|
بارسېلونا پۇتبول كۇلۇبى تور بېكىتى كېيتانىڭ توختام ئۇزارتمايدىغانلىقىنى بىلدۈردى
بېيجىڭ ۋاقتى 7. ئاينىڭ 8. كۈنى سەھەردە، بارسېلونا پۇتبول كۇلۇبى تور بېكىتى مالىلىق ئوتتۇرا مەيدان توپچىسى كېيتانىڭ كۇلۇب بىلەن توختام ئۇزارتمايدىغانلىقىن، كېلەر پەسىلدىن باشلاپ ئۇنىڭ بارسېلونادا توپ تەپمەيدىغانلىقىنى ئېلان قىلدى.
كېيتا 2008. يىلى سېۋىللا كوماندىسىدىن 14 مىلىيون ياۋرولۇق يۆتكىلىش باھاسى بىلەن بارسېلوناغا قوشۇلغان بولۇپ، بۇ يىلغا قەدەر 4 يىل جەريانىدا بارسېلونا ئۈچۈن 188 قېتىم مەيدانغا چىقىپ 22 توپ ئۇرغان بولۇپ، ئۇنىڭ ئىچىدە يەنە 2009.يىلى 10.ئاينىڭ 25.كۈنى بارسېلونا ئۆز مەيدانىدا زاراگوزا كوماندىسى بىلەن بولغان مۇسابىقىدە قالپاق ئويۇنى ئوينىغان. ئۇ بارسىلونادا توپ تەپكەن مۇشۇ 4 يىل جەريانىدا كوماندا بىلەن چوڭ كىچىك بولۇپ جەمئىي 14 قېتىم چىمپىيونلۇقنى قولغا كەلتۈرگەن بولۇپ، بۇنىڭ ئىچىدە 3 قېتىم ئىسپانىيە ئا دەرىجىلىكلەر بىرلەشمىسى چىمپىيونلۇقى، 2 قېتىم ئىسپانىيە شاھلىق لوڭقىسى چىمپىيونلۇقى، 3 قېتىم ئسپانىيە دەرىجىدىن تاشقىرى لوڭقىسى چىمپىيونلۇقى، 2 قېتىم ياۋروپا چىمپىيونلۇق لوڭقىسى چىمپىيونلۇقى، 2 قېتىم ياۋروپا دەرىجىدىن تاشقىرى لوڭقىسى چىمپىيونلۇقى ھەمدە 2 قېتىم دۇنيا كۇلۇبلار لوڭقىسى چىمپىيونلۇقى قاتارلىقلار بار.
كېيتا بارسېلونادىن ئايرىلغاندىن كېيىن جۇڭگو دەرىجىدىن تاشقىرى بىرلەشمىسىدىكى دالىيەن ئاربىن كوماندىسى ئۇنىڭ كېيىنكى «بېكىتى» بولۇشى مۇمكىن.
ئاخىرىدا ئۇنىڭ بارسېلونا كۇلۇبى ئۈچۈن چىقارغان تىرىشچانلىقى ۋە كۈچىگە تەشەككۈر بىلدۈرۈش بىلەن بىرگە يەنە بۇنىڭدىن كېيىنكى ئىشلىرىنىڭمۇ ئۇتۇقلۇق بولۇشىغا تىلەكداشلىق بىلدۈرىمىز.
كېيتا بارسېلوناغا قوشۇلغان ۋاقىتتىكى ئاخپارات ئېلان قىلىش يىغىنىدا
كېيتا مەشىقتە
توپ ئۇرغاندىن كېيىن تەبرىكلەش
| 
ۋاقتى: 2012-7-8 19:26:46
تېما كۆتۈرۈش
تېما چوققىلاش
تېما تاقاش
变色卡
بارى بىلەن پاسلىشىپ ئويناپ كەتسە ! 
