- تىزىملاتقان
- 2008-11-12
- ئاخىرقى قېتىم
- 2013-10-25
- ھوقۇقى
- 150
- جۇغلانما
- 1434
- نادىر
- 38
- يازما
- 1434
 
|
قىسقىچە ئىزاھات
خەلىقئارا پۇتبول سەھنىسىدە «1دە0 نوقتىئىينەزىرى» ئاندا – مۇندا ئۇچقاپ تۇرىدىغان بولۇپ بۇ نوقتىئىينەزەرگە ئەڭ پىششىق بولغىنى ACمىلان كوماندىسى بولۇپ ئىلگىرى كوماندىنى يىتەكلىگەن تۆھپىكار تىرىنىر كاپىرونىڭ يىتەكلىشى ئاستىدا بىر پەسىللىك مۇسابىقە ئارقىلىق «1دە0 نوقتىئىينەزىرى»نى ۋۇجۇتقا چىقارغان. پۇتبول تارىخىدا «1دە0 نوقتىئىينەزىرى»نى بۇرۇن قوللانغان دۆلەت كوماندىسى بولسا ئىتالىيە دۆلەت كوماندىسى بولۇپ «زەنجىرسىمان مۇداپىئە» ۋە «بىتون مۇداپىئە» سەپلىرى ئىتالىيە كوماندسىىنىڭ مۇۋاپپىقيەت قازانغان پۇتبول پەلسەپىسى ھىساپلىنىدۇ.
تارىخى
ئەينى ۋاقىتلاردىكى ACمىلان ۋە يۇۋىنتۇس كوماندىلىرىدا تىرىنىر بولغان كاپىرونىڭ ئەڭ داڭلىق ئىستىراتىگىيىسى «1دە0 نوقتىئىينەزىرى» بولۇپ ئۇنىڭ كوماندىسى نومۇر ئېلىۋالغاندىن كىيىنلا يەڭگىللىك بىلەن ئالدىغا بېسىپ كىرمەي غەلبە نەتىجىسىنى ساقلاشقا تۇراتتى.
ئوخشاشلا ئىتالىيە aدەرىجىلىك بىرلەشمىسىدە ACمىلان كوماندىسىغا تىرىنىر بولغان ئەنچىلودىمۇ «1دە0 نوقتىئىينەزىرى»نىڭ يەنە بىر راۋاجلاندۇرغۇچىسى .
2002-2003-مۇسابىقە پەسلى چىمپىيۇنلۇق لوڭقىسى مۇسابىقىسىنىڭ ئىككىنجى ئايلانما گۇرۇپپا مۇسابىقىسىدە 4قېتىم 1دە0 نەتىجە كۈرۈلگەن، ACمىلان ياۋرۇپا دەرجىدىن تاشقىرى مۇسابىقىسىدە 1دە 0نەتىجە بىلەن پورتۇ كوماندىسىنى مەغلۇپ قىلغان.2003-2004-مۇسابىقە پەسلى چىمپىيۇنلۇق لوڭقىسى مۇسابىقىسى گۇرۇپپا مۇسابىقىسىدە يەنە 3مەيدان 1دە 0 نەتىجە كۈرۈلگەن، شۇ مۇسابىقە پەسلى رۇجىستىۋا بايرىمى ئالدىدىكى 13مەيدان مۇسابىقىنىڭ ئىچىدە 6مەيدان مۇسابىقە 1دە 0 نەتىجە بىلەن ئاياقلاشقان. شۇ ۋاقىتتا ئەنچىلودى مۇنداق باھا بىرىدۇ:«بىزنىڭ 1دە 0؟،بۇ ئىسپات بىزنىڭ بۇ مۇسابىقە پەسلىدىكى پارلاق ئەمىليىتمىز، زور دەرىجىدىكى تەمكىنلىكىمىز ئارقىلىق تېخىمۇ يۇقىرى كۈتۈرۈلدى.» ئەنچىلودىنىڭ بۇ «1دە0 نوقتىئىينەزىرى»توغرىسىدىكى پىكىرى كىشىلەرنى چوڭقۇر ئويلنىشقا مەجبۇر قىلدى.
نوقتىئىينەزىرى»نىڭ يېڭى يەشمىسى
ئىسپانىيە يەشمىسى يېڭى «1دە0 نوقتىئىينەزىرى»
2010-يىللىق جەنۇبى ئافرىقا دۇنيا لوڭقىسى پۇتبول مۇسابىقىسىدە ئىسپانىيە دۆلەت كوماندىسى يەنە بىر قېتىم «1دە0 نوقتىئىينەزىرى»نى روياپقا چىقىرىپ يېڭىچە «1دە0 نوقتىئىينەزىرى»نىڭ ئۈزىگە تەۋە ئىكەنلىكىنى ئىسپاتلاپ بەردى. ئىسپانىيە كوماندىسى 2010-يىللىق جەنۇبى ئافرىقا دۇنيا لوڭقىسى پۇتبول مۇسابىقىسىدە گۇرۇپپا مۇسابىقىسىدىن كىيىنكى بارلىق مۇسابىقىلىرىدە 1دە 0نەتىجە بىلەن غەلبە قىلدى. 8كۈچلۈك مۇسابىقىسىدە ئىسپانىيە 1 – 0 پورتۇگالىيە، 4كۈچلۈك مۇسابىقىسىدە ئىسپانىيە 1 – 0 پاراگۋاي، يېرىم ھەل قىلغۇچ مۇسابىقىسىدە ئىسپانىيە 1 – 0 گىرمانىيە، ھەل قىلغۇچ مۇسابىقىدە ئىسپانىيە 1 – 0 گوللاندىيە.
ھوجۇمسىمان پەلسەپىسى
ئىسپانىيەنىڭ «يېڭى 1 دە 0 نەزىريىسى »بىر خىل ھوجۇمسىمان پۇتبولنىڭ يېڭى تەلىماتى بولۇپ ئۇ ھەم «مورىنيۇ نوقتىئىينەزىرى»گە قارشى بولغان نوقتىئىينەزەر ھىساپلىناتتى يەنى مورىنيۇنىڭ نوقتىئىينەزىرى قالقان بولسا ئىسپانىيەنىڭ يېڭى «1 دە 0 نوقتىئىينەزىرى» نەيزە ئىدى.
دۇنيا لوڭقىسى مۇسابىقىسىدە كوماندىلار مۇداپىئەنى ئاساس قىلىشتا چىڭ تۇرىۋاتقان ۋاقىتتا ئىسپانىيە كوماندىسى قەدەممۇ – قەدەم قىستاپ توپنى پۇت ئاستىدا مۇستەھكەم كونتىرول قىلىپ گۈزەللىك بىلەن تېخنىكىنى بىرلەشتۈرۈپ ئوتۇق قازانغان كوماندا بولۇپ قالدى.
«1 دە 0 نوقتىئىينەزىرى» - پۇتبولنىڭ قاتىلى
پۇتبول مۇسابىقىسىنىڭ سىھرى كۈچى شۇ مەيدان مۇسابىقىدە نەچچە توپنىڭ كىرگەنلىكى بولۇپ نۆۋەتلىك مۇسابىقىلەر ئىچىدىكى بىرقىسىم كىلاسسىك مۇسابىقىلەردە توپ ئانچى كۆپ كىرمىگەن، مەسلەن : 1994-يىلىدىكى دۇنيا لوڭقىسى پۇتبول مۇسابىقىسى ئىتالىيە بىلەن بىرازىلىيە ئوتتۇرىسىدا ئېلىپ بېرىلغان ھەل قىلغۇچ مۇسابىقە ۋە 1989-يىلىدىكى ياۋرۇپا چىمپىيۇنلۇق لوڭقىسى مۇسابىقىسى بۇخارىسىت يولتۇزى كوماندىسى ۋە بارىسلونا كوماندىسى ئوتتۇرىسىدىكى مۇسابىقە قاتارلىقلاردا 120مىنۇت ئىچىدە بىرمۇ توپ كىرمىگەن. بىرقىسىم مۇسابىقىلەردە توپ كىرىش سانى بىرقەدەر كۆپ بولغان مەسلەن: 2002-يىلىدىكى دۇنيالوڭقىسى مۇسابىقىسىدە گىرمانىيە 8دە 0 نەتىجە بىلەن سەئۇدى ئەرەبىستان كوماندىسىنى يەڭگەن، 2006-يىلىدىكى دۇنيا لوڭقىسى مۇسابىقىسىدە ئارگىنتىنا 6دە 0 نەتىجە بىلەن قاراتاغ جومھۇرىيىتىنى يەڭگەن .
مۇشۇنىڭغا مىساللار پۇتبول دۇنياسىدا ناھايىتى كۆپ بولۇپ قارايدىغان بولساق ھوجۇم بىلەن مۇداپىئە نىسبىتى تەڭشەلگەن مۇسابىقىلەرنى كۈرۈش توپ مەستانلىرى ئۈچۈن كىشى تەسۋىرلىگۈسىز بىر خىل لەززەت ھىساپلىنىدۇ، ئەكسىچە بولغان كۈرۈرمەنلەردە زىرىكىش كەيپىياتى پەيدا قىلىدۇ دە كىشىلەرنىڭ پۇتبولغا بولغان قىزىقىشىنى تۈۋەنلىتىشكە باشلايدۇ بىر مەيدان مۇسابىقىدە كۈرۈمەنلەرگە ئۆزگىچە زوق ئاتا قىلالمىغان پۇتبول مۇسابىقىسى كۈرۈمەنلەر ئۈچۈن يىيىشنى خالىمايدىغان بىرخىل تاماقنى يەپ سالغاندەك تەسىرات بىرىدۇ، بۇخىل تەسىرا دەل پۇتبول دۇنياسى كىشىلەردە بولۇشنى خالىمايدىغان تەسىرات بولۇپ ئاخىرىدا پۇتبول دۇنياسىنى خارابلاشتۇرۇش باسقۇچىغا باشلاپ بارىدۇ.
ھازىر گەرچە بۇ نوقتىئىينەزەرلەرنىڭ ۋاختى ئۈتۈپ پۇتبول ئۈزىنىڭ جەلىپكار ھالىتىگە قايتىپ كەلگەن بولسىمۇ پۇتبول دۇنياسى يۈز بىرىپ ئۆتكەن بۇ ۋاقىتلاردىكى بۇ ئۆزگىچە نوقتىئىينەزەرنىڭ تەسىرىدە بولۇپ ئۆتكەن مۇسابىقىلەر تېخى كىشىلەرنىڭ ئىسىدىن كۈتۈرۈلۈپ كەتكىنى يوق.
تور ئارىلاپ يۈرۈپ بۇ تىمىنى ئۇچقتىپ قالدىم، بىلمىدىم مۇنبەردەكىلەرگە ياقامدۇيوق، مەنمۇ ئوزۇن بوپتىكەن مۇنبەرگە تىما يوللاپ باقمىغىلى ، تەرجىمىدە باغلاشماي قالغان يەرلەر بولسا تۈزىتىپ ئۇقارسىلە.
سىرداش |
|