=رومانتىك دۆلەتتىن شاھلىققىچە =( تولۇقلاندى )

tagderem

  يۈز يىلدىن ئوشۇق تارىخقا ئىگە فىرانسىيە پوتبۇلچىلىقى يېقىنقى 30 يىلدا  ئىككى قىتىم گۈللىنىش دەۋرىنى باشتىن ئۆتكۈزدى ، بىرى 80 - يىللاردىكى پىلاتىنى باشچىلىقىدىكى فىرانسىيە كوماندىسى دۇنياغا خوجا بولىشقا  ئازلا  قالغان بولسا   ، 90 - يىللارنىڭ ئاخىردىكى زىدانى باشچىلىقىدىكى فىرانسىيە كوماندىسى 98 - يىلى ۋە 2000 - يىلى '' دۇنيا ۋە ياۋرۇپا '' زومىگىرىگە ئايلىنىپ  ھەقىقىي  '' ئالتۇن دەۋىر '' ىنى ياراتتى  .
  ۋەھالەنكى فىرانسىيە كۇلۇپلىرنىڭ ياۋرۇپا ئۈچ چوڭ  لوڭقىسىدىكى نەتىجىسىنى تازا ياخشى ئەمەس ، 93 يىلدىكى مارسىل چىمپيۇنلىقىدىن كېيىن تېخى بىرەر فىرانسىيە كۇلۇپى ياۋرۇپا چېمپيۇنلىقىغا ئىرىشىپ باقمىدى ، ئەڭ ياخشى نەتىجىسى پارىز  سان ژىماننىڭ 96 يىلدىكى غالىپلار لوڭقىسى ، مۇرىنتىس باشچىلىقىدىكى مۇناگۇنىڭ چېمپيۇنلۇق لوڭقىسدا ھەل قىلغۇچقا كىرىشى بىلەن لىئۇننىڭ 09 - يىلى يېرىم ھەل قىلغۇچقا كىرىشى ھىساپلىندۇ . بۇنداق دىگەنلىك ئۇلارنى بەكلا ئاجىزلىققا چىقىرۋەتكەنلىك ئەمەس ، باشقا بىرلەشمىدە ''ھەقىقى شاھ '' قا ئايلانغان بىر نەچچە چولپانلارمۇ '' فىرانسىيە سەپىرى '' نى بىشىدىن ئۆتكۈزگەن . نۆۋەتتىكىسى  شۇلارنىڭ قىسقىچە تارىخى .

ياۋرۇپادا بىر ئالتۇن توپ بار ، ئۇ سىنى ساقلاۋاتىدۇ  - رونالدىنخۇنىڭ دادىسنىڭ ئىيتقان سۆزى

مانچىستىر شاھى - كانتۇنا

[img]
[/img]
مانچىستىرلىقلار بىر ئۆمۈر كانتۇنانى ئۇنتۇپ قالمايدۇ  ،  مەيلى رىپىر مەيلى سەپداشلىرى مەيلى قارشى تەرەپ مەستانلىرنى ئۇرۇش - تىللاش بولسۇن  ھىچقايسىسى ئۇنىڭ مانچىستىرلىقلار نەزىردىكى ئوبرازىنى ھەرگىز خىرەلەشتۈەلمەيدۇ  ، چۈنكى ئۇ بار يەردە لوڭقا بار  ، مانچىستىرلىقلار تېخى 95 - يىللىق بىرلەشمە لوڭقىسىغا ئىرشەلمەسلىكنى ئۇنىڭ سەككىز ئاي مۇسابىقە چەكلىنىشى بىلەن سەۋەپلىك ئىكەنلىكنى ئۇنتۇپ قالغنى يوق .
بۇ مانچىستىر شاھى دەسلەپتە فىرانسىيىنىڭ بورتۇ  ، ئوسەيىر ، مونتپېليېر ، مارسىل كۇلۇپلىردا توپ تەپكەن  ، 90 - 91 يىللىق بىرلەشمە مۇسابىقىسدە مارسىل بىلەن بىرلىكتە فىرانسىيە چىمپيۇنلىقىغا ئىرىشكەندىن كىيىن ، ئىنگىلاند سەپىرنى باشلاپ ، رىس كۇلۇبىدا 91- 92 يىللىق مۇسابىقە سەپىرنى باشلىغان ۋە چىميۇنلىققا ئىرىشكەندىن كىيىن ، تىرنىر بىلەن چىقىشالماسلىق سەۋبىدىن شۇ يىلىلا قىزىل ئالۋاستىغا  يۆتكىلىپ ، ئىسمى جىسمىغا لايىق '' مانچىستىر شاھى '' غا ئايلانغان .
  كونا تىرانفورتتا يۈكسەك ئابرۇيغا ئىگە كانتۇنانىڭ ئىسمى 90 - 2000 يىلغىچە بولغان  نەچچە قىتىملىق  فىرانسىيە دۆلەت كوماندىسى  تىزىملىكىدە كەمدىن كەم ئۇچرايدۇ ، ئاجايىپ تالانتقا ئىگە بۇ چولپاننىڭ دەرجىدىن تاشقىرى ئەسكى مىجەزى ئۇنىڭ فىرانسىيە كوماندىسىدا نۇرغۇن شان - شەرەپلىرگە ئىرىشىش ئىھتىماللىقىنى كىچىكلىتۋەتكەن شارائىتتا زىدانى قاتارلىق بىر تۈركۈملەرنىڭ تېزلا  يېتىشىپ چىقىشى  فىرانسىيە كوماندىسدا كانتۇنا  نىڭ ئورنىنى تېزلا تولدۇرۇپ كېتىلگەن . شۇڭا ئۇ 98 - يىللىق دۇنيا چېمپيۇنلىقىغا شېرىك ئەمەس .
 

سىھرىگەر - زىدانى

   يېڭى ئەسىرنىڭ ئالدى كەينىدىكى فىرانسىيە پوتبۇلچىلىقىنىڭ ۋەكىلى كىم ؟ - شەك - شۈبھىسىزكى ئۇ زىدانىدۇر . ئۇ باشچىلىقىدىكى فىرانسىيە كوماندىسى ئارقا ئارقىدىن  دۇنيا  ۋە ياۋرۇپا لوڭقىسىغا ئىرىشتى . ئۆزىمۇ فىرانسىيە تارىخىدىكى ئەڭ ئۇلۇغ  ماھىرلار قاتاردىن ئورۇن ئالدى .
  باشقا فىرانسىيە چولپانلىرغا ئوخشاش زىدانىنىڭ كەسپى ھاياتىمۇ فىرانىسيە بىرلەشمىسدىكى  كىچىك كۇلۇپ - گانا كۇلۇبىدىن باشلانغان . 92 - يىلى بوردۇ كۇلۇبىغا ئالماشقاندىن  كېيىنكى بىر نەچچە يىلدا كوماندا يادرۇسىغا ئايلىندۇ .
96 - يىلى بوردۇدىن ئايرىلىپ ئىتالىينىڭ ئەينى ۋاقىتىدىكى ياۋرۇپا زومگىرى بولغان يۇۋۇنتىسقا قوشۇلۇپ ، ئۇزۇن ئۆتمەيلا   يۇۋۇنتۇستىكى '' پىلاتىنى '' دىن كىيىن ئەڭ ئالقىشقا ئىرىشكەن فىرانسىيە توپچىسى بولۇپ قالدۇ . ۋە كوماندا بىلەن بىرلىكتە 96 - 97  ، 97 - 98 يىللىق بىرلەشمە چىمپيۇنلىقى ۋە 97 - يىللىق ئىتالىيە دەرجىدىن تاشقىرى لوڭقىسدا چىمپيۇن بولۇپ  ئۆزنىڭ يۇۋنتىستىكى يادرۇلۇق ئورنىنى تىكلەيدۇ .
2001 - يىلى ئەينى چاغدىكى رىكۇرت 6400 تۈمەن ئامرىكا دوللىرلىق ئالمىشىش ھەققى بىلەن فىلرىندۇ قۇرغان  تۇنجى '' سامان يولى جەڭ كىمىسى '' گە چىقىدۇ . ۋە شۇ يىللىق ياۋرۇپا چىمپيۇنلۇق لوڭقىسى ھەل قىلغۇچ مۇسابىقىسدە  ، ئاجايىپ يوقرى ماھارەتلىك بىر توپ كىرگۈزۈپ ، مادرىتنىڭ چىمپيۇنلىقى ئۈچۈن ئۆچمەس تۆھپە قوشىدۇ .
  ئۇ مادرىتتا تۇرغان ۋاقىتتا بىر قىتىم ياۋرۇپا چىمپيۇنلۇق لوڭقىسى  ، ئىككى قىتىم ئىسپانىيە بىرلەشمە  مۇسابىقىسى ،  بىر قېتىم ياۋرۇپا دەرجىدىن تاشقىرى لوڭقىسىغا ئىرىشكەن . شەخسى شان شەرەپتە ؛دۇنيا پوتبۇل ئەپەندىسى سايلاش نامزاتلىرنىڭ ئىچدە  ئالدىنقى ئۈچ قاتارىغا   ئالتە قېتىم كېرىپ  ئۈچ قىتىم دۇنيا پوتبۇل ئەپەندىسى ، ئىككى قېتىم ئىككىنچى بىر قېتىم ئۈچۈنچى بولغان ، 2006 - يىلى دۇنيا لوڭقىسى ئالتۇن توپ مۇكاپاتىغا ئىرىشكەن .

نوكامپۇ شاھى - رونالدىنخۇ

بەلكىم بارسىلۇنانى ئۆچ كۆردىغانلار نۇرغۇن بولۇشى مۇمكىن ، بىراق رونالدىنخۇنىڭ مۇسابىقىسى ( بارسادىكى ) ئارقىلىق ھۇزۇر سۈرۈشنى خالىمايدىغانلار بولىمىسا كېرەك ، ئۇ ئالدى بىلەن ئۇلۇغ سەنئەنكار ئاندىن قالسا  پوتبۇلچى ! ئۇنىڭ توپ ئوينىشى چىراينىڭ دەل ئەكسى ، ھىڭگاڭ چىش ، دائىم كۈلۈمسىرەپلا تۇردىغان بۇ بىرازىليان 2002 - يىلى پۈتۈن دۇنيا توپ مەستانلىرنىڭ كۆز ئالدىدا  دۇنيادىكى ئەڭ ياخشى ۋارتارغا يىراقتىن '' چاقچاق ''  قىلىشتىن بىر يىل  بۇرۇنلا فىرانسىيدىكى پارىژ ژىرمان كۇلۇبىدا توپ ئوينايتتى . 02 - دىكى رونالدۇ  ، رىۋالدۇ ، ئۈچنىڭ تەڭداشسىز ھۇجۇم بىرىكمىسىدىكى قالتىس ئىپادىسى ھەم كۇلۇپ تەرەپ بىلەن بولغان زىدىيەت تۈپەيلى ئۇ فىرانسىيدىن ئايرىلماقچى بولدى .

  2003 - يىلى 7 - ئايدا بارسلۇنا ئۆزنىڭ رىۋايەتلىك بۇ ئادىمىگە ئىرىشتى ، شۇنداقلا ئۆزىمۇ كىرۇيىف تىرنىرلىقتىن ئىستىپا بەرگەندىن كىيىنكى يەنە بىر ئەڭ گۈللىنىش  دەۋىرنى ياراتتى .  ئۇ بۇ يەردە ئۆزنىڭ چەكسىز تالانتى ئارقىلىق كوماندا بىلەن بىرلىكتە ئىككى قېتىم بىرلەشمە ، بىر قېتىم ياۋرۇپا چېمپيۇنلۇق لوڭقىسى بىر قېتىم ياۋرۇپا دەرجىدىن تاشقىرى لوڭقىسىغا ئىرىشتى  ، ئۆزىمۇ  ئىككى قېتىم دۇنيا پوتبۇل ئەپەندىسى بىر قېتىم ياۋرۇپا پوتبۇل ئەپەندىسى بولۇپ ،   رىۋالدۇدىن كېيىنكى  كاتۇلۇنىيەلىكلەرنىڭ يەنە بىر  پەخىرى بولۇپ قالدى .
  ئۇ نوكامپۇدا '' دونيا لوڭقىسى '' دىن باشقا ھەممىگە ئىرشتى ، ھەممە كۈتكەن 2006 - يىلى ئۇنىڭ ئۈچۈن ئانچە ئوڭۇشلۇق بولمىدى ، تۆت يىلنىڭ ئالدىدىكى دۇنيا لوڭقىسى بولسا ، ئۇنىڭ فىرانسىيدىكى ھاياتىغا مەنسۇپ ئىدى . ( تېما ماۋزۇسى شاھلىققىچە بولغان بولغاچقا ، ئۇنىڭ ئىلگىركىگە يەتمەيدىغان  كېيىنكى ھاياتىنى يېزىشنى توغرا كۆرمۈدۈم )
  

ئارسىنال پىلىمۇتى  - ھىنرى

  ئارسىنال تارىخدىكى بىرىنچى مەرگەن ھىنرىنىڭ فىرانسىيىدىن كېيىنكى تۇنجى بېكتى ئارسىنال ئەمەس.

مۇناكۇ ۋە 98 - يىلدىدىكى دۇنيا لوڭقىسىدىكى ياخشى ئىپادە ئۇنىڭ 98 - يىلى ئەنچىلۇدى باشلىقىدىكى يۇۋىنتىسقا قوشۇلىشغا ئاساس سالدى ، لېكىن ئۇ يۇۋىنتىسقا كۆنەلمىدى ، ئۇنىڭ ناچار ئىپادىسى كۇلۇپ رەھبەرلىكىنى تازا رازى قىلالمايۋاتقان چاغدا ، ئارسىنالنىڭ تالانىتلىقلارنى بايقاشقا ئالاھىدە ماھىر بولغان ۋىنگىرنىڭ تاللىشغا ئىرشتى ، ئۇنىڭ بىلەن بىللە يۇۋىنتىسقا كەلگەن دوستى تىرزنىگۇت بولسا داۋاملىق يۇۋىنتىستا قالىدى  ، ھىنرى كەتتى  - ئارسىنالمۇ كۇلۇپ تارىخىدىكى ئەڭ مۇنەۋۋەر مەرگەنگە ئىرشتى !   

  ئارسىنالدا تۇرغان سەككىز يىلدا ئۇ كۇلۇپ ئۈچۈن جەمئىي  226 توپ كىرگۈزۈپ ،  2002-2003-2004-2005-يىلى ئۇدائىنگىلاد بىرلەشمىسى  چىمپىيونى .:ئىنگىلادلوڭقىسى چىمپىيونى: ئىنگىلاد جەمىئەت لوڭقىسى چىمپىيونى ، 2006 - يىلى ئۇزغۇنلۇقنىڭ ئىككىنچلىكىگە ئىرشىپ ئارسىنالدىكى ئىسمى جىسمىغا لايىق قاتىل مەرگەنگە ئايلانغان ھىنرى ئاخىردا كەسپى ھاياتىدىكى ئۆزى ئىرشىپ باقمىغان ياۋرۇپا ئۇزغۇنلۇقى ئۈچۈن 2007 - يىلى يازدا بارسىلۇناغا قۇشۇلۇپ ،  بارسانىڭ 2009 -يىلى ''ئالتە شاھ ''  بولشىغا زور كۈچ قوشتى ھەم ئۆزى ئەڭ ئارزۇلايدىغان ئۇزغۇلۇققا ئىرىشتى . ئۇ ئارسىنالدا تۇرغان ۋاقىتتا ياۋرۇپا ۋە دۇنيا پوتبۇل ئەپەندىسنى سايلاشتا ئىككى قېتىمدىن جەمئىي تۆت قېتىم ئىككىنچى بولغان .
  
  

چىلسىنىڭ ئىپتخارى - دىروگبا

چىلسىنىڭ  ''پىل چىشى قىرغىقىلىق '' داڭلىق ھۇجۇمچىسى دىرۇگبا 98 - يىلىلا فىرانسىيە سەپىرنى باشلاپ لىمانىس كۇلۇبىغا قوشۇلغان  ،2003 - 2004 مۇسابىقە پەسلى   فىرانسىيىدىكى مارسىل كۇلۇپىدا  توپ ئوينىغان . ئۇ يەردىكى ياخشى ئىپادىسى شۇ ۋاقىتلاردا يېڭىلا ئىنگىلان سەپىرنى باشلىغان مۇرنخۇنىڭ دېققتنى تارتقاچ ، 2400 فونتسىتىرلىڭلىق يوقرى باھا ( رونىنىڭكىدىن قالسىلا )بىلەن چىلسغا قوشۋالغان ~~~ دىۋە رىۋايتى شۇنىڭدىن باشلانغان
  ئۇنىڭ چىلسىدىكى ئىپادىسى ~ چىلسىنىڭ بۈگۈنگىچىلىك  باسقان '' ئەگرى - توقاي ''  مۇساپىسى بىلەن ئوخشاش  ، دەسلەپتە مۇرىنخۇنىڭ قولىدا ئەتۋارلاپ ئىشلىتىلگەن دىۋە ناھايتى تېزلا ئىلگىرلىگەن ، ھەم كوماندا بىلەن ئىككى قېتىم دەرجىدىن تاشقىرى بىرلەشمە لوڭقىسغا ئىرىشكەن
07-08 ياۋرۇپا ئۇزغۇنلۇقىدا  ئىپادىسى ياخشى بولۋاتقان چىلسى كوماندىسى ،  مورنخۇدىن ئايرىلغان بولسىمۇ ئاخىردا يەھۇدى تېرنىرنىڭ باشلامچىلىقىدا ھەل قىلغۇچقا كىرىپ نوقتا توپتا  مانچىستىرغا ئۇتتۇرۋىتىپ ، كوماندا تارخىدىكى تۇنجى ياۋرۇپا ئۇزغۇنلىقىدىن مەھرۇم قالغان  . كىشلەر تا ھازىرغىچە تىررىنىڭ ئاشۇ نوقتا توپى كىرىپ كەتكەن بولسا ،  چىلسى چىمپيۇن بولاتتى دەپ  ئەسلىشدۇ ، بىراق ھەممىمىز بىر نوقتىنى يەنى ئۇزارتىلغان باسقۇچتا ۋىدىچىنىڭ يۈزگە قولىنى''  تەككۈزۈپ قويۇپ '' مەيداندىن  قىزىل كارتا بىلەن ئايرىلغان  دىرۇگبانىڭمۇ نوقتا توپ تېپەلەيدىغىنىنى ئۇنتۇپ قالدۇق
  ئالتە پەسىل ئۈتۈپ كەتتى ، ئۇ يەنە چىلسىدا مۇتلەق مۇقىم ئەزا ، گەرچە ''موسكىۋادىكى سوغۇق كىچە '' دىن كېيىن ، ئۇ قابىليەتسىز تېرنىرنىڭ قولىدا بىر مەزگىل ۋەيران بولۇش گىردابىغا بىرىپ قالغان بولسمۇ ، خىسلەتلىك تېرنىرنىڭ قولدا يەنە چاقنىدى ،  ئەنچىلۇدىنىڭ كېلىشى بىلەن چىلسىمۇ ئۆزنىڭ بىر مەزگىللىك تۆۋەنلەش باسقۇچىدىن كېيىن تېخى ئالدىنقى پەسىللىك  بىرلەشمە ۋە ئۇيۇشما لوڭقىسنى ئىلىپ '' قوش شاھ '' لىق سالاپىتى  بىلەن دىرۇگبامۇ 29 توپ بىلەن بىرلەشمە مەرگەنلىكى ھەيۋىسى بىلەن يېڭى پەسىلدە ئىككى يۆنلىشتە جەڭ قىلماقتا ، چىلسى پىشىپ يېتىلدى ، ئۇنىڭغا ماس ھالدا دىرۇگبامۇ مۇكەممەللەشتى ، ئۇنىڭ نامى بۇ يەردە  ئەڭ ئۇلۇغ توپچلار ئىچىدە تىلغا ئىلىندۇ ، چىلسى ھەم ئۇنىڭ ئۈچۈن پەقەتلا كەم قالغىنى ؛ ياۋرۇپا ئۇزغۇنلۇق لوڭقىسى ، شۇڭا دىۋە يەنە بۇ يەردە نەرە تارتماقتا !  

ئاخىرقى سوئال : ئۇ يېڭى ھېنرى بولالامدۇ ؟

  بۇ يىل يازدا فىرانسىيەدىن ئارسىنالغا ئەركىن يۈتكىلىش شەكلىدە قوشۇلغان چاماك ، ۋىنگىرنىڭ سويمىلىرى ئىچىدە'' خېلىللا تورلاشقىنى '' يېڭى مۇسابىقە پەسلى باشلانغاندىن تارتىپ ، ئۇنىڭ ئىپادىسى ئىزچىل ئارسىنال تەرەپ ۋە مەستانلەرنى رازى قىلۋاتىدۇ ، 12 يىل ئىلگىرى فىرانسىيىدىن ئىتالىيىگە ، ئاندىن ئەنگىليىگە كەلگەن بىر يىگىت كېيىنچە ئارسىنالنىڭ پەخىرى بولۇپ قالغان  . ئىگىز ،  قارۋاي ،  ئادەمگە يېقىملىق تۈس بىردىغان بۇ يېگىت ئاخىردا يېڭى ھېنرى بولالارمۇ ؟

  تامام  
          مەنبە ؛  پورلى ، قاپلانچاق ، سەركە ، سىرداش ...قاتارلىقلار ئىلگىرى يوللاپ بولغان تېملاردىن پايدىلاندىم .

msran

يەنەبىر نادىر تىما ، ھەجەپ تەپسىلىكەن  

ئوسكار

ھېنرىنىڭ بۇرتىنى...مېنىڭ مۈشۈكۈمنىڭ بۇرتىغا ئوخشايدىكەن...
   ئېسىل پۇتپۇلچىلارنىڭ بىرسى ئىدى بىراق ھازىر ئاستا-ئاستا ئۇنتۇلۇشقا باشلىدى...

سادىر

===   ===   ماۋۇ بەلگە مودابوپتىدە بۇيېل      

بايۋەتچە

ھەقىقەتەن  ياخشى يېزىپسىز  ....
فىرانسىيە كوماندىسى  زىدانىدىن ئايرىلغاندىن كېيىن  ئىپادىسى ياخشى بولمىسىمۇ  بۇندىن كېيىن  چۇقۇم ياخشى نەتىجە ئالالايدۇ.....
ھارماڭ...........................

vella

بەك ياخشى يىزىپىسىز ،  

ئاتېللا

زىدانى بەك ئاز يېزىلىپ قاپتۇ      

چوكىنات

ھېنىرىنىڭ زادى نىمە سەۋەپتىن دۇنيا پۇتپۇل ئەپەندىسى بولالمىغىنى پەقەت كاللامدىن ئۆتمەيدۇ....02 -يىلى دۇنيا پۇتپۇل مۇسابىقىسىدە فىرانسىيە بولمىدى دىگەندىمۇ 4 نىڭ ئىچىگە كىرگەن بولسا بەلكىم بوپمۇ قالار ئىدى..

delyar

رونالدو يوق كەن

ablikim0814

2002-يىلى رونالدودىن ھىنرىغا ئىشىشى مۇمكىن ئەمەس ئىدى

ناتونۇش

كانتونا مەيداندا توپ تەپمەي ئادەم تىپۋاتامدۇ نىمە

ئىنزاگى

كانتونانىڭ شاۋلىن گومپىسى بىلەن تەپكەن كۆرىنىشى  
ئۇنىڭ تەلۋىلىكىگە ھىچنىمە توغرا كەلمەيدۇ جۇمۇ