بىر ھەپتىلىك مۇنەۋۋەر سەپ شەكلى (2013.01.15)

باھادىر

     بىيجىڭ ۋاقتى 1-ئاينىڭ 8-كۈنىدىن 1-ئاينىڭ 14-كۈنىگىچە ، ياۋرۇپادىكى دۆلەتلەر بىرلەشمىرىنى داۋاملاشتۇردى . ئېنگلاند بىرلەشمىسىدە ئىككى مەيدان كۈچلۈكلەر ئۇچرىشىشى ئوينالدى ، مانچىستېر بىرلەشمىسى ۋە مانچىستېر شەھىرى ئايرىم-ئايرىم ھالدا رەقىبلىرى لىۋېرپۇل ۋە ئارسىنالنى يەڭدى . ئىسپانىيە بىرلەشمىسى تەرەپتە بارسىلونا رېكورت ياراتتى ، رېئال مادرىد يەنە مۇسابىقىدە يېڭەلمىدى . ئىتالىيە بىرلەشمىسىدە يۇۋىنتۇس ۋە ACمىلان ھەر ئىككىلىيسى رەقىپلىرى بىلەن تەڭلىشىپ قالدى ، ئېنتىر مىلان بولسا ئوڭۇشلۇق ھالدا 3 نومۇر ئالدى . تۆۋەندىكىسى تىڭشۈن تەنتەربىيسى خەلقئارا پۇتبول تەھرىر بۆلۈمى باھالاپ چىققان بىرھەپتىلىك مۇنەۋۋەر قوشۇن سەپلىمىسى . (3-4-3 سەپ شەكلى)

ۋاراتار : ئاببىئاتى(ACمىلان)

     ACمىلان فېرارىس توپ مەيدانىدا بىر مەيدان بۇرۇقتۇرما تەڭلىشىشكە ئېرىشتى ، پۈتۈن مەيداندا ئىپادىسى ئەڭ ياخشى بولغىنى ۋاراتار ئاببىئاتى ، ئۇ 5 قىتىم توپنى ئۈنۈملۈك توسۇپ چىقارغان بولۇپ ، سامپدورىئانىڭ نەچچە قىتىملىق تەھدىتكە ئىگە توپىنى توسۇپ چىقارغان . ئىتالىيە تاراتقۇلىرىنىڭ دېگىنىدەك :«ئاببىئاتىنىڭ ئاجيىپ باتۇرلىقى بۇ مەيدان قىزىل قارا قوشۇنىنىڭ بىردىنبىر يارقىن نوقتىسى .»

ئوڭ بىك : زابالېتا(مانچىستېر شەھىرى)

     يان تەرەپتە زابالېتانىڭ ئەجەللىك پاسلىرى مانچىستېر شەھىرىنىڭ ئاساسلىق ھۇجۇم ۋاستىسى ، بۇ ئايلانمىدا ئارگېنتىنالىقنىڭ ئىپادىسىمۇ پۇختا ھەم ئىشەنچىلىك بولدى . ئارسىنال سول بىكى جىببس بىلەن بولغان تۇتۇشۇشتا ، زابالېتا رەقىبىنى ئۈزۈل كىسىل مەغلۇپ قىلدى ، ئۇنىڭ ئوڭ تەرەپنى يىتەكلىشى مانچىستېر شەھىرىنىڭ مۇسابىقىدە يېڭىشىدىكى مۇھىم ھۇجۇم يولى بولۇپ قالدى .

ئوتتۇرا بىك : ۋىدىچ(مانچىتېر بىرلەشمىسى)

     ۋىدىچنىڭ ساقىيىپ چىققانلىقى مانچىتېر بىرلەشمىسىنىڭ مۇداپىيە سېپىنى تېخىمۇ مۇستەھكەملەشتۈردى ، نەچچە مەيدان مۇسابىقىدە 、ئۆزىنى تەڭشىگەندىن كېيىن ، بۇ دۇنيا دەرىجىلىك ئوتتۇرا بىك ئاستا-ئاستا مۇسابىقىگە بولغان سەزگۈسىنى تاپتى . بۇ ئايلانمىدىكى قوش قىزىل جېڭىدە ۋىدىچنىڭ سۇئارېزغا بولغان مۇداپىيەسى ئىنتايىن ياخشى بولدى ، بۇمۇ مانچىستېر بىرلەشمىسىنىڭ ئەڭ ئاخىرىدا ئوڭۇشلۇق 3 نومۇر ئىلىشىنىڭ سەۋەبى .

سول بىك : ئېۋرا(مانچىتېر بىرلەشمىسى)

     بۇ مۇسابىقە پەسلىدىكى ئېۋرانىڭ ھۇجۇم تەرەپتىكى ئىپادىلىرى كىشىلەرگە چوڭقۇر تەسىرات قالدۇردى . لىۋېرپۇل بىلەن بولغان ھالقىلىق مۇسابىقىدە ، ئېۋرا ئاۋۋال ۋان پېرسىنىڭ توپ ئۇرۇشىغا ئەجەلىك پاس بەردى ، ئارقىدىنلا كاللا توپى ۋىدىچكە سۈركۈلۈپ قاپقىغا كىردى . زادى قانداق بولۇپ فرانسۇس سول بىكى تۇيۇقسىزلا كاللا توپ ئىقتىدارىنى ئۆزلەشتۈرىۋالغاندۇ ؟ بۇنى پەقەت تەڭرىلا بىلسە كېرەك .

ئوتتۇرا مەيدان : فابرېگاس(بارسىلونا)

     كۈتكىنىدەك مالاگانى ئۇتقان مۇسابىقىدە ، بارسىلونا سىپىدە مېسسىدىن سىرت ، فابرېگاسنىڭ ئىپادىسى ئالاھىدە ياخشى بولدى . ئۇنىڭ كىرگۈزگەن توپى بارسىلونا ئەزالىرىنىڭ ئارىسىدىكى ماسلىشىشچانلىقنى كۆرسۈتۈپ بەردى ، ئۇنىڭ بۇ توپى يىراقتىن قاپقا تۈۋرۈكىنى دەل نىشانلاپلا كىرگۈزگەندەكلا قىلاتتى . فابرېگاس تۇراقلىق ھالىتىنى ياخشى ساقلاپ كەلدى ، بۇمۇ بارسىلونىڭ ئوتتۇرا مەيداندىكى ھەيۋىسىنى تېخىمۇ چوڭايتتى .

ئوتتۇرا مەيدان : مىلنېر(مانچىستېر شەھىرى)

     مانچىستېر شەھىرى بىلەن ئارسىنال جېڭىدە ، مىلنېرنىڭ ئالدىنقى يېرىم مەيداندىكى ئىپادىسىنى مۇكەممەل دېيىشكە بولىدۇ . يېشىمسىز ئۇرغان بىر توپى مانچىستېر شەھىرىنى ئۈستۈنلۈككە ئىرىشتۈردى . ئارقىدىن ئۇنىڭ چىرايلىق بىر پىسى تېۋېزنى قاپقىغا ئۇرۇش پۇرسىتىگە ئىرىشتۈردى ، ئارقىدىنلا زېكو تولۇقلاپ ئۇرۇپ نومۇر ئالدى . شەك-شۈبھىيسىزكى ، بۇ ئايلانمىدىكى مانچىستېر شەھىرىنىڭ غەلبىسى مىلنېرنىڭ تۆھپىسى .

ئوتتۇرا مەيدان : ماتا(چېلسى)

     چېلسى 4 دە 0 غالبە قىلغان مۇسابىقىدە ، ماتا گەرچە توپ كىرگۈزمىگەن بولسىمۇ ، لېكىن بۇ 4 توپنىڭ ھەممىسى ئۇنىڭ بىلەن مۇناسىۋەتلىك . ۋالتېرسمنىڭ ئۆز قاپقىسىغا كىرگۈزىۋەتكەن ئىككى توپىنىڭ ، بىرسى ماتانى مۇداپىيە قىلغاندا كىرىپ كەتكەن ، يەنە بىرسى ماتانىڭ چىقارغان كورنېر توپىدىن بولغان . لامپاردنىڭ نوقتا توپىنى ماتا ياراتقان ، خازاردنىڭ يىراقتىن ئۇرغان توپى يەنە شۇ ماتانىڭ ئەجەللىك پىسى . مۇشۇنداق يۇقىرى ئۈنۈملۈك ئوتتۇرا مەيدان موتۇرى مۇنەۋۋەر قوشۇن سەپلىمىسىگە كىرمىسە قاملاشماس .

ئوتتۇرا مەيدان : پىرلو(يۇۋىنتۇس)

     گەرچە يۇۋىنتۇس بۇ ئايلانمىدا 3 نومۇر ئالالمىغان بولسىمۇ ، پىرلو يەنە بىر ئىختىياري توپنى كىرگۈزدى (بەزى تاراتقۇلار بۇنى بىئابىئانىنىڭ ئۆز قاپقىسىغا كىرگۈزگەن توپى دەپ ھېسابلىدى) ، بۇ مۇسابىقە پەسلىدە ئۇ جەمئىي 5 توپ كىرگۈزگەن بولۇپ ، ھەممىسى ئىختىيارىي توپتىن كەلگەن . مۇشۇنداق پىرلار دەرىجىسىدىكى توپچى بولغاچقا ، يۇۋىنتۇسنىڭ ئوتتۇرا مەيدانى كىشىنىڭ زوقىنى كەلتۈرىدۇ .

ھۇجۇمچى : ۋان پېرسى(مانچىستېر بىرلەشمىسى)

     چوڭ سەھنە ئەپەندىسى ! مانچىستېر بىرلەشمىسىنىڭ ۋان پېرسىنى سېتىۋىلىشى ھەقىقەتەن بەكمۇ ئەرزىدى ! لىۋېرپۇل بىلەن بولغان تۇتىشىشتا ، ۋان گېنېرالنىڭ كىرگۈزگەن توپى مانچىستېر بىرلەشمىسىگە خاتىرجەم قىلىش كومىلىچى يىگۈزدى ، كەينىدىن ھودۇقمايلا بۇ ئايلانمىنىڭ 3 نومۇرىنى ئالدى ، رۇنى يارلانغان ئەھۋال ئاستىدا ، ۋان پېرسىنىڭ مەۋجۇتلۇقى فېرگۇسوننىڭ ئەندىشىسىنى بىتجىت قىلدى . ئۇ ئېنگلاند بىرلەشمىسىدىكى ئەڭ مۇنەۋۋەر يۆتكەلگۈچى !

ھۇجۇمچى : پالاسىئو(ئېنتىر مىلان)

     چىرايلىق توپ توختىتىشقا ئۇلاپلا بەدەن بۇراپ قاپقىغا كۈچۈپ تىپىپ توپ كىرگۈزۈش . پالاسىئو مىللىتودىن ئىشىپ بۇ مۇسابىقە پەسلى ئېنتىر مىلان كوماندا ئىچىدىكى مەرگەنلەر شاھى بولۇپ قالدى . كەينىدىنلا ئۇ يەنە گۇارىنغا ئەجەللىك پاس بېرىپ غەلبىنى مۇقىملاشتۇردى . پاسكارا بىلەن بولغان مۇسابىقىدە ، پالاسىئو ئالدى مەيداندا ناھايىتى ئاكتىپ ھەرىكەت قىلدى ، دەل ئۇنىڭ تىرىشچانلىقى كۆك قارا قوشۇنىغا قىممەتلىك 3 نومۇرنى ئىلىپ كەلدى .

ھۇجۇمچى : مېسسى(بارسىلونا)

     ئىسپانىيە بىرلەشمىسىلا ئەمەس ، پۈتۈن دۇنياغا كۆز يۈگۈرتسەك ، مېسسىنىڭ ھۇجۇمىنى توسىۋالالايدىغان بىرەر مۇداپىيە سېپى بولمىسا كېرەك . مالاگا بىلەن بولغان جەڭدە ، ئالتۇن توپ ئەپەندىسى بىر توپ كىرگۈزۈپلا قالماي ، يەنە ئىككى ئەجەللىك پاس بىلەن سەپدىشىنىڭ توپ ئۇرۇشىغا ياردەم قىلىپ ، ئۆزى بىر مەيدان غەلبىگە رەھبەرلىك قىلدى . شۇنداقلا 2013-يىلى ئۈچۈن ياخشى باشلىنىش باشلىدى .

زاپاس ئەزالار : كاررىك(مانچىستېر بىرلەشمىسى) ، سولدادو(ۋالېنسىيا) ، دىناتالې (ئۇدىنېس) ، جىلاردىنو(بولوگنا)

     كاررىك : مانچىستېر بىرلەشمىسى ۋە لىۋېرپۇلنىڭ قوش قىزىل جېڭىدە ، كاررىك ئوتتۇرا مەيداندا مۇداپىيە ۋە ھۇجۇمغا تەڭلا كۈچەپ ، ئۆزىنىڭ ئەتراپلىق ئەمەلىي كۈچىنى نامايەن قىلدى . شۇنداقلا مانچىستېر بىرلەشمىسى غەلبىسىنىڭ تۆھپىكارى بولۇپ قالدى .
     سولدادو : سېۋىلىيا ھەرگىز ئاجىز كوماندا ئەمەس ، لېكىن ئاخىرىدا ۋالېنسىيا ئىككى توپ بىلەن ئۇتۇپ چىقتى . سولدادو ئىككى توپ كىرگۈزۈپ ، پۈتۈن مەيداندىكى ئىپادىسى ئەڭ ياخشى توپچى دەپ ئاتالدى .
     دىناتالې : ئەمەلىي كۈچى ئادەتتىكىچە بولمىغان فىلورېنسېنى يەڭگەن مۇسابىقىدە ، ئۇدىنېس قېرى ئەزاسى دىناتالېنىڭ تۆھپىسى ئەڭ چوڭ ، ئىىكى ھالقىلىق توپ دەل ئۇنىڭ تۆھپىسى .
     جىلاردىنو : بولوگنادىمۇ بىر قېرى ئەزا — جىلادىنو بار ، بۇ ئايلانمىدا ئۇمۇ ئىككى توپ كىرگۈزۈپ ، يېقىندىن بۇيان ھالىتى ياخشى بولىۋاتقان چېۋونى يەڭدى .

مەنبە : تىڭشۈن تەنتەربىيسى

( تىڭشۈن تەنتەربىيسى مۇشۇنىڭدەك ھەپتىلىك مۇنەۋۋەر قوشۇن سەپلىمىسىنى ئاساسەن ھەر ھەپتىدە باھالاپ چىقىدۇ ، مەنمۇ خېلىدىن بېرى دىققەت قىلىپ كەلگەن ، ئەگەر مۇنبەرداشلارغا يارىغان بولسا ، بۇندىن كېيىن ھەر ھەپتىدىكى مۇنەۋۋەر قوشۇن سەپلىمىسىنى كۆپچىلىكنىڭ ھوزورىغا  سۇنىمەن . )

نامەلۇم

ئىنتېردىكى  پالاشىئو  ۋارتادىمۇ  ئۇبدان تۇرۇدىكەن  بولمىسا

messi-10

كىرىستىيانو رونالدۇ يوقيا ؟

hakan801

messi-10 يوللىغان ۋاقتى  2013-1-15 15:07
كىرىستىيانو رونالدۇ يوقيا ؟

تېڭشۇننىڭ تىزغىنى ئىكەن

messi-10

hakan801 يوللىغان ۋاقتى  2013-1-15 15:15
تېڭشۇننىڭ تىزغىنى ئىكەن

مەنمۇ شۇنى دەيمەن  رونالدو ئايرىلىپ قالسا قانداق بولىدۇ

messi8888

رونالدو ئالدىنقى مەيدان مۇسابىقىگە قاتنىشالماي چاتاق بوپتىدە ، بولمىسا بۇ تىزىملىكتىن قالمايتى ھەقىچان.
تېما ئىسمىنى  «ھەپتىلىك نادىر سەپ شەكلى»  دىسەك قاملىشامىكىن دەيمەنغۇ ، مۇنەۋەر قوشۇن سەپلىمىسى دىسە سەل ئېغىزى كەلمەيدىكەن.

قىلىچ

توۋا دەيمەن ... كارىك كىرەمەپتىما ... زاپاس قىپ قويغان گەپ

ئوسكار

تېڭشۈندىكى بىكا تەلەتلەرنىڭ تىزغىنىكەن بۇ .    ئىزا تارىتمىسا خڭدادىن بىر -ئىككىنى قوشۇپ قويۇشتىن يانمايدۇ .

messi8888

ئوسكار يوللىغان ۋاقتى  2013-1-15 15:29
تېڭشۈندىكى بىكا تەلەتلەرنىڭ تىزغىنىكەن بۇ .    ئىزا  ...

خىېڭدا ئارام  ئېلىپ قالدى دە، بولمىسا راسلا ماۋۇ بەسەيدىن بىرى كىرەتتى

زېرەك

messi-10 يوللىغان ۋاقتى  2013-1-15 15:07
كىرىستىيانو رونالدۇ يوقيا ؟

بۇ ئايلانمىدا رونالدۇ كارتا يىغىلىپ قېلىش سەۋەبلىك مۇسابىقە ئوينۇمىغان .

sarang

كاررىكنى كىرگۈزمىگىنى سەل قاملاشماي قاپتۇ ،ئۇ بۇلمىسا مانچىستىر ئوتتۇرا مەيداندىكى توپ كونتىرول ھۇقۇقىنى لىۋىرپولغا تارىتقۇزۇپ قۇياتتى،ئۆز مەيدانىدىلا مەغلۇپ بولغان بۇلاتتى،كاررىك سەن بۇ يىل بىر قاتتىق  سىناقتىمۇ مۇشۇنداق ئوينالىساڭ ئاندىن نامىڭغا چۇشلۇق ئىش قىلغان بۇلىسەن ، ئۇ سىناق مادرىد بىلەن بولغان چېمپىيۇنلۇق مۇسابىقىسى