كوماندا قۇرىمىز دەپ باشلىغان يوغان ئىشىمىزنىڭ دەسلەپكى قەدىمىنى يەڭگىل بولسىمۇ بېسىۋالدۇق. شۇ تېمىغا يېزىلغان ئىنكاسلاردىن يىراق يېقىندىكى دوسلارنىڭ ئىزگۈ تىلەكلىرىنىڭ تۈرتكىسىدە ئالدىنقى شەنبە كۈنى بورانغا قارىماي توپ ئوينىدۇق ھەمدە مۇسابىقە ئويناپ قالساق كوماندىغا دەسلەپكى قەدەمدە ئوينىتىپ باقساق بولىدىغان بالىلارنى كۆڭلىمىزدە تىزىپ باقتۇق.( ئەسكەرتىش بۇ پەقەت سىناق تەرىقىسىدىكى ئەڭ ئاددىي سەپ شەكلى،مۇسابىقىلەر داۋامىدا ھەمدە تورداشلارنىڭ پىكرى بويىچە چوقۇم ئىسلاھات قىلىپ ماڭىمىز،كوماندىمىزنى كۈچەيتىپ ماڭىمىز) توردىن كىيىن سېتىۋېلىش نىيىتىدە يوللىغان بېلەتلىك تېمىدا پىكىردە ئازراق بىرلىككە كەلگەنمۇ بولغانتۇق، لېكىن بىر قىسىم بۇرادەرلەرنىڭ باشقىچە پىكرى بولغاچقا ئۇ تېما ئۆچۈرۈلۈپتۇ. توردىن يەنە كىيىم تېپىپ بېلەتلىك قىلىپ بېلەت تاشلىتىپ،ئاندىن سىناق تەرىقىسىدە بىرنى سېتىۋېلىپ كېلىش...دېگەندەك ئىشلار بىلەن ۋاقىت سوزۇلىۋېرىپ كېتىدىكەن. بىر قىسىملارنىڭ كىيىمنى ئۆزىمىز لاھىيىلەپ زاۋۇتقا تىكتۈرسەك دېگەندەك پىكرىمۇ بولدى. بۇنداق قىلغاندىغۇ تەننەرخىنى تۆۋەن قىلغىلى بولىدىكەن، بىراق زاۋۇتلار كېمىدە بىرەر مىڭدەك كىيىم زاكاس قىلىنسا ئاندىن ئىشلەيدىكەن، ھازىر مۇنبەردە كىيىم ئالىدىغان بالىدىن 10 بارمۇ 20 سىمۇ ، بۇنىسى نامەلۇم. ئىلگىرىكى ئەمەلىي پائالىيەتلەردىن پەرەز قىلىشقا بولىدىغىنى قۇرۇق چاقىرىق ئاۋازلار كۆپ بولغان بىلەن ئەمەلىي ئىش قىلىدىغانلار ساناقلىق، شۇڭا زاۋۇتقا ۋاقتىنچە كىيىم لاھىيىلەپ زاكاس قىلدۇرۇشمۇ تازا بىر تۈكى يوق پاراڭ بولۇپ قالدى. توپ ئوينايدىغان بالىلارنىڭ قىزغىنلىقى بىلەن ئالدىمىزدىكى شەنبە دوسلۇق مۇسابىقىسى ئوينايدىغانمۇ بولۇپ قالدۇق. تاغدەك بىر يوغان مۇنبەرنىڭ دەپ بىر كىيىمنىمۇ بىرلىككە كەلتۈرمەي مەيدانغا چۈشسەكمۇ تازا قاملاشمىغۇدەك، شۇڭا بۈگۈن مۇنبەردىكى تۆت -بەشەيلەن بىرلىكتە بازارغا چىقىپ كىيىم كۆرۈپ باقتۇق. چاڭجىياڭ يولىدىكى كىيىم توپ سېتىش بازىرىدىن بۇرېمىننىڭ كىيىمى ھەممەيلەنگە ئورتاق يېقىپ قالدى. تەننەرخى،سۈپىتىمۇ خېلى بولىدىكەن، شۇڭا ۋاقتىنچە مۇشۇ كىيىمنى ئېلىپ كوماندىمىزنىڭ كىيىمى قىلىپ تۇرساق بولارمىكىن دېگەن پىكىرگە كېلىپ قالدۇق. كىيىم لاھىيىلەپ زاۋۇتقا ئىشلىتىدىغان ۋە ياكى توردىن ئىزدەپ بېلەت تاشلاتقۇزۇپ سىناق تەرىقىسىدە سېتىۋېلىپ كېلىپ كۆرۈپ باقىدىغان ئىشلارنى كېيىنگە قويدۇق. مۇنبەردە باشقا كوماندىلارنىڭ كىيىمىنى ئالساق ئىختىلاپ چىقىدىغىنى ئېنىق، بۇرېمىننىڭ بولسا مەستانىسىمۇ يوق دېيەرلىككەن، كىيىم ئۆزىمۇ چىرايلىقكەن، شۇڭا مۇشۇنى ئېلىپ تۇرايلى دەۋاتىمىز. كىيىمنى كۆرۈپ بېقىڭلار:
ماۋۇسى ئاشۇ يەردىكىسى كىيىپ كۆرسىتىپ بەرگىنى :
كىيىمنىڭ باھاسىنى توپ باھاسىدا تالىشىپ باقساق 35 سومغا بېرىدىغانلىقىنى ئېيتتى، نومۇر بىلەن قوشساق كۆپ بولسا 40 سوم كەتكۈدەك، شەنبىدىكى مۇسابىقىگە ئۈلگۈرتۈش ئۈچۈن جۈمە كۈنى بىر يىغىلىپ مۇشۇ كىيىمنى سېتىۋالايلى. بۇندىن باشقا جۈمە كۈنى مۇنبەرنىڭ ئىككى يىللىقى بولىدىكەن، شۇڭا جۈمە كۈنى چوقۇم بىر يىغىلايلى. جۈمە كۈنى جۈمە نامىزىنى ئوقۇپ بولۇپ سائەت ئىككى يېرىمدا چاڭجىياڭ يولى (10-يول،16-يوللارنىڭ ) بېكىتىدە يىغىلايلى. داۋاملىق كېلىدىغان بالىلار ئۈزۈلۈپ قالمايلى. ئۇندىن باشقا ئەنۋەر (بېشەكشىن) ، ئابدۇسەمى (سالات) ، قەيسەر (سالاتنىڭ ئاغىنىسى)،ياسىن( ئا.س مىلان)، ھەزرىتىئۆمەرفابرىگاس)...قاتارلىقلار چوقۇم چۈشۈپ قالمايلى .
[ بۇ يازما شەمشاد تەرىپىدىن 2009-04-28 22:39 قايتا ت ]
