تالانىتلىقلار بۆشۈكى

باقاۋۇل

ئەسسالامۇ-ئەلەيكۇم ، پوتبۇل مۇنبىرىدىكى بارلىق ئەزىزلەر !
ئۇشبۇ ئەرزىمەس تىمام ئارقىلىق ، ھەرقايسىڭلار بىلەن دىدار – مۇلاقەتتە بولۇپ ، ئوخشاش بىر تىمىدا ھەمسۆھبەتتە بولالىغىنىمدىن ناھايىتتى خۇشالمەن !
ئەڭ ئاۋال پوتبۇل مۇنبىرىدىكى بارلىق پوتبۇل سۆيەر قىرىنداشلىرىمنىڭ يىڭى يىلىنى چىن قەلبىمدىن تەبىرىكلەيمەن !

پوتبۇلدىن ئىبارەت ھەممە زىمىندا قىزغىن قارشى ئىلىنىدىغان تەنھەركەت تۈرىنىڭ، كەسىپلىشىشكە يۈزلەنگەندىن تارتىپ قىسقىغىنە بىر نەچچە ئەسىر ئىچىدە ، غايەت زور تەرەققىياتلارغا ئىرىشىپ ، ئىسلاھ قىلىنىش ، كۆلەملىشىش ، قۇتۇپلىشىش ۋە تەسەۋۋۇر قىلغۇسىز دەرىجىدە ئىقتىسادلىشىشى ھەممىنى ھەيران قالدۇرسا ، يەنە بىر تەرەپتىن ، پۈتۈن  دۇنيا مىقياسىدا ئەۋىج ئالغان  پوتبۇل مەستانىچىلىكى  ، ياش ئۆسمۈرلەر ئارىسىدا كۈندىن-كۈنگە ئىشىپ بىرىۋاتقان پوتبۇل تىپىش قىزغىنلىقى ، بولۇپمۇ ، ھەرقايسى جايلاردا زور مەبلەغ سەرىپ قىلىپ ، ياش –ئۆسمۈرلەرنى كەسپىي تەربىيلەش ئورۇنلىرىنىڭ ئارقىمۇ-ئارقا مەيدانغا كىلىشى ،پوتبۇلدىن ئىبارەت بۇ ئومومىي خەلىق ساغلاملىق ھەركىتىنىڭ سىھرى كۈچىنىڭ نەقەدەر يۇقىرى ، جەلىپ قىلىش كۈچىنىڭ نەقەدەر كۈچلۈك ئىكەنلىكىنى جاكارلاپ تۇرۇپتۇ .
كىسەكنى قىلىپتا قۇيسا ، شۇنداق ئۆلچەملىك ، سۈپەتلىك چىقىدۇ ، شۇنىڭغا ئوخشاش جەمئىيتىمىزدىكى ھەممە كەسىپنىڭ ئۆزىگە چۇشلۇق قانۇنىيتى ، راۋاجلىنىش پىرىنسىپى ۋە ئۈگىنىش ، يىتىلىش باسقۇچى بولىدۇ . ئەلۋەتتە ، ھەممىمىزنىڭ قارشى ئىلىشىغا ئىرىشىپ ، كەڭ جامائەتچىلىكنىڭ ئىتىراپ قىلىشىغا ئىرىشىپ كىلىۋاتقان پوتبۇل تەنھەركىتىمۇ بۇنىڭدىن مۇستەسنا ئەمەس .
پوتبۇل ھەركىتى يۈكسەك دەرىجىدە ئىتتىپاقلىق ، ھەمكارلىق ، چىدامچانلىق، غەيرەت-جاسارەت ۋە ئەۋزەل بولغان بەدەن شارائىتىنى تەلەپ قىلىش بىلەن بىرگە ، يۇقارقى شەرىت-شارائىتلار تولۇق پىشىپ يىتىلگەندىن كىيىن ، ئىقتىساد بىلەن زىچ مۇناسىۋەتلىك بولغان ، كەسپى ، مۇنتىزىم ، سىستىمىلاشقان تەربىيلەش ، مەشىق شارائىتىنى تەلەپ قىلىدۇ .

ياۋرۇپا پۇتبولچىلىقىغا نەزەر سالىدىغان بولساق ، پوتبۇل ساھەسىدە چاقناپ ، يۇرۇق يۇلتۇزغا ئايلانغا ھەربىر چولپاننىڭ ، ياۋرۇپادىكى مەلۇم زەردارنىڭ ياش-ئۆسمۈرلەر تەربىيلەش بازىسىدا ، ئۇزۇن مەزگىللىك جاپالىق مەشىق ئاساسىدا يىتىشىپ چىققانلىقىنى بىلەلەيمىز.
دۆلىتىمىزنى مىسالغا ئالساق ، نۇرغۇن داڭلىق كۇلۇپلار ، ياۋرۇپانى ئۆرنەك ئىلىپ ، پوتبۇل تەربىيلەش بازىسى ۋە مەكتەپلىرىنى قۇرۇپ چىقىپ ، دۆلىتىمىزدىكى بىر قىسىم پوتبۇل خۇمار ياش-ئۆسمۈرلەرنى تەربىيلەپ ياخشى ئۈنۈمگە ئىرىشتى . جۇملىدىن دىيارىمىزدا سۇڭچىڭلىڭ پۇتبول مەكتىپىنىڭ قۇرۇلىشىمۇ ، رايۇنىمىز پوتبولچىلىقىنىڭ تەرەققىياتىنى تىزلەتتى .
ئەمدىلىكتە بولسا ھۆكۈمەتنىڭ زور كۈچ بىلەن قوللىشى ، ھەم رايۇنىمىزنىڭ بىر قىسىم چوڭ شەھەرلىرىدىمۇ كەسپىي پوتبۇل تەربىيلەش مەكتەپلىرى،ۋە تەربىيلەش ئورۇنلىرىنىڭ پەيدا بولىشىغا ئەگىشىپ ، دىيارىمىز پۇتبولچىلىقى جۇش ئۇرۇپ ، راۋاجلىنىشقا قاراپ مىڭىۋاتىدۇ .
ئىنشائاللا ، يىقىن كەلگۈسىدە دىيارىمىزدىن يىتىشىپ چىققان چولپانلارنى چوڭ مەيدانلاردا كۆرۈشكە نىسىپ قىلغاي .
ئەسلى مەخسەتكە كەلسەك ، مەن بۇ تىمام ئارقىلىق ، مۇنبەرداشلار بىلەن، دۇنيادىكى ئەڭ ياخشى پوتبۇل تەربىيلەش بازىلىرىنىڭ بىرى بولغان ئىسپانىيە زەردارى بارسىلونا كۇلۇبىنىڭ ياش-ئۆسمۈرلەرنى تەربىيلەش بازىسى بولغان «لامارسىيا» ياشلارنى تەربىيلەش بازىسى توغرىسىدا ئورتاقلاشماقچىمەن .

لامارسىيا ياشلار تەربىيلەش بازىسى

لامارسىيا پۇتبۇل تەربىيلەش مەكتىۋى 1979-يىلى قۇرۇلغان بولۇپ ، بارسىلونا شەھرىنىڭ ئالىسدىدس كوچىسىنىڭ سول تەرپىگە جايلاشقان .
ئەينى يىللىرى پوتبۇل مەيدانى ناھايىتتى ئاددى بولۇپ ، مەيداندىكى چىممۇ ئاساسەن قولىدا كۆچۈرگەن چىملار ئىدى . بارسىلونا مۇشۇ ناچار شارائىتتا بىرنەچچە يىلنى مۇشۇ يەردە ئۆتكۈزگەن ئىدى .

لامارسىيانىڭ شارائىتىنڭ شۇنداق ناچار بولىشىغا قارىماي ، گوللاندىيىلىك كىرۇيىف دىگەن كىشى ، دۇنيادىكى ئەڭ ئىلغار بولغان پوتبۇل ئىددىيسىنى بۇ يەرگە ئىلىپ كەلدى . 1989-يىلى ،بارسىلونا كوماندىسىنىڭ باش تىرىنىرلىق ۋەزىپىسىنى ئۈستىگە ئالغان گوللاندىيلىك داڭلىق تىرىنىر كىرۇيىف  ، ئۆزى بىر قوللۇق پىلانلاش ۋە رىياسەتچىلىك قىلىش ئاساسىدا بارسىلونا كۇلۇبىنىڭ ياشلارنى يىتىشتۈرۈش بازىسى بولغان ، لامارسىيا ياشلار تەربىيلەش بازىسىنى قۇرۇپ چىقتى .
قۇرۇلغاندىن بۈگۈنگە قەدەر بولغان بۇ 30 نەچچە يىل مابەينىدە ، 7 تۈركۈمگە بۆلۈنۈپ ، 503 نەپەر پوتبۇلچى لامارسىيادىن يىتىشىپ چىقىپ ، دۇنيانىڭ ھەرقايسى جايلىرىغا تارقالدى . بۇلارنىڭ ئىچىدە كۆزنى چاقنىتىدىغانلىرىدىن مىسسىي ، شاۋى ، ئىنىستا قاتارلىقلارنىڭ يىتىشىپ چىقىشىغا ئەگىشىپ ، لامارسىيانىڭ «غەرىبتىكى ھەربىى مەكتەپ » دىگەن نامىمۇ چىقىشقا باشلىدى .

لامارسىيا ياشلار تەربىيلەش بازىسى ، بارسىلونا كۇلۇبىنىڭ باشقۇرۇشى ئاستىدا ، مەخسۇس ياشلارنى تەربىيلەش ۋەزىپىسىنى ئۈستىگە ئالغان بولۇپ ، بۇ يەردە دۇنيانىڭ ھەرقايسى جايلىرىدىن كەلگەن پوتبۇلخۇمارلار تەربىيلىنىدۇ .
بىز بىلگىنىمىزدەك ، پۇيۇل ، شاۋى ، مىسسىي ، ئىنىستا ، پىك ، بوسكىس ، خىسەي مانۇئىل رىينا ، بويەن (博扬)،فابرىگاس، ۋالدىس ، پىدىرو ، ئارتىتا  قاتارلىق دۇنياغا داڭلىق چولپانلارنىڭ تۇنجى قەدىمىي لامارسىيا دىن باشلانغان .

فابرىگاس ئارسىنالدىن ئايرىلغان چاغدا ، ئارىسىنال مەستانىلرى ناھايىتتى ئازابلانغان . ھەتتا توپ مەستانىلرى ، قاچان ئارسىنال فابرىگاس يىتىشىپ چىققان لامارسىيادىن بىرنى قۇرالايدۇ ، دەپ چوقان سالغان . ئەلۋەتتە ، لامارسىيانىڭ نەتىجىسى بىرلا فابرىگاس ئەمەس .
1992-يىلىدىكى بارسىلونا ئولىمپىك يىغىنىدىن كىيىنكى بارسىلونا چۈش كوماندىسىدنىڭ بىرىنجى سەپ كوماندىسىدىكى 9 نەپەر ئەزاسى دەل مۇشۇ لامارسىيادىن يىتىشىپ چىققانلار ئىدى . ئۇنىڭدىن باشقا لىۋىرپولدىكى رىينا (雷纳)دەك چولپانلارمۇ دەل مۇشۇ يەردىن يىتىشىپ چىققان ئىدى . يۇقارقى يۇرۇق يۇلتۇزلارنىڭ نام شۆھرىتىنىڭ كۈندىن-كۈنگە ئىشىپ بىرىشى ، لامارسىيا پۇتبول تەربىيلەش مەكتىۋىنى تىخىمۇ سىرلىقلارشتۇرۇپ ، ئۇنىڭ شان-شۆھرىتىنى بىراقلا ئاشۇرۋەتتى . يەنە كىلىپ ، بارسىلونادەك دۇنياغا داڭلىق ، ئەنئەنىۋى كۈچلۈك كۇلۇپنىڭ يىنىدا ، لامارسىيادەك قابىل بىر ياردەمچىنىڭ تۇرۇشى ، خۇددى ، ئالتۇن ئۈزۈككە ياقۇت كۆز قويغاندەك ئىش ئەمەسمۇ ؟!!

توغرىسىنى ئىيتقاندا، بارسىلونا ئاجاگىس ياشلار تەربىيلەش بازىسىنىڭ ئەندىزىسىنى قوللانغان بولۇپ ،  ھەممىگە تونۇشلۇق بولغان ئاجاگىس پوتبۇل كۇلۇبىنىڭ ياشلار تەربىيلەش بازىسىمۇ ، دۇنياغا داڭلىق بولغان چولپان يىتىشتۈرۈش زاۋۇتى ھىساپلىنىدۇ . بۇ يەردىن يىتىشىپ چىققان چولپانلارمۇ نۇرغۇن بولۇپ ، روبىرىت رىنسىنبىرنىك (伦森布林克) ،نىسكىنىس ، ۋان باستىن ،  لىجىكارد ، دەننىس بىرگامىپ ، سىدىروف ، داۋىس ، كىلۇۋىرىت قاتارلىقلار بار بولۇپ ، كىرۇيىفنىڭ ئۆزىمۇ ئاجاگىسىنىڭ پەخىرى ھىساپلىنىدۇ .

كىرۇيىف بارسىلوناغا قوشۇلغاندىن كىيىن ، پوتبۇلچىلىق ھاياتى ۋە تىرىنىرلىق ھاياتىدا بارسىلونا ئۈچۈن تەسۋىرلىگۈسىز دەرىجىدە تۆھپىلەرنى قوشتى ، ئۇ بارسىلونا كوماندىسىغا «چۈش كوماندىسى» دىگەن چىرايلىق نامنى ھەم لامارسىيا ياشلار تەربىيلەش بازىسىنى سوۋغا قىلدى .
بارسىلونا شەھرىنى ئايلىنىپ ، دىھقانچىلىق مەيدانى شەكلىدە سىلىنغان چوڭ قورۇنىڭ ئالدىغا كەلگەندە ، بەلكىم بۇ يەرنى دىھقانچىلىق مەيدانىمىكىن دەپ قىلىشىڭىز مۇمكىن ، بۇ يەر دەل بىز تىلغا ئىلىۋاتقان دۇنيادىكى ئەڭ ياخشى پوتبۇل تەربىيلەش ئورنىنىڭ بىرسى بولغان لامارسىيا ياشلار تەربىيلەش بازىسى .
بۇ يەرنىڭ مۇھىتى شۇنداق تەبىي ، مۇئامىلىسى ۋە مۇلازىمىتى ناھايىتتى ئەتراپلىق بولۇپ ، مەيلى بۇ يەردىن ئۆتكەچ كىرىپ باققان يولۇچى بولسۇن ، مەيلى مۇخپىر بولسۇن ياكى بالىسىنى بۇ يەرگە تەربىيلەش ئۈچۈن  ئىلىپ كەلگەن ئاتا-ئانىلار بولسۇن ، ھەممىسى ناھايىتتى خۇشخۇي كۆرۈنىدۇ ، بۇ مۇ ئەجەپلىنەرلىك ئەمەس ، بۇنىڭ ھەممىسى بۇرۇندىن داۋاملىشىپ كىلىۋاتقان ئەنئەنە .

«لامارسىيا» دىگەن بۇ سۆزنىڭ كاتالون تىلىدىكى مەنىسى ئەسلىدىنلا دىھقانچىلىق مەيدانى بولۇپ ، بۇ تەربىيلەش بازىسى بىر قاراشتىلا ئادەمگە ئا س مىلان ياشلار تەربىيلەش بازىسى مىلانىللو (Milanello) نى ئەسلىتىدۇ . بۇ ئىككى بازىنىڭ ئورتاقلىقى بولسا ئوخشاشلا كىشىگە ناھايىتتى سەمىمىي ، ئىللىق تەسىر بىرىدىغان بولۇپ ، مۇھىتى خۇددى ئۆيىڭىزنىڭ يىنىدىكى چايخانا ياكى قەھۋەخانىغا ئوخشاش يىقىن تەسىر بىرىدۇ . لامارسىيادىن يىتىشىپ چىققان بىر تۈركۈم چولپانلارنى كۆز ئالدىمىزغا كەلتۈرسەك ، غەرپتىكى بۇ ھەربىي مەكتەپنىڭ نەقەدەر سىھرى كۈچكە تولغانلىقىنى ھىس قىلىلايمىز .
بايا دەپ ئۆتكىنىمىزدەك ، 1989-يىلى ، ئەينى ۋاقىتتا بارسىلونا كوماندىسىنىڭ باش تىرىنىرلىق ۋەزىپىسىنى ئۆتەۋاتقان كىرۇيىف ئۆزى بىر قوللۇق يىتەكچىلىك قىلىش ئاساسىدا لامارسىيانى قۇرۇپ چىققان .

كىشىلەر كىرۇيىفنى ناھايىتتى تالانىتلىق پوتبۇلچى دەپ تەرىپلىشىدۇ ، ئەڭ مۇھىمى ، ئۇ ناھايىتتى كۈچلۈك بولغان ئىقتىدارلىقلارنى پەرىق ئىتىش ۋە تەربىيلەش ئىقتىدارىغا ئىگە . دۇنيادىكى ئەڭ ياخشى تەربىيلەش بازىسىنىڭ بىر بولغان لامارسىيانى ، ئۇ ئۆزى يالغۇز دىگۈدەك قۇرۇپ چىققان . بارسىلونادىكى تىرىنىرلىق مەزگىلىدە ، ئۇ كۆپ ھاللاردا توپچىلارنى پاس بىرىش ۋە پاس قوبۇل قىلىش مەشىقىغە سالاتتى . كىرۇيىفنىڭ قارىشىچە ، پوتبۇل تىپىش بولسا ، پوتبۇل مەيدانىدىكى سانسىزلىغان ئۈچبۇلۇڭ شەكىللىك يەتكۈزۈشلەردىن تەشكىل تاپىدىغان بولۇپ ، ئەگەر سەن توپنى ياخشى پاس بىرەلىسەڭ ، ياخشى قوبۇل قىلالاساڭ، شۇ جەرياندا خاتالاشمىساڭ كىرۇيىفىنىڭ ئاساسى تەلىپىدىن ئۆتكەن بولىسەن .

لامارسىيا ياشلا تەربىيلەش بازىسى ياشلارنى يالغۇز كەسپى پوتبۇل بىلىملىرى بىلەنلا تەربىيلەپ قالماستىن ، بەلكى ، ياشلارنى ھەر تەرەپتىن ئەتىراپلىق تەربىيلەشنى مەخسەت قىلغان بولۇپ ، بۇ يەردىكى بالىلار ، كەسپى بىلىملەرنى پۇختا ئىگىلەشتىن باشقا ، تۈرلۈك مائارىپ تەربىيلىرىنى تولۇق قوبۇل قىلالايدىغان بولۇپ ، ئۇلار ناھايىتتى ياخشى بولغان تەربىيلىنىش شارائىتىن باشقا يەنە ئۆز ئائىلىسىدىكىدەك سەمىمىي پوزىتسىيە ، ئىللىق مۇئامىلە بىلەن تەربىيلىنىدىكەن ، مەلۇم سەۋەپلەر تۈپەيلى  بۇ يەردىن يۇرتىغا كىتىشكە توغرا كەلگەنلارمۇ بۇ يەردىن ئايرىلىشقا قىيالماي ، ناھايىتتى ئاابلىنىدىكەن .








(تەربىيلەنگۈچىلەرنىڭ تارقىلىش سىخمىسى)

لامارسىيا ياشلار تەربىيلەش بازىسىدىن يىتىشىپ چىققان چولپانلارمۇ بۇ يەرنىڭ دائىملىق مىھمىنى بولۇپ ، ئۇلار دائىم بۇيەرگە كىلىشكە كۆنۈك ئىكەن .
مىسسىي ، ئىنىستا قاتارلىق نۇرغۇن داڭلىق چولپانلار ، دائىم بۇ يەرگە كىلىپ ، ئىلگىركى تىرىنىر ، يىتەكچىلىرى بىلەن تاماق يىگەچ ، پاراڭلىشىدىكەن ، ئۆزلىرى يولۇققان مەسىلىلەر ۋە باشقا قىزىقارلىق ، خۇشاللىنارلىق ئىشلار توغىرلۇق سۆزلىشىدىكەن . بۇ خۇددى ، يىراققا كەتكەنلەرنىڭ يۇرتىغا قايتىشىغا ئوخشايدىكەن .
تەربىيلەش بازىسىدىكى تىرىنىرى ، تەربىيلىگۈچىلەر ، ئىشچى خىزمەتچىلەر ۋە بۇ يەردە تەربىيلىنىۋاتقان ياشلار بىر-بىرىگە ناھايىتتى بەك ئىچەكىشىپ كەتكەن بولۇپ ، بىر-بىرگە ناھايىتتى ياخشى مۇئامىلىدە بولىدىكەن ، بۇ يەردە باشقا تەربىيلەش سىستىمىلىرىغا ئوخشاش ، ئۆلۈك باشقۇرۇش ، جازالاش تۈزۈلمىسى يوق بولۇپ ، خالىغان ۋاقىتتا ئۆز-ئارا پىكىر ئالماشتۇرۇپ ، ئۆزلىرى خالىغان پائالىيەتلەرنى ئورۇنلاشتۇرالايدىكەن .
بارسىلونا بىرىنجى سەپ كوماندىسىنىڭ تىرىنىرىلىرمۇ بۇ يەرنىڭ دائىملىق مىھمىنى بولۇپ ، بۇ يەرگە پات-پات كىلىپ ياشلار بىلەن پىكىر ئالماشتۇرغاچ ، ئۇلارنى كۈزىتىدىكەن .

قوشۇمچە :

لامارسىيە قۇرغۇچىسى كىرۇيىفنى قىسقىچە تونۇشتۇرۇش

يوھان كىرۇيىف ، 1947-يىلى 4-ئاينىڭ 25-كۈنى تۇغۇلغان . داڭلىق ئوتتۇرا ھۇجۇمچى ، شۇنداقلا تونۇلغان تىرىنىر . پوتبۇل دۇنياسىدا ئۇچار ئادەم دەپ نامى بار .ئۈچ قىتىم ياۋرۇپا پوتبۇل ئەپەندىسى شەرىپىگە ئىرىشكەن (1971،1973،1974) .   1978-يىلى دۆلەت كوماندىسىدىن ، 1984-يىلى پوتبۇل تىپىش  كەسپى ھاياتىدىن چىكىنگەن . دۆلەت كوماندىسىدا 48 مەيدان مۇسابىقىدە ، 33 توپ ئۇرغان .
1974-يىلى گىرمانىيە دۇنيا لوڭقىسىدا ئىككىنجىلىككە ئىرىشكەن ، شۇ يىلى دۇنيا لوڭقىسىدىكى ئەڭ مۇنەۋەر ماھىر مۇكاپاتىغا ئىرىشكەن .
1988-يىلى دۇنيادىكى ئەڭ ياخشى تىرىنىر مۇكاپاتىغا ئىرىشكەن .  
گوللاندىيە 20-ئەسىردىكى ئەڭ مۇنەۋەر پوتبۇلچى مۇكاپاتىغا ئىرىشكەن .
2006-يىلى لاۋرىنىس ئۆمۈرلۈك شەرەپ مۇكاپاتىغا ئىرىشكەن .
2007-يىلى ئاجاكىس ، كىرۇيىفنىڭ 14-نۇمۇرلۇق كىيمىنى مەڭگۈلۈك پىچەتلىگەنلىكىنى ئىلان قىلغان .

پوتبۇلچىلىق ھاياتىدا ، 9قىتىم گوللاندىيە ئادەرىجىلىك بىرلەشمىسىنىڭ چىمپىيۇنلۇقىغا(1966،1967،1968،1970،1972،1973،1982،1983،1984) ،  بىر قىتىم ئىسپانىيە ئادەرىجىلىك بىرلەشمىسىنىڭ چىمپىيۇنلۇقىغا (1974) ،  6 قىتىم گوللاندىيە لوڭقىسىنىڭ چىمپىيۇنلۇقىغا (1967،1970،1971،1972،1983،1984)  ، بىر قىتىم ئىسپانىيە شاھلىق لوڭقىسى چىمپىيۇنلۇقىغا (1978) ، ئۈچ قىتىم ياۋرۇپا ئۇزغۇنلۇق لوڭقىسىغا (1971،1972،1973) ،   بىر قىتىم ياۋرۇپا دەرىجىدىن تاشقىرى لوڭقىسىغا (1972) ، بىر قىتىم قىتئەلەر چىمپىيۇنلۇق لوڭقىسىغا (1972)   ئىرىشكەن .

1984-يىلى ،  36 ياشلىق كىرۇيىف ، پوتبۇلچىلىق ھاياتىنى رەسمىي ئاخىرلاشتۇرغاندىن كىيىن ، تىرىنىرلىق قامچىسىنى قولغا ئىلىشقا باشلىغان . ئۇ ئاۋال ئاجاكىسنىڭ تىخنىكا نازارەتچىسى بولغان ، كىيىن بارسىلونا كۇلۇبىغا بارغان ، بارسىلونا كۇلۇبىغا باش تىرىنىر بولغاندىن كىيىن ، بىر قىتىم ياۋرۇپا ئۇزغۇنلۇق لوڭقىسى ، بىر قىتىم غالىپلار لوڭقىسى چىمپىيۇنلۇقىغا ، ئىككى قىتىم ئىسپانىيە ئا دەرىجىلىك بىرلەشمىسىنىڭ چىمپىيۇنلۇقىغا ، بىر قىتىم شاھلىق لوڭقىسىنىڭ چىمپىيۇنلۇقىغا ئىرىشكەن .

ئابلەتجان

    باقاۋۇلكا، ھەر ئىككىمىز بىر بىرىمىزنىڭ بىڭسىنى ئوبدانلا بىلىپ بولدۇق، ھازىر سىز ياكى مەن نادىرراق تېما يازساق بىر بىرىمىزگە ھەيران قالمايدىغان بولدۇق... شۇڭا، سىزنىڭ سەۋىيەرىڭىزنىڭ يېرىمىغا تەڭلەشكۈدەك بۇ تېمىڭىزنىمۇ ئالەمشۇمۇل گەپ ۋە تەبرىكلەر بىلەن تەبرىكلىمەيمەن. بۇ سىزگە نىسبەتەن ئاددىيراق تېمىدۇر.

  مۇھىمى، بارسېلونالىقلارنىڭ بېشىنى ئېگىز كۆتۈرۈپ يۈرۈشكە تېگىشلىك نۇرغۇن سەۋەب ۋە تەرەپلىرى بار: بارسېلونالىقلار، لامارسىيەدىن پەخرىنىڭلار، ئۇ يالغۇز ئالەم كوماندىسى دېيىلىدىغان بارسېلونانىلا ئەمەس، يەرشارىنى مونوپول قىلغان، دۇنيا ۋە ياۋروپا پۇتبولىغا رەھىمسىزلەرچە  زومىگەرلىك قىلغان ئىسپانىيە كوماندىسىنىمۇ ۋۇجۇدقا چىقاردى. تالاي يىللاردىن بېرى "تاللاش مۇسابىقىسى ۋە گۇرۇپپا مۇسابىقىسى پىرى" دەپ مەسخىرىلىنىدىغان، چېمپىيونلۇق دېگەن گەپنى ئۇنتۇپ قالغان ئىسپانىيە، ياق بارسېلونىيە 2008 - يىلىدىن 2013 - يىلىغىچە دۆلەت پۇتبول كوماندىلىرىنى ئەخمەق قىلدى. بۇ ئىسپانىيەنىڭ ئەمەس، ماھىيەتتە سىلەرنىڭ غەلىبەڭلار... بۇ جەھەتتە قايسى كۇلۇب سىلەرگە يېتەلەيدۇ؟ قايسى كۇلۇب بىزمۇ ئاشۇنداق دېيەلەيدۇ؟  ئەجىبا؟؟ ھە راست، 70 - يىللاردىكى بايرېن مىيۇنخېن. سىلەر شۇلارغا ئوخشىغان بولساڭلار تېخىمۇ قالتىس سىلەر...
    بىر ئاجىز، ۋىجىك، يات دۆلەتلىك بىر بالىنى سىلەر، سىلەر، سىلەر ئۆز قولۇڭلار بىلەن تەربىيەلىدىڭلار، ئۇنى توپ شاھى قىلدىڭلار، ئۇنى بىر يەردىن يۆتكەپ كەلمىدىڭلار، ئۇنى سىلەر تەربىيەلىگەن، تۆت ئالتۇن توپ ئۇنىڭ ئەمەس، ئۇ لامارسىيەنىڭ، ئۇ بارسېلونانىڭ... مارادونانىمۇ سىلەر بايقىغان، ئەڭ كۈچلۈك رونالدومۇ بارسېلونادىكى رونالدو ئىدى، ئۇنىمۇ سىلەر گىگانت قىلغان...

   لامارسىيە سەن قورقۇنۇشلۇقسەن، سەن رەھىمسىزسەن، سەن بىر مۆجىزىدۇرسەن!!!

خۇشخۇي

پەرۋەر يوللىغان ۋاقتى  2015-1-1 22:31
فابرىكاڭنىڭچۇ؟  مەن دەپ بىرەيمۇ ياكى ھەمشىرلىرڭدىن س ...

سەن فابىرىكا توغىرسىدا بىر نىمىلەرنى بىلەمسە ؟ ئەمسە  فابىركىدىن يىتىشىپ چېىقىپ مادىرىت ئۈچۈن زور تۆھپىلەرنى قوشقان بەش داڭدارنى دەپ باقە ؟

ئابلەتجان

بىرازىلىيە يوللىغان ۋاقتى  2014-12-31 22:54
بۇ تېمىنىڭ ئازراق ئاخىرى باردەك ھېس قىلىپ قالدىم...

مەسىلەن قانداقراق بولسا بولاتتى...
   مۇشۇنداق پىكىر - تەكلىپ قانچە كۆپ بولسا تېما يازغۇچىلار شۇنچە تەرەققىي قىلىدۇ. ئەگەر، تەكلىپ - پىكىر قانچە ئېنىق، چۈشىنىشلىك بولسا شۇنچە ياخشى بولىدۇ.
   مەسىلەن: لامارسىيانىڭ قاتتىق دېتال جەھەتتىكى ئورۇنلاشتۇرۇشى، ياكى مەكتەپ پايدىلىنىدىغان ماتېرىيال، مەكتەپنىڭ ئوقۇغۇچى قوبۇل قىلىشتىكى كونكېرت شەرتى ۋە ئۆلچىمى ياكى بولمىسا مەكتەپنىڭ تەشكىلىي ئاپپاراتلىرى ۋەھاكازالار.... يۇقىرىقىلاردىن خالىغان بىرەرىنى ئوتتۇرىغا قويساق تېما ئىگىسى ئۇنتۇپ قالغان بولسا ئاختۇرۇپ قاتىدۇ، ماتېرىيال راستلا بەك ئاز بولسا چۈشەنچە بېرىپ قويىدۇ. يەنە بىرى، مۇشۇ سۇئاللارنى ئوتتۇرىغا قويغۇچىمۇ بەزى نەرسىلەرنى تېما ئىگىسىگە ئىتتىرمەي، ئۆزى ئىزدىنىپ، تېما ئىگىسىگە ياردەم قىلسا تېخىمۇ ياخشى بولىدۇ. چۈنكى، مۇنبەرگە تۆھپە  قوشۇش تېما يازىدىغانلارنىڭ ياكى ئاشۇ تېمىنى يازغۇچىنىڭلا ئەمەس، ھەممەيلەننىڭ بۇرچى...
    مۇنبەرگە تەكلىپ: بىرلا ئادەمنىڭ بىلىدىغىنى ئاز، بىر تەرەپلىمە بولىدۇ. جىق ئادەمنىڭ بىلىدىغىنى كۆپ بولىدۇ. شۇڭا بەزى تېمىلارنى بىرلىشىپ يازساق، بىرلىكتە تولۇقلاپ، پۈتكەن تېمىنى مۇنبەرنىڭ مەھسۇلاتى قىلساقمىكىن....

باقاۋۇل

بىرازىلىيە يوللىغان ۋاقتى  2014-12-31 22:54
بۇ تېمىنىڭ ئازراق ئاخىرى باردەك ھېس قىلىپ قالدىم...

كىرۇيىف توغىرلۇقمۇ ؟

8899kaysar

يىڭى يىلدا يىڭې بىلىملەرگە ئىگە بولدۇق  ، رەخمەت  سىزگە  

تۇتىيا

ئىسىل تېما بۇپتۇ،لامارسىيادىن يەنىمۇ كۆپلەپ تالانتلىقلانىڭ چىقىشىنى ئۇمۇد قىلىمەن

laqin1

ئىسىل تىما

januzay

لامارسيا دەپ كۇپ ئاڭلىغىنم بېلەن كۇپ چۇشەنمەيتىم ئەمدى ھەقىق بىلدىم رەھمەت سىزگە باققاۋۇلكا بارسىلونا توغۇرلۇق بىلىملەرگە ئىگە قىلغىنڭىزغا بارسىلونا مەستانلىرى 2015 يىلغا خوشال خورام كىرىپ كېتدۇ ئەمدى مۇنۇ تېمىڭىزنى ھۇزۇرلۇنۇپ ئوقۇپ

XATKAR886

بارسېلونا كوماندىسىنىڭ راماسىيە بازىسى ھەقىقەتەن  دۇنياغا مەشھۇر

uchkur

كىرۇيىف پۇتبول ئ‍ۈچۈن قىلمىغىنى قالماپتۇ

buyahqi

ھە، كىرويىف ئەپەندىنىڭ مۇھىم تۆھپىلىرىدىن كەندە ئەسلى.
مۇشۇ ياۋرۇپالىقلازە تەربىيەلەشكە ئاجايىپ ئەھمىيەت بىرىدۇدە..!

XATKAR886

خ

genral

لاماسىيەدىن چىققان داڭلىقلارنىڭ ھەممىنى  تۇنۇيدىكەنمەن…ھەرقانداق بىر  كۇلۇبنىڭ  بىر  تەربىيلەش  بازىسى بۇلامدۇ؟

XATKAR886

     كۆپ سانىلىق دوسلىرمىز باسېلونانىڭ راماسىيە بازىسىدىكى،  شىرىن چۈش 1—كوماندىسى، شىرىن چۈش2-كوماندىسىنى  بىل مەسلگى مۇنكىن،