ئابىدال جىگەر يۆتكەش ئوپىراتسىيىسى قىلدۇرماقچى
3 -ئاينىڭ 15-كۈنى كەچتەئسپانىيە زەردارى بارسىلونا تور بىكىتىدە كوماندىدىكى فىرانسىيىلىك سول بېك ئابىدالنىڭ يېقىندا جىگەر يۆتكەش ئوپىراتسىيىسى قىلدۇرىدىغانلىقىنى ئېلان قىلدى.
بارسىلونا كۇلۇپ داۋالاش تارماقلىرىنىڭ بارسىلونا تور پونكىتىدا كۆرسىتىلىچە:«جىگەر كېسەللىكىنىڭ تەسىرى سەۋەبىدىن ئابىدال مۇشۇ بىر نەچچە ھەپتە ئىچىدە جىگەر يۆتكەش ئوپىراتسىيىسىنى قوبۇل قىلىدۇ. ئەمەلىيەتتە بىر يىل بۇرۇنلا ئابىدال كىسەللىك سەۋەبىدىن جىگەر يۆتكەش ئوپىراتسىيىسى قىلدۇرۇلماقچى ئىدى،ئەمما توپىنىڭ ئۆز ئارزۇسى ۋە كۇلۇبنىڭ توپچىنىڭ مەخپىيەتلىكىنى ساقلىشىغا ھۆرمەت قىلىپ بۇ توغرىلىق ھېچقانداق خەۋەر بىرىلمىگەنىدى.»
ئىلگىرى لىئىر، لىئون قاتارلىق فىرانسىيە زەردارلىرىدا توپ تەپكەن ئابىدال 2007-يىلى بارسىلونا كوماندىسىغا قوشۇلغان بولۇپ، بارسىلونانىڭ سول تەرەپ مۇداپىئەسىدىكى بىرىنچى تاللاش بولۇپلا قالماي، يەنە جىددى ئەھۋاللاردا ئوتتۇرا بېكلىك رولىنى ئويناپ كوماندىغا زور تۆھپىلەرنى قوشقان.
2011-يىلى 3- ئايدا ئابىدال جىگەر ئۆسمىسى ئوپىراتسىيىسى قىلدۇرۇش سەۋەپلىك مۇسابىقە مەيدانىدىن ئايرىلغانىدى،ئەمما ئۇ مۆجىزە يارىتىپ 5- ئاينىڭ باشلىرىدىلا ساقىيىپ چىقىپ مۇسابىقىگە قاتنىشىشقا باشلىغان ھەمدە شۇ يىلى ياۋروپا چىمپىيونلۇق لوڭقىسى مۇسابىقىسىنىڭ ھەل قىلغۇچ مۇسابىقىسىدە ئاساسلىق سول بېك بولۇپ مۇسابىقىگە قاتناشتى ۋە كوماندا باشلىقىلىق بەلگىسىنى تاقاپ بارسلونا ئۈچۈن ياۋروپا چىمپىيونلۇق بىرلەشمىسى لوڭقىسىنى كۆتۈردى.
شۇنىڭدىن كېيىن بارسىلونا تەرەپ ئۇنىڭ كوماندىدىكى رولىغا ئىنتايىن ئەھمىيەت بەردى ھەمدە بۇ يىل 1- ئايدا ئۇنىڭ بىلەن يەنە بىر يىل توختام ئۇزارتتى ۋە توختامنى يەنە 2015- يىلغىچە ئۇزارتىلىدىغان قىلىپ قوشۇمچە شەرتنىمۇ قوشتى.
ئابىدال بۇ يىل 2- ئايدا فىرانسىيە دۆلەت كوماندىسى مۇسابىقىسىدا يارىلانغانلىقتىن، بىرنەچچە مەيدان مۇسابىقىگە قاتنىشالمىغانىدى، يېقىندا ئۇنىڭ مۇشۇ ھەپتە سېۋىللا بىلەن بولغان مۇسابىقىدە ساقىيىپ چىقىش مۇمكىنچىلىكى بار دېگەن خەۋەرلەر بولغانىدى، ئەمما ئۇ ھازىر ئوپىراتسىيە قىلىنىدىغان بولغانلىقتىن ۋاقتىنچە مۇسابىقە مەيدانىغا چىقالمايدۇ. ئابىدالنىڭ قاچان ئوپىراتسىيە قىلىنىلىدىغانلىقىغا قارىتا بارسىلونا تەرەپ تېخى ئېنىق ئىپادە بىلدۈرمىدى.
| 
ۋاقتى: 2012-3-16 19:23:12
تېما كۆتۈرۈش
تېما چوققىلاش
تېما تاقاش
变色卡
ۋاقتى: 2012-3-16 21:17:17
