ئوت بىلەن سۇنىڭ ھىكايىسى (پورلى)

پورلى

ئوت بىلەن سۇنىڭ ھىكايىسى

چوڭ پەرىق نۇمۇرى بىلەن مادىرىدقا ئۇتتۇرۋىتىشى بارسانىڭ ئەڭ چوڭ نۇمۇسى ، ئىككى قەھرىماننىڭ ( مارادونا ، رونالدىنىخو ) بوناۋۇنى قايىل قىلىشى مادىرىدنى ھەرقاچان ئازاپلايدۇ ، مادىرىد بىلەن بارسانىڭ دىربى جىڭى پۇتبۇلدىن باشقا نۇرغۇن ئۇقۇملارنى يەنى  كەسكىنلىك ، تەنتەنە ، خۇشاللىق ، قايغۇرۇش ، << مىللەتلەر ئاداۋىتى >> دىگەندەك ئۇقۇملارنى ئۆز ئىچىگە ئالغاچقا بۈگۈنكى كۈندە ئۇ كىلىشتۈرۈش ئەڭ تەس بولغان زىددىيەتكە ئايلاندى ؛ دىمىسىمۇ راس كىم يۈز يىللدىن ئاشقان ، نۇرغۇن ئىسسىق سوغۇقلارنى بىشىدىن ئۆتكۈزگەن ، بىرىنى كۈلدۈرۈپ بىرىنى يىغلاتقان ، بىرسىگە شىرىن چۈش ئاتا قىلسا ، بىرىنى زۇلمەت قوينىغا باشلىغان ، بىرىدىكى خۇشاللىقىنى ھىچ ئىككىلەنمەيلا ئۆزىنىڭ قىلىۋالغان ، بىرىگە چەكسىز غەلبىنىڭ تەمىنى يەنە بىرىگە مەغلۇبىيەتنىڭ ئاچچىق ساۋىقىنى سالغان ، بىرسى ۋەتەن دىسە بىرسى مىللەت دەيدىغان ، بىرىنى شاراپسىز مەس قىلسا ، بىرگە دورىسىز ئۆلۈم ئاتا قىلىدىغان زىددىيەتنى كىممۇ كىلىشتىرەلىسۇن ؛ بۇ يەردە ئەڭ چاقنىغان چولپانلار ، ئەڭ ئىسىل تىخنىكىلار ، ئەڭ يۇقۇرى چەكتىكى تىرىكىشىش ، ئەڭ يۇقۇرى پەللىدىكى كۈچ سىنىشىش مەۋجۈت ؛ ئۇ پەقەت كۆرۈش سەزگۈسى بىلەنلا ھىس قىلغىلى بولىدىغان كاتتا زىياپەت ، پەقەت كامىرا ئارقىلىقلا يۈرەكنى تىتىرتىدىغان سەنئەت ، پەقەت 90 مىنۇت ئىچىدىلا  كومىدىيە بىلەن تىراگىدىيەنى بىۋاستە ئورۇندىيالايدىغان  سەھنە ؛ ئۇ يۈز يىللىق شان – شەرەپ بىلەن ئارا – نۇمۇسقا گۇۋاھ ، يۈز يىللىق گۈللىنىش بىلەن خاراپ بولۇشقا  تىرىك ئارخىپ ، يۈز يىللىق ئىسپانىيە پۇتبۇلچىلىقىنىڭ تىرايىكتىرويىسى ؛ ئۇنىڭ بىرسىگە پۇتبۇل شاھى بىلەن ياۋرۇپا شاھى كۈچ چىقارغان ( بارساغا ۋاكالىتەن توپ ئوينىغان مارادونا بىلەن كىرىيوف كۆزدە تۇتۇلدى ) ، بىرسىدە پۇتبۇل شاھى مەبۇدىنىڭ ھەيكىلى بار ( تەلۋە شاڭشىياۋ پۇسكاش كۆزدە تۇتۇلدى ) ؛ دىمەك  مادىرىد بىلەن بارسانىڭ ئىككىسى مەيلى قايسى ئۇقۇمنى تاللىمىسۇن بىرسى ئوت بولسا يەنە بىرسى چوقۇم سۇ ، بىرسى سۇ بولسا يەنە بىرسىگە ئوتتىن باشقا تاللاش يوق ؛ بۈگۈن بۇ يەردە دەل مۇشۇ ئوت بىلەن سۇنىڭ تارىخى ھىكايىسى سۆزلىنىدۇ .( ئوت بىلەن سۇنىڭ چىقىشالماسلىقىنىڭ سەۋەبى كۆپ ، ئۆزۈم مۇھىم دەپ تونىغان 10 خىل پاكىتنى سۆزلىدىم ، ئەلۋەتتە مەن بىر بارسا مەستانىسى بولغانلىقىم ئۈچۈن بارسا مەيدانىدا تۇرۇپ سۆزلەشتىن مۇستەسنا ئەمەس ، ئەگەر  بۇغراۋاي باشلىق مادىرىد مەستانىلىرىنىڭ خاتا دەپ تونىغان جايلىرى بولسا ، پاكىتنى ئاساس قىلىپ تۇرۇپ بەرگەن رەددىيەلىرىنى قوبۇل قىلىشقا تەييارمەن )



ئىسپانىيەلىك تارىخشۇناس سۇئاسىز بۇ زىددىيەتنىڭ كەسكىنلىشىپ كىتىشىدىكى سەۋەبكە مۇنداق باھا بىرىدۇ << بۇ خىل زىددىيەت بىزگە ئامالسىز ئىچكى ئۇرۇش دەۋىرلىرىدىكى قويۇق سىياسى ھاۋانى ئەسلەتتى ، پۈتكۈل مەمىلىكەتنىڭ سىياسى كەيپىياتى بىلەن رايۇن (كاتولونىيە) كەيپىياتى بۇ مۇسابىقىنى ساقلانغىلى بولمايدىغان يۇقۇرى پەللىگە كۆتۈرىۋەتتى ، لىكىن مىنىڭچە بىز سىياسىنى مەيدان سىرتىغا قويۇپ قويساق توغرا بولاتتى >>
ئالدىنقى ئەسىرنىڭ 40 – يىللىرىدا زىددىيەت بۇنچىلىك كەسكىن ئەمەس ئىدى ، لىكىن قاچانكى فىرانكا ھاكىمىيتى ئىسپانىيەگە ھۆكۈمىران بولدى شۇنىڭدىن باشلاپ ئىشلار يامان تەرەپكە قاراپ ئۆزگىرەشكە باشلىدى ، فىرانكا ئىسپانىيەگە تەسىر كۆرسەتكەن 40 نەچچە يىلدا بۇ دۆلەتنىڭ تۇرمۇشىنىڭ ھەرقايسى تەرەپلىرىنى كونتىرول قىلدى ، ئىسپانىيە خەلىقى ئەڭ ياقتۇردىغان پۇتبۇلمۇ بۇنىڭدىن مۇستەسنا ئەمەس ، فىرانكا ئۇستاتلىق بىلەن ئىچكى ئۇرۇشتىكى زىددىيەتنى مەيدان ئىچىگە سۆرەپ كىردى ( سۇنيول ۋەقەسى ئەڭ ياخشى مىسال ) ، مادىرىد بولسا بارسالىقلارنىڭ نەزىرىدە فىرانكا ھاكىمىيتىگە ئەڭ يىقىن كۇلۇپ ، شۇڭا بارسانىڭ مادىرىد ئۈستۈدىن غەلبە قىلغان چاغدىكى خۇشاللىقى  يالغۇز مەيدان ئىچى بىلەنلا چەكلەنمەيدۇ ، ھەربىر مەيدان غەلبە ھىسابتا فىرانكانىڭ يۈزىگە كىلىشتۈرۈپ بىر تەستەك سالغاندەك ھىسىيات بىلەن بىرلىشىپ كەتكەن .
پۇتبۇل سەھنىسىدە پەقەت ۋە پەقەت بىرلا سىياسى تۈسنى ئالغان دىربى جىڭى بار ( مىنىڭ بىلىدىغىنىم مۇشۇ )ئوخشاش بىر قىتئەدە ، ئوخشاش بىر دۆلەتنىڭ ، ئوخشاش بىر تەنھەركەت تۈرىنى مەيدان ھالقىپ سىياسى مەيدانغا ئىلىپ كلىشىگە سەۋەب تولا ، لىكىن تۆۋەندىكى 10 خىلىنىڭ خالىغان بىرسى  چۈشۈپ قالسا قەتئى بولمايدۇ .

1-تۇنىجى قەدەم : تۇنجى غەلبە
بارسا 3 : 1مادىرىد (1902)


ئىسپانىيە بىرلەشمىسى 1929-يىلى باشلانغان ، لىكىن تۇنجى دۆلەت دىربىسى1902-يىلى 5- ئاينىڭ 13- كۈنى ئىسپانىيە پادىشاھلىق لوڭقىسىنى تالىشىش مۇسابىقىسىدە ئىلىپ بىرىلغان ، بۇ مۇسابىقىنى ئىلىپ ئىيتساق  گەرچە بۇ ئانچە بىر مۇنازىرە تەلەپ قىلمايدىغان مۇسابىقە بولسىمۇ لىكىن مۇشۇ داۋراڭسىزلا ئۆتكۈزۈلگەن بىر مەيدان مۇسابىقە مادىرد بىلەن بارسادىن ئىبارەت ئىككى زەردارنىڭ يۈز يىللىق ھىكايىسىنىڭ مۇقەددىمىسى بولۇپ قالغان ، نەتىجىدە بارسانىڭ كۈلكىسىگە مادىرىدنىڭ ھەسرىتى ئورۇن بوشاتقان .

2-بومبىنىڭ پىلتىسى : بارسانىڭ يەكلىنىشى (1912)


بۇ ھەقىقى مەنىدىكى دىربىنىڭ باشلىنىشى ھىسابلىنىدىغان چاغلار بولۇپ ، رايۇن مۇناسىۋىتىنىڭ يامانلىشىشى ، ئىككى كۇلۇپ ئوتتۇرسىدىكى ئاداۋەتنى  بىخلاتقان چاغلار ئىدى ، 1912- يىلىدىكى ئىسپانىيە لوڭقىسىنى تالىشىش مۇسابىقىسىنىڭ يىرىم ھەل قىلغۇچىسىدا بارسا رىپىرنى مادىردقا يان باستى دەپ قاراپ مۇسابىقە 78- مىنۇتقا قەدەم قويغان چاغدا غەزەپلەنگەن ھالدا مۇسابىقىنى تاشلاپ مەيداندىن چىقىپ كىتىدۇ ، بۇ قىتىمقى مۇسابىقە نەتىجىسى ئەمدىلا بىخلانغان زىددىيەتكە يىتەرلىك سۇ قۇيۇپ زىددىيەتنىڭ ھەر جەھەتتىن تولۇق پىشىپ يىتىلىشىگە ماكان ھازىرلايدۇ.

3- مەڭگۈلۈك نۇمۇس : ھاقارەتلىك بىر كۈن
بارسا 1 : 11 مادىرىد ( 1943 )


1943- يىلىدىكى بىر مەيدان پادىشاھلىق لوڭقىسىنى تالىشىش مۇسابىقىسى دىربى تارىخىغا مادىرىدنىڭ كۈلكە قەلىمىدە بارسانىڭ قان يىشى بىلەن يىزىلغان تارىخ . تۇنجى ئايلانمىدا گەرچە بارسا 3-0 نەتىجە بىلەن مادىرىدنى ئۇتۇپ جەننەت پەيىزىنى تىخى سۈرۈپ بولالمىغىنىدا مادىرىد كىشىنىڭ ئىشەنگىسى كەلمەيدىغان نەتىجە بىلەن( يەنى 11-1 نەتىجە بىلەن ) بارسانى جەننەتتىن بىراقلا دوزاخقا تاشلىدى ، مادىرىد يىڭىش بىلەنلا كۇپايىلەنمەي يەنە بىزگە يىڭىلاش تەس بولغان بىر نۇمۇر پەرىقىنى قالدۇرۇپ كەتتى ( گەرچە بۇ نەتىجىنىڭ يىڭىلىشىنىڭ ناھايتتى تەسلىكىنى بىلسەممۇ ، ھامان ئاQلارچە خىيالدا بۇ نەتىجىنىڭ يىڭىلىنىشىغا ئىشەنمەكتىن باشقا ئامالىم يوق ، گەرچە زامان بىلەن ماكاننىڭ بۇنىڭغا شارائىت يارىتىپ بىرىشى بەك تەس بولسىمۇ ) بۇ نەتىجە دۆلەت دىربىسىدىكى ئەڭ چوڭ نۇمۇر پەرقى شۇنداقلا مادىردنىڭ 30 يىلى ئاۋالقى نۇمۇسىنى پاك – پاكىز يۇيۇشى ھىسابلىنىدۇ ( 1913- يىلىدىكى بىر قىتىملىق دوستلۇق مۇسابىقىدە بارسا مادىردنى 7-0 يەڭگەن ) نۇمۇسنى يۇيۇش نۆۋىتى ئەمدى بىزدە .

4-سىدفانوف ۋەقەسى : تالاشتا قالغان كىلىن ( 1949 )


ئارگىنتىنالىق سىدفانوفنى  ( كىيىن ئىسپانىيە دۆلەت تەۋەلىكىگە ئۆتكەن )بىر تالانىت ئىگىسى دىيىشكە بولىدۇ ( گۇماللانماڭ ئۇنىڭ 57-  ۋە 59- يىللىرى ئىككى قىتىم ياۋرۇپا پۇتبۇل ئەپەندىسى بولغانلىقى ، مادىردنىڭ بەش قىتىم ئۇدا چىمپىيونلار لوڭقىسىدا چىمپىيون بولغانلىقىدا پۇسكاشتىن قالسلا ئۇنىڭ تۆھپىسى ئەڭ چوڭلىقى سىزنى قايىل قىلار ) ، 1949- يىلىدىكى كولۇمبىيە مىلىيونىرلار كۇلۇبى بىلەن مادىردنىڭ ئوتتۇرسىدىكى دوستلۇق مۇسابىقىسىدە سىدفانوفنىڭ تىخنىكىسى پۈتكۈل ئىسپانىيلىكلەرنىڭ ئاغزىنى ئاچۇرۇپ قويىدۇ ، ئۇنىڭ ئۈستىگە ئەينى چاغدا ئىقتىسادى قىيىنچىلىق تارتىۋاتقان مىلىيونىرلار كۇلۇبى ئۇنىڭ سىتىشقا بولىدىغان ماللار تىزىملىكىدە بارلىقىنى يۇشۇرۇن ئىپادىلەيدۇ ، شۇنىڭ بىلەن مادىرد بىلەن بارسا ئوتتۇرسىدىكى << قىز >>تالىشىش ئۇرۇشى باشلىنىپ كىتىدۇ . بۇ قىزغا ئىرىشىش ئۈچۈن بارسا ئاۋۋال قول سىلىپ ئۇنىڭ نوگكامپۇغا  ئەككەلگەنمۇ بولدى ، لىكىن بۇ گۈزەل قىزدىن قۇرۇق قىلىشنى مادىردنى خالامدۇ دەيسىلە ؟ ھىلىگەر  مادىرىد سىدفانوفنىڭ بارسا بىلەن تۈزگەن توختىمىنىڭ قانۇنى ئاساسىنىڭ يوقلىقىنى باھانە قىلىپ ( ئەينى چاغدا كولۇمبىيە پۇتبۇل بىرلەشمىسى خەلىقئارا پۇتبۇلچىلار بىرلەشمىسىدىن قول ئۈزگەن بولۇپ ، خەلىقئارا پۇتبۇلچىلار بىرلەشمىسنىڭ قائىدىسىگە ئاساسەن ، بارسانىڭ تۈزگەن توختىمىنىڭ قانۇنى ئاساسى يوق ئىدى  ، شۇڭا ئىككى كۇلۇپنىڭ قايسىسى ئاۋۋال سىدفانوف بۇرۇن توپ تەپكەن كۇلۇپ دەريا قىنى بىلەن توختام تۈزەلىسىلا شۇ ئۇتقان ھىسابلىناتتى) بىزنىڭ گۈزەل كىچىمىزنى بۇزدى ؛  ئىككى كۇلۇپ بۇ توغۇرلۇق جىق تالاشتارتىش قىلىپ باقتى ھەتتا خەلىقئارا پۇتبۇلچىلار بىرلەشمىسى سىدفانوفنى ئىككى كۇلۇپتا تەڭ توپ تەپسۇن دىگەن ئەخمىقانە قاراشنىمۇ چىقاردى ( بۇنىڭغا سىدفانوف ئۇنىمىغان ، نەدە بىر قىزنى ئىككى ئادەم خوتۇن قىلىدىغان ئىش بار دەيسىلە ) ، ئاخىرىدا قانۇن ھەققانىيەت ئۈستۈدىن غەلبە قىلدى ، كۈلگىنى مادىرىد ( مۇشۇ يەردە مىنى يەنە بىر قىتىم ئاQ لارچە خىيال قىلغىلى قويۇڭلار << ناۋادا سىدفانوف بارسادا توپ تەپكەن بولسا ھازىرقى مادىردنىڭ  چىمپىيونلار لوڭقىسى توققۇزدىن ئاز ، بارسانىڭ ئىككىدىن كۆپ بولاتتى >> )

5- ئۇنداق قازانغا مۇنداق چۆمۈچ : نۆۋەت سىنىڭ مادىرىد
بارسا 5 : 0 مادىرىد ( 1993-1994 )





كىرىيۇف بۇ ئىسىم مادىردقا ئالۋاستى دەپ ئاڭلانسا ، بارساغا داھى دەپ ئاڭلىنىدۇ .كىرىيۇف يالغۇز پۇتبۇلچىلىق سالاھىيتىدىلا بارسا ئۈچۈن شان – شەرەپ ئىلىپ كەلمەستىن تىرىنىرلىق ھاياتىدىمۇ بارساغا خۇشاللىق ئىلىپ كەلگەن ،90- يىلىدىن 94- يىلىغىچە بولغان ئىسپانىيە بىرلەشمىسىنىڭ ئۇدا تۆت قىتىملىق چىمپىيونلىقى ، بىر قىتىملىق چىمپىيونلار لوڭقىسىنىڭ چىمپىيونلىقى دەل مۇشۇ ئادەمنىڭ كاللىسىدا يارىتىلغان ، ئۇنىڭ شان – شۆھرىتى بىلەن بارسا ئۈچۈن كەلتۈرگەن خۇشاللىقى ھىسابسىز لىكىن مادىرىدنى 5-0 نەتىجە بىلەن يەڭگەن چاغدا مەستانىلارغا ئاتا قىلغان خۇشاللىقىغا باشقىلىرى توغرا كەلمەيدۇ ، يەنە كىلىپ ئۇنىڭ مادىرد بىلەن بولغان مۇسابىقىلەردە يىڭىلمەسلىكى ، ( 91-94 مۇسابىقە پەسىللىرىدە بارساغا تىرىنىر بولغان كىرىيوف مادىرىد بىلەن بولغان جەڭلەردە يىڭىلمەسلىكتەك نەتىجىگە ئىگە) ، رومارىئونىڭ قالپاق ئويۇنى ، مادىرد ئۈچۈن ئاچچىق ياش ، بارساغا بولسا ئالتۇن ئۈزۈككە ياقۇت كۆز دىگەندەكلا .

6- خەۋەر: يىغلاش پەقەت مادىرىدنىڭلا پاتنىنتى ئەمەس
بارسا 0 : 5 مادىرىد ( 1994- 1995 )


مادىرىدنىڭ بىر يىلغىچە مۇرىسىگە ئارتىپ كەلگەن ئىغىر مەسئۇلىيەتنى بىر يىلدىن كىيىنلا بارساغا ئارتىپ قويۇشى ھىچقايسىمىزنىڭ كاللىسىدىن ئۆتمەيدۇ ( رىئاللىق ھامان رەھىمسىز ئۇنى قوبۇل قىلماي ئىلاجىمىز يوق ) بىر يىلدىن كىيىنكى بوناۋۇدا مادىرىد بارساغا بىر يىل ئاۋالقى ئويۇننى قويۇپ بەردى ، لىكىن بۇ مەيداندا بىر يىل ئاۋالقىغا ئوخشىمايدىغان ئۈچ خىل ئەھۋال ، ئوخشايدىغان بىر نەتىجە  بار ، ئوخشىمايدىغىنى 1- بۇنىڭدا بىر يىلى ئاۋۋال يىغلىغانلار كۈلدى ئەكسىچە بىر يىل ئاۋۋال كۈلگەنلەرنىڭ كۆزىدە لىق ياش ؛ 2- بىر يىل ئىلگىرىكى قەھرىماننىڭ ئىسمى رومارىئودىن بىراقلا  سامورانوغا ئۆزگەردى ( سامىرانومۇ بۇ مەيداندا قالپاق ئويۇنى ئوينىغان ) ؛ 3- بىر يىل ئاۋۋال بارسا ئۈچۈن كۈلگەن لاۋدىلوپنىڭ ئۇچىسىدىكى قىزىل – كۆك رەڭلىك كىيىم ئەمدى ئاق رەڭدە ؛ ئوخشايدىغىنى بولسا ئوخشاش نەتىجە .

7- ھىكايە كوللىماتسىيەسى : بوتۇلكا ئۇرۇشى
بارسا 1 : 0 مادىرىد ( 1968 )


1968-يىلىدىكى ئىسپانىيە لوڭقىسىنى تالىشىش ھەل قىلغۇچ مۇسابىقىسىدە ، مادىرىد بىلەن بارسا مەستانىلىرى كىشىلەرگە نىمىنىڭ ئوت بىلەن سۇدەك چىقىشالمايدىغانلىقىنى  كۆرسۈتۈپ قويدى ، مۇسابىقىدە بارسانىڭ بىر نۇقتا توپقا تايىنىپ مادىرىدنىڭ مەيدانىدا قولىدىكى لوڭقىنى تارتىۋىلىشى ( مادىرىد مەستانىلىرى بۇ نۇقتا توپقا قايىل ئەمەس )، ئەمىلىيەتتە بۇ بىر مەيدان پۇتبۇل جىڭىنى ئىككى تەرەپ مەستانىلىرىنىڭ بوتۇلكا جىڭىگە ئايلاندۇرۇپ قويدى ، مۇسابىقە ئاخىرلىشىش پۈشتىگى چىلىنىشى خۇددى بوتۇلكا جىڭىنىڭ باشلىنىشى ئۈچۈن چىلىنغاندەك ئىككى تەرەپتە نۇرغۇنلىغان سۇلىياۋ بومبىلار ئۇچۇپ يۈردى ، ھىساپتا بۇ دەل ھىكايىنىڭ كولىماتسىيەسى. شۇنىڭدىن كىيىن ئىسپانىيە شۇنداقلا باشقا ياۋرۇپا پۇتبۇل بىرلەشمىلىرى مۇسابىقە مەيدانىغا ھەرقانداق بوتۇلكىغا قاچىلانغان ئىچىمىلىك ئىلىپ كىرىشنى چەكلىگەن .

8-سىياسى لەۋھە : كاتولونىيە ئىسپانىيەگە تەۋە بولۇشقا قارشى


2003-يىلى بىكخام مادىرىدقا ۋاكالىتەن تۇنجى دۆلەت دىربىسىنى ئويناش ئۈچۈن بارساغا قونغاندا ، ئەنگىلىيەلىكنى قارشى ئالغىنى باشقا چاغدىكىگە ئوخشايدىغان چىقىراپ تۇرۇپ ئىسمىنى توۋلاش ، گۈل سوۋغا قىلىش ، ئىمزا قويدۇرۇش ياكى بىللە خاتىرە سۈرەتكە چۈشۈش بولماستىن بەلكى كاتولونىيەلىكلەرنىڭ  تولۇق سىياسى پۇرىقىغا ئىگە<< كاتولونىيە ئىسپانىيەگە تەۋە بولۇشقا قارشى >> دىگەندىن ئىبارەت لەۋھەسى بولدى ، 90 مىنۇتلۇق مۇسابىقە ھىسابتا قويۇق مۇخ پۇرىقى ئىچىدە ئوينالدى .

9-يۇدالار ھامان مەۋجۇت : فىگو باش بەتتە


2000-يىلى ياۋرۇپا لوڭقىسى باشلىنىشتىن ئاۋۋاللا فىگو شۇ چاغدىكى رەئىس نۇنىسقا << بۇ قىتىمقى ياۋرۇپا لوڭقىسىدا پورتىگالىيەنىڭ نەتىجىسى ياخشى بولۇپ قالسا مىنىڭ باھايىم بىر قاتلىنىدۇ ، ئەگەر سەن مەن بىلەن بولغان توختامدىكى مۇئاشىمنى ھازىر ئۆستۈرۈپ بەرمىسەڭ كىيىن ئۈلگىرەلمەيسەن >>  دىگەن يولسىز تەلەپنى ئوتتۇرغا قويغاندا رەئىسنىڭ كۈچلۈك قارشىلىقىغا ئۇچىرايدۇ شۇنداقلا فىگونىڭ شۇ چاغدىكى ۋاكالەتچىسى فىگونىڭ دوستى ۋىجاغا << ھوقوق مىنىڭ قولۇمدىلا بولىدىكەن ، رىۋالدو بىلەن ئۇنىڭ يولسىز تەلىۋى ھامان رەت قىلىنىدۇ ، كىتىش كەتمەسلىك ئەمدى ئۇلارنىڭ ئەركىنلىكى >> دىگەن جاۋاپنى بىرىدۇ ؛ بۇ جاۋاپقا ئىرىشكەن فىگو رەئىسكە بولغان ناراززىلىقىنى بىلدۈرۈش ئۈچۈن شۇ چاغدا مادىرىدنىڭ رەئىسلىكىنى تالىشىۋاتقان فىلورىندونىڭ 300مىڭ دوللارلىق زاكالىتىنى قوبۇل قىلىپ ھاياتىدىكى ئەڭ چوڭ خاتالىقىنى ئۆتكۈزىدۇ ، كىم بىلسۇن فىلورىندىنو راستىنلا رەئىسلىك ئورنىغا چىققاندا فىگو ئاللاقاچان كىچىككەنتى ئۇنىڭ ئالدىدا پەقەت ئۈچلا يول بار ئىدى 1-بارسادا قىلىپ 300مىڭ دوللار بىلەن ئۇنىڭ جەرىمانىسىنى قوشۇپ تۆلەش ( جەرىمانە ھىسابىغا فىگو مادىرىدنىڭ ئەزا مەستانىلىرىغا بىر يىلغىچە بىلەت ئىلىپ بىرىش )، لىكىن بۇ ئەمەلگە ئاشمايدۇ ؛ 2- بارسادا قىلىش بەدىلىگە دوستى ۋىجانى تۈرمىگە كىرگۈزۈش ( مەسئۇلىيەت ۋاكالەتچىدە بولىدۇ ) ؛ 3- بارسادىن مادىرىتقا يۆتكۈلۈش ؛ دوستى ئۈچۈن ئۇ ئاخىرقى يولنى تاللاشقا مەجبۇر بولۇپ ، ئوت ئۈستۈگە ياغ چاچتى .

10-ئەركىنلىك ئۈچۈن تۆلەنگەن بەدەل : بارسا رەئىسىنىڭ ئۆلۈمگە ھۆكۈم قىلىنىشى



1936- يىلى 8- ئاينىڭ 6- كۈنى ئەينى چاغدىكى بارسانىڭ رەئىسى سۇنيول شۇ چاغدىكى ئىسپانىيە ھۆكۈمىتىنىڭ فىرانىكا قوللىغۇچىلىرى تەرىپىدىن قولغا ئىلىنىدۇ ۋە ئارقىدىنلا ئۆلۈمگە ھۆكۈم قىلىنىدۇ ؛ پەقەت 90 – يىلىغا كەلگەندىلا ئاندىن ئۇنىڭ ئۈچۈن دەپنە مۇراسىمى ئۆتكۈزىلىدۇ چۈنكى ئىسپانىيلىكلەرنىڭ نەزىرىدە سۇنيول ئۇچچىغا چىققان سولقانات بولۇپ ، ئۇ ھامان كاتولونىيەنىڭ ئاپتونوم ھوقوقى ئۈچۈن كۆرەش قىلغۇچىلارنى قوللاپ كەلگەن ، بۇ ۋەقە بارسالىقلارنىڭ ئىسىدىلا بولىدىكەن ئوت بىلەن سۇ ھىكايىسى داۋاملاشقۇسى . ( بارسالىقلارنىڭ نەزىرىدە مادىرىد ئىسپانىيە خان جەمەتىگە ۋەكىللىك قىلىدۇ ، شۇڭا بۇلارنىڭ بىرسىنىڭ ئوت بىرسىنىڭ سۇ بولىشى ئەجەپلىنەرلىك ئەمەس .)

ئىزاھات

كاتولونىيە ئۇقۇمى 12- ئەسىردە بارلىققا كەلگەن بولۇپ شۇچاغدا كاتولونىيەلىكلەر بىلەن پادىشاھ ئاراگون بىرلىشىپ كاتولونىيە – ئاراگون پادىشاھلىقىنى قۇرىدۇ ؛ 18- ئەسىرگە كەلگەندە بوۋربول پادىشاھلىقىنىڭ پادىشاھى فىلىپV كاتولونىيەنىڭ ئاپتونومىيە ھوقوقىنى ئىلىپ تاشلاپ ، ھۆكۈمەت ئورۇنلىرىدا كاتولونىيە يىزىقىنى قوللىنىشقا يول قويمايدۇ ، 1933-يىلىغا كەلگەندە كاتولونىيە خەلقى ئاپتونومىيە ھوقوقىنى قايتا قولغا كەلتۈرگەن بولسىمۇ ، 1939-يىلى يۇقۇرىدا تىلغا ئىلىپ ئۆتكەن ئىسپانىيە ۋەكىللىكىدىكى فىرانكا ھاكىمىيتى ئىچكى ئۇرۇشتا غەلبە قىلغاندىن كىيىن يەنىلا كاتولونىيەنىڭ ئاپتونوم ھوقوقىنى ئىلىپ تاشلايدۇ ، پەقەت 1975- يىلىغا كەلگەندىلا ئاندىن ئەسلىگە كىلىدۇ ؛ئىسپانلارنىڭ نەزىرىدە كاتولونىيەلىكلەر دۆلەتنى پارچىلاشقا ئۇرۇنغان ئۇنسۇرلار ، كاتولىنىيەلىكلەرنىڭ نەزىرىدە ئىسپانلار مۇستەبىت شۇڭا بۇلارنىڭ ئوت بىلەن سۇدەك مۇناسىۋىتىدىن ئەجەبلەنمىسىڭىزمۇ بولىدۇ . 

خۇلاسە
2008-يىلى 5- ئاينىڭ 8-كۈنى شىنجاڭ ۋاقتى سائەت تۆتكىچە ئىككى كوماندا دىربىلىرى ( ھەرخىل مۇسابىقىلەردە ) جەمئى 233 مەيدان ئوينالدى ، نەتىجىدە بارسا 94 مەيدان يىڭىپ ، 50 مەيدان تەڭلىشىپ ، 89 مەيدان ئۇتتۇردى . 1929- يىلى ئىسپانىيە بىرلەشمىسى باشلاندىن بۇيان بولسا ئىككى كوماندا دىربىلىرى  156 مەيدان ئوينالدى بارسا 58 مەيدان ئۇتۇپ 30 مەيدان تەڭلىشىپ 68 مەيدان ئۇتتۇردى ، بارسا بىرلەشمىدە مادىرىد بىلەن ساھىبخان ھالەتتە 78 مەيدان مۇسابىقە ئويناپ 44مەيدان ئۇتۇپ ، 16 مەيدان تەڭلىشىپ ، 18 مەيدان ئۇتتۇردى ، مىھمان ھالەتتە 78 مەيدان مۇسابىقە ئويناپ 14 مەيدان ئۇتۇپ ، 14 مەيدان تەڭلىشىپ ، 50 مەيدان ئۇتتۇردى، ئومومى كىرگۈزگەن توپ سانى جەھەتتە بارسا 235 توپ كىرگۈزۈپ 260 توپ كەتكۈزۈپ قويغان .
بىرلەشمىدە بارسا 18 قىتىم چىمپىيون ، مادىرىد 31 قىتىم چىمپىيون ،چىمپىيونلار لوڭقىسىدا بارسا 2  قىتىم چىمپىيون ، مادىرىد 9 قىتىم چىمپىيون ئىسپانىيە پادىشاھلىق لوڭقىسىنى تالىشىشتا بارسا 24 قىتىم چىمپىيون ، مادىرىد 17 قىتىم چىمپىيون ، ئىسپانىيە دەرىجىدىن تاشقىرىلار لوڭقىسىدا بارسا 6 قىتىم چىمپىيون ، مادىرىد 7 قىتىم چىمپىيون .

تامام

خالىت

ناھايىتى ئىسل تىما بوپتۇ،
مەن ئادەتتە بۇنداق گەپلەرگە ئۆچ ئىدىم، لىكىن بۇگۇن بۇنىڭدىن باشقا مەدىھە تاپالمىدىم

مۇئەللىم

ھەقىقەتەن ئىسل تىمابۇپتۇ ،
مادىرىد بىلەن بارسا نىڭ زىدىيتى ھەقىقەتەن كىشلتۇرگىلى بولمايدىغان دەرىجىدە ،
پۇرلى ئەمسىە سىزگە مۇكاپات كەتتى ، بۇ تىما ھەقىچان نادىرلىندۇ ، شۇڭلاشقا ئىككى مىڭ سوم       كەتتى ئەمسە

تەنتەربىيە

ئىسىل تىما دىگەن مانا مۇشۇ ئەمەسمۇ!

دىلكار

سىزنىڭ تېمىڭىزنى بەك ياقتۇرىمەن .......
داۋاملىق مۇشۇنداق نادىر تېمىلارنى يوللاپ تۇرشىڭىزغا تىلەكداشمەن .....
تېمىڭىزنىڭ كەينىگە [پورلى ] دەپ يىزىپ قويۇشنى ھەرقاچان ئۇنتىمىغايسىز ...

nijat

كۇلۇبلارنىڭ تارىختىكى شاپ - شەرىپىنى سۈرۈشتۈرۈپ كەلسەك يەنىلا مادرىدنىڭ يۇقىرى ئىكەن .
بىراق ئوت بىلەن سۇنىڭ ھەر ئىككىسىنىڭ ئۆزىگە چۇشلۇق ئۈستۈنلىكى بار ئىكەن ، قايسىنىڭ نوچى ئىكەنلىكىنى ئالىرىماي كۆرىمىز . ھېلىقى 11 - 1 دىگەن نەتىجىنى ئۆزگەرتىشكە مىنىڭچە دەۋىر يار بەرمەيدۇ ، شۇ AQ چە خىيال خىيال پېتى كىتىۋىرىدىغان ئوخشايدۇ . ناۋادا دەۋىر شارائىتى بارسانىڭ 11 - 1 مادرىدنى ئۇتۇشىغا يار بەرسە  ، مادرىدلىقلار ئازابتىن ساراڭ بولسا ، كاتالونىيالىقلار خۇشاللىقىدىن ساراڭ بۇلۇپ قېلىشى تۇرغانلا گەپ .

fifa

يېقىندىن بۇيان تېماڭلارنى ئىزدەپ سوراپ ئوقۇيدىغان بۇلاپ قالدۇق مانا!!!
  «قىز» تالىشىش ھېكايىسىنى ئوقۇۋېتىپ ئاۋۇ گىپىڭلارنى كۆرۈپ كۈلۈپ بولالماي يىقىلىپ قالغىلى تاس قالدىم ئىسپانيە بىرلەشمىسىدىكى ئادەمنىڭ دىققىتىنى ئەڭ تارتىدىغان ، يۇقىرى ماھارەتتە، جان جەھلى بىلەن ئوينىلىدىغان دىربى جەڭلىرىنىڭ ئالدى مۇشۇ بارسا بىلەن مادىرىتنىڭ ئېلىشىشى.

ac.milan

ھەقىقەتەن ياخشى تىما بوپتۇ! مادىرت بىلەن بارسانى قىز دوستىڭىزدەكلا چۇشۇندىكەنسىز ھە

تەنتەربىيە

رونالدىنخونىڭ بۇناۇۇدا كاسلىياسىنى ئامالسىز قالدۇرۇپ ئۇرۋەتكەن ئىككى توپى مادىرىدنى قان قۇستۇرۋەتكەن بولغىيتتى.

پورلى

5 قەۋەتتىكى nijat نىڭ 2008-07-28 14:00 دە يوللىغان يازمىسى نەقىل قىلىندى  :
ھېلىقى 11 - 1 دىگەن نەتىجىنى ئۆزگەرتىشكە مىنىڭچە دەۋىر يار بەرمەيدۇ ، شۇ AQ چە خىيال خىيال پېتى كىتىۋىرىدىغان ئوخشايدۇ . ناۋادا دەۋىر شارائىتى بارسانىڭ 11 - 1 مادرىدنى ئۇتۇشىغا يار بەرسە  ، مادرىدلىقلار ئازابتىن ساراڭ بولسا ، كاتالونىيالىقلار خۇشاللىقىدىن ساراڭ بۇلۇپ قېلىشى تۇرغانلا گەپ .

ئاخىرى خىيال قىلىۋىرىپ جىڭ ئاQ بولۇپ قالىدىغان چىغىم با

intezar11

ھەقىقەتەن ئىسىل يازما بولۇپتۇ ، بارسىلونا بىلەن مادىرىدنىڭ زىدىيتىنى ئەينەن ئىچىپ بىرىپسىز ....

dilhux

لىكىن بىزدەك يىڭىياچى باللار (پۇتبولغا) بارسادىن بەكرەك مادرىدنىڭ شان شۆھرىتىنى جىق كۆرۇپتۇق ....