بۈگۈن 1 - ئاينىڭ 18 - كۈنى سائەت 3 دە (ئەنقا باشلىقنىڭ تىمىسىدا 2 يىرىمدا دىيىلىپتىكەن، 80 دە يۈگۈرۈپ كەلسەم، سائەت 3 دە باشلىدى) قەشقەر تەنتەربىيە مەيدانىدا يېڭىدىن تەشكىللەنگەن شىنجاڭ كوماندىسى بىلەن قەشقەر چولپانلار كوماندىسى(مۇشۇنداق ئاتىدىمغۇ )مۇسابىقىلەششتى. مۇسابىقە ئىنتايىن كەسكىن ئېلىپ بىرىلدى. ئالدىنقى مەيداندا شىنجاڭ كوماندىسى بىسىپ ئويناپ بىر توپ ئۇردى. كىيىنكى مەيدان باشلىنىپ ئۇزۇن ئۆتمەي قەشقەر كوماندىسى بىر توپ ئۇرۇپ تەڭلەشتى. شۇنىڭ بىلەن شىنجاڭ كوماندىسى ئەزالىرىدا تەمتىرەش كۆرۈلۈپ پاسسىپ ئورۇنغا چۈشۈپ قالدى. ئارلىقتا شىنجاڭ كوماندىسى ئەزاسى قەشقەر كوماندىسى ئەزاسىنى تارتىپ يىقىتىۋەتتى، رىپىر دۈدۈك چالمىدى، شۇنىڭ بىلەن ئىككى ئەزا ئوتتۇرىسىدا سۈركىلىش بولۇپ، قەشقەر كوماندا ئەزاسى قىزىل كارتا ئىستىمال قىلىۋالدى. ئارقىدىن شىنجاڭ كوماندىسى ھۇجۇم تەشكىللەپ بىر توپ ئۇرۇپ نەتىجىنى 2:1 قىلدى. مۇسابىقە تۈگەشكە ئاز قالغاندا قەشقەر كوماندىسى ئەزاسى 18 نىڭ سىرتىدىن چىراپلىق بىر توپ ئۇرۇپ نەتىجىنى تەڭلەشتۈردى، شۇ جەرياندا شىنجاڭ كوماندىسى ئەزاسى خىلاپلىق قىلىپ قىزىل كارتا يەپ مەيداندىن چۈشۈپ كەتتى.
نەتىجىدە مۇسابىقە 2:2 بولۇپ ئاخىرىلاشتى، مۇسابىقە جەريانىدا شىنجاڭ كوماندىسىغا 1 قىزىل كارتا، بىر سىرىق كارتا بىرىلدى. قەشقەر كوماندىسىغا 1 قىزىل كارتا بىرىلدى.


تەھرىردىن :

1. كۆك كىيىم كىيگەنلار : قەشقەر كوماندىسى ( ئالى مەكتەپ ئوقوغۇچىللىرىدىن تەشكىللەنگەن تەيمە كوماندا )
يىشىل كىيىم كىيگەنلەر : شىنجاڭ كوماندىسى ( سۇڭچىڭلىڭ پۇتبول مەكتىپىنىڭ ئوقوغۇچىللىرى ئاساسىدا تەشكىللەنگەن، ھازىرقى شىنجاڭدىكى سەۋيىسى ئەڭ يۇقرى « شىنجاڭ ياشلار كوماندىسى» )

2. مۇسابىقە ئەھۋالى :
شىنجاڭ كوماندىسى ئەزالىرى قەشقەردە مەشق قىلۋاتقىلى 10 نەچچە كۈن بولغان بولۇپ ئۇلار بوتس( رەسمىي مۇسابىقە ئايىغى ) كىيىپ مەشقلىنىۋاتقان ، بۇ مۇسابىقىنىمۇ شۇ مۇسابىقە ئايىغى بىلەن ئوينايمىز دەپ قالغان ، لىكىن بىزنىڭ قەشقەر كوماندا ئەزالىرىنىڭ ھەممىسى دىگۈدەك ئالى مەكتەپ ئوقوغۇچىللىرى، مۇشۇ بىر-نەچچە كۈن ئىچىدىلا يىغىلىپ بۇ بەدەن قىزىتىش ، تەجىربە ئالماشتۇرۇش مۇسابىقىسىگە تولۇق تەييارلىقسىزلا كەلگەنلىكى ئۈچۈن ئۇلار ئادەتتىكى مەشىق ئايىغى ( چۇخەي ) كىيىپلا كەلگەن ، بۇ ۋاخ بولغاندا بۇلار رەسمىي مۇسابىقە ئايىغىنى قەيەرلەردىن ئىزدەپ سوراپ تاپىدۇ ،،،،،، شۇنىڭ بىلەن ئىككى تەرەپ تىرنىرلار ۋە رىپپىرلار گورۇپپىسى مەسلىھەتلىشىپ:-« شىنجاڭ كوماندىسى ئەزالىرىمۇ مەشىق ئايىغى كىيىپ ئوينىسۇن ! » دىيىشىپ ئۇلار بازادىن مەشىق ئايىغى ئىلىپ كەلگۈچە ئەسلى 2:30 دا باشلىنىپ بولىدىغان مۇسابىقە 3:10 ئۆتكىچە باشلىنىپ بولالماي ، ئاخىرى ئۇلار رەسمىي مۇسابىقە ئايىغى بىلەن ئويناۋەردى ، قەشقەر كوماندىسى باللىرى بولسا مەشىق ئايىغى بىلەن .

شۇنىڭ بىلەن مۇسابىقە باشلىنىپ 10 مىنۇت بولا بولماي شىنجاڭ كوماندىسى بىر كورنىي توپ ( بۇلۇڭ توپ ) قا ئىرىشىپ ،  بىر كاللا توپ ئۇرىۋالدى .
ئۇزۇن ئۆتمەي شىنجاڭ كوماندىسىنىڭ ئەزاسى بوتىس ئاياغلىرى بىلەن قوپال ھەركەت ئىشلەپ قەشقەر كوماندىسىنىڭ بىر ئەزاسىنى يارلاندۇردى .
ئالدىنقى مەيدان شۇنداق قىلىپ 1-0 نەتىجە بىلەن ئاياغلاشتى .
ھاۋا سوغۇق ، مەيدان سول تەرەپ ئىككى بۇلۇڭ قارلار ياخشى تازلانمىغان ، تەنھەركەتچىلەرنىڭ بەدىنى  تازا  قىزىمىدىمۇ ئىشقىلىپ ئالدىنقى مەيدان مۇسابىقە تازا دىگەندەك سەۋىيىلىك ئوينالدى دىگىلى بولمايدۇ .

كىيىنكى مەيدان شىنجاڭ كوماندىسى ئەزالىرىنىڭ ھەممەسى مەشق ئايىغى ئالماشتۇرۇپ ئوينىدى ( چۇخەي ئالماشتۇردى )
كىيىنكى مەيدان مۇسابىقە باشلىنىپلا ئىنتايىن قىزغىن كەيپىياتتا ، شۇنداق كەسكىن ئوينالدى.  
مۇسابىقە باشلىنىپ ئۇزۇن ئۆتمەي قەشقەر كوماندىسى بىر توپ ئۇرۇپ نەتىجىنى تەڭلەشتۈردى .
بۇ توپ بىلەن مۇسابىقە كەيپىياتى تىخىدىنمۇ يۇقرى دولقۇنغا كۆتۈرۈلدى ، ئۇزۇن ئۆتمەي قەشقەر كوماندىسىدىن بىر ئەزا رىپپىرغا نارازلىق بىلدۈرۈپ غوتۇلدىغانلىقى ئۈچۈن قىزىل كارتا بىرىلىپ مەيداندىن ئارىلدى . شۇنىڭ بىلەن 10 گە قارشى 11 ئادەم ئوينىغان شىنجاڭ كوماندىسى بىر نەچچە قىتىم شىددەت بىلەن ھۇجۇم قوزغاپ قەشقەر كوماندىسىنىڭ ئارقا سەپ مۇداپىيەسىنى قالايمىقان قىلىپ يەنە بىر توپ ئۇرىۋالدى .  نەتىجە 1-2
مۇسابىقە ئاياغلىشىشقا 10 مىنۇت قالغاندا قەشقەر كوماندىسىدىن ئابدىرازق شۇنداق چىرايلىق بىر توپ ئۇرۇپ نەتىجىنى 2-2 قىلىپ ئۆزگەرتتى .
ئارقىدىن مۇسابىقە تىجىدىنمۇ كەسكىنلەشتى ، ئىككى تەرەپ ئەزالار باغرانسىرى قوپال ھەركەتلەرنى ئىشلىگىلى تۇردى ، شۇنىڭ بىلەن شىنجاڭ كوماندا ئەزاسىدىن بىرسى غوتۇلداپ ئاچچىغىدا رىپپىرنى تىللىدى بولغاي   ئۇنىڭغىمۇ قىزىل كارتا بىرىلىپ مەيداندىن چۈشۈرىۋىتىلدى .
شۇنداق قىلىپ پۇتۈن مەيدان مۇسابىقە قەشقەر كوماندىسى 2-2 شىنجاڭ كوماندىسى نەتىجە بىلەن ئاياغلاشتى .
ئاخىرىدا ئىككى تەرەپ ئەزالىرى قۇچاقلىشىپ ، تاماششىبىنلارغا ئىھتىرام سالام بىرىپ ، رەخمىتىنى  بىلدۈرۈپ مەيداندىن ئايرىلدى .

3. قىش پەسلى بولغانلىقى ئۈچۈن ، ھەم بۇ مۇسابىقىدىن كۆپىنچى كىشىلەرنىڭ خەۋىرى يوق بولغانلىقى ئۈچۈن مۇسابىقە كۆرگىلى كەلگەنلەر راس دىگەندەك ئانچە كۆپ ئەمەس .  لىكىن بۇ دوستىمىز سۈرئەتكە تارتقان تەرەپتە تاماششىبىنلار  سىلەرگە كۆرۈنۈپ تۇرغان تەرەپكە قارىغاندا 3،4 ھەسسە كۆپ .  مەيدانغا كىرىش - چىقىش ئىغىزى مۇشۇ تەرەپتە بولغانلىقتىن تاماششىبىنلار ئاساسەن مۇشۇ تەرەپتە تۇرۇپ مۇسابىقە كۆردى ، ئۈستىدىكى كۆرۈش سۇپىسىدىمۇ بار ، سىن ئىلىش ئاپىراتى بولمىغاندىكىن، ھەم مەخسەد مۇسابىقە كۆرۈش بولغاندىكىن تاماششىبىنلارنى سۈرئەتكە ئىلىپ ئولتامىغان گەپ، شۇڭا مۇنبەردىكىلەرنىڭ تاماششىبىن ئازمۇ نىمە دىگىنىگە ئەسكەرتىش بىرىپ قويدۇم خالاس .


4. خۇلاسە :
مۇسابىقە كۆرۈپ بولغاندىن كىيىن ئۇنىڭدىن مەلۇم ھىسياتقا كىلىمز دە ئەلۋەتتە ،،،،،،،،،،،،،،،
مەن ئۆزۈمنىڭ بۇ مۇسابىقىنىڭ سەۋىيىسىگە  بولغان چۈشەنچەمنى دەپ باقاي :
ئاڭلىشىمچە بۇ يىڭىدىن تەشكىللەنگەن « شىنجاڭ كوماندىسى » بۇ يىل يازدا ئىلىپ بىرىلىدىغان ھەر قايسى ئۆلكىلەرنىڭ پۇتبول لەۋھە تالىشىش مۇسابىقىسىگە قاتنىشىدۇ دەمدۇ ،،،،،ئىيتاۋۇر ئىشقىلىپ بايا تىلغا ئىلىپ ئۆتكىنىمدەك ، بۇ كوماندا ھازىر شىنجاڭدىكى ئەڭ سەۋىيىلىك كەسپى شىنجاڭ كوماندىسى ئىكەن .
لىكىن بۇ مەيدان مۇسابىقىنى بەدەن قىزىتىش مۇسابىقىسى دەپ ياراتماي ئوينىدىمۇ ،ياكى ساھىپخان كوماندىنى ھۆرمەتلىگەن ئاساستا ئۆزىنى تۇتىۋىلىپ ئوينىدىمۇ ، ۋەياكى ئەزالارنىڭ سەۋيىسى شۇنچىلىكمۇ ئىشقىلىپ مۇسابىقىنىڭ ئومومى ئەھۋالىدىن ئىلىپ ئىيتقاندا سەۋىيە تازا دىگەندەك يۇقرى ئەمەس .  
ئىچكىردىكى بىرەر شەخسى قۇرىۋالغان كىچىك بىر كوماندىلار بىلەن سىلىشتۇرۇشمۇ تەسكە توختايدۇ .
ئەمدى بۇنىڭغا نىمە دەيمىز ،،،،،،،،،،،،،،،،،،شارائىت كەمچىل !!!  يەنىلا مەيدان تەجىربىسى كەمچىل !!!
ئۇينايدىغانغا مۇسابىقە كەمچىل !!! باللارنىڭ تىخنىكىسى كەمچىل !!!!!
بىر شىنجاڭ كوماندىسىغا ۋاكالىتەن توپ ئوينايمىز دىگەن كوماندا ، بىر ئۆلكە دەرىجىلىك كوماندا 15 كۈننىڭزى ئاران بىر مەيدان بەدەن قىزىتىش چوڭ مەيدان مۇسابىقىسى ئوينىسا ،،،،،، قانداق مەيدان تەجىربە بولىدۇ ؟ قانداق سەۋىيە ئاشىدۇ ؟  
ئىچكىردە ئىشتىن سىرتقى پۇتبول كۇلۇبلىرى جىنىدا ھەپتىدە كەم دىگەندە 3 ،4 مەيدان مۇسابىقە ئويناپ تۇرىدۇ .

بۇ مىنىڭ شەخسى كۆز قارشىم ، قىنى قالغان مۇسابىقە كۆرگەنلەر قانداق ئويلىدى ، قانداق تەسىراتقا كەلدى بۇنىسى ماڭا نامەلۇم .  
لىكىن مەن شۇنداق ھىسياتقا كەلدىمكى ، ئەگەر مۇشۇ كوماندا بىزنىڭ شىنجاڭ كوماندىسىغا ۋەكىللىك قىلىپ دىيارىمىز پۇتبولچىلىقىغا ۋاكالىتە جۇڭگۇدىكى ئۆلكە دەرىجىلىك مۇسابىقىغە قاتناشسا ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،    ھەقىقەتەن ياخشى بولىدۇ . چوقۇم ياخشى نەتىجە يارىتىشىغا تىلەكداشمەن !!!




مۇناسىۋەتلىك رەسىملەر:



























رەسىم تېلىفوندا تارتىلغاچقا تازا ئېنىق ئەمەس، توغرا چۈشۈنەرسىلەر !!

باللارنىڭ چىرايى ئىنىق چىققان بولسا بىر كورۇپ باقاركەنمىز ،  ھىچكىمنى تونالمىدىم

ئالدىراشچىلىقتا ئاپىرات ئىلىۋىلىشنى ئۇنتۇپ قاپتىمەن، ئامالسىز تېلىفوندا تارىتقان،

ئىشلىتىش

بۇ مەزمۇن 2قەۋەتتىكى daniyar927دە2012-01-18 20:45يوللىغان يازمىسىغا نەقىل  :
ئالدىراشچىلىقتا ئاپىرات ئىلىۋىلىشنى ئۇنتۇپ قاپتىمەن، ئامالسىز تېلىفوندا تارىتقان،

مەنمۇ كۆرگەن سىزنى ھىچ كۆرمىدىما؟؟

تونامتىڭ سەن

قەشقەر كوماندىسىدىن توپ ئۇرغانلار
ئابلەت
ئابدۇراززاق(ھۇررا كوماندىسىدىكى)
قەشقەر كوماندىسىدىن قىزىل كارتا يىگىنى
ئەرپات
شىنجاڭ كوماندىسىدىن
بىر قىرغىز ياكى قازاق

  ياخشى  خەۋەركەن  

سىز كىيىنكى يىرىم مەيداندىكى رەسىملەرنىلا تارتىپسىز ھە..
ئالدىنقى يىرىم مەيداندا شىنجاڭ كوماندىسىدىكى ھەممىسى بوتىس بىلەن ئوينىغان ئىدى

ئىشلىتىش

بۇ مەزمۇن 3قەۋەتتىكى alyar75دە2012-01-18 20:48يوللىغان يازمىسىغا نەقىل  :

مەنمۇ كۆرگەن سىزنى ھىچ كۆرمىدىما؟؟

مىنى توردا تونىغان بىلەن، ئەملىيەتتە تونىمايسىلەر دە،

ھىلىقى شىنجاڭ كوماندىسىدىن قىزىل كارتا يىگىنى قازاق ئوخشايدۇ، ئاغىزىنى بۇزۇپتىكەن، شۇڭا قىزىل يەپتۇ

مۇسابىقە خىلى قىززىغان چىراي ،  لىكىن  مۇسابىقە  كۆرىدىغانلار بەك ئازمۇ نېمە    

شۇنداق بوتىس بىلەن ئويناپ، قەشقەر كوماندىسىدىكى بىر ئەزا يارلانغاندىن كىيىن، كىيىنكى مەيداندا چۇخەيگە ئالماشتۇردى

ئىشلىتىش

بۇ مەزمۇن 8قەۋەتتىكى daniyar927دە2012-01-18 20:58يوللىغان يازمىسىغا نەقىل  :


مىنى توردا تونىغان بىلەن، ئەملىيەتتە تونىمايسىلەر دە،

ھىلىقى شىنجاڭ كوماندىسىدىن قىزىل كارتا يىگىنى قازاق ئوخشايدۇ، ئاغىزىنى بۇزۇپتىكەن، شۇڭا قىزىل يەپتۇ

ئىن شۇنداق بولدى....草دەپ يۈرۈيدۇ....ھىلىق شوينىدەك ۋارتارغا 吊射نى ھەجەپ نوچى قاداپ قويدى راززاقكام