| ئومۇمى يازمىسى: |
ھوقۇق چېكى: 1 |
| جۇغلانمىسى: 2541 |
تۆھپىسى: سەر |
|
batigoal (باتىستۇتتا)يېقىندا مىرئەخمەتجان بىلەن كۆرۈشۈش پۇرسىتى بارلىقىنى ئۇقتۇرغاندىن كېيىن(تەپسىلاتى: چىكىڭ!) ئەزالار بالدۇرراق بۇ ئەزىمىتىمىز بىلەن كۆرۈشۈشكە تەقەززار بولۇشتى. ئەمما مىرئەخمەتجان ئۇزۇن ۋاقىت ياقا-يۇرتتا يۈرۈپ ئەمدىلا قەشقەرگە يىنىپ كەلگەندە ھەم ھېيىت ۋاقتىدا كۆپ ۋاقتلارنى تۇققانلار بىلەن ئۆتكۈزگەچكە، بىز بىلەن كۆرۈشۈشكە دەماللىققا ۋاقىت ئاجىرتالماي بىرنەچچە كۈن ئۆتتى. تا بۈگۈن كەچتە مىرئەخمەتجان ئازغىنە بىكار بولغان ۋاقتىنى چىقىرىپ، كەچ بولۇپ كەتكەن بولسىمۇ، كەچ سائەت 9لەر ئەتىراپىدا نەۋرە ئاچىسىنىڭ ئۆيىدە كۆرۈشۈشنى ئاچىسى ئارقىلىق Batigoalغا ئۇقتۇرۇپتۇ. بەك كەچ بولۇپ كەتكەچكە ھەم بىرقەدەر تۇيۇقسىز بولۇپ قالغاچقا، Batigoal توردا باشقا ئەزالارغا ئۇقتۇرۇشقا ئامالسىز «يىقىن خوشنىسى» بولغان ماڭا تىلفۇن قىلىپ بىللە بېرىشقا چاقىردى(ئۆيىمىزنىڭ بىر يەردە بولۇپ قالغىنى ماڭا پايدا بولدى  ). ئۇخلاش ۋاقتىغا يىقىن بولۇپ قالغاچقا ئىككىمىز دەسلەپتە مىرئەخمەتجان بىلەن ئاۋال بىر كۆرۈشۈپ ،كېيىنكى ئەزالار بىلەن يۈز كۆرۈشۈش ئىشىنى ئاندىن دېيىشىشنى توغرا كۆرۈپ قەشقەردىكى باشقا ئەزالارغا ئۇقتۇرماي تۇردۇق.( كەچ بولغاندا بىر مۇنچە ئادەمنى باشلاپ كىشىنىڭ ئۆيىگە بارماق سەل بىئەپ، توغرا چۈشەنگەيسىلەر) .
يۇقارقى ئوشۇق سۆزلەر batigoalنىڭ مۇنبەر ئەزالىرى ئالدىدا «ئالدامچى» بولۇپ قالماسلىقى ھەم ئىككىلا ئادەم بېرىپ كەلگىنىگە باشقىچە كۆز-قاراشلانىڭ پەيدا بولۇپ قالماسلىقى ئۈچۈن چۈشەنچە !
ياش ئەزمىتىمىز بىلەن كۆرۈشتۇق، يىشىغا خاس خۇشخۇي ئىكەن. ئۆيدە ھېيىت پەتىسى ئۆتىگەچ خېلى ياخشى ئازادە پاراڭلاشتۇق. ئەلۋەتتە پاراڭلاشقاچ مىرئەخمەتجاننىڭ يېقىنقى ئەھۋالىنى سوراشنى ئۇتنىمىدۇق. ئۇ ئۆزىنىڭ خېنەن كوماندىسىدا ناھايىتى ياخشى ئۆتىۋاتقانلىقىنى، كوماندا ئەزالىرى بىلەنمۇ ئۆزئارا ئىناق ئىكەنلىكىنى، گەرچە يېقىندىكى ئاسىيا تەنھەرىكەت يىغىنىدا كورىيە كوماندىسىغا ئۇتتۇرۇپ قويۇپ شاللانغان بولسىمۇ قىلچە مەيۇسلەنمىگەنلىكىنى بىلدۈردى. مىرئەخمەتجان بۇنىڭدىن كېيىنكى نىشانى توغرىسىدا توختۇلۇپ، ئۆزىنىڭ دۆلەت كوماندىسىدا توپ تىپىپ، كىچىكىدىن ئارزۇ قىلىپ كەلگەن دۇنيا لوڭقىسى مۇسابىقىسىگە قاتنىشىش ئۈچۈن تېرىشىدىغانلىقىنى بىلدۈردى . ئۇ يەنە شىنجاڭ پۇتبولچىلىقىنىڭ كىلەچىكى ياش - ئۆسمۈردە ئىكەنلىكىنى، ھازىرقى ياش-ئۆسمۈرلىرىمىزنىڭ مەشىق قىلىش شارائىتىنىڭ تۆۋەنلىكى، بولسا تېخىمۇ كۆپ كىشىلەرنىڭ پۇتبول خۇمار ياش-ئۆسمۈرلەنىڭ بۇنىڭدىن كېيىنكى تەرەققىياتىغا كۆڭۈل بۆلىشىنى ئارزۇ قىلىدىغانلىقىنى بىلدۈردى.
ئاخىرىدا مىرئەخمەتجان كەتكىچە ۋاقىت يار بەرسە قەشقەردىكى مەستانىلەر بىلەن يۈز كۆرۈشۈشنى خالايدىغانلىقىنى بىلدۈردى. كەچ ۋاقتىسى بولغاچقا مىرئەخمەتجان ۋە ئۆيدىكىلىرنىڭ ئارام ئىلىشىغا دەخلى قىلمايلى دەپ خوشلاشتۇق(بىرەر پارچىدىن خاتىرە سۈرەتكە چۈشتۇق ئەلۋەتتە).
مىرئەخمەتجان بىلەن كۆرۈشكەندە ئۇنىڭ چىرايىدىن يېقىندىن بۇيانقى مۇسابىقە ۋە سەپەر ھارغىنلىقى چىقىپ تۇرىدۇ. شۇڭا، گەرچە ئۇ ۋاقىت چىقىرىپ قەشقەردىكى ئەزالار بىلەن كۈرۈشۈشكە ماقۇل بولغان بولسىمۇ ، ئەگەرچەندە ۋاقىت يار بەرمەي قايتا كۆرۈشەلمەي قالساق، بىزمۇ مىرئەخمەتجاننى توغرا چۈشەنسەك!
سۈرەت batigoalنىڭ ئاپىراتىدا، ئۇنىڭ ئۆيىدە ھازىر تور بولمىغاچقا ئەتىگىچە يوللاپ قويىدىغان بولدى. |
|
ۋاقتى: 2010-11-21 02:25:18
تېما كۆتۈرۈش
تېما چوققىلاش
تېما تاقاش
变色卡
