قايتىدىن كوماندا قۇرۇش ھەققىدىكى تېما يوللانغاندىن كېيىن نۇرغۇن دوستلارنىڭ قوللايدىغانلىقىنى ھەمدە قولىدىن كىلىشىچە ياردەمدە بولىدىغانلىقىنى بىلدۈرۈشتى ، بىز بۇنىڭدىن ناھايىتى خۇشال ، ئاللا خالىسا قوللىغانغا چۇشلۇق نەتىجە يارىتىشقا تىرىشىمىز .
كوماندا قۇرۇش ئىشىنى ئەڭ ئاۋۋال كوماندىغا مۇۋاپىق ئىسىم تاللاشتىن باشلىدۇق ، نېمىشقا ئەڭ ئاۋۋال ئىسىم تاللايمىز ؟ ئىنكاسلاردىن قارىغاندا بۇ سۇئال نۇرغۇن دوستلارنىڭ كاللىسىدا ئىنىق چۈشەنچە ھاسىل قىلالمىغان ئوخشايدۇ ، كوماندىنىڭ نامىنى بۇرۇنقىدەك پۇتبول كۇلۇبى كوماندىسى ياكى پۇتبول مۇنبىرى كوماندىسى دەپ ئاتىغاندىن ، يېڭىچە ئىسىم بىلەن ئاتاشنى توغرا تاپتۇق ، يەنە كىلىپ بۇ قېتىم باشقىلار ئىشلەتمىگەن ئىسىمنى ئىشلىتىپ قانۇنلۇق ئەنگە ئالدۇرۇپ ئىشلىتىشنى توغرا تاپتۇق ، ھازىر مۇنبەردە تورداشلار ئوتتۇرىغا قويغان ئىسىملارنى مۇناسىۋەتلىك ئورۇنلاردىن تىزىملىتىپ بولۇنغان ياكى بولۇنمىغانلىقىنى سۈرۈشتە قىلىۋاتىمىز ، شۇڭلاشقا ئەڭ ئاۋۋال مۇۋاپىق ئىسىم تاللاپ قانۇنلۇق ئەنگە ئالدۇرۇغاچ باشقا پىلانلارنى يۈرگۈزمەكچى . ئۆز ئالدىمىزغا باشقىلار ئىشلىتىپ بولغان ئىسىم بىلەن كوماندا قۇرۇپ ، قاچان ماركا ھوقۇقىغا دەخلى قىلدىڭ دەپ بىرەرسى كىلىپ ياقىمىزغا ئېسىلارمىكىن دىگەن ئەندىشىدىن يىراقراق تۇرۇپ ، ئۆزىمىزگە تەئەللۇق بولغان بىر ئىسىم قوللانماقچى ، ئەڭ ئاۋۋال ئىسىم تاللىۋېلىشتىن مەقسەدمۇ شۇ . شۇڭلاشقا بۇ ھەقتە خاتا چۈشەنچە ھاسىل بولۇپ قالمىغاي .
كوماندىغا كىتىدىغان ئىقتىساد ھەققىدىمۇ ئاز تولا توختىلىپ ئۆتەي ، بىر قىسىم دوستلار كوماندىغا كىتىدىغان ئىقتىساددىن ئەنسىرەۋاتقانلىقىنى ، ئۆز رازىلىقى بىلەن ئاز بولسىمۇ ياردەم قىلىدىغانلىقىنى ئېيتىپتۇ ، بىزگە بۇنىڭدىنمۇ خۇشاللىق ئىش بولمىسا كىرەك . كوماندىغا كىتىدىغان ئىقتىسادنىڭ ئاساسلىق كىلىش مەنبەسى ۋاقتىنچە مەن ، ئىنزاگى . ئۇنىڭدىن باشقا مۇنبەرنىڭ بۇرۇنقى كونا ئەزاسى پىرلو21 دىگەن دوستىمىزمۇ ياردەم قىلىدىغانلىقىنى ئېيىتقان ، كوماندىنىڭ ئىقتىساد مەنبەسى يۇقاردا ئېيتىپ ئۆتكەن ئۈچەيلەننىڭ مۇئاشى ياكى مۇكاپاتى ئارقىلىق كىلىدۇ دىسەكمۇ بولىدۇ . بېكەتكە گوگۇل ئېلانى قۇيۇلغان بىلەن تېخى ھېچقانداق كىرىم قىلىپ باقمىدۇق ، پات يېقىندا بۇنىمۇ بىكار قىلماقچى . ناۋادا بېكەتكە شىركەت ياكى شەخسلەر ئېلان قۇيۇپ قوللاپ قالسا ، كىرىمنىڭ ھەممىسى دىگۈدەك كوماندىغا ئىشلىتىلىدۇ . قوللايدىغانلار كۆپ بولسا مەخسۇس فوند قۇرساقمۇ بولىدۇ .
ھازىرقى ئىقتىساد ئەھۋالىمىزغا قاراپ كوماندا تەشكىللىگەندىن سىرت ئۈرۈمچى بىرلەشمىسىگە 1 يىل قاتنىشىشقا كۆزىمىز يىتىدۇ ( اللە خالىسا ) ، باشقا ئالاھىدە ئەھۋال بولمىسىلا يېڭى پەسىللىك بىرلەشمىدىن باشلاپ قاتنىشىش پىلان قىلىندى .
ئۈرۈمچى بىرلەشمىسى بىلەنلا چەكلىنىپ قالامدۇق دىگەننىمۇ ئويلىنىپ باقتۇق ، ئۈرۈمچى بىرلەشمىسى بىلەنلا چەكلەنمەيمىز ، ئۈرۈمچى بىرلەشمىسىدىن باشقا ئۈرۈمچى ئىچىدىكى ۋە سىرتىدىكى باشقا مۇسابىقىلەرگىمۇ ئەھۋالغا قاراپ كوماندا تەشكىللەپ قاتنىشىمىز . ئۈرۈمچى ئىچىدە بىرلەشمىدىن باشقا مۇسابىقىلەرگە ئامال بار ۋاقت چىقىرىپ قاتنىشىمىز .
ئۈرۈمچى سىرتىدىكى مۇسابىقىلەرگىچۇ ؟ بۇنىڭغىمۇ پىلان تۈزۈپ باقتۇق ، لىكىن بۇ پىلان ئىقتىساد يار بەرگەن ياكى قوللىغۇچى چىققان ئەھۋال ئاستىدا بولىدۇ ، يەنى ئۈرۈمچىدىن باشقا شەھەر ، ناھىيىلەردە مۇسابىقە ئۆتكۈزۈلۈپ قالسا ، ئىقتىسادقا بېقىپ كوماندا تەشكىللەپ قاتنىشىپ بېقىش پىلانىمىز بار .
ئۇنىڭدىن باشقا يەنە نۇرغۇن دوستلار كوماندىغا ئادەم ئالغاندا تەلەپنى يۇقىرى قويۇشنى ئېيتىپتۇ ، بىزمۇ بۇ قېتىم دەل يۇقىرى تەلەپ بىلەن ئادەم تاللاپ كوماندا قۇرماقچى ، بۇنىڭغا يەنە تەپسىلىي پىلان تۈزۈلىۋاتىدۇ .
ھەرقانداق تەكلىپ – پىكىر بولسا قالدۇرساڭلار بولىدۇ .
