خېنەن قۇرۇلۇش كوماندىسىدىكى سالاھىدىن

توپ تەپكۈچى

10-ئاينىڭ 27-كۈنى چۈشتىن كېيىن ،دۆلىتىمىز دەرىجىدىن تاشقىرى بىرلەشمىسى 29-ئايلانمىسى ئوموميۈزلۈك ئوينالدى .نەتىجىدە،داڭلىق پۇتبولچىلار توپلاشقان  گۇاڭجۇ خېڭدا مۇددەتىن بىر ئايلانما بۇرۇن چىمپىيۇن بولدى .شۇنىڭغا ئەگىشىپ دەرىجە چۈشۈپ كەتكەن كوماندىمۇ بارلىققا كەلدى .خېنەن قۇرۇلۇش كوماندىسى ئۆز مەيدانىدا دالىيەن شىدې كوماندىسى بىلەن ھايات -ماماتلىق تۇتۇشۇپ، ئاخىردا قارشى تەرەپنىڭ ئەجەللىك بىر توپى بىلەن ئېچىنىشلىق بوغۇزلىنىپ كەتتى .ھەمدە تۇنجى بولۇپ دەرىجە چۈشتى . بۇ كوماندىدا سالاھىدىن ئىسىملىك بىر پۇتبولچىمىز توپ ئوينايدۇ .سالاھىدىننىڭ ئازراق ماتىريالىنى ئېلىپ كەلدىم ،
سالاھىدن ئىلگىرى شېنجىن قىزىل ياقۇت كوماندىسدا توپ ئوينىغان .بۇ يىلنىڭ بېشىدا دەل مۇشۇ خېنەن قۇرۇلۇش كوماندىسى بىلەن توختام ئىمزالىغان .سالاھىدىننىڭ مەيداندىكى ئورنى بىك ،بوي ئىگىزلىكى بىر مېتىر 73 سانتا ،1989-يىلى 2- ئاينىڭ 3- كۈنى تۇغۇلغان .بۇ يىل 23 ياش ،بۇ پۇتبولچىنىڭ ماتىريالىنى كۆرۈپ باقسام ،ھەر ئىككىلا كۇلۇب سالاھىدىنغا ئاساسى جەھەتتىن مەيدانغا چىقىش پۇرسىتى بەرمەپتۇ ،2011-يىلى شېنجىن قىزىل ياقۇتتا جەمئىي 261 مىنۇت مۇسابىقە ئويناپتۇ .كۆپ قېتىم زاپاس ئەزا بولۇپ مەيدانغا چىقىپتۇ ،شۇنداقتىمۇ بىر ياردەمچى پاس بىرىپتۇ ،ئەمدى بۇ يىل بولسا خېنەن قۇرۇلۇش كوماندىسدا پەقەت 83 مىنۇتلۇق مەيدانغا چىقىش پۇرسىتىگە ئېرىشىپتۇ ،يەنى 6 مىنۇت ،8 مىنۇت دىگەندەك， تۆت مەيدان مۇسابىقە ئويناپتۇ ،گۇاڭجۇ خېڭدا بىلەن بولغان مۇسابىقىدە 56 مىنۇت ئويناپتۇ .شۇ چاغدا خېنەن ئۆز مەيدانىدا 0 : 3 نەتىجە بىلەن يېڭىلىپ قالغان .
دەرىجىدىن تاشقىرى بىرلەشمىسىدە توپ ئوينىماق ۋە پۇت دەسسەپ تۇرماق ھەقىقەتەن ئاسان ئىش ئەمەس ،ئەمدى سالاھىدىن ئا دەرىجىلىك بىرلەشمىسىدە توپ ئوينايدۇ ،ياكى باشقا كوماندىغا يۆتكىلىپ قېلىشىمۇ مۇمكىن ،ئەكرەمجان توپ ئويناۋاتقان خۇنەن شىياڭتاۋ كوماندىسى دەسلەپتە قاتتىق كۈچەپ بىرلەشمىنىڭ ئاخىرقى پەيتلىرىدە كەينى-كەينىدىن مەغلۇپ بولۇپ دەرىجىدىن تاشقىرى بىرلەشمىگە چىقالماي قالدى .ئەكرەمجاننىڭ ماتىريالىغا قارىسام ،مۇشۇ جەرياندا مەيدانغا تولۇق دېگۈدەك چىقىپ ئاساسلىق ئەزا ئويناپتۇ .ئۈچ توپ ئۇرۇپتۇ .ئىپادىسى يەنىلا ياخشى ،گۇاڭجۇ خېڭدادىكى شاۋكەت جەمئىي 251 مىنۇت ئويناپتۇ .بەرگەن ۋاقتىمۇ بەك قىسقا ،شەندوڭدىكى ئۆتكۈر ۋە مىرئەخمەتجان توغىرسىدا ماتېرىيال يوقكەن ،ئاخىردا بۇ ئەزىمەتلىرىمىزنىڭ ئىچكىرىدىكى پۇتبولچىلىق ھاياتىنىڭ ئۇڭۇشلۇق بۇلۇشنى ئۈمىد قىلىمەن !

0998ئابلىكىم

ماۋۇ نىمانداق يىغلايدۇ، ئادەمنىڭ ئىچىنى ئاغرىتىپ.

fc~inter

ھەجەپ ئىش دېسە . بىزنىڭ باللار تۇيۇقسىزلا يوقاپ كېتىپ بارىدۇ . ئۇلۇغ ئاللاھ ، ئىشلىرىمىزنى ئاسان قىلسۇن ...

missi2

توپ مەستانىسىغا ئىغىر كەلگەن گەپ ، دەرىجە چۇشۇپ كىتىشنى بەزى توپ مەستانلىرى ھەقىقەتەن قوبول قىلالمايدۇ

ئەلقۇت

پۇرسەت دىگەننى  بەرمەيلا قۇيۇپتىغۇ يا  ئىشەنمەمدۇ  قانداق .

missi2

خۇدايىم بۇيرىسا 2013-يىلى تىخىمۇ كۆپ ئۇيغۇر ئەزىمەتلىرى جۇڭخۇا بىرلەشمىسىدە ئۆز كارامىتىنى كۆرسىتىدۇ

قازانچى

مىرئەھمەتجان بۇلغان بۇلسا  چۇشۇپ كەتمەس ئىدى بەلكىم

قازانچى

missi2:خۇدايىم بۇيرىسا 2013-يىلى تىخىمۇ كۆپ ئۇيغۇر ئەزىمەتلىرى جۇڭخۇا بىرلەشمىسىدە ئۆز كارامىتىنى كۆرسىتىدۇ (2012-10-27 23:46) 

ئىيتقىنىڭىز كەلگەي

ئوسكار

بۇ يەردە مىڭ كارامەت بولسىمۇ  ئاقمايدۇ.....بۇلار داڭق چىقىرىپ كېتىشىمىزدىن ئەنسىرەيدۇ....پۇل تېپىپ كېتىشتىن ئەنسىرەيدۇ ......
بولمىسا مىرئەخمەتجاننى ئاجاكىس كۇلۇبى تەكلىپ قىلغان يەردە نېمىشقا ئۆز كۇلۇبىدا زاپاس بولىدۇ ...؟؟؟   گەپ باشقا دېيىش ھاجەتسىز

يۈكسەل

ئاۋۇ بەسەي مەستانىلەگە يىغلاشمۇ ياراشماي قاپتۇ دىسە

سىر

شۇنداق ياخشى كۇنلەرمۇ كىلىپ قالار