ياۋروپا لوڭقىسىدىكى 16دۆلەت ( قىسقىچە تەھلىل ۋە ماتىريال )

پارتىزان

ئەسسالاممۇ ئەلەيكۇم مۇنبەرداشلار !  
مانا مۇنبەردىكى ئەزالارنىڭ مۆرىنى -مۆرىگە تىرەپ بىر يىل جاپالىق كۈرەش قىلىشى نەتىجىسىدە ئامراق كۇلۇبلىرىمىزنىڭ (شىنجاڭ كوماندىسىدىن باشقا ) مۇسابىقىلىرىنى ئاساسى جەھەتتىن كۆرۈپ ھوزۇرلىنىپ بولدۇق ۋە مۇنبەردە خەۋەر قىلىپ تۈگەتتۇق !  شۇ مۇناسىۋەت بىلەن مۇنبەردىكى بارلىق تۆھپىكارلاردىن سەمىمىي ھال سورايمەن     جاپا چەكتىڭلار   
ئەمدى ئاساسىي مەقسەتكە كەلسەك : ئالدىمىزدا  ياۋروپادىكى كۈچلۈك دۆلەتلەرنىڭ ياۋروپا لوڭقىسىنى تالىشىش پۇتبول  مۇسابىقىسى تۇرۇپتۇ ! ياۋروپا لوڭقىسىمۇ دۇنيا لوڭقىسىغا ئوخشاشلا 4 يىلدا بىر قېتىم ئۆتكۈزىلىدىغان يۇقىرى تېخنىكىدا ئېلىپ بېرىلىرىغان دۇنيادىكى ئەڭ قىززىيدىغان مۇسابىقىلەرنىڭ بىرسى .   شۇ مۇناسىۋەت بىلەن بۇيىللىق يەنى 2012-يىللىق پولشا ۋە ئۇكرائىنادا ئۆتكۈزۈلمەكچى بولغان 14-قېتىملىق ياۋروپا لوڭقىسى پۇتبول مۇسابىقىسىگە قاتنىشىدىغان 16 دۆلەتنىڭ  ئومۇمىي ئەھۋالىنى قىسقىچە تونۇشتۇرۇپ ئۆتەي !

---

  

ياۋروپا لوڭقىسى پۇتبول مۇسابىقىسى تارىختىن بۇيان جەمئىي13 قېتىم ئېلىپ بېرىلغان بولۇپ  تۇنجى قېتىملىقتا سابىق سوۋىت ئىتتىپاقى چىمپىيون بولغان !  تۆۋەندە مۇشۇ 13 قېتىملىق مۇسابىقىنىڭ چىمپىيونلىرىنى قىسقىچە تونۇشتۇرۇپ ئۆتەي !

1. 1960– يىلى فرانسىيىدە ئۆتكۈزۈلگەن   --------- چىمپىيون بولغان دۆلەت : سابىق سوۋىت ئىتتىپاقى
2. 1964– يىلى ئىسپانىيىدە ئۆتكۈزۈلگەن --------- چىمپىيون بولغان دۆلەت : ئىسپانىيە
3. 1968– يىلى ئىتالىيىدە ئۆتكۈزۈلگەن -----------  چىمپىيون بولغان دۆلەت : ئىتالىيە
4. 1972– يىلى بېلگىيىدە ئۆتكۈزۈلگەن   ----------- چىمپىيون بولغان دۆلەت  : غەربىي گېرمانىيە
5. 1976– يىلى يۇگۇسلاۋىيىدە ئۆتكۈزۈلگەن -------- چىمپىيون بولغان دۆلەت  : چېخوسلوۋاكىيە
6. 1980– يىلى ئىتالىيىدە ئۆتكۈزۈلگەن  ------------چىمپىيون بولغان دۆلەت  :  غەربىي گېرمانىيە
7. 1984– يىلى فرانسىيىدە ئۆتكۈزۈلگەن ------------ چىمپىيون بولغان دۆلەت : فىرانسىيە
8. 1988– يىلى ئىتتىپاقداش گېرمانىيىدە ئۆتكۈزۈلگەن ------------ چىمپىيون بولغان دۆلەت : گوللاندىيە
9. 1992– يىلى شېۋىتسىيىدە ئۆتكۈزۈلگەن ------------  چىمپىيون بولغان دۆلەت : دانىيە
10. 1996– يىلى ئېنىگلاندتا ئۆتكۈزۈلگەن ----------- چىمپىيون بولغان دۆلەت : گېرمانىيە
11. 2000– يىلى گوللاندىيە بىلەن بېلگىيە بىرلىشىپ ئۆتكۈزگەن ---------- چىمپىيون بولغان دۆلەت : فىرانسىيە
12. 2004– يىلى پورتۇگالىيىدە ئۆتكۈزۈلگەن -------------- چىمپىيون بولغان دۆلەت : گىرىتسىيە
13. 2008– يىلى ئاۋىستىرىيە بىلەن شېۋىتسارىيە بىرلىشىپ ئۆتكۈزگەن ---------- چىمپىيون بولغان دۆلەت : ئىسپانىيە

---

ئەمدى بۇ يىل 6-ئاينىڭ 9-كۈنى ئۆتكۈزىلىدىغان 14-قېتىملىق ياۋروپا لوڭقىسىغا قاتنىشىدىغان 16 دۆلەتنىڭ قىسقىچە ئەھۋالى تۆۋەندىكىچە :


1. گېرمانىيە   

گېرمانىيە دۆلەت كوماندىسى دۇنيادىكى ئەنئەنىۋى كۈچلۈك كوماندىلارنىڭ بىرى بولۇپ جەمئىي 3 قېتىم دۇنيا لوڭقىسىنىڭ چىمپىيونى ، 3 قېتىم ياۋروپا لوڭقىسىنىڭ چىمپىيونلىقىغا ئېرىشكەن ! بۇيىللىق گېرمانىيە كوماندا ئەزالىرىنىڭ مۇتلەق كۆپ قىسىمى تالانىتلىق ياش ماھىرلاردىن تەركىب تاپقان بولۇپ ، جەڭگىۋارلىقى ئالاھىدە كۈچلۈك ! چىمپىيون بولۇش ئېھتىماللىقى يۇقىرى بولغان كوماندىنىڭ بىرسى ! گېرمانىيە كوماندىسى بۇ قېتىملىق چەك تارتىشتا گوللاندىيە ، پورتىگالىيە ، دانىيە كوماندىلىرى بىلەن بىرلىكتە ب گۇرۇپپىغا بۆلۈندى !
ھەقىقەتەن ئىسمى -جىسمىغا لايىق ھالاكەت گۇرۇپپىسى !  

دۆلەت ئەھۋالى : گېرمانىيەنىڭ ئومۇمى نوپۇسى 81 مىليون 799مىڭ 600 بولۇپ (2011-يىلدىكى سىتاتىستىكا ) ، ئومومى يەر كۆلىمى357مىڭ 21 كۇۋادرات كىلومىتىر !  ئىچكى ئىشلەپچىقىرش ئومۇمى قىممىتى : 3تىرلىيون 628 مىليارد دوللار !  كىشى بېشىغا توغرا كىلىدغان نىسبىتى : 37935 ئامىرىكا دوللىرى !  
پايتەختى : بېرلىن  
ئاساسلىق چوڭ شەھەرلىرى : مىيۇنخىن ، ھامبۇرۇگ ، فىرانكىفورىت قاتارلىقلار .
دۆلەت تىلى : نىمىس تىلى
ياۋروپادىكى ئورنى :

دۆلەت كوماندىسىنىڭ باش تېرىنىرى : لېف  


كوماندا بەلگىسى :
  

---

  

2.  ئېنگىلانىد   

ئېنگىلانىد كوماندىسىمۇ دۇنيادىكى ئەنئەنىۋى كۈچلۈك كوماندىلارنىڭ بىرى بولۇپ ، داڭلىق چولپانلار توپلاشقان .  تارىختىن بۇيان بىرلا قېتىم دۇنيا لوڭقىسىنىڭ چىمپىيونلىقىغا ئېرىشكەن . تا ھازىرغىچە ياۋروپا لوڭقىسىدا چىمپىيون بولۇپ باقمىغان .  ئىنگىلانىد كوماندىسىدا رونىي ، تېررى ، لامپارد ، ئاشلى كول ، جىراد .... قاتارلىق داڭلىق چولپانلار بولۇپ ئۇنىڭدىن باشقا كۆپلىگەن ئىستىقباللىق ياش چولپانلار توپلاشقان ، بۇلارنىڭمۇ بۇيىللىق ياۋروپا لوڭقىسىدا چىمپىيون بولۇش ئېھتىماللىقى يۇقىرى .  ئىنگىلانىد ، فىرانسىيە ، شىۋىتسىيە ، ئۇكرائىنا كوماندىلىرى بىلەن بىرلىكتە  د گۇرۇپپىغا بۆلۈندى !  ئازراقلا دىققەت قىلمىسا گۇرۇپپىدىن چىقىشى تەسكە توختايدۇ
دۆلەت ئەھۋالى : ئىنگىلانىد بولسا ئۇلۇغ بېرتانىيە ۋە شىمالى ئېرلاندىيە بىرلەشمە پادىشاھلىقى (قىسقارتىلىپ ئەنگىلىيەدىيىلىدۇ) قارمىقىدىكى ئەڭ چوڭ دۆلەت بولۇپ ئومومى يەر كۆلىمى 130 مىڭ كۇۋادرات كىلومىتىر ،  ئومومى نوپوسى 51 مىليوندىن ئارتۇق . 2011-يىلدىكى ئىچىكى ئىشلەپچىقىرىش ئومومى قىممىتى : 2تىرلىيون 480مىليارد ئامىرىكا دوللىرى ، كىشى بېشىغا توغرا كىلىدىغان ئوتتۇرچە قىممىتى 36مىڭ 120 ئامىرىكا دوللىرى  ( ماۋۇ ئىچكى ئىشلەپچىقىرىش ئومومى قىممىتى ۋە ئوتتۇرچە قىممىتى پۈتۈن ئەنگىلىيەنىڭكىكەن ! ئىنگىلانىدنىڭكىنى شۇنچە ئىزدەپمۇ تاپالمىدىم !  شۇنداق بولسىمۇ يېزىپ قوياي ، بىكا خاتاكەن دەپ تۇرىۋالماڭلا )   پۇل بىرلىكى : فونىستىرلىڭ .  
پايتەختى : لوندون
ئاساسلىق شەھەرلىرى : مانچىستىر ، لېۋىرپول ، نىيۇكاستىل ...... قاتارلىقلار
دۆلەت تىلى : ئېنگىلىز تىلى
خەرىتىدىكى ئورنى :

دۆلەت كوماندىسىنىڭ باش تېرىنىرى :خوچسىن
  
كوماندا گىربى :

---

3. ئىتالىيە

ئىتالىيە كوماندىسىنى تارىختىن بۇيان 4 قېتىم دۇنيا لوڭقىسىنىڭ چىمپىيونلىقىغا ئېرىشكەن .  بىر قېتىم ياۋروپا لوڭقىسىنىڭ چىمپىيونى بولغان دۇنيادىكى ئەنئەنىۋى كۈچلۈك كوماندىنىڭ بىرى !  بىراق يېقىنقى نەچچە يىلدىن بۇيان ئىپادىسى كۆرىنەرلىك دەرىجىدە تۆۋەنلىگەن بولسىمۇ چىمپىيون بولۇش يوشۇرۇن كۈچى يەنىلا زور دىيىشكە بولىدۇ !
ئىتالىيە كوماندىسى : ئىسپانىيە ، كىرودىيە ، ئېرلاندىيە كوماندىلىرى بىلەن بىرلىكتە  س  گۇرۇپپىغا بۆلۈندى، بۇگۇرۇپپىدىكى كوماندىلارمۇ بىر -بىرىدىن كۈچلۈك كوماندىلار ، ئىتالىيەمۇ سەللا دىققەت قىلمىسا 2010-يىلدىكى پاجىئە يەنە تەكرارلىنىشى مۇمكىن !
دۆلەت ئەھۋالى : ئىتالىيەنىڭ ئومومى نوپۇسى 60مىليون 114مىڭ .  يەر كۆلىمى 301مىڭ 338 كۇۋادرات كىلومىتىر ،  2010-يىلدىكى ئىچكى ئىشلەپچىقىرىش ئومومى قىممىتى 2 تىرلىيون ئامارىكا دوللىرى ،  كىشى بېشىغا توغرا كىلىدىغان ئوتتۇرچە قىممىتى : 33مىڭ 828 ئامىرىكا دوللىرى ،
پايتەختى : رىم
ئاساسلى شەھەرلىرى : تۇرىن ،  مىلان ، ناپولى .... قاتارلىقلار .
پۇل بىرلىكى : ياۋرو
دۆلەت تىلى : ئىتالىيان تىلى
خەرىتىدىكى ئورنى :
  

دۆلەت كوماندىسىنىڭ باش تىرىنىرى :  پۇراندىلى
  

كوماندا گىربى :

---

4. ئىسپانىيە   


ئىسپانىيە دۆلەت كوماندىسى ھازىر دۇنيادا ئەڭ كۈچلۈك كوماندىنىڭ بىرى دەپ قارىلىپ كېلىۋاتقان ئەنئەنىۋى كۈچلۈك كوماندىلارنىڭ بىرى بولۇپ ، بۇلارمۇ بىر قېتىم دۇنيا لوڭقىسىنىڭ چىمپىيونلىقىنى ، 2 قېتىم ياۋروپا لوڭقىسىنىڭ چىمپىيونلىقىنى قولغا كەلتۈرگەن .  بىرنەچچە يىلدىن بىرى دۆلەت كوماندىلىرىنىڭ دەرىجە رەت تەرتىپىدە ئىزچىل بىرىنچىلىكنى ساقلاپ كىلىۋاتقان كوماندا شۇنداقلا بۇيىللىق ياۋروپا چىمپىيوننى بولۇش ئېھتىماللىقى كۈچلۈك بولغان كوماندىنىڭ بىرسى .   ئىسپانىيەمۇ ئىتالىيە بىلەن بىرلىكتە س گۇرۇپپىغا بۆلۈنگەن !  ئالدىنقى بىرنەچچە يىلدىكى ئىپادىسىگە قارىغاندا گۇرۇپپىدىن ئوڭۇشلۇق چىقىپ كىتىشى مۇمكىن !
دۆلەت ئەھۋالى :  ئومومى نوپوسى 46مىليون ،  يەركۆلىمى : 505مىڭ 925 كۇۋادرات كىلومىتىر ،  2011-يىلدىكى ئىچكى ئىشلەپچىقىرىش ئومومى قىممىتى : 1تىرلىيون 413مىليارد ئامىرىكا دوللىرى ،  كىشى بېشىغا توغرا كەلگەن ئوتتۇرچە قىممىتى : 30مىڭ 622دوللار .
پايتەختى : مادرىد
ئاساسلىق شەھەرلىرى : بارسىلونا ، ۋالۈنسىيە ، سېۋىللا .... قاتارلىقلار
پۇل بىرلىكى : ياۋرو
دۆلەت تىلى : ئىسپان تىلى
خەرىتىدىكى ئورنى :


دۆلەت كوماندىسىنىڭ باش تېرىنىرى : بوسىك


كوماندا گىربى :

---

5. فىرانسىيە   


فىرانسىيە دۆلەت كوماندىسىمۇ ھەممىمىزگە تونۇشلۇق بولغان ئەنئەنىۋى كۈچلۈك كوماندىلارنىڭ بىرى بولۇپ ، داڭلىق چولپانلارمۇ ئۈزۈلمەي چىقىپ تۇرىدۇ !  بۇ كوماندىمۇ بىر قېتىم دۇنيا لوڭقىسىنىڭ چىمپىيونى ، ئىككى قېتىم ياۋروپا لوڭقىسىنىڭ چىمپىيونى بولغان . بىراق فىرانسىيە دۆلەت كوماندىسىمۇ ئىتالىيە دۆلەت كوماندىسىغا ئوخشاشلا يىقىنقى بىرنەچچە يىلدىن بۇيان ئۆزىنىڭ ھەقىقى ئىپادىسىنى جارى قىلىدۇرالمايۋاتقان ئەمىلى كۈچى كۈچلۈك كوماندىلارنىڭ بىرى .  فىرانسىيەمۇ ئىنگىلانىد بىلەن بىرلىكتە  د گۇرۇپپىغا بۆلۈندى .  2010-يىلدىكى ئىچكى جىدەلنى يەنە تەكرارلاپ قالسا بۇلارمۇ گۇرۇپپا مۇسابىقىسىدىن كىيىن دۆلىتىگە قاراپ داۋاي
دۆلەت ئەھۋالى :  ئومومى نوپۇسى 65مىليون 500مىڭ ،   ئومومى يەر كۆلىمى : 543مىڭ 965 كۇۋادرات كىلومىتىر ،  ئىچكى ئىشلەپچىقىرىش ئومومى قىممىتى 2 تىرلىيون 865مىليارد 700مىليون دوللار ، كىشى بېشىغا توغرا كىلىدىغان ئوتتۇرچە قىممىتى 46مىڭ 16 ئامىرىكا دوللىرى ،
پايتەختى : پارىژ
پۇل بىرلىكى : ياۋرو
دۆلەت تىلى : فىرانسۇز تىلى
خەرىتىدىكى ئورنى :


دۆلەت كوماندىسىنىڭ باش تېرىنىرى : بۇلەنكا


كوماندا گىربى :

---

6. پورتۇگالىيە


پورتىگالىيە دۆلەت كوماندىسىمۇ دۇنيادىكى ئەمەلىي كۈچى بىرقەدەر كۈچلۈك كوماندىلارنىڭ بىى بولۇپ ،  يۇشىبىئو ، رۇي كوستا ، فىگو ، دېكو ، ۋە ھازىرقى دەرىجىدىن تاشقىرى داڭلىق چولپان كىرىستىيانو رونالدو يىتىشىپ چىققان كوماندا !   پورتۇگالىيە تارىختىن بۇيان بىرەر قېتىممۇ دۇنيا لوڭقىسى ۋە ياۋروپا لوڭقىسىغا ئېرىشىپ باقمىغان بولسىمۇ لىكىن بۇيىل بۇ كوماندىنىڭ يوشۇرۇن كۈچىمۇ ناھايىتى زور !  بىراق بۇ كوماندىنىڭ ئورۇنلىشىپ قالغان گۇرۇپپىسى بەكلا خەتەرلىك ، جاننى تىكمىسە كىچىك گۇرۇپپىدىلا شاللىنىپ كىتىشى مۇمكىن
دۆلەت ئەھۋالى : ئومومى نوپوسى : 10مىليون 647مىڭ ،  ئومومى يەر كۆلىمى : 92مىڭ 90 كۇۋادرات كىلومىتىر ،  ئىچكى ئىشلەپچىقىرىش ئومومى قىممىتى 247 مىليارد ئامىرىكا دوللىرى ،  كىشى بېشىغا توغرا كىلىدىغان ئوتتۇرچە قىممىتى : 23مىڭ 222دوللار ،
پايتەختى : لىسبون
پۇل بىرلىكى : ياۋرو
دۆلەت تىلى : پورتىگال تىلى
ئاساسلىق شەھەرلىرى : پورتۇ . كىيىنبول ، گاياسىن
خەرىتىدىكى ئورنى :
  

دۆلەت كوماندىسىنىڭ باش تېرىنىرى : بىنتو


كوماندا گىربى :

---

7. پولشا


پولشا بولسا بۇ يىللىق ياۋروپا لوڭقىسىنى ئۆتكۈزۈشنى ئۈستىگە ئالغان دۆلەتنىڭ بىرى بولۇپ ، پولشا كوماندىسىنىڭ ئەمىلى كۈچى يۇقىرىدىكى دۆلەت كوماندىلىرىغا قارىغاندا سەل ئاجىزراق بولسىمۇ بىراق ساھىبخان كوماندا بولغانلىقى ئۈچۈن بۇيىللىق مۇسابىقىدە ياخشى نەتىجىگە ئېرىشىپ قىلىشى مۇمكىن !  پولشا كوماندىسىمۇ ھازىرغىچە دۇنيا دەرىجىلىك مۇسابىقىدە لوڭقا كۆتۈرۈپ باقمىغان .  لىكىن پولشا كوماندىسىنىڭ جايلىشىۋالغان گۇرۇپپىسى ئانچە خەتەرلىك ئەمەس ، ئازراق كۈچىسىلا گۇرۇپپىدن چىقىپ كىتەلىشى مۇمكىن !  
دۆلەت ئەھۋالى : ئومومى نوپۇسى 38مىليون 130مىڭ ، يەر كۆلىمى 312مىڭ 683كۇۋادرات كىلومىتىر ،  
پايتەختى : ۋارشاۋا
ئاساسلىق شەھەرلىرى : كىراكوف ، لوز ، فولۇزىۋاف ...
دۆلەت تىلى : پولىشا تىلى  ، ئاساسلىقى پولەك مىللىتىدىن تەركىب تاپقان .
پۇل بىرلىكى : زىروت
خەرىتىدىكى ئورنى :


دۆلەت كوماندىسىنىڭ باش تېرىنىرى : سىمۇدا

كوماندا گىربى :

---

8. ئۇكرائىنا   
  

ئۇكرائىنامۇ  بۇ يىللىق ياۋروپا لوڭقىسىنى ئۆتكۈزۈشنى ئۈستىگە ئالغان دۆلەتنىڭ بىرى بولۇپ ، ئۇكرائىنا كوماندىسىنىڭ ئەمىلى كۈچىمۇ يۇقىرىدىكى دۆلەت كوماندىلىرىغا قارىغاندا بىر قەدەر ئاجىز،  ئۇنىڭ ئۈستىگە يېقىندىن بېرى يۈز بەرگەن دۆلەت ئىچىدىكى قالايمىقانچىلىق ، ئۇكرائىنا زۇڭتۇڭى تىموشىنكونىڭ تۈرمىگە كىرىپ قېلىشى قاتارلىق بىر قاتار ئىچكى سەۋەبلەر ئۇكرائىنا كوماندىسىنىڭ نەتىجىسىگە بىۋاستە تەسىر كۆرسىتىشى مۇمكىن !  ئۇكرائىنا كوماندىسىمۇ ھازىرغىچە دۇنيا دەرىجىلىك مۇسابىقىدە لوڭقا كۆتۈرۈپ باقمىغان .  
د گۇرۇپپىغا جايلىشىپ قالغان ئۇكرائىنانىڭمۇ گۇرۇپپىدىن چىقىشى بەسى مۈشكۈل
دۆلەت ئەھۋالى : ئومومى نوپۇسى 46مىليون 886مىڭ ، يەر كۆلىمى 603مىڭ 700كۇۋادرات كىلومىتىر ،  2011-يىلدىكى ئىچكى ئىشلەپچىقىرىش ئومومى قىممىتى 164مىليارد 873مىليون ئامىرىكا دوللىرى .  كىشى بېشىغا توغرا كىلىدىغان ئوتتۇرچە قىممىتى 3067دوللار .
پايتەختى : كىيىف
ئاساسلىق شەھەرلىرى : سىۋاستىپول  
دۆلەت تىلى : ئۇكرائىنا تىلى بىلەن روس تىلىنى ئورتاق ئىشلىتىدۇ  
خەرىتىدىكى ئورنى :


دۆلەت كوماندىسىنىڭ باش تېرىنىرى : بۇلوسېن

كوماندا گىربى :

---

9. روسسىيە


روسسىيە دۆلەت كوماندىسى بولسا تېخنىكىسى تېز تەرەققى قىلىۋاتقان جەڭگىۋار كوماندىلارنىڭ بىرسى ،  تۇنجى قېتىملىق ياۋروپا لوڭقىسىدىمۇ مۇشۇ روسلار چىمپىيون بولغان .
دۇنياغا داڭلىق چولپانلىرى جىق بولمىسىمۇ لىكىن ھەر قېتىمقى دۇنيا لوڭقىسى ۋە ياۋروپا لوڭقىسىدا نەتىجىسى خېلى يامان ئەمەس ھەم تۇراقلىق !  ئىزچىللىقنى ساقلىغان كوماندىنىڭ بىرسى .  بۇ كوماندىمۇ ياخشى بولغان ئىپادىسىنى تاپالىسا گۇرۇپپىدىن خاتىرجەم چىقىشتىن ئۈمىد با
دۆلەت ئەھۋالى : ئومومىي نوپوسى 141مىليون ،  ئومومى يە كۆلىمى 17مىليون كۇۋادرات كىلومىتىر !  2011-يىلدىكى ئىچكى ئىشلەپچىقىرىش ئومومى قىممىتى 1تىرلىيون 885مىليارد ئامىرىكا دوللىرى ،  كىشى بېشىغا توغرا كىلىدىغان ئوتتۇرچە قىممىتى 12مىڭ 900دوللار !  
پايتەختى : موسكىۋا
ئاساسلىق شەھەرلىرى : سانكىت پىتىربۇرىگ ، مورمانىسكى ، ۋىلادىۋوستوك
دۆلەت تىلى : روس تىلى
پۇل بىرلىكى : رۇبلى
خەرىتىدىكى ئورنى :


دۆلەت كوماندىسىنىڭ باش تېرىنىرى : ئىيدېۋوكات


كوماندا گىربى :

---

10. چېخ


چېخ دۆلەت كوماندىسى ئەزەلدىن داڭلىق چولپانلار ئۈزۈلۈپ قالمايدىغان كوماندىلارنىڭ بىرسى بولۇپ  نەتىجىسىمۇ ھەر ھالدا تۇراقلىق !  بۇيىلقى ياۋروپا لوڭقىسىدىكى رەقىبلىرىمۇ ئانچە كۈچلۈك دەپ كەتكىلى بولمايدۇ !  ئازراق كۈچىسىلا گۇرۇپپىدىن چىقىپ كىتىشى مۇمكىن !
دۆلەت ئەھۋالىغا كەلسەك ئومومى نوپوسى 10مىليون 267مىڭ ئادەم ،  ئومومىي يەر كۆلىمى 78مىڭ 866كۇۋادرات كىلومىتىر ،  2010-يىلدىكى ئىچكى ئىشلەپچىقىرىش ئومومى قىممىتى 191مىليارد 973مىليون دوللار ، كىشى بېشىغا توغرا كىلىدىغان ئوتتۇرچە قىممىتى  18مىڭ256 ئامىرىكا دوللىرى .
پايتەختى : پىراگا
ئاساسلىق شەھەرلىرى : بېرسىن ، بۇرنو ، روسىتلاف
دۆلەت تىلى چېخ تىلى
خەرىتىدىكى ئورنى :


دۆلەت كوماندىسىنىڭ باش تېرىنىرى : بىلەيىك


كوماندا گىربى :

---

11. گوللاندىيە


گوللاندىيە دۆلەت كوماندىسى ئەزەلدىن دۇنياغا داڭلىق چولپانلار توپلاشقان كوماندا بولۇپ ، بۇ كوماندىدىنمۇ دۇنياغا داڭلىق دەرىجىدىن تاشقىرى چولپانلار ئۈزۈلۈپ قالغان ئەمەس !   گوللاندىيە كوماندىسىنىڭمۇ دۇنيا لوڭقىسى ۋە ياۋروپا لوڭقىسىدىكى نەتىجىسى ئىزچىل ياخشى بولۇپ كىلىۋاتىدۇ ، بۇيىلمۇ ھالاكەت گۇرۇپپىسىدىن ئوڭۇشلۇق چىقىپ كىتەلىسە لوڭقا كۆتۈرۈش ئىمكانىيىتى ناھايىتى يۇقىرى !   گوللاندىيەمۇ 88-يىلى بىر قىتىملا ياۋروپا لوڭقىسىنىڭ چىمپىيونلىقىغا ئېرىشكەن، گېرمانىيەگە ئوخشاش كۈمۈش مىدالغا  ھۆ بولۇپ كەتكەن دۆلەت.  بۇلارمۇ جاننى تىكمىسە كىچىك گۇرۇپپىدىلا گوللاندىيەگە داۋاي
دۆلەت ئەھۋالى : ئومومى نوپۇسى 16مىليون 500مىڭ ئادەم ،  يەر كۆلىمى 41مىڭ 526 كۇۋادرات كىلومىتىر ،  ئىچكى ئىشلەپچىقىرىش ئومومى قىممىتى 868مىليارد 940مىليون ئامىرىكا دوللىرى ، كىشى بېشىغا توغرا كىلىدىغان ئوتتۇرچە قىممىتى 52مىڭ ئامىرىكا دوللىرى .
پايتەختى : ئامىستىردام
ئاساسلىق شەھىرى : روتتىردام
پۇل بىرلىكى : ياۋرو
دۆلەت تىلى : گوللاندىيە تىلى
خەرىتىدىكى ئورنى :
  

دۆلەت كوماندىسىنىڭ باش تېرىنىرى : ۋان مارۋىك

كوماندا گىربى :

---

12. شىۋىتسىيە
  

شىۋىتسىيە دۆلەت كوماندىسى ھازىرغىچە دۇنيا لوڭقىسىنىڭ ياكى ياۋروپا لوڭقىسىنىڭ چىمپىيونلىقىغا ئېرىشىپ باقمىغان ، لىكىن بۇ دۆلەتتىنمۇ داڭلىق چولپانلار ئۈزۈلمەي چىقىپ تۇرىدۇ !  چوڭ مۇسابىقىلەردىكى نەتىجىسىنى بەك ياخشى دەپكەتكىلى بولمىسىمۇ لىكىن بۇ كوماندىنىڭ ئەزالىرىمۇ خېلى سەرخىل .  كىچىك گۇرۇپپىدىن چىقىش ئېھتىماللىقى سەل تۆۋەن بولسىمۇ لىكىن يەنىلا ئۈمىد يوق دىيىشكە بولمايدۇ !  ئاساسلىقى ئىبرايىم تۆگىنىڭ ئىپادىسىگە قارايمىز !
دۆلىتىنىڭ قىسقىچە ئەھۋالى :  ئومومىي نوپوسى 9مىليون 110مىڭ ئادەم ، يەر كۆلىمى 450مىڭ كۇۋادرات كىلومىتىر ، ئىچكى ئىشلەپچىقىرىش ئومومى قىممىتى 484مىليارد 500مىليون ئامىرىكا دوللىرى ،  كىشى بېشىغا توغرا كىلىدىغان ئوتتۇرچە قىممىتى 57مىڭ 156 ئامىرىكا دوللىرى .
پايتەختى : سىتوكھولىم
ئاساسلىق شەھەرلىرى : گېدباۋ ، مارمو
دۆلەت تىلى : شىۋىتسىيە تىلى
خەرىتىدىكى ئورنى :


دۆلەت كوماندىسىنىڭ باش تېرىنىرى : ئېرىك . خامرۇن


كوماندا گىربى :

---

13. گىرىتسىيە   


گىرىتسىيە كوماندىسى 2004-يىلدىكى ياۋروپا لوڭقىسىدا دۇنيادىكى نۇرغۇن مەستانىلەرنى ھەيران قالدۇرۇپ لوڭقا كۆتۈرۈپ ئىسمى-جىسمىغا لايىق قارا تۇلپارغا ئايلانغان سىرلىق بىر كوماندا .  بىراق يېقىنقى بىر نەچچە يىلدىن بۇيان دۆلەت ئىچىدىكى ئىقتىسادنىڭ كاساتلىشىشى ۋە يۇقىرى قاتلامنىڭ بەزى مەسىلىلىرى تۇپەيلىدىن  قالايمىقانچىلىق ۋە نامايىشلار ئۈزۈلمەي يۈز بېرىپ تۇرىۋاتىدۇ !  شۇنداقتىمۇ بۇيىل گىرىتسىيە كوماندىسى ئوڭۇشلۇق ھالدا 16كۈچۈك كوماندا قاتارىغا كىرىپ ياۋروپا لوڭقىسى ئويناش سالاھىيىتىگە ئېرىشتى .
گىرىتسىيە تۇرىۋاتقان كىچىك گۇرۇپپىمۇ مىنىڭچە ئۇنچىۋالا خەتەرلىك گۇرۇپپىمۇ ئەمەس ،  گۇرۇپپىدىن چىقىشتا خېلى كۆپ پۇرسەت بار ، قېنى بۇقېتىمقى ياۋروپا لوڭقىسىدىمۇ گىرىتسىيە ھەممىمىزنى ھەيران قالدۇرۇپ قارا تۇلپارغا ئايلىنىپ كىتەمدۇ ياكى كىچىك گۇرۇپپىدىلا بىرتەرەپ بولامدۇ  ؟ بۇنى ۋاقتى كەلگەندە كۆرەيلى !
دۆلەتنىڭ قىسقىچە ئەھۋالى : 2011-يىلدىكى ئومومىي نوپوسى 10مىليون 787مىڭ 690 ئادەم ،  ئومومى يەر كۆلىمى 131مىڭ 957كۇۋادرات كىلومىتىر ،  2010-يىلدىكى ئىچكى ئىشلەپچىقىرىش ئومومى قىممىتى 305مىليارد 144مىليون ئامىرىكا دوللىرى ،  كىشى بېشىغا توغرا كىلىدىغان ئوتتۇرچە قىممىتى 20مىڭ 360 ياۋرو !
پايتەختى : ئافىنا
ئاساسلىق شەھەرلىرى : سېسالونىس ، پاتىرى
دۆلەت تىلى : گىرىك تىلى
پۇل بىرلىكى : ياۋرو
خەرىتىدىكى ئورنى :


دۆلەت كوماندىسىنىڭ باش تېرىنىرى : فېرنادو . سانتوس

كوماندا گىربى :

---

14.دانىيە



دانىيە  كوماندىسىمۇ 1992-يىلدىكى ياۋروپا لوڭقىسىدا  نۇرغۇن مەستانىلەرنى ھەيران قالدۇرۇپ لوڭقا كۆتۈرۈپ ئەشەددى  قارا تۇلپارغا ئايلانغان سىرلىق بىر كوماندا .  بىراق يېقىنقى بىر نەچچە يىلدىن بۇيان كۈچلۈك كوماندىلار توپلاشقان ياۋروپادا سەل كۆمۈلۈپ قالغان بولسىمۇ ، بۇيىل پورتىگالىيە قاتارلىق كۈچلۈك كوماندىلارنى مەغلۇپ قىلىپ ياۋروپا لوڭقىسىغا قاتنىشىش سالاھىيىتىگە ئېرىشتى ! بۇ كوماندىنىڭ ئەزالىرىنىڭ بەدەن قوۋۋىتى كۈچلۈك ھەم قاۋۇل !  بىراق ھالاكەت گۇرۇپپىسىغا كىرىپ قالغان بولغاچقا گۇرۇپپىدىن چىقىش ئېھتىماللىقى بەكلا تۆۋەن !
دۆلەتنىڭ قىسقىچە ئەھۋالى : 2011-يىلدىكى ئومومىي نوپوسى 5مىليون 520مىڭ  ئادەم ،  ئومومى يەر كۆلىمى 43مىڭ كۇۋادرات كىلومىتىر ،  2011-يىلدىكى ئىچكى ئىشلەپچىقىرىش ئومومى قىممىتى 333مىليارد 238مىليون ئامىرىكا دوللىرى ،  كىشى بېشىغا توغرا كىلىدىغان ئوتتۇرچە قىممىتى 59مىڭ 928 دوللار !
پايتەختى : كوپىنھاگىن
دۆلەت تىلى : دانىيە تىلى
خەرىتىدىكى ئورنى :


دۆلەت كوماندىسىنىڭ باش تېرىنىرى : ئورسېن

كوماندا گىربى :

---

15. كىرودىيە   



كىرودىيەدۆلەت كوماندىسىنىڭ ئەزالىرىمۇ ياۋروپادىكى داڭلىق كۇلۇبلاردا توپ تىپىدۇ ، بۇيىل كىرودىيە كوماندىسىنىڭ جەڭگىۋارلىقىمۇ خېلىلا ئۈستۈن ! ھەرقېتىمقى دۇنيا لوڭقىسى ۋە ياۋروپا لوڭقىسىغا ئاساسى جەھەتتىن توللۇق قاتنىشىدۇ ، كوماندىنىڭ ئىپادىسىنى خېلى يامان ئەمەس دىيىشكە بولىدۇ ، بىراق بۇلارمۇ تېخىچە تىرناقتا توختىغىدەك لوڭقىدىن بىرەرنى كۆتۈرۈپ باقمىدى . كىرودىيە كوماندىسى : ئىسپانىيە ، ئىتالىيە ، ئېرلاندىيە كوماندىلىرى بىلەن بىرلىكتە س گۇرۇپپىغا بۆلۈنگەن .  بۇ قېتىم بۇ گۇرۇپپىدىنمۇ ئوت چىكىتىشى مۇمكىن   
دۆلەتنىڭ قىسقىچە ئەھۋالى : 2011-يىلدىكى ئومومىي نوپوسى 4 مىليون 500مىڭ ئادەم ،  ئومومى يەر كۆلىمى 56مىڭ 538 كۇۋادرات كىلومىتىر .
پايتەختى : زاگىرىپ
دۆلەت تىلى : كىرودىيە تىلى
خەرىتىدىكى ئورنى :


دۆلەت كوماندىسىنىڭ باش تېرىنىرى : بىلىچ  
  

كوماندا گىربى :

---

16. ئېرلاندىيە


ئېرلاندىيە دۆلەت كوماندىسى  ماڭا نىسبەتەن سەل ناتونۇش كوماندا !  س دەرىجىگە بۆلۈنۈپ قالغان بۇ كوماندىنىڭمۇ ياۋروپا لوڭقىسى سەپىرى ئانچە يىراققا بارالماسلىقى مۇمكىن !
دۆلەتنىڭ قىسقىچە ئەھۋالى : 2011-يىلدىكى ئومومىي نوپوسى 4 مىليون 200مىڭ ئادەم ،  ئومومى يەر كۆلىمى 70مىڭ 282 كۇۋادرات كىلومىتىر .  2005-يىلدىكى ئىچكى ئىشلەپچىقىرىش ئومومى قىممىتى 164مىليارد 600 مىليون ئامىرىكا دوللىرى !  كىشى بېشىغا توغرا كەلگىنى 41مىڭ دوللار .
پايتەختى : دۇبلىن
دۆلەت تىلى : ئىنگىلىس تىلى
پۇل بىرلىكى : ياۋرۇ
خەرىتىدىكى ئورنى :


دۆلەت كوماندىسىنىڭ باش تېرىنىرى : ۋوسىتون


كوماندا گىربى :

---

تامام !  

adidas777

تىمىڭىزغا تەشەككۇر................
ئۈزىل ئۈچۈن گىرمانيەنىڭ،بىنىزما ئۈچۈن فىرانسىيەنىڭ  رونالدۇ ئۈچۈن پورتىگاليەنىڭ،چىمپىيۇن بولىشىنى ئۈمۈت قىلىمەن.
    مۇشۇ 4تى 4 كۇچلۇككە كىرىپ سىناشسىمۇ مەيلىتى
777

چىمبۇلاق

يەنە دىسەم يەنە شۇ ئالغا ئىنگىلاند

jasur007

[align=justify]

ۋەئەلەيكۇم ئەسسالام !

قىسقىچە ئەھۋالى دېسەك بولغۇدەك ، جاپا تارتىپسىلە
قالغىنىنى تۇلۇقلاپ قويساڭلە نادىرلاپ قويۇشقا ئەرزىگۈدەك

jasur007

تۈركىيە كىرەلىگەن بولسا شۇنىڭغا مەدەت بېرەتتىم ، ئەمدى گېرمانىيە ھۇررا !!!

پارتىزان

بۇ مەزمۇن 3قەۋەتتىكى jasur007دە2012-05-28 04:35يوللىغان يازمىسىغا نەقىل  :

[align=justify]

ۋەئەلەيكۇم ئەسسالام !

قىسقىچە ئەھۋالى دېسەك بولغۇدەك ، جاپا تارتىپسىلە
قالغىنىنى تۇلۇقلاپ قويساڭلە نادىرلاپ قويۇشقا ئەرزىگۈدەك سىز دىگەندەك تەھرىرلەپ قويدۇم !

ئەلقۇت

ساقلاپ قۇيغىدەك  ماتىريال  تىمىكەن.بەك تەپسىلى يىزىپسىز.     

مۇزات

شىۋىتسىيەنىڭ پايتەختى سىتوكھولىم . داۋامىنى تولاقلاپ قويساڭلار نادىرغا لايىق بوپتۇ .

ronaldo922

ئوقۇش پۇتتۈرۈش  ئالدىدا  باكاچىلىقتىن  نادىر  تىمىدىن  بىرنى  يىزىۋىتىپ  كىتەي  دەپسىلەن دە     
سەھراغا  كىتىۋىلىپ  يوقاپ  كەتمەي  مۇشۇنداق  پايدىلنىش  قىممىتى  يۇقرى  تىمىنى  داۋاملق يوللاپ  تۇراسىلە  ،  تور  بولمىسا  دەپتىرىڭلىگە  يىزىپ  ماڭغا  ئەۋەتىپ  بەرسەڭلا  نامىمنى  قوشۇپ  سىلنىڭ  نامىڭلىدا  ئىلان  قىلىپ  قويۈشقا  قولۇم  كۆسۈمدە  

suykasiqi

نادىر تىمىدىن بىرىنى يېزىپ قۇيۇپىسىز.
مۇشۇ گىرمانلارىنىڭ لوڭقا كۆتۇرىشىنى بەكلا ئۇمۇت قىلمەن.
ئالغا گىرمان.

girman

ياخشى تىمىكەن جاپا تارتىپسىز ئالغا گىرمانىيە ،تىرىشىڭلار يەنە ئىككىنچى يا ئۈچىنچى بولۇپ يۈرمەسلىكىڭلارنى ئۈمىد قىلىمەن

qinikix

تۇركىيە كىرەلمىدى ھە بۇ قىتىم.