- تىزىملاتقان
- 2012-9-28
- ئاخىرقى قېتىم
- 2013-2-21
- ھوقۇقى
- 1
- جۇغلانما
- 1020
- نادىر
- 0
- يازما
- 1020
|
ئەسسالامۇ ئەلەيكوم مۇنبەر ئەھلى جامائەت،
قۇچىقىنى كەڭ يايغان ئىللىق چىراي تەبىئەت.
ئۇلۇغ ئاللا ھىممىتىدە تۇرغانسىلەر سالامەت،
ئىجىللىقتا ياشىساق ياغار بىزگە قۇت-ئامەت.
گەپنىڭ پوسكاللىسىنى دىگەندە، مۇنبەر ئەھلى دۇنيانىڭ قايسى بۇلۇڭ-پۇچقاقلىرىدا بولايلى ھەممىمىز بىر ئۇيغۇرغا ۋەكىللىك قىلالايمىز،گەرچە بىر كۇلۇب ياكى مەلۇم بىر دۆلەت پۇتبول كوماندىسىنىڭ مەستانىسى بولساقمۇ، مۇنبەرگە ئەزا بولغان قىسقىغىنا مەزگىل ئىچىدە كۆپ سانلىق قىرىنداشلىرىمىزنىڭ پۇتبولغا بولغان ئوتتەك قىزغىنلىقىنى ئۆزىنىڭ يۇقىرى مەدەنىيەت سەۋىيىسى، يۇكسەك ئەخلاق پەزىلىتى، ئىلمىي بولغان كۆز قاراشلىرى،شۇنداقلا مەسىلىلەرگە ئومۇمىيلىق نۇقتىئەزىرى بىلەن قاراشنى زىچ بىرلەشتۇرۇپ نادىر تېمىلارنى ،ئەتراپلىق ،ئىلمى ھەم قىزىقارلىق ئىنكاسلارنى يىزىۋاتقانلىقىدىن شۇنداقلا بۇ مۇنبەر ئارقىلىق پۇتبولغا دائىر قىممەتلىك بىلىملەردىن ئوزۇق ئىلىپ كىلىۋاتقانلىقىدىن سۈيۈندۈم ھەم ئۆزەمنىڭ بۇ مۇنبەرگە ئەزا بولغانلىقىمدىن پەخىرلەندىم.
بۇ جەرياندا يەنە بىر قىسىم مۇنبەرداش قىرىنداشلىرىمنىڭ يۈزەكى تېما ،ئىنكاسلىرى ئادەمنىڭ كۆڭلىنى غەش قىلىپ قويىدىغان ئەھۋاللارنىمۇ ئۇرىتىپ كەلدىم ، ھەممىمىزنىڭ پۇتبول ھەققىدىكى بىلىمى، بۇ ھەقتىكى كۆز قاراشلىرى، مەسىللەرنى تەھلىل قىلىش ، يەكۈن چىقىرىش ئۇسۇللىرىمىزمۇ ئوخشاش ئەمەس، ئەمما بىر نەرسە بىزگە ئورتاق ،ئۇ بولسىمۇ ھەممىمىز بىر تەنھەركەت تۈرىگە مەستانە،ھەممىمىز بىر ئۇيغۇر.
ئىسپانىيە ئا دەرىجىلىكلەر بىرلەشمىسىنىڭ سەۋىيىسى يىلدىن -يىلغا ئىشىپ بارماقتا، بۇ بىرلەشمىدە دۇنياغا داڭلىق پۇتبول چولپانلىرى مۇسابىقە ئويناپ بىزگە چەكسىز شادلىق بىغىشلاپ كەلمەكتە، مۇنبەردىكى قىرىنداشلىرىمىزنىڭ كۆپ قىسمى مۇشۇ بىرلەشمىنىڭ ئەھۋالىغا بەكرەك ئەھمىيەت بىرىدىكەن، ئەلۋەتتە ئىنگىلاند، گىرمانىيە بىرلەشمىسىدىمۇ بىز ياقتۇرىدىغان كوماندىلار، چولپانلار ئاز ئەمەس، ھەر قېتىم بىرەر ئەزا ئىسپانىيە بىرلەشمىسى بولۇپمۇ بارسىلونا بىلەن مادرىد ياكى مىسسى بىلەن رونالدو ھەققىدە تېما يوللىنىپ قالسا ئىنكاس يېزىشىشتا مۇنبەرداشلىرىم ئۆز قىزغىنلىقىنى باسالماي يۈكسەك ئىشتىياق بىلەن ئىنكاسلارنى يامغۇردەك ياغدۇرۋىتىدۇ، بۇ ناھايتى ياخشى ئەھۋال، ئەلۋەتتە.
لېكىن بىر قىسىم مۇنبەر ئەزالىرى ئاتا-بۇۋام كۆرمىگەن يەردىكى يات قەۋىمدىن چىققان شۇ چولپانلار ياكى كوماندىلار ئۈچۈن ئىغىزغا ئالغۇسىز ‹نادىر سۆز›لەرنى مۇنبەرگە يېزىپ ئۆز قىرىنداشلىرىغا ئورۇنسىز ئاھانەت قىلماقتا.
مۇنبەرگە خىلمۇ -خىل ئادەملەر كىرىپ چىقىدۇ،شۇڭا مەيلى ئەزا قىرىنداشلار كىرسۇن،ياكى ئەزا بولمىغانلار بولسۇن مۇنبەردىكى ھەربىر سۆز -جۈملىنى كۆرۇپلا مۇنبەرنىڭ مەدەنىيلىكىگە ئىنىق قىلىپ ئېيتقاندا ھەر بىرىمىزگە بىر قاراپلاباھا بىرەلەيدۇ، شۇڭا ھەربىرىمىز بۇندىن كېيىن بۇ جەھەتكە بەكرەك دىققەت قىلساق، مۇنبىرىمىزنىڭ ئىناق، ساغلام ،مەدەنىي ، ئىلمىي تەرەققىياتى ھەم ئۇيغۇر پۇتبولچىلىقنىڭ تەرەققىياتى ئۈچۈن ھەممەيلەن ئورتاق تىرىشايلى!
مەندىن ئۆتكەن خاتالىقلار بولسا كەڭچىلىك بىلەن بىر تەرەپ قىلارسىلەر بۇنى كۆرۈپ تىگىشلىك قىممەتلىك تەكلىپلەرنى بىرەرسىلەر، ئاخىرىدا زىرىكىپ قالماسلىقىڭلار ئۈچۈن تېما ماۋزۇسىغا ئۇيغۇن بولغان مىسسى بىلەن رونالدونىڭ يۈزتۇرانە ئىلىشىشتا كىرگۈزگەن كۆرۈنۈشلىرىنى ھۇزۇرۇڭلارغا سۇندۇم، ئىنكاس يازغاندا ئەدەپلىك ئىلمى بولغاي |
|
يوللىغان ۋاقتى 2013-2-11 13:30:22
يوللىغان ۋاقتى 2013-2-11 14:00:24
