بىر ھەپتىلىك مۇنەۋۋەر سەپ شەكلى (2013.01.22)

باھادىر

     بىيجىڭ ۋاقتى 1-ئاينىڭ 15-كۈنىدىن 1-ئاينىڭ 21-كۈنىگىچە ، ياۋرۇپا ھەر قايسى دۆلەتلەر بىرلەشمىسى داۋاملىق ئۆتكۈزۈلدى . ئېنگلاند بىرلەشمىسىدىكى لوندون دېربىدا ، چېلسى ئارسىنالنى بەغلۇپ قىلدى ، بۇندىن سىرت مانچىستېر بىرلەشمىسى توتىنھام رېس تەرىپىدىن تەڭلەشتۈرىۋىلىندى . ئىسپانىيە بىرلەشمىسىدە ،بارسىلونا رېئال جەمئىيەتكە ئۇتتۇرۇپ قويۇپ ، بۇ پەسىلدىكى يېڭىلمەسلىكنى ئاخىرلاشتۇردى ، رېئال مادرىد چوڭ نومۇر پەرقى بىلەن ۋالېنسىيانى يەڭدى . ئىتالىيە بىرلەشمىسى مەيدانىدا ، ئېنتىر مىلان رىم بىلەن تەڭلەشتى ، ACمىلان ۋە يۇۋىنتۇس ئىككىلىيسى يەڭدى . گېرمانىيە بىرلەشمىسىنىڭ ئۇرۇش ئوتى قايتا يانغان بولۇپ ، بايرىن ميۇنخىن ۋە دورتمۇند ئىككىلىيسى ئۈچ نومۇر ئالدى . تۆۋەندىكىسى تىڭشۈن تەنتەربىيسى خەلقئارا پۇتبول تەھرىر بۆلۈمى باھالاپ چىققان بىرھەپتىلىك مۇنەۋۋەر قوشۇن سەپلىمىسى . (3-4-3 سەپ شەكلى)

ۋاراتار : دې گىئا (مانچىستېر بىرلەشمىسى)

     گەرچە ئەڭ ئاخىرقى بىر مىنۇتتا كەتكۈزۈپ قويۇپ مانچىتېر بىرلەشمىسىنىڭ غەلبىسىنى دەپنە قىلىۋەتكەن بولسىمۇ ، لېكىن ئەگەردە دې گىئانىڭ ئالدىنقى 92 مىنۇتلۇق ئىلاھ دەرىجىلىك ئىپادىسى بولمىغان بولسا ، مانچىستېر بىرلەشمىسىنىڭ ئاق بۇغا پورتىدا يېڭىلىشى ئىنىق ئىدى . پۈتۈن مەيداندا ئىسپان ۋاراتارى 7 قىتىم توپنى توسۇپ چىقارغان بولۇپ ، بۇنىڭ ئىچىدىكى دېمپسېينىڭ يەكمۇيەك توپىنى توسۇۋىلىشىغا كىشىلەر ئاپىرىن ئوقۇماي قالمايدۇ . دېغى بولسىمۇ يەنىلا قاشتاش دېگەندەك ، دې گىئانىڭ ئىپادىسىنى مۇئەييەنلەشتۈرۈشكە ئەرزىيدۇ .

بىك : پىسچېك (دورتمۇند)

     پىسچېكنىڭ دورتمۇندقا بولغان مۇھىملىقى شۇكى ، ئۇ ئوڭ يولدا مۇداپىيە ۋەزىپىسىنى مۇكەممەل ئورۇنداپلا قالماي ، كۈچلۈك بولغان ئەجەللىك پاس بېرىش ئىقتىدارىمۇ سېرىق ھەرىلەر قوشۇنىنىڭ ئاساسلىق ھۇجۇم ۋاستىسىنىڭ بىرى . بۇ ئايلانمىدا ئۇ نازۇك ھەم نەپىس ئەجەللىك پاستىن  ئىككىنى چىقىرىپ ، دورتمۇندنىڭ چوڭ نومۇر پەرقى بىلەن برېمېننى يېڭىشىگە ياردەم قىلدى .

بىك : فېردىناند (مانچىستېر بىرلەشمىسى)

     گەرچە توتىنھام رېسنى يېڭەلمىگەن بولسىمۇ ، فېردىناندنىڭ ئاق بۇغا پورتىدىكى قاتتىق قاردا كۆرسەتكەن ئىپادىسى ئاۋۋالقىدەكلا ماختاشقا ئەرزىيدۇ . مانچىستېر بىرلەشمىسى مۇداپىيە سېپىنىڭ كونا ئەزاسى بۇ مۇسابىقە پەسلىدىكى ئەڭ قالتىس ئويۇنىنى كۆرسىتىپ ، كۆپ قىتىم قارشى تەرەپنىڭ تەھدىتلىك توپىنى توسىۋالدى ، مەيلى بوشلۇقتىكى توپ ياكى يەر يۈزى توپى بولىشىدىن قەتئىينەزەر ، فېردىناند ئوڭايلا بىتچىت قىلىپ ، كىشىنى خاتىرجەم قىلدى .

بىك : ئازپىلىكۇيتا (چېلسى)

     ئازپىلىكۇيتا بولغاچقا ، ئىۋانوۋىچ ئاستا-ئاستا ئوتتۇرا بىك ئورنىغا قايتىپ كېلەلىدى . بۇ مەيدان مۇسابىقىدە ئۇ دەل ھەم نەپىس ئەجەللىك پاستىن بىرنى چىقىرىپ ، چېلسىنىڭ ئارسىنالنى مەغلۇپ قىلىشىغا ئاساس سالدى . مۇداپىيە تەرەپتە ، ئازپىلىكۇيتانىڭ ئورۇن تولۇقلىشى ۋە توسۇشى كىشىگە چوڭقۇر تەسىرات قالدۇرۇپ ، ئىپادىسى ياخشى بولدى .

ئوتتۇرا مەيدان : ماتا (چېلسى)

     يادرو ! ماتا شۈبھىسىزكى كۆك قوشۇننىڭ موتۇرى . بۇ مۇسابىقە پەسلىدە ئۇ چېلسى ئۈچۈن 14 توپ كىرگۈزۈپ ، توررىس بىلەن بىللە كوماندا مەرگەنلەر شاھى بولدى . پاس بېرەلەيدۇ ، توپ ئۇرالايدۇ ، ۋەزىيەتنى كوتىرول قىلالايدۇ ، بۇنىڭدەك «playmaker» ھەممە كوماندىنىڭ چۈشىدىمۇ ئېرىشقىسى كېلىدىغان ئادىمى ، ھالبۇكى ئۇ ستانفورد كۆۋرۈكىگە مەنسۇپ .

ئوتتۇرا مەيدان : پوگبا (يۇۋىنتۇس)

     يۇۋىنتۇس توپ مەستانىلىرى ۋىئېرانىڭ سايىسىنى كۆرگەندەك بولۇشتى ! ئىككى قىتىملىق كىشىنى ھاڭ قالدۇرىدىغان يىراقتىن ئۇرۇلغان توپ ، پوگبا كىشىلەرگە ئەينى ۋاقىتتا فېرگۇسوننىڭ ئۇنى ماختىشىنىڭ مۇتلەق توغرىلىقىنى ئىسپاتلىدى . تاغىل ئات قوشونىغا قوشۇلغاندىن كېيىن ، پوگبا ئاستا-ئاستا مۇھىم ئەزا سۈپىتىدە ئىشلىتىلدى ، توپ مەستانىلىرىمۇ ئۇنى «يېڭى ۋىئېرا» دەپ قارىدى .

ئوتتۇرا مەيدان : ئۆزىل (رېئال مادرىد)

     ئىككى قىتىملىق ئەجەللىك پاس ، يەنە ئىككى قىتىملىق توپ كىرگۈزۈش پۇرسىتى ، رېئال مادرىد چوڭ نومۇر پەرقى بىلەن ۋالېنسىيانى يەڭدى ، ئۆزىلنىڭ ئىپادىسى ھىچقانداق سەپدىشىدىن قىلىشمىدى . گېرمانىيە موتۇرى ئاستا-ئاستا ياخشى مۇھىتقا قەدەم قويدى . مودرىچ بىلەن بولغان رىقابەتتە ، ئۆزىل ئېنىقلا ئۈستۈنلۈككە ئېرىشتى .

ئوتتۇرا مەيدان : كاسترو (رېئال جەمئىيەت)

     رېئال جەمئىيەت بۇ ئايلانمىدا ئورۇنلاش مۇمكىن بولمىغان ۋەزىپىنى ئورۇنلىدى ، ئىككى توپ كەينىدە قالغان ئەھۋالدا ، دەرىجىدىن تاشقىرى قايتۇرما غەلبىنى قولغا كەلتۈردى ، رەقىبى دەل «كائىناتتا تەڭداشسىز» ئاتالغان بارسىلونا . كاسترو قوش ئولجا ئىلىپ ، پۈتۈن مەيداندىكى ئىپادىسى ئەڭ ياخشى بولغان تۆھپىكار بولۇپ قالدى .

ھۇجۇمچى : دىمارىيا (رېئال مادرىد)

     دىمارىيا يىقىندا مورىنىيو تەرىپىدىن تەنقىدلەنگەن ئىدى ، لېكىن ئۇزۇن ئۆتمەيلا پەرىشتە قانىتى ئۆزىنىڭ ئوتتەك ھالىتى بىلەن ئۆزىنى ئىسپاتلىدى . ئىككى توپ كىرگۈزۈشتىن سىرت يەنە بىر ئەجەللىك پاس بېرىپ ، ئىسپانىيە تاراتقۇلىرى تەرىپىدىن بۇ مەيدان مۇسابىقىدىكى ئەڭ مۇنەۋۋەر توپچى بولۇپ باھالاندى . ئەگەر ئۇ كرىستىئانو بىلەن بىرلىشىپ ھەقىقى ھالدا «قوش قانات تەڭ ئۇچۇش» نى ئەمەلگە ئاشۇرالىسا ، رېئال مادرىدنىڭ باھارى ئۇزۇنغا قالماي يىتىپ كىلىدۇ .

ھۇجۇمچى : پاززىنى (ACمىلان)

     بولوگنا بىلەن بولغان جەڭدە ، ACمىلان ئۇنداق ئوڭاي يەڭمىدى ، پاززىنى پۈتۈن مەيداندىكى تۆھپىكار بولدى . قىزىل قارا ھۇجۇمچى ئىككى توپنى كۆتۈرە ئالدى ، ACمىلان ئاخىرىدا ئوڭۇشلۇق ھالدا 3 نومۇرغا ئېرىشتى . ھۇجۇم سېپىدىكى تايىنىش نۇقتىسى بولغان پاززىنى ئەگەر ھالىتىنى ساقلاپ قالالىسا ، يىقىندا ھالىتى ئادەتتىكىچە بولىۋاتقان ئەل شاراۋي دېمىنى ئېلىۋىلىش پۇرسىتىگە ئېرىشەتتى .

ھۇجۇمچى : كرىستىئانو رونالدو (رېئال مادرىد)

     كرىستىئانو ئاۋۋالقىدەكلا ئۆزىنىڭ كۈچلۈك يېڭىش ئارزۇسىنى ساقلاپ كەلدى ، ئۇنىڭ ئالغا ئىنتىلىشى رېئال مادرىدنى ئاخىرىدا بىر مەيدان چوڭ غەلبىگە ئېرىشتۈردى . ئەگەدە بۇ بىر بۇرۇلۇش نوقتىسى بولسا ، ئۇنداقتا كەلگۈسىدىكى بىر مەزگىلدە ، سامان يولى كېمىسىنى توسقىلى بولماسلىقى مۇمكىن . قانداق ۋاقىت بولىشىدىن قەتئىينەزەر ، كرىستىئانو مەڭگۈ بۇ كوماندىنىڭ بىرىنچى يادروسى .

زاپاس ئەزالار : ۋان پېرسى (مانچىستېر بىرلەشمىسى) ، مانزۇكىچ (بايرىن ميۇنخىن) ، گۇارىن (ئېنتىر مىلان) ، دېمپسېي (توتىنھام رېس)

     ۋان گېنېرال ئۆزىنىڭ ئوتتەك توپ كىرگۈزۈش سەزگۈسىنى داۋاملاشتۇردى ، مانچىستېر بىرلەشمىسىگە نىسبەتەن بۇ ئالەمچە بەخت ، ھالبۇكى ئارسىنالنىڭ ھەۋەس قىلىدىغانلا ھەققى قالدى .
     ئىككى دەرىجىدىن تاشقىرى مارىئونىڭ ئاساسلىق ئەزا ئورنىدىكى رىقابەتتە ، مانزۇكىچ ۋاقتىنچە ئالدىدا تۇرىدۇ . گېرمانىيە بىرلەشمىسى ئۇرۇش ئوتى قايتا يانغاندا ، ئۇنىڭ كىرگۈزگەن ئىككى توپى بايرىن ميۇنخىننىڭ غەلبىسىنى مەركەزلەشتۈردى .
     گۇارىن مەۋجۇدلا بولىدىكەن ، ئېنتىر مىلان ئوتتۇرا مەيدانىنىڭ ھاياتلىقى تولۇپ تاشىدۇ . بىر قىتىملىق ئۈنۈملۈك ئەجەللىك پاس ، ئۇ كۆپ قارا قوشۇنى ئۈچۈن رىمدىن 1 نومۇر ئىلىپ كەتتى .
     ئەڭ ئاخىرقى بىر مىنۇتتا  توپ كىرگۈزدى ، دېمپسىي ئاق بۇغا پورتىدا مانچىستېر بىرلەشمىسىگە ئۈمۈدسىزلىنىشنىڭ تەمىنى تېتىتىپ قويدى . ئەگەر دې گىئانىڭ ئاجايىپ باتۇرانە ئىپادىسى بولمىغان بولسا ، «ئامېرىكا ئەسكىرى» نىڭ توتىنھام رېسقا ياردەملىشىپ مانچىستېر بىرلەشمىسىنى قوش يېڭىش ئېھتىماللىقى بار ئىدى .

مەنبە : تىڭشۈن تەنتەربىيسى

王子

دىيارما    ۋان فامىلىلىكنى زاپاس قىلىۋەتتى ؟....توۋا ؟  تېڭشۇن بەسەيلىرىگىمۇ ئامال يوق ؟

messi-10

كىرىستىيانو چېچىنى سېرىق بۇيىۋالدىمۇ يا رەسىمگە ئاشىندا چىقىپ قالدىمۇ ؟  ئالدىنقى قاتا كىرىستىيانونى چىقارماپتىكەن بۇ قېتىم مېسسى يوققۇ ؟  ۋاي خۇدا  ۋۇ خاخا

مۇزات

ئاجايىپ قىزىغان ھەپتە بولدى بۇ ، گىرمان بىرلەشمىسىدە توپ ئۇرۇش قىزغىنلىقى ، ئىتالىيە بىرلەشمىسىدە تۆت زەردارنىڭ يېڭىلمەسلىكى ، بارىسلونانىڭ قەدىمىنىڭ ئۇشتۇمتۇت ھېرىپ قېلىشى ، مادرىد ئەزالىرىنىڭ كوللىكتىپچانلىقىنىڭ نامايەن بولۇشى ، ئېنگىلاند بىرلەشمىسىدىكى دېربىيلار ۋە لېۋىرپولنىڭ چوڭ نومۇر پەرقى بىلەن يېڭىشى .
ماۋۇ سەپ شەكلىگە لىۋېرپولدىن بىرەر ئادەمنىڭ كىرمىگىنىگە كۆڭلۈم يېرىم بوپ قالدا .

فاتىخ 204

ئالدىنقى قاتا  ئوزى ياقتۇردىغان چولپان  چىقمىسا ئولگۇدەك تىللىغانلار بارتى تېڭشۇننى  ،،،   ئوينىيالىسا مۇشۇنداق چىقىرىدىغان گەپ ،،،   مېسسى چىقالماپتۇ ،  چۇنكى ئىككى توپنى زايە قىلىۋەتتى ئەمەسمۇ ،، چىقالماسلىغى توغرا

missi2

دىھىيا دىگەن ۋاراتارنى دەرھال بارسىلوناغا ئەكىلىشنىڭ ئامالىنى قىلايلى

yurukum

ھې ھې رونالدو باكەن ئەينا

sarasim

ئۇيۇڭدىكىلەر بىلەن ئوبدان مەسلەت قىلىپ ئەكىتەسىلە

بەختىيار

لىۋېرپولنىڭ 5-0 نۇمۇر بىلەن ئۇتقىنغا ، زاپاسقىمۇ كىرمەپتا

دۇل دۇل

ئىشقىلىپ ئۇتقان كوماندىلار ئاساسەن مەن ياقتۇردىغان كوماندىلار ئىكەن...

دۇل دۇل

داۋاملىق ئالغا ئالۋاستى، لىۋىرپول، مادىرت........

دۇل دۇل

گىرراد، رونالدو، رونىي داۋاملىق ئالغا....