىئاگنوز قۇيۇلۇپتۇ  .بۇلارنىڭ قايسى كوماندىدا توپ تېپىدىغانلىقى ۋە ئىسمى ئاشكارلانمىغان .قائىدە بۇيىچە بۇلارنىڭ مەخپىيەتلىكىنى ساقلىنىدۇ .ھازىر كۇلۇب ۋە پۇتبولچىلار ئەڭ ئاخىرقى لابۇراتۇرىيىلىك تەكشۈرۈش نەتىجىسىنى ساقلاۋاتىپتۇ .ئىگىلىنىشچە ،بۇ 6 نەپەر پۇتبولچىنىڭ بۇ كىسەلنى يۇقتۇرۋېلىشنىڭ ئاساسلىق يۇلى جىنسى مۇناسىۋەت ئارقىلىق بولغان دەپ قارالغان .

ئەيدىز كېسىلى دوستلارغا ناتۇنۇش ئەمەس ،بۇ خەۋەر تۇيۇقسىز ئۇچىراپ قالدى .ئۈزەممۇ بۇ خىزمەتنى ئىشلەپ باققان  ،بىز ئادەتتە دائىم مۇشۇنداق كىسەللەر بىلەن ئۇچىرشىپ تۇرىمىز ،ئەھۋالىشىمىز ،بۇلارنىڭ دەرد -ھالىنى ئاڭلىسا ئادەمنىڭ ئىچى سىرىلىپ كېتىدۇ .شۇنداق چىرايلىق -كېلىشكەن قىز -يىگىتلىرىمىز مۇشۇ كىسەلگە گىرىپتار بولدى .كۆپىنچىسى بىزنىڭ باللا ،بۇلار تەكشۈرتۈش جەريانىدا بايقالغانلار ،تەكشۈرتمەي ئايرىلىپ قالغانلار تېخىمۇ كۆپ . ( مەن ھازىرغا قەدەر ئا يولداشلىدىن بىرسىنىمۇ ئۇچىراتمىدىم.لېكىن ئۇلاردىمۇ بار  )  كىسەل بارغانسېرى ئېشىپ مېڭىۋاتىدۇ . مىسال :( بەزىلەر ھاۋايى -ھەۋەسنى دەپ يەردىن ئالغان ھۇسۇل ،يەنى قۇناق ،بۇغداينى شۇلارغا ئۆتكۈزگەن ) بۇنداق ئىشلارنى سۆزلەپ كەلسەم گەپ تۇلا ،ھەممەيلەنگە ئايان ،ئەيدىز كىسەلنىڭ دورىسى تېخى چىقمىدى .ئالىملار توختىماي تەتقىق قىلىۋاتىدۇ .ئەمدى بىزنىڭ قىلىدىغان ئىشىمىز نىمە ؟ ئالدىنى ئېلىش ، تەشۋىقات . مۇناسىۋەتلىك ئۇرۇنلار كەڭ تەشۋىق ئېلىپ بېرىۋاتقان شۇنداقلا بۇ جەھەتتە خىزمەت ئىشلەۋاتقان بولسمۇ ،يۇقۇردىكى خەۋەرگە بىرلەشتۈرۈپ يەنە بىر تەشۋىقات قىلىپ قۇيۇشنى لايىق تاپتىم .( رەسىمنى توردىن ئالدىم )




ئەيدىز ( AIDS ) نىڭ تولۇق نامى « ئېرىشمە ئىممۇنىتېت كەمتۈكلۈك يىغىندى كېسەللىك ئالامىتى » بولۇپ، ئۇ ئەيدىز ۋىرۇسى ( HIV ) كەلتۈرۈپ چىقىرىدىغان ، ھازىرچە ئالدىنى ئېلىش ۋاكسىنىسى ۋە ئۈنۈملۈك داۋالاپ ساقايتىش ئۇسۇلى بولمىغان، ئاغرىپ ئۆلۈش نىسبىتى ئىنتايىن يۇقىرى بولغان بىرخىل يۇقۇملۇق كېسەللىك. ئەيدىز ۋىرۇسى ( HIV ) ئادەم بەدىنىنىڭ ئىممۇنىتېت ئىقتىدارىنى ئېغىر دەرىجىدە بۇزغۇنچىلىققا ئۇچرىتىپ، كېسەللىككە قارشى تۇرۇش كۈچىنى ناھايىتى ئاجىزلاشتۇرۇپ، ئەڭ ئاخىرىدا پۈتۈن بەدەننى زەئىپلەشتۈرۈپ ئۆلۈشنى كەلتۈرۈپ چىقىرىدۇ .
ئەيدىز ( AIDS ) ئاساسلىقى قان، مەنىي، جىنسىي يول ئاجرالمىلىرى، سۈت قاتارلىق بەدەن سۇيۇقلۇقلىرى ئارقىلىق تارقىلىدۇ؛ تارقىلىش يوللىرى بولسا تۆۋەندىكىدەك ئۈچ خىل بولىدۇ:



1. جىنسىي مۇناسىۋەت ئارقىلىق تارقىلىش: يات جىنىسلىقلار ياكى ئوخشاش جىنىسلىقلارنىڭ جىنسىي ھەرىكەتلىرى ئارقىلىق تارقىلىدۇ .
2. قان ئارقىلىق تارقىلىش: دېزىنفېكسىيىلەنمىگەن شپىرىس ۋە زەھەر ئوكۇل قىلىشتا ئىشلەتكەن يىڭنە، تەركىبىدە ئەيدىز ۋىرۇسى بولغان قان ياكى قان ياسالمىلىرى، دېزىنفېكسىيىلەنمىگەن ياكى دېزىنفېكسىيىلەش ئۆلچىمىگە يەتمىگەن ھەرخىل داۋالاش ئەسۋابلىرى ( مەسىلەن: يىڭنە ، داۋالاش يىڭنىسى، چىش كېسەللىكلىرى بۆلۈمى ئەسۋابلىرى، ھۆسىن تۈزەش ئەسۋابلىرى قاتارلىقلار )، ساقال ئالغۇچ، چىش چوتكىسى قاتارلىقلارنى ئورتاق ئىشلىتىش ئارقىلىق تارقىلىدۇ .
3. ئانىدىن بالىغا تارقىلىش: بالا ھەمراھى، تۇغۇت يولى ۋە ئېمىتىش ئارقىلىق تارقىلىدۇ .
ئەيدىز ( AIDS ) ھاۋا، يېمەك - ئىچمەك ( سۇ ) ، ئاممىۋى سورۇنلاردىكى ئادەتتىكى ئۇچرىشىش ( مەسىلەن: قول ئېلىشىپ كۆرۈشۈش؛ ئاممىۋى سورۇنلاردىكى ئورۇندۇق، تەرەت تۇڭى، ۋاننا قاتارلىقلاردا ئولتۇرۇش )؛ قەغەز پۇل، تەڭگە، بېلەت، تالۇنلارنى ئىشلىتىش؛ پاشا - چىۋىنلار چېقىۋېلىش، سۇ ئۈزۈش كۆلچىكىدە سۇ ئۈزۈش قاتارلىقلار ئارقىلىق تارقالمايدۇ.
گەرچە ئەيدىز( AIDS ) ئىنتايىن خەتەرلىك بولغان بىرخىل يۇقۇملۇق كېسەللىك بولسىمۇ، لېكىن، شەخسكە نىسبەتەن ئېيتقاندا، ئۇنىڭ تامامەن ئالدىنى ئالغىلى بولىدۇ .



ئەيدىزنىڭ ئالدىنى ئېلىش :
(1) قانۇن ۋە ئەخلاققا رىئايە قىلىش، ئۆزىنى پاك تۇتۇش ھەم قەدىرلەش، نىكاھلىنىشتىن بۇرۇن جىنسىي ھەرىكەتلەرنى قىلماسلىق، قالايمىقان جىنسىي مۇناسىۋەت ئۆتكۈزمەسلىك .
(2) نومۇسىنى سېتىش، پاھىشىۋازلىق قىلىشقا ئوخشاش قانۇنسىز ھەرىكەتلەر بىلەن شۇغۇللانماسلىق.
(3) ھەرقانداق شەكىلدە زەھەر چەكمەسلىك، زەھەردىن يىراق تۇرۇش.
(4) لابوراتورىيىلىك تەكشۈرۈشتىن ئۆتمىگەن قان ياسالمىلىرىنى ئىشلەتمەسلىك، زۆرۈر بولمىغاندا قان بەرمەسلىك.
(5) ئۆلچەملىك دېزىنفېكسىيىلەنمىگەن داۋالاش ئورۇنلىرىغا بېرىپ ئوكۇل سالدۇرۇشتىن، چىش تارتقۇزۇشتىن، يىڭنە سانچىپ داۋالىتىشتىن، ھۆسىن تۈزەتكۈزۈش ياكى ئوپېراتسىيە قىلدۇرۇشتىن قەتئىي ساقلىنىش.
(6) چىش چوتكىسى، ساقال ئالغۇچ قاتارلىق تۇرمۇش بۇيۇملىرىنى ئورتاق ئىشلەتمەسلىك.
(7) كۈندىلىك خىزمەت، تۇرمۇش جەريانىدا، يارىدارلارنىڭ قېنىنى يۇقتۇرۋېلىشتىن ساقلىنىش.
(8) ھامىلىدارلىقتىن ساقلىنىش قاپچۇقىنى تاللاپ سېتىۋېلىش ۋە توغرا ئىشلىتىش.
(9) جىنسىي كېسەللىكلەرگە گىرىپتار بولۇپ قالسا، ئۆزۋاقتىدا، ئاكتىپلىق بىلەن داۋالىنىپ، كېسەللىك ئوچىقىنىڭ ئەيدىز ( AIDS ) بىلەن يۇقۇملىنىش خەۋپىنى كۈچەيتىۋېتىشىنىڭ ئالدىنى ئېلىش.

sarka

ئاللا ئىگەم ئۆزىگە ئامانەت!!!ھەممىمىز كاللىمىز جايىدا بولغاندىكىن قاتتىق دىققەت قىلايلى!!!ھەمرا تاپساقمۇ پەقەت بىرلا ئۆمۈرلۈك ھەمرا تىپىپ شۇنىڭ بىلەن نىمە بولساق بولايلى!!!كوچىدىكى ئىپپىتىنى يوقاتقانلادىن قاتتىق دىققەت قىلايلى!!!شەيتانغا يول بەرمەيلى قىرىنداشلىرىم!!!

ronaldooo

بۇ بىر ياخشى تېما بۇلۇپتۇ توپ تەپكۈچىكا ئەمما ھازىر ئوغۇل قىزلىرىمىز ئاق تاماكا ۋە پاشىۋازلىقتىن ئىبارەت ئەڭ چوڭ خەۋىپكە دۇچ كىلىۋاتىدۇ
مۇشۇنداق ۋاقىتتا مۇشۇنىڭغا ئوخشاش تېمىلانىڭ ۋە تەشۋىقاتلانىڭ بۇلۇپ تۇرغىنى ياخشى

ئۈلكەر

اللە ئۆز پاناھىدا ساقلىغاي .


مۇشۇ كېسەلنىڭ دەسلەپكى ئالامەتلىرى بارمۇ ؟

بوس

ئاللاھغا مىڭ شۈكرى ... ئۇلۇغ ئېگەم بىزنى بۇنداق مەينەتچىلىكتىن ساقلىسۇن (ئامىن)

ronaldooo

ئۇنىڭ ئۈستىگە ھازىر ھۈكۈمەت ياخشى بۇلۇپ كىتىپتۇ ئاق تاماكا چىكىدىغانلاغا قىينىلىپ قالمىسۇن دەپ ئايدا 3  4  مىڭدىن مائاش بېرىدىكە
مۇشۇنداق بولغاندىكىن مىللىتىمىز ئوغۇل قىزلىرىنىڭ مۇشۇنداق ئىشلا بىلەن ئۆزىنى ۋە مىللىتىمىزنى يوقۇتۇشقا شارائىت ھازىرلاپ بېرىۋاتىدۇ

رەڭۋاز

ronaldooo يوللىغان ۋاقتى  2013-2-23 13:30
ئۇنىڭ ئۈستىگە ھازىر ھۈكۈمەت ياخشى بۇلۇپ كىتىپتۇ ئاق تا ...

بۇگەپ راسمۇ؟

8899kaysar

قىرىنداشلىرىمىزدا  ئالدىنى ئىلىش ئىڭى بەك تۆۋەن بولىۋاتىدۇ ...بىزنىڭ دوختۇرخاندىمۇ كىسەلنىڭ بايقىلىشى بارغانسىرى كۆپۇيۇپ كىتىپ باردۇ ، بولۇپمۇ  ياشلاردا  .
بايقالغاندىن  كىيىن نىمە قىلغان  بىلەن ئورنىغا كەلمەيدۇ  قىرىنداشلار ...  

توپ تەپكۈچى

ئۈلكەر يوللىغان ۋاقتى  2013-2-23 13:27
اللە ئۆز پاناھىدا ساقلىغاي .

بار ،دەسلەپكى ئالامىتىدە ، قىزىش ،باش قېيىش ،ماغدۇرسىزلىنىش ،يۇتقۇنچاق ئاغرىش ،بۇغۇم ئاغرىش ،تىرە ئەسۋىسى .ئىچى سۈرۈش ،
بۇنداق ئالامەتلەر ئادەتتە بىر ئىككى ھەپتىدىن كېيىن يۇقايدۇ . ئاندىن ھىچقانداق ئالامەت كۈرۈلمەيدۇ . خۇددى ساغلام ئادەمدەكلا ...مۇشۇ ۋاقىت ئەڭ خەتەرلىك .ئاندىن رەسمى يۇشۇرۇن دەۋرىگە قەدەم قۇيىدۇ ...

ronaldooo

رەڭۋاز يوللىغان ۋاقتى  2013-2-23 13:31
بۇگەپ راسمۇ؟

ھەممىسىگە شۇنداق قىلىدىغاننى بىلمىدىم ئەمما مەن كۆرگەن ۋە ئاڭلىغان

ئەلبارىس

ئېلىكتورونلۇق قىمارخانا ، دىبا، جيۇبا، يەنە تېخى  تۈرلۈك شەككىللەردىكى   理发店，足浴，按摩 دىگەنلەرنى بولىشىغا «قانۇنلۇق » قىلىپ قويۇپ بەردى... ئەكسىچە تۆت ئادەم بىر يەرگە كېلىپ ،ئىلىم-ھېكمەت توغرىسىدا پاراڭلىشىدىغان سورۇن ھازىرلىسا ، ئەتىسىلا بارىدىغان جايىغا ئاپاردى....  
ئېي رەببىم !!!!!!!!!!!!!!!
بىزلەرگە ئۆزۈڭ بار ...............

ronaldooo

رەڭۋاز يوللىغان ۋاقتى  2013-2-23 13:31
بۇگەپ راسمۇ؟

مىنىڭ ئاكام مېيىپ ھەم ئائىلىسىدە قىيىنچىلىقى بولغاچقا دىبو ئالاتتى بىر كۈنى جۇيىخۇيغا كىردۇق بۇيەردە دىبو ئېلىشنى ساقلاپ ئولتاغان بىر قانچە ئاقچى قىزلار باركەن بىز تۇنۇيدىغانلادىن ئاكاملامۇ مېيىپ تۇرۇپ مىڭ 2 يۈز كويدەك دىبو ئالىدۇ ئۇلاغا 3 مىڭدىن 4 مىڭغىچە ئارلىقتا پۇل بەرگىننى كۆرۈپ ھەيران قالدۇق