‹‹ئوزغۇنلار لوڭقىسى›› نىڭ ‹‹تۇغۇلىشى››

isimsiz

ئەسسالامۇ ئەلەيكۇم.

            فىرانسىيەنىڭ ‹‹لىيكىپ›› تەنتەربىيە گىزىتىدە ئىشلەيدىغان مۇخبىر گابرىئال ھانۇ ‹‹ياۋرۇپا كۇلۇپلار لوڭقىسى›› پىكرىنى ئوتتۇرىغا قويدى. 1954-يىلى خىزمەتدىشى جاك دو رىيزويىك ‹‹ياۋرۇپا كۇلۇپلار لوڭقىسى پىلانى›› دىگەن ماقالىسىنى يازدى. بۇ پىلان ياۋرۇپا قىتئەسىدە قىزغىن قارشى ئېلىشقا ئېرىشتى. ئۇنىڭغا ئۇلاپلا خزمەتدىشى جاك فىيران 1955-يىلى 1-ئاينىڭ 25-كۈنى مۇسابىقىنىڭ نىزاملىرىنى يازدى. 1955-يىلى 3- فىۋرالدا گىزىت ‹‹ياۋرۇپا كۇلۇپلار لوڭقىسى››غا قاتنىشىدىغان كۇلۇپلارنىڭ تىزىملىكىنى نەشىر قىلدى، كۇلۇپلارمۇ ‹‹دۇنيا پۇتبولچىلار بىرلەشمىسى›› نىڭ قوشۇلىشى بىلەن ئاكتىپ ئىپادە بىلدۈرۈپ تۇلۇق قاتناشتى.

شۇنداق قىلىپ ھازىرقى پۇتبولدىكى تەسىر كۈچى ئەڭ كۈچلۈك بولغان ‹‹ئوزغۇنلار لوڭقىسى›› دۇنياغا كەلدى.

   1955-يىلىدىن 1960- يىلىغىچە رىيال مادرىد بۇ لوڭقىنى مونوپول قىلدى، ئۇدا 5 قېتىم چىمپىئون بولغاندىن كىيىن پورتۇگالىيەنىڭ بېنفىكا كۇلۇبى بۇ مونوپوللۇقنى بۇزۇپ 1961-1962 تىلى ئۇدا چىمپىئون بولدى. ئۇندىن كىيىنكى 1964 ۋە 1965 يىللىرى ئىنتېر مىلاننىڭ يىلى بولدى. 70- يىللارنىڭ باشلىرىدا ئامەت قۇشى گوللاندىيەنىڭ ئاجاكىس كۇلۇبىنىڭ بېشىغا قوندى ۋە 1971-يىلىدىن 1973- يىلىغىچە 3 قېتىم ئوزغۇن بولدى. گىرمانىيەلىكلەرمۇ بۇ قىممەتلىك  لوڭقىنى قولدىن چىقارغۇسى كەلمەي 1974-يىلىدىن1976-يىلىغىچە 3 يىل ساقلىدى.

ئۇنىڭدىن كىيىنكى 6 يىل ئېنگىلاندلىقلارنىڭ يىلى بولدى. 1977-1978يىلى لىۋېرپۇل، 1979-1980 يىلى نوتىنھام فورېست، 1981-يىلى يەنە لىۋېرپۇل،1982 يىلى ئاستو ۋېللا ئالدى.

80 يىللارنىڭ ئاخىرى يەنى 1989- 1990 ئىتالىيەنىڭ مىلان كۇلۇبى ئۆزىنىڭ ياۋرۇپادىكى كۈچلۈك كۇلۇپ ئىكەنلىكىنى بىلدۈرۈپ قويدى. ۋە شۇنداقلا 1993- يىلى فىرانسىيەنىڭ مېرسىلىيا كۇلۇبىغا ئۇتتۇرۇپ قويۇپ 1994- يىلى يەنە لوڭقىنى قايتۇرۇۋالدى.

1992-1993 يىللىق مۇسابىقە پەسلىدە ‹‹ياۋرۇپا كۇلۇپلارلوڭقىسى›› دىگەن ئىسىم تارىخقا ئايلىنىپ ھازىرقى ‹‹ئوزغۇنلار لوڭقىسى›› دىگەن ئىسىم بارلىققا كەلدى. شۇنداقلا تۈزۈملىرىدە ئۆزگىرىش بولدى. 32 كۇلۇپ گۇرۇپپىغا بۆلۈنۈپ ئوينايدىغان ۋە تەييارلىق مۇسابىقىسى ئوينايدىغان قائىدىلىرى بارلىققا كەلدى.

      پۇتبولنىڭ خوشاللىقى بولغاندەك ھەسرىتىمۇ بولغان. مىيونخىن ۋەقەسى بۇ قايغۇلارنىڭ بىرسى.
مانچىىستېر بىرلەشمىسى ياۋرۇپادىكى كۈچلۈك كۇلۇپ. 1958-يىلى بۇ كۇلۇپنىڭ بىر قىسىم مۇنەۋۋەر ئەزالىرى بىر قېتىملىق ئېچىنىشلىق ئايرۇپىلان ھادىسىدە ۋاپات بولدى.بېلگىرادتىن ئەنگىلىيەگە ئۇچقان ئايرۇپىلان مىيونخىندا بىر ئۆيگە سوقولۇپ ئىككى پارچە بۇلۇپ كىتىدۇ ۋە نەق مەيداندا 7 پۇتبولچى، تېرىنىر، مۇخبېر ۋە كۇلۇپ ئەزالىرىدىن بۇلۇپ نەچچە كىشى ئۈلىدۇ ۋە يارلىندۇ. يارلانغانلارنىڭ ئىچىدە 21 ياشلىق دانكىن ئېدۋاردىز ئىسىملىك بىر چولپانمۇ بار بۇلۇپ شۇ چاغدا پۇتبولچىلارنىڭ ئالدى ئىدى. يارلىنىپ 15 كۈندىن كىيىن يارىنىڭ تەسىرىدىن ۋاپات بۇلىدۇ.
يارلانغانلارنىڭ ئىچىدە يەنە ئېغىر يارلانغان تېرىنىر مات بوسپىمۇ بۇلۇپ ئۇزۇن يىل ھايات-مامات ئارىسىدا كۈرەش قىلغان. يەنە بوبى چارىلتون، بېل فولكىس، قاپقىچى ھارى گىرىگمۇ يارلانغانلار ئارىسىدا بار ئىدى.
ئەسلەشكە تىگشلىك بىر ئىش يەنى ھادىسە بۇلۇپ 10 يىلدىن كىيىن مانچىستېر كۇلۇبى ھادىسىدىن ئامان قالغان مات بوسپىنىڭ يىتەكچىلىگىدە بېنفىكا كۇلۇبىنى يىڭىپ ئوزغۇن بولدى. ئامان قالغان فولكىس بىلەن چارىلتون غوللۇق ئەزالار بۇلۇپ چارىلتون شۇ يىلى مۇنەۋۋەر توپچى بۇلغان. شۇنداقلا 1966-يىلى ئېنگىلاندنىڭ دۇنيا لوڭقىسىدا چىمپىئون بۇلىشى دەل چارىلتوننىڭ تۆھپىسى ئىدى.
ھادىسىدىن بۇرۇنقى شۇ ئەۋلادلار قاتناشقان مۇسابىقىلىرىدە ئوزغۇن بولغان،1955-1956 پەسلىدە بىرلەشمە چىمپىئونى بولغان بۇلۇپ ئوتتۇرىچە يىشى 22 ياش ئىدى.


         بۇ قايغۇلارنىڭ يەنە بىرسى ھېيسىل پاجىئەسى.
مىيونخىن ۋەقەسىدىن 27 يىل كىيىن بىلگىيەنىڭ پايتەختى بىر يوسسىلدا يەنە بىر ئېچىنىشلىق پاجىئە بولدى. (بۇ توغرۇلۇق تېما يوللانغان، مەن قايتىلىمايمەن). 1985-يىلى 29 ماي  يۇۋېنتۇس بىلەن لىۋېرپۇل ئوتتۇرسىدىكى ھەل قىلغۇچتا يۇۋېنتۇس كۇلۇبى پىلاتىنىنىڭ گۇمانلىق بىر نۇقتا توپى (پولشالىق بونىكنىڭ چەكلەنگەن رايوننىڭ نەچچە سانتىمىتىر تېشىدا قىلغان خاتالىقى)  بىلەن 1-0 يىڭىپ ئوزغۇن بولدى.
بۇ پاجىئەدىن كىيىن ياۋرۇپا پۇتبولچىلار بىرلەشمىسى ئېنگىلاند كۇلۇپلىرىنى 5 يىل لىۋېرپۇل كۇلۇبىنى 10 يىل (7 يىلغا چۈشكەن) ئوزغۇنلۇققا قاتنىشىشتىن چەكلىدى.


          پۇتبولنىڭ قايغۇسى بولغىنىدەك سەتچىلىكلىرىمۇ بار.
1992-يىلى فىرانسىيەنىڭ مارسېل كوماندىسى يۇگۇسلاۋىيەنىڭ بېلگىراد قىزىل يۇلتۇز كوماندىسى تەرىپىدىن نۇقتا توپتا يىڭىلىپ كەتتى. ئارىدىن بىر يىل ئۈتۈپلا 1993-يىلى توپچىسى بازىل بولىينىڭ بىر كاللا توپى بىلەن ئىتالىيەنىڭ مىلان كوماندىسىنى ھەل قىلغۇچتا يىڭىپ فىرانسىيە كۇلۇپلىرىنىڭ تۇنجى ئوزغۇنلۇق لوڭقىسىنى ئىگىز كۆتەردى. لىكىن ئۇلارنىڭ خوشاللىقى ئۇزۇنغا بارمىدى. ئەسلىدىلا ئۇششاق چاتاقلىرى بىلەن تۇنۇلغان  كۇلۇپ رەئىسى بېرنار تابىنىڭ فىرانسىيە بىرلەشمىسىدىكى يەنە بىر كۇلۇپ فالىنسىيان بىلەن بولغان پارە بېرىش قىلمىشى پاش بولدى. شۇنىڭ بىلەن مارسېل كۇلۇبى ب دەرىجىگە چۈشۈپ 1993-1994 مەۋسۈملۈك ئوزغۇنلۇقتىن مەھرۇم قىلىندى.
شۇ چاغدىكى مارسېل كۇلۇبى ئارقىمۇ-ئارقا 5 قېتىم بىرلەشمە ئوزغۇنى بولغان بۇلۇپ، فابىئان بارتېز، دىيدى دىچامپېس، بازىل بولى، مارسېل دوسايلى، گىرمانىيەلىك رودىي ۋوللېر، گانالىق ئابىدى بىلى، كىرودىيەلىك ئالان بوكسىيتىشتەك مۇنەۋۋەر چولپانلىرى بولغان ئىدى.


        توپخۇمارلارنىڭ بۇلۇپمۇ مانچىستېرلىقلارنىڭ ئىسىدىن چىقمۇغۇدەك ئەسلىمىلەر بولغان.
1999-يىلى 5-ئاينىڭ 26-كۈنى. بارسىلونانىڭ مەيدانى كامپ نوغا 90000 دىن ئارتۇق تاماشىبىن يىغىلغان بۇلۇپ، ئىتالىيەلىك داڭلىق رېپىر پىيارلوجى كولىنانىڭ پۇشتەك چېلىپ مانچىستېر بىرلەشمىسى كوماندىسى بىلەن بايرىن مىيونخىن كوماندىسى ئارىسىدىكى ھەل قىلغۇچنى باشلىشىنى ساقلاپ تۇراتتى. پۇشتەك چىلىنىپ ئۇزۇن ئۆتمەي بايرىندىكى مارىئو باسلىر ئىختىيارى توپ بىلەن دەسلەپ قىلىۋالدى. نەتىجە 90 مىنۇت 1-0 ھالەتتە داۋاملاشتى. قوشۇپ بېرىلگەن ۋاقىتتا مانچىستېر ئېرىشكەن بىر بۇلۇڭ توپنى بېكھام كۆتۈردى، قالايماقانچىلىقتا توپ يوركتىن، گېگىستىن پاسلىنىپ شېرىنھامنىڭ پۇتى ئارقىلىق كىردى. 1-1 تەڭلەشتى. ئەمىلىيەتتە گىرمانلارنى ساقلاۋاتقىنى بۇنىڭدىنمۇ ئېچىنىشلىق نەتىجە بۇلۇپ يەنە بىر بۇلۇڭ توپ پۇرسىتىگە ئېرىشكەن مانچىستېر توپچىسى بېكھام توپنى كۆتۈردى. توپ شېرىنھامنىڭ كاللىسىدىن قاڭقىپ سوسكىيارنىڭ پۇتىغا چۈشۈپ يەرگە تەگمەي كىردى. ئىككى مىنۇتنىڭ ئىچىدە بولغان بۇ ئۆزگىرىش گىرمانلارنىڭ قۇلىغا كىلىپ بولغان لوڭقىنى ئېنگىلاندلىقلارنىڭ قۇلىغا تۇتقۇزدى. بۇ نەتىجىنى بايرىنلىقلار قۇبۇل قىلالمايۋاتاتتى، مانچىستېرلىقلارمۇ ئىشەنگىسى كەلمىگەندەك قىلاتتى، لىكىن بۇ ئەمەلى نەتىجە ئىدى. شۇنداق قىلىپ مانچىستېر 2-ئوزغۇنلۇق لوڭقىسىنى ئالدى.

                                    لوڭقا سانى

ئىسپانىيە كۇلۇپلىرى لوڭقىنى ئەڭ كۆپ  ئالغان بۇلۇپ 13 لوڭقىسى بار. ئىتالىيە كۇلۇپلىرى 12 لوڭقا بىلەن ئىككىنجى، ئېنگىلاند 11 لوڭقا (چېلسىنىڭ يىڭى لوڭقىسى بىلەن12) بىلەن ئۈچىنجى ئورۇندا بۇلۇپ 7 قېتىم ھەل قىلغۇچتا مەغلۇپ بولغان. گىرمانىيە 6 لوڭقا بىلەن تۆتىنجى، گوللاندىيە 6 لوڭقا بىلەن بەشىنجى (گىرمان 7  ھەل قىلغۇچ قېتىم ئوينىغان)، پورتۇگالىيە 4 لوڭقا بىلەن ئالتىنجى (5 قېتىم ھەل قىلغۇچتا مەغلۇپ بولغان)، فىرانسىيە، رومانىيە، شوتلاندىيە، سابىق يۇگۇسلاۋىيە بىر قېتىمدىن لوڭقا ئالغان.

كۇلۇپلار ئىچىدە رىئال مادرېد 9 لوڭقا بىلەن بىرىنجى، مىلان 7 لوڭقا بىلەن ئىككىنجى، لىۋېرپۇل 5 لوڭقا بىلەن ئۈچىنجى، بايرىن، بارسىلونا، ئاجاكىسلار تۆتتىن لوڭقا ئالغان. مانچىستېر بىلەن ئىنتېر ئۈچتىن، يۇۋېنتۇس، بېنفىكا، نوتىنھام فورېست ۋە پورتو قاتارلىق كۇلۇپلار  ئىككىدىن ئالغان.


                   مەرگەنلەر

1-رائول                              ئىسپانىيە                          71 توپ.
2-ۋان نېستىلىروي                گوللاندىيە                         60 توپ.
3-شېفشىنكو                       ئوكرائىنا                           59 توپ.
4-ھېنرىي                           فىرانسىيە                          51 توپ.
5-ئىنزاگى                          ئىتالىيە                             50 توپ.
6-دى سىتىفانو                  ئارگىنتىنا                           49 توپ.
7-مىسسى                        ئارگىنتىنا                           49 توپ.
8-ئوسىبىئو                      پورتۇگالىيە                          46 توپ.
9-دىل پېيرو                     ئىتالىيە                              44 توپ
10-موريانتىس                  ئىسپانىيە                            39 توپ.
11-پوسكاس                     ۋېنگىرىيە                           36 توپ.
12-گىرىد مۇللېر                گىرمانىيە                          34 توپ.
13-دىروگبا                       كوتىدىۋور                         34 توپ.
14-تىرىزىگىت                    فىرانسىيە                         32 توپ.
15-رونالدو                      پورتۇگالىيە                         32 توپ.
16-زىنىيوف                      ئوكرائىنا                             31 توپ.
17-رىۋالدو                      بىرازىلىيە                            31 توپ.
18-ئىيتو                        كامىرون                              30 توپ.
19-كىلويىۋىرت               گوللاندىيە                           30 توپ.
20-ھىنتو                      ئىسپانىيە                             30 توپ.

ئەلبارىس

نوردىنھام ئورمانلىقلار  شۇ بىر لوڭقىنى ئېلىپ قويۇپ ....ھازىر ب دەرىجىدە سەرگەردان بولۇپ يۈرىيدۇ. تېخى كۇلۇب تارقىلىپ كېتەي دەپ قالغاندا ، قايسى بىر سودىگەر سېتىۋاپتىغۇ.

زېرەك

ما تېمىدىن خېلى ئىشلارنى بىلىۋالدىم جۇمۇ

missi2

مەرگەنلەر تەرتىۋىدە خاتالىق باركەن، مىسسى بىلەن رونالدو ئۇنچىلىك ئارقىدا قالغان ئەمەس

قىلىچ

ئەلبارىس يوللىغان ۋاقتى  2013-1-19 18:26
نوردىنھام ئورمانلىقلار  شۇ بىر لوڭقىنى ئېلىپ قويۇپ ....ھ ...

بىر قېتىم ئەمەس ئىككى قېتىم ئالغان ...  

قىلىچ

رائۇلنىڭ ھەممىسى چىمپىيونلۇق بىرلەشمسىدىكى ئەمەس ...

kakkuk11

ئاۋۇ نوتىنھام دېگەن قايسى كۇلۇپ  توتىنھام مۇ يا.....

almas0903

باشقا زەردارلارنىڭ مادرىدقا يىتىشىدىغىنىغا يەنە خېلى باركەن جۇمۇ 9 قېتىم ئالغان بولسا !

فاتىخ 204

مادرىت 9 قېتىم ئالغان ،،،  بۇنىڭغا يېتىش ئۇچۇن مىلاندىن باشقا كوماندىلارغا كام دىگەندە 20 يىل كېتەرمىكىن ،، ئەمما 20 يىلغىچە مادرىت ماڭا يىتىشىۋال دەپ قاراپ  تۇرمايدۇدە ،،،،   تۇزۇم ئوزگەرگەندىن كىيىن تېخى بىرەر كولۇپ ئۇدا چىمپىيۇن بوپ باقمىدى ،،،   ئىسپان بىرلەشمىسى ئەڭ كوپ ئالغان ئىكەن ،،،  ھەقىقەتەن ھەممە بىرلەشمىسىنىڭ ئالدىغا تىزىلىشقا لايىق بىرلەشمە ،،،  

فاتىخ 204

مەرگەنلەر قاتارىدا مېسسى ئۇچىنجى ئورۇندا 56 توپ بىلەن ،،،