- تىزىملاتقان
- 2012-9-28
- ئاخىرقى قېتىم
- 2013-10-21
- ھوقۇقى
- 1
- جۇغلانما
- 3676
- نادىر
- 6
- يازما
- 3676
|
بۇ يازمىنى ئاخىرىدا missi2 تەھرىرلىگەن. ۋاقتى 2013-2-14 21:06
پۇتبول مەستانىلىرى زارىقىپ كۈتكەن 2012-2013-مۇسابىقە پەسلى ياۋروپا ئۇزغۇنلۇق پۇتبول مۇسابىقىسىنىڭ 1\8ھەل قىلغۇچ مۇسابىقىسى 12-،13-فېۋرال كۈنلىرى تۇنجى ئۇچىرىشىشنىڭ 4مەيدان مۇسابىقىسىنى ئويناش ئارقىلىق رەسمى باشلاندى، بۇ گۇرۇپپىدىن چىققان 16كۈچلۇك كوماندىنىڭ ئەمدى رەھىمسىز شاللاش باسقۇچىغا كىرگەنلىكىدىن دىرەك بىرىدۇ، ئەلۋەتتە ھەربىر كوماندىنىڭ مىھمان -ساھىبخان ھالەتتە ئىككى مەيدان ئويناش پۇرسىتى بار.
12-فېۋرال ئوينالغان ئىككى مەيدان مۇسابىقىگە نەزەر سالساق شوتلاندىيە دەرىجىدىن تاشقىرى بىرلەشمىسىنىڭ پەخرى بولغان كىلىتلىقلار كوماندىسى ئۆز مەيدانىدا ئىتالىيە بىرلەشمىسىنىڭ كونا زومىگىرى،‹زىبرا خاندانلىقى›يۇۋىنتۇس كوماندىسى بىلەن تۇتۇشتى،ساھىبخان كوماندا گۇرۇپپا مۇسابىقىسىدە بارسىلونا ،بېنفىيكا قاتارلىق كۈچلۈك كوماندىلار بىلەن مۇسابىقە ئويناپ بارسىلونا بىلەن بىرگە گۇرۇپپىدىن 2-بولۇپ چىققان ئىدى،شۇنداقلا ئۆز مەيدانىدا بارسىلونانى 1گە قارشى 2نەتىجە بىلەن ئۇتۇپ كىشىلەرنى ھەيران قالدۇرغان ئىدى.يۇۋىتۇس بولسا ئۆز گۇرۇپپىسىدا چىلسى،دۇنېستىك كان ئىشچىلىرى قاتارلىق كوماندىلار بىلەن ئېلىشىپ گۇرۇپپىدىن 2-بولۇپ چىققان،گۇرۇپپا مۇسابىقىسىدە دەسلەپ تەڭلىشىش كۆپ بولۇپ بۇ كونا داڭدار كوماندىغا نىسبەتەن كىشىلەردە گۇمانمۇ پەيدا بولغان ئىدى، ئەمما گىلازگودا ئوينالغان بۇ مۇسابىقىدە كىلىتلىقلار مۇداپىئەسى مۇستەھكەم يۇۋىنتۇسقا ھىچقانداق تەھدىت ئىلىپ كىلەلمىدى،شۇنداقلا ئۆز مەيدانىدا ساھىبخان بولۇش ئارتۇقچىلىقىنىمۇ جارى قىلدۇرالمىدى،ئەكسىچە ئوتتۇرا مەيدان ،مۇداپىئە جەھەتتە ئۈستۇنلۇككە ئىگە يۇۋىنتۇس مۇسابىقە باشلىنىپ 3مىنۇت ئىچىدىلا قارشى تەرەپكە توپ ئۇردى،كىيىنكى يېرىم مەيداندا مارچىشىئو،ۋۇچىنىچ قاتارلىق ماھىرلارنىڭ توپ ئۇرۇشى بىلەن 0گە قارشى 3نەتىجە بىلەن كىلىتلىقلارنى ئۈزىل -كېسىل مەغلۇپ قىلدى،بۇ نەتىجە پۈتۇن دۇنيا توپ مەستانىلىرىنىڭ ئويلىمىغان يېرىدىن چىقتى، شۇنداقلا يۇۋىنتۇسنى 8كۈچلۈك كوماندا قاتارىغا كىرىپ بولدى دىيىشكە بولىدۇ.
شۇ كۈنى ئوينالغان يەنە بىر مەيدان مۇسابىقىدە ئىسپانىيە ۋالىنسىيە كوماندىسى ئۆز مەيدانىدا فىرانسىيىنىڭ پارىژ سانىت ژىرمان كوماندىسىنى كۈتىۋالدى،گۇرۇپپا مۇسابىقىسىدە پارىژ سانىت ژىرمان كوماندىسى4مەيدان ئۇتۇش،بىر مەيدان ئۇتتۇرۇشتەك ياخشى نەتىجە بىلەن گۇرۇپپىسىدىن 1-بولۇپ چىققان، شۇنداقلا فىرانسىيە بىرلەشمىسىدىمۇ ئالدىنقى قاتاردا كېتىۋاتقان ئىدى،ساھىبخان ۋالىنسىيە بولسا گۇرۇپپا مۇسابىقىسىدە 3مەيدان ئۇتۇش،بىر مەيدان تەڭلىشىش،بىر مەيدان ئۇتتۇرۇش ئارقىلىق بايرىن مىيۇنخىندىن ئۇرغان توپ سانى ئاز بولۇش سەۋەپلىك 2-لىك سالاھىيىتى بىلەن گۇرۇپپىدىن چىققان ،ئەمما ئىسپان بىرلەشمىسىدە ئۇلارنىڭ نەتىجىسى ئانچە ياخشى ئەمەس ئىدى.
بۇ مەيدان مۇسابىقىدە كىشىلەرنىڭ ھەممىدىن بەك دىققىتى چۇشكەن ئىبراھىموۋىچ مۇسابىقە جەريانىدا بىر قانچە قېتىم ۋاراتارغا توپ تەپكەن بولسىمۇ ئەمما توپ ئۇرۇشى ئىشقا ئاشماي قالدى، مۇسابىقە باشلىنىپ 10 مىنۇت بولمايلا ئارگىنتىنالىق لاۋىززى بىر توپ ئۇردى ،كېيىن يەنە بىر ئارگېنتىنالىق ماھىر پاستورى پارىژ ئۈچۈن 2-توپنى ئۇردى،مۇسابىقە ئاخىرلىشاي دىگەندە ۋالىنسىيە بىر توپ ئۇرۇپ ئازراق بولسىمۇ يۈزىنى ساقلاپ قالدى،ئەمما مۇسابىقە تۇگەشكە 2-3 مىنۇت قالغاندا ئىبراھىمۇۋىچ بىر قىزىل كارتا يەۋىلىپ ئەسۇسلىنارلىق ئىش بولدى، بۇ پارىژنىڭ كېيىنكى مەيدان مۇسابىقىسىگە چوڭ تەسىر كۆرسىتىشى مۇمكىن. تۆۋەندە يۇۋىنتۇس بىلەن كىلىتلىقلار مۇسابىقە جەۋھىرى؛
ئەمدى ھۇزۇرىڭلاردا بولىدىغىنى ۋالىنسىيە بلەن پارىژ سانىت ژىرماننىڭ مۇسابىقە جەۋھىرى؛
13-فېۋرال ئوينالغان ئىككى مەيدان مۇسابىقىنىڭ ئىچىدە قىزىل ئالۋاستى مانچىستىر بىرلەشمىسى بىلەن خان جەمەتى مادرىد كوماندىسى ئوتتۇرىسىدىكى مۇسابىقە قىزىق نۇقتىلىق كۈچلۈكلەر ئىلىشىشى بولدى، مانچىستىر بىرلەشمىسى گۇرۇپپا مۇسابىقىسىدە پەقەت تۇركىيە گالاتا ساراي كوماندىسىغا مىھمان ھالەتتە ئويناپ ئۇتتۇرۇپ قالغان مۇسابىقىلەردە ئۇتتۇرۇپ باقمىغان ھەم گۇرۇپپىدىن بىرىنچى بولۇپ چىققان كوماندا، شۇنداقلا ئىنگىلانىد دەرىجىدىن تاشقىرى بىرلەشمىسىدە ئىزچىل ئالدىنقى ئورۇننى بەرمەي كىلىۋاتقان چىمپىيۇن بولۇش ئىھتىماللىقى ناھايتى يۇقىرى كوماندا، مادرىد بولسا گۇرۇپپىدا ئاجاكىس، مانچىستىر شەھىرى، دورىتمونىد قاتارلىق ھەرقايسى دۆلەت چىمپىيۇنلىرى بىلەن بىرگە ‹ھالاكەت گۇرۇپپىسى›غا بۆلۈنگەن،گۇرۇپپا مۇسابىقىسىدە مىھمان ئايداندا دورتمۇنىدقا ئۇتتۇرۇپ قويغان ، ئىككى مەيدان تەڭلىشىش، ئىككى مەيدان ئۇتۇش ئارقىلىق گۇرۇپپىدىن ئىككىنچى بولۇپ چىققان، ئىسپان بىرلەشمىسىدىمۇ نەتىجە ياخشى ئەمەس بولۇپ 3-ئورۇنغا چۇشۇپ قالغان ، ئۇندىن باشقا ۋاراتار كاشىللاس، مۇداپىئەچىلەردىن پىپى، راموس قاتارلىق بىرقانچە ئەزالار يارلىنىش سەۋەبىدىن بىر قانچە مەيدان بىرلەشمە مۇسابىقىسىگە قاتناشمىغان ئىدى، بۇ مەيدان كۈچلۈكلەر جېڭىدە كاشىللاستىن باشقىلىرى مەيدانغا چىققان بولسىمۇ ئەمما مانچىستىر بىرلەشمىسىدىكى ماھىرلارنىڭ ياخشى بولغان ئىپادىسى ئالدىدا مادرىد كوماندىسى مەستانىلىرى خۇش بولغىدەك نەتىجىنى قولغا كەلتۇرەلمىدى.
مۇسابىقە باشلىنىپ 20مىنۇتتا ۋىلىبىك مادرىدقا بىرتوپ ئۇرىۋەتتى، 10مىنۇت ئۆتمەيلا مادرىدنىڭ بىرىنچى نومۇرلۇق نومۇر ئالغۇچىسى رونالدو بىر باش توپ كىرگۇزۇپ نەتىجە 1-1بولۇپ ئۆزگەردى،گەرچە ئىككىلا تەرەپ توپ ئۇرۇشقا كۈچىگەن بولسىمۇ ئەمما بۇ نەتىجە مۇسابىقە ئاخىرىغىچە ئۆزگەرمىدى،تىلغا ئىلىشقا ئەرزىيدىغىنى بۇ مەيدان مۇسابىقىدە مانچىستىر ۋاراتارسى دىھىيانىڭ ئىپادىسى ئالاھىدە ياخشى بولدى، ئۇنىڭ ياخشى بولغان ئىپادىسى ئالدىدا رونالدو ،ئۆزىل قاتارلىق مادرىد چولپانلىرىنىڭ كىرىشكە تىگىشلىك بىر قانچە توپى كىرمەي قالدى.
شۇنداق قىلىپ مانچىستىر بىرلەشمىسى كىلەر قېتىم ئۆز مەيدانىدا مادرىد بىلەن بولغان مۇسابىقىگە ياخشى ئاساس سىلىپ قايىتتى .
تۆۋەندە بۇ مەيدان مۇسابىقىنىڭ جەۋھىرى ؛
يەنە بىر مەيدان ئوينالغان مۇسابىقىدە ئۇكرائىنا دونېستىك كان ئىشچىلىرى ئۆز مەيدانىدا گىرمانىيە چىمپىيۇنى دورتمۇنىد كوماندىسىنى كۈتىۋالدى،دونېستىك كان ئىشچىلىرى كوماندىسى يىقىنقى 3مۇسابىقە پەسلىدە ياۋروپا ئۇزغۇنلۇق مۇسابىقىسىگە ئىزچىل قاتنىشىپ كىلىۋاتىدۇ، بۇ مۇسابىقە پەسلىدە ئۇلاردىكى ئىلگىرلەشكە پۈتۈن ياۋروپا ھەيران قالدى،گۇرۇپپا مۇسابىقىسىدە ئالدىنقى نۆۋەتلىك ئۇزغۇن چىلسى،يۇۋىنتۇس قاتارلىق كۈچلۇك كوماندىلار بىلەن بولغان جەڭدە ئۆزىنىڭ كۈچلۈك ئەمەلىي كۈچىنى نامايان قىلدى،3مەيدان ئۇتۇش،بىر مەيدان تەڭلىشىش، بىر مەيدان ئۇتتۇرۇش نەتىجىسىدە يەنىلا گۇرۇپپىدا بىرىنچى بولۇپ چىقتى.دورتمۇنىد كوماندىسى بولسا گىرمانىيە بىرلەشمىسىدىكى بايرىن مىيۇنخىننىڭ چىمپىيۇنلۇق ئورنىغا تەھدىت سىلىپ كېلىۋاتقان كۈچلۈك كوماندا، گۇرۇپپا مۇسابىقىسىدە بىر مەيدانمۇ ئۇتتۇرماسلىقى بۇنىڭ دەلىلى.
مۇسابىقە باشلىنىپ ئىككى تەرەپ كەسكىن ئىلىشتى،ئالدىنقى يېرىم مەيدان 30 مىنۇت بولغاندا ساھىبخان كوماندا بىر ئىختىيارى توپ ئۇرۇش پۇرسىتىگە ئىرىشتى، كىرودىيە دۆلەت كوماندا ئەزاسى سىرنا بۇ توپنى كىرگۇزۇپ ۋاقتىنچە ئۈستۇنلۇكنى ئىگەللىدى، 43مىنۇت بولغاندا دورتمۇنىد ھۇجۇمچىسى پولشالىق لىۋاندوۋىسكى قارشى تەرەپ ئەزالىرىنىڭ خاتالىقىدىن پايدىلىنىپ بىر توپ ئۇردى،مۇسابىقە قەھرىتان سۇغۇقتا ئىلىپ بىرىلسىمۇ سىرىق ھەرىلەر كان ئىشچىلىرىنى بىر چىقىۋىلىشنى ئۇنتۇپ قالمىدى كىيىنكى يېرىم مەيداندا مۇسابىقە تېخىمۇ كەسكىنلەشتى، دوگىلاس كوستا ناھايتى چىرايلىق بىر توپ ئۇرۇپ دونېستىك كان ئىشچىلىرى يەنە ئالدىغا ئۆتتى، 87 مىنۇت بولغاندا دورتمۇنىد كوماندىسى بىر بۇلۇڭ توپ ئۇرۇش پۇرسىتىەە ئىرىشتى، خۇممىلىس بۇ توپنى ئۈسۈپ كىرگۇزۇپ نەتىجە2-2بولۇپ ئىككى تەرەپ تەڭلىشىپ قالدى .تۆۋەندىكىسى مۇسابىقىنىڭ جەۋھىرى؛
ياۋروپا ئۇزغۇنلۇق مۇسابىقىسىنىڭ كېيىنكى مەيدان مۇسابىقىلىرى 20-فېۋرال پورتو بىلەن مالاگا، ئارسىنال بىلەن بايرىن مىيۇنخىن، 21-فېۋرال گالاتا ساراي بىلەن شاللىك04، ئاس مىلان بىلەن بارسىلونا ئوتتۇرىسىدا ئوينىلىدۇ(ئالدىدىكى كوماندا ساھىبخان كوماندا) ۋاقتى 3:45(بىيجىڭ ۋاقتى). |
|
چىمپىيۇن ئارسىنال ئىسىم ئۇزگەرتتى
يوللىغان ۋاقتى 2013-2-14 14:08:31
