بېيجىڭ ۋاقتى 18-ئىيۇل سەھەر سائەت 2:45 دە، 2011-يىللىق دۇنيا ئاياللار پۇتبول لوڭقىسى مۇسابىقىسىنىڭ ھەل قىلغۇچ مۇسابىقىسى فرانكفورتتىكى دۇنيا پۇتبول لوڭقىسى مەيدانىدا باشلاندى. مۇسابىقىگە قاتناشقۇچى ئىككى تەرەپ — تۇنجى قېتىم ھەل قىلغۇچ مۇسابىقىگە قاتنىشىش سالاھىيىتىگە ئېرىشكەن ياپونىيە كوماندىسى بىلەن ئىككى نۆۋەت دۇنيا ئاياللار پۇتبول لوڭقىسىغا ئېرىشكەن ئامېرىكا كوماندىسى ئىدى. 90 مىنۇتلۇق مۇسابىقىدە ئىككى تەرەپ تەڭلىشىپ (1:1) قالغاچقا، ۋاقىت ئۇزارتىلدى. لېكىن ئۇزارتىلغان 30 مىنۇتلۇق مۇسابىقىدە ئىككى تەرەپ بىردىن توپ كىرگۈزۈپ، نەتىجىنى يەنە (2:2) تەڭلەشتۈردى. ئاخىرىدا ئىككى تەرەپ نۇقتا توپ جېڭىگە چۈشتى. ياپونىيە كوماندىسى (نۇقتا توپ جېڭىدە 1 گە قارشى 3 نەتىجە بىلەن) ئومۇمىي نەتىجىدە 3 كە قارشى 5 نەتىجە بىلەن ئامېرىكا كوماندىسىنى يېڭىپ، تارىخىدا تۇنجى قېتىم دۇنيا ئاياللار پۇتبول لوڭقىسىغا ئېرىشتى. بۇ، ئاسىيا قىتئەسى كوماندىسىنىڭ تۇنجى قېتىم دۇنيا ئاياللار پۇتبول لوڭقىسىغا ئېرىشىشى بولۇپ ھېسابلىنىدۇ. مۇسابىقە باشلىنىپ 68 مىنۇت بولغاندا، ئامېرىكا كوماندىسىنىڭ ھۇجۇمچىسى مورگان بىر توپ كىرگۈزدى. 79 مىنۇت بولغاندا ياپونىيە كوماندىسى ئامېرىكا كوماندىسى بېكىنىڭ سەۋەنلىكىدىن پايدىلىنىپ، بىر توپ كىرگۈزۈۋالدى. 90 مىنۇتلۇق مۇسابىقە 1 گە قارشى 1 نەتىجە بىلەن ئاياغلىشىپ، ئىككى كوماندا ئۇزارتىلغان 30 مىنۇتلۇق مۇسابىقە باسقۇچىغا كىردى. 103 مىنۇت بولغاندا، ۋام باخ سەپدىشى مورگاننىڭ ئەپچىللىك بىلەن بەرگەن پاسىنى زايە قىلماي، ۋاراتارغا كىرگۈزدى. ئەگەر مۇسابىقە مۇشۇ نەتىجە بىلەن ئاياغلاشسا، ئامېرىكا كوماندىسى چېمپىيون بولاتتى. بۇ ھەم ئۇلارنىڭ ئۆز تارىخىدا 3-قېتىم چېمپىيونلۇقنى قولغا كەلتۈرۈشى ھېسابلىناتتى. لېكىن ئىش ئۇلار ئويلىغاندەك ئاسانغا توختىمىدى. ئۇزارتىلغان مۇسابىقە ئاياغلىشىشقا 3 مىنۇت قالغاندا، ياپونىيە كوماندىسىنىڭ غوللۇق ئەزاسى ساۋا بىر توپ كىرگۈزۈپ، نەتىجىنى يەنە بىر قېتىم تەڭلەشتۈرۈۋالدى. 120 مىنۇتلۇق مۇسابىقە ئاياغلاشتى. ئىككى كوماندا نۇقتا توپ جېڭىغا قەدەم قويدى. ئامېرىكا كوماندىسى دەسلەپ مەيدانغا چۈشتى. بوكېسنىڭ تەپكەن توپى ياپونىيە ۋاراتارى تەرىپىدىن توسۇۋېلىندى. كەينىدىن مەيدانغا چىققان ياپونىيە ماھىرى توپنى ناھايىتى چىرايلىق كىرگۈزدى. كىم بىلسۇن، ئىككىنچى بولۇپ مەيدانغا چۈشكەن ئامېرىكا ماھىرى ليودمۇ توپنى ۋاراتارغا كىرگۈزەلمىدى. ليودقا ئەگىشىپ ياپونىيە ماھىرىمۇ توپنى كىرگۈزەلمىدى. ئۈچىنچى بولۇپ مەيدانغا چۈشكەن ئامېرىكا ماھىرىمۇ توپنى كىرگۈزەلمىدى. لېكىن بۇ چاغدا ياپونىيە ماھىرى توپنى كىرگۈزدى. ياپونىيە كوماندىسى 0 گە قارشى 2 نەتىجە بىلەن ۋاقتىنچە ئۈستۈنلۈكنى ئىگىلىدى. تۆتىنچى بولۇپ مەيدانغا چۈشكەن ئامېرىكا ماھىرى ۋام باخ توپنى چىرايلىق كىرگۈزدى. ئەمدىلىكتە مەيدانغا چۈشىدىغان ياپونىيە ماھىرى كۇماگا توپنى كىرگۈزەلىسىلا، ياپونىيە كوماندىسى چېمپىيون بولاتتى. سانسىزلىغان كۆزلەر ئۇنىڭغا تىكىلدى. كۇماگا سالماق قەدەملىرى بىلەن توپنىڭ ئالدىغا كەلدى. ئۇ توپنى كىرگۈزسىلا، دۇنيا ئاياللار پۇتبول لوڭقىسى مۇسابىقىسى تەسىس قىلىنغاندىن بۇيانقى يەنە بىر يېڭى چېمپىيون، ئاسىيا قىتئەسىدىكى تۇنجى چېمپىيون بارلىققا كېلەتتى. لېكىن ئۇ توپنى كىرگۈزەلمىسىمۇ، ياپونىيە كوماندىسىغا يەنىلا پۇرسەت بار ئىدى. لېكىن كۇماگا بۇ پۇرسەتنى قولدىن بېرىشنى خالىمىدى. توپ كىردى. ياپونىيە كوماندىسى ئارزۇسىغا يەتتى. مەيدان قىقاس-سادالىرىغا تولدى. يېڭى بىر كوماندا دۇنيا پۇتبول لوڭقىسىنى ئېگىز كۆتۈردى. بۇ كوماندا دەل ئاسىيا قىتئەسىدىكى ياپونىيە كوماندىسى ئىدى. شۇنىڭ بىلەن بىر ۋاقىتتا، ياپونىيە ماھىرى ساۋا «ئالتۇن ئاياغ مۇكاپاتى»، «ئالتۇن توپ مۇكاپاتى» غىمۇ ئېرىشتى. ياپونىيە كوماندىسى چېمپىيون بولدى. ياپونىيە باش ۋەزىرى نائوتوكان بىر نەچچە كۈن ئىلگىرى ياپونىيە كوماندىسىنىڭ شۋېتسىيە كوماندىسىنى مەغلۇب قىلغانلىقىنى ئاڭلاپ، «ياپونىيە كوماندىسى چوقۇم چېمپىيون بولىدۇ» دېگەنىدى. دېگەندەك باش ۋەزىرنىڭ قىياسى توغرا چىقتى. ياپونىيە كوماندىسى ياۋروپا ئاخبارات ۋاستىلىرىنىڭ: «تېخنىكا ۋە بەدەن ساپاسى ياخشى بولغان ئامېرىكا كوماندىسى ئالدىدا ياپونىيە كوماندىسى زىيان تارتىشى مۇمكىن. ئامېرىكا كوماندىسى ئەزەلدىن مۇھىم مۇسابىقىلەردە يېڭىلىپ باقمىغان، ياپونىيە كوماندىسىنىڭ يەنە تارىخ يارىتىش ئېھتىماللىقى بەكلا ئاز» دېگەن سۆزلىرىگە ئۆز ئەمەلىيىتى ئارقىلىق جاۋاب قايتۇردى. ياپونىيە كوماندىسى يېڭى تارىخ ياراتتى. ئۇلار ئاسىيا قىتئەسىدىكى كوماندىلارنىڭ بۇ شەرەپكە ئېرىشەلمەسلىكىگە خاتىمە بەردى. شۇنداقلا، پۇتبول تەنھەرىكىتىنىڭ يالغۇز ياۋروپا، ئامېرىكا قىتئەلىرىگىلا مەنسۈپ ئويۇن ئەمەسلىكىنى پۈتكۈل دۇنياغا يەنە بىر قېتىم تونۇتتى.


مۇسابىقىدىن كۆرۈنۈش

ما پاكىنەكلەرنىڭ يامانلىقىنى    ئەجەپ بىر جايلاپتۇ دىسە  

ياپۇننىڭ خوتۇنلىرى دەھشەتقۇ بۇيىل.

مەن ئاخشام مۇسابىقە باشلىنىپ 20 مىنۇتتىن كىيىنلا ئۇخلاپ قاپتىمەن.  

...مەن بۇرۇنلا بۇلارنىڭ چىمپىيۇن بۇلىشىنى 80% پەرەز كىلىپ بۇلغان. }m?L/Y'}  
لىكىن پۇتپول دىگەنگە ئالدىن ئالا نەتىجە چىقىرۋەتمەسلىك كىرەك.

1999-يىلدىكى ھەل قىلغۇچ مۇسابىقە تەكرارلىنىپتۇ.شۇ ۋاقىتتىمۇ ئىلىمىز كوماندىسى نوقتا توپتا ئۇتتۇرۇپ قۇيغان.بۇ قېتىم ياپۇنىيە كوماندىسى جوڭگۇ كوماندىسنىڭ ئۈچىنى ئېلىپ نوقتا توپتا ئۇتۇپ بۇ شەرەپكە ئىرىشىپتۇ .تەبىرىكلەيمەن.ئاسىيادىكى تۇنجى دۇنياچىمپىيۇنى بارلىققا كەپتۇ.

ئەرلەر كوماندىسىدىن ئىلھام ئېپتۇ بۇلارمۇ

ئامېرىكىنىڭ خانىملىرى نىمە بۇلۇپ كەتكەندۇ يېغلىشىپ  

ياپۇنلۇقلار  ئاسىيا پۇتبولچىلغنىڭ ياخشى ئۈلگىسى           ما بىزنىڭ دۆلەتتكى خوتۇنلار قاچانمۇ بىر كۆتۈرەر لوڭقىنى    ،،،،،،         

مۇبارەك بولسۇن            ياپۇنىيە ئاياللىرى دەھشەتقۇ

ياپۇنىيە ئاياللىرىنى تەبىرىكلەيمەن ! k5E2{&wZ  
I`{*QU  
مۇسابىقە تۈگەشكە ئاز قالغاندا نۇمۇرنى تەڭلەشتۈرۋالغان كوماندىنىڭ نوقتا توپتا ئۇتۇشى 100% ئىكەن.

بۇلارنىڭ ئەرلىرىمۇ دۇنيا لوڭقىسى چېمپىيۇنى بۇلالايدۇ  دىسەم ئىشىندىغانلار  بارمۇ