IOS ئۇيغۇرچىلاشتۇرۇش خىزمىتى باشلاندى !

ئاتامان

ئەسسالامۇ ئەلەيكۇم مۇنبەر ئەھلى، كەمىنە ئاتاماندىن ھەرقايسىڭلار ئوتلۇق سالام ! ! !

ئايفون ئىشلىتىۋاتقىلىمۇ خېلى زامانلار بوپتۇ. ئالما ماركىسىدىكى بۇ خىل ئۈسكۈنىلەرنىڭ ئۇيغۇرچىنى ئىنتايىن راۋان قوللىشى كىشىنى خۇشاللاندۇرىدۇ. بىراق بەش يىلدىن بۇيان ئورگان تەرەپنىڭ سىستېما قىسمىغا ئۇيغۇرچە تىل بۆلىكىنى قوشماسلىقى ھەممىمىزنى ئەپسۇسلاندۇرۇپ كەلدى. شۇڭا ئازراق ساۋادى بارلىرىمىز سىستېمىنىڭ قىسمەن جايلىرىنى ئۆزىمىز بىلگەن رەۋىشتە ئۇيغۇرچىلاشتۇرۇپ ئىشلىتىپ كەلدۇق. بىلمەيدىغانلىرىمىز ئۇلارغا قاراپ ھەۋەسلىنىپ ئاچچىق يۈتۈپ يۈرىۋەردۇق. ئاڭلىساق IOS 6 دىمۇ ئۇيغۇرچىدىن سادا يوقمىش. . .   

بولدى  بەس !   ئەمدى  يېتەر !    قارىغاندا ئۆز كۈچىمىزگە تايانمىساق بولمايدىغان يەرگە كەپتۇ. (كۈچ بىرلىكتە، ئىش ئۆملۈكتە)

ئەمىسە خىزمىتىمىزنى باشلاپ كېتەيلى، مەيلى سىز پروگراممېر ياكى تەرجىمان ۋە ياكى ھېچ ئىش قولىڭىزدىن كەلمەيدىغان، بىراق
ۋۇجۇدىڭىزدا ئۇيغۇرغا، ئۇيغۇر تىلىغا نىسبەتەن يۈكسەك ئىشتىياقىڭىز بار بولغان بىر ئاددىي مۇنبەر ئەھلى بولۇڭ (ئەگەر بۇنچىلىكمۇ بولالمىسىڭىز ئەڭ ياخشىسى سېپىمىزگە قوشۇلماڭ) بىز سىزنى قىزغىن قارشى ئالىمىز !

تېخنىكىسى بارلار تېخنىكا جەھەتتە، ئۈسكۈنىسى بارلار ئەمەلىي سىناقتا، تەرجىمە ئالاھىدىلىكى بارلار تەرجىمانلىقتا، پۇلى بارلار ئىقتىساد جەھەتتە قوللىسا، ئىشىنىمىزكى پات ئارىدا گۈزەل ئۇيغۇر تىلىمىز ئالما ئۈسكۈنىلىرىدە جۇلالانغۇسى ! ! !  (ئىنشا اللە)

بىز سىزگە مەخسۇس ۋەزىپە يۈكلىمەيمىز، بىراق ئىقتىدارىڭىزغا قارىتا قابىلىيىتىڭىزنى مەلۇم قىلسىڭىز شۇ ئاساستا خىزمەت تەقسىم قىلىپ بېرىمىز. خىزمەت جەريانىمىز QQ, Weixin, Skype, MSN قاتارلىقلاردا ئەمەس بەلكى مۇنبەردە بولىدۇ. تەرجىمە قىلىنغان ئاتالغۇلارنى ۋە پىكىر تەكلىپلەرنى ئىنكاس شەكلىدە مۇنبەرگە يوللايمىز.

قويۇلىدىغان تەلەپ :
1. ئۇيغۇر تىلىغا نىسبەتەن يۈكسەك دەرىجىدە ئەستايىدىل مۇئامىلە قىلىش.
2. تەرجىمە ئىشلىرىغا قارىتا جۇشقۇن، دادىل پىكىر-تەكلىپلەرنى بېرىش.
3. مەغلۇبىيەتكە ئۇچرىغاندا بەل قويىۋەتمەي قايتا-قايتا سىناقنى داۋاملاشتۇرۇش. . .
ھازىرچە كاللامغا كەلگىنى مۇشۇنچىلىك . . . (قالغان جايلىرى تولۇقلىنىدۇ)

كېرەكلىك قوراللار:
1.كومپيۇتېرىڭىزغا ئاز دېگەندە بىر دانە (كۆپ يۆنىلىشلىك) ئېلكترونلۇق لۇغەت قاچىلانغان بولۇشى كېرەك، مەسىلەن:
ئوكيانۇس، ئۇيغۇرسوفت چوڭ لۇغىتى، ئېرا لۇغىتى، ئانا تىلىم لۇغىتى . . . قاتارلىقلار.
بۇنىڭدىن باشقا تور لۇغىتىدىن پايدىلانسىڭىزمۇ بولىدۇ:
يۇلغۇن تور لۇغىتى             http://dict.yulghun.com/
ئۇيغۇرسوفت تور لۇغىتى     http://www.udict.cn/
ئىرپان تور لۇغىتى              www.tilbil.com

2. Itools, Ifunbox, 91 pc suite قاتارلىق تەھرىرلەش قوراللىرىدىن ئۈنۈملۈك پايدىلىنالايدىغان بولۇشىڭىز كېرەك. (Itools تەۋسىيە قىلىنىدۇ)

3. تەرجىمىدە ئۆلچەملىك ئاتالغۇ ئىشلىتىمىز، يۇقۇرىدا تىلغا ئېلىنغا لۇغەتلەردىن ۋە ماۋۇ تور بەتلەردىن ئۆلچەملىك ئاتالغۇلارغا ئىگە بولالايسىز. www.alip.biz   www.bilik.biz   www.alimahat.com   /thread-213-1-1.html

قېنى ئەمىسە تەييارلىقىڭىز پۈتتىمۇ ؟

ئاتامان

بۇ تېمىغا قۇرۇق ئىنكاس ئەمەس بەلكى ئۈنۈملۈك تەلەپ ۋە پىكىرلەر قوبۇل قىلىنىدۇ.

قېنى ئەمسە تىزىمغا ئالدۇرۇشقا باشلاڭ، ئەگەر مۇشۇ تېمىغىمۇ ئىملاغا پەرۋا قىلمىغان ھالدا ئىنكاس يازسىڭىز تەرجىمە خىزمىتىگە قاتناشتۇرۇلمايسىز. ئەستايىدىلراق بولۇڭ.

كېيىنكى تېمىدا ئۇيغۇرچىلاشتۇرۇش ئۇسۇلى ۋە رەت تەرتىپى قاتارلىق ئەمەلىي مەشغۇلاتلار سۆزلىنىدۇ.

Abdurexit

مەن پاسىباندىمۇ، ئالما ھەۋەسكارلىرىدىمۇ باشقۇرغۇچى ئىكەنمەن. ئالدىنقى كۈنى ئالما ھەۋسكارلىرى كاككۇك توپىدا (Kakaotalk ناملىق مۇڭداشقۇ، ئالما ئەپ دۇكىنىدا بار، ئۇيغۇرچىنى قوللىشى ئىنتايىن ياخشى) تەرجىمە گۇرۇپپىسى تەشكىللەش ۋە مۇشۇ گۇرۇپپىدا پىلانلىق ھالدا iOS ۋە iOS مۇھىتىدا خىزمەت قىلىدىغان ئەپلەرنى تەرجىمە قىلىش، مۇھىمى iOS ئاتالغۇلىرىنى قېلىپلاشتۇرۇش ھەققىدە پىكىر بىرلىكى ھاسىل قىلىپ كاككۇك توپىدىكىلەرنىڭ تەلىپى بىلەن بۇ ھەقتىكى تەشەببۇسنى يېزىپ ئالما ھەۋەسكارلىرى كۇلۇبىدا ئېلان قىلغانىدىم... بەلكىم بۇنى كۆرگەنسىلەر. بۈگۈن قارىسام پاسىباندا بۇ تېما (تەشەببۇس) تۇرىدۇ. تۇرۇپ ئويلىنىپ قالدىم: ئالما ھەۋەسكارلىرى كۇلۇبى قۇرغان تەرجىمە گۇرۇپپىسىمۇ ئۆز ئالدىغا بۇ خىزمەتنى باشلىسا، پاسىباندىكىلەرمۇ بوش كەلمەي بىر تەرجىمە گۇرۇپپىسى قۇرۇپ يەنە شۇ ئىشنى باشلىساق... ھەي! بىزدىكى بىرلىك، ئۇيۇشۇش روھى نەگە كەتتى! بۇ ھەممىمىز (توغرىراقى ھەممە تور بېكەت) ئۆز ئالدىمىزغا گۇرۇپپا قۇرۇپ ھەممىمىز ئۆز ئالدىمىزغا تەرجىمە قىلىدىغان ئىشمۇ؟! بۇ ئېنىقلا ئەمگەك، ئىقتىساد، كۈچ تەكرارلىقى بولماي نېمە؟! ئۇيۇشۇپ، ھەمكارلىشىپ قىلساق بۇ ئىشنىڭ ئۈنۈمى تېزراق كۆرۈلمەسمۇ؟!
ئېھتىمال مېنىڭ بۇ ئىنكاسىم بەزىلىرىڭلارنىڭ ئوغىسىنى قاينىتار. ئەگەر بۇ تەرجىمە گۇرۇپپىسى قۇرۇش ھەققىدىكى تەشەببۇس باشتا پاسىباندا ئېلان قىلىنىپ ئارقىدىن ئالما ھەۋەسكارلىرى كۇلۇبىدا ئېلان قىلىنغان بولسا مەن يەنە ئىككىلەنمەي ئالما ھەۋەسكارلىرى كۇلۇبىدا تەشەببۇس ئېلان قىلىنغان تېمىغىمۇ مۇشۇ ئىنكاسنى يازاتتىم! بۇنداق ئەمگەك تەكرارلىقى، پارتىزانچە تەرجىمە قىلىش ئەمدى توختىسۇن! بىرلىك، ھەمكارلىق ئاساسىدىكى تەرجىمە گۇرۇپپىسىدىن بىرنى، پەقەت بىرنىلا قۇرۇپ ئىشنى تەرتىپلىك قىلايلى!

MusLimBoy

مەن ئۆزئالدىمغا 5.1.1 نى تەرجىمە قىلىپ ،خېلى بىريەرگىچە ئاپارغان ئىدىم. كەينىنى تەرجىمە قىلىپ بولۇشقا كۆزۈم ئەلمىدى.
شۇنىڭ بىلەن < كۈچ بىرلىكتە، ئىش ئۆملۈكتە >  دىگەننى تونۇپ يەتتىم . شۇنىڭ بىلەن ،ئالما ھەۋەسكارلىرى تەرجىمانلىرى بىلەن ھەمكارلىشىپ ،قالغان جايلارنى تەرجىمە قىلىپ ھۇجۇتقا چىقىرىۋېتەي دېگەن مەقسەتتە :
تەرجىمە ھەۋەسكارلىرى ھەمكارلاشساق~!      دېگەن تېمىنى يوللىغان، ھەم مۇشۇ ھەقتە QQ توپىدىن بىرنى قۇرغان. نۇرغۇن قېرىنداشلىرىمىز ،قولىدىن كېلىدىغان ياردەملەرنى بېرىدىغانلىقىنى ئېيتىپ ،توپقا قوشۇلدى ھەم قوشۇلىۋاتىدۇ.

تورداشلارغا سوۋغىمىز سۈپىتىدە ، ئالما ھەۋەسكارلىرى تەرجىمە كۇلۇبىدىن سەلكىن  تەرجىمە قىلغان ئۇيغۇرچە تۇنجى تەرجىمە ئەپ ( سىناق نۇسخا ) نى ئېلان قىلدۇق!

ئاللا خالىسا، تەرجىمە ئىشلىرىمىز بۈگۈندىن  باشلىنىدىغان ئوخشايدۇ.

بولسا تەرجىمە ھەۋەسكارلىرى ۋەزىپىلەرنى بۆلىشىش ئارقىلىق، تەرجىمە ئىشلىرىمىزنىڭ رېتىملىق ھەم ئۈنۈملۈك بولىشىغا كاپالەتلىك قىلساق.

تەرجىمە ئىشلىرىغا كېتەرلىك كەسىپى خادىملار تۆۋەندىكىچە:  
1-تېخنىك     (3 نەپەر)
2-تەھرىر      (2 نەپەر)
3-تەرجىمان  (10دىن 15 گىچە)
4-سىناش      (يۇقۇردىكى خادىملاردىن سىرت 5 نەپەر)

كام قالغانلىرى بولسا ئىنكاس ئارقىلىق مەلۇم قىلساڭلار~!

تەشنا888

ئورۇنلۇق گەپ بوپتۇ

پاسىبان

MusLimBoy يوللىغان ۋاقتى  2012-6-21 19:00
مەن ئۆزئالدىمغا 5.1.1 نى تەرجىمە قىلىپ ،خېلى بىريەرگىچ ...

تېمىڭىز بىرلەشتۈرۈلدى. ھەممە گەپ مۇشۇ يەردىلا بولسۇن دېدۇق.

jailbreakme

1. بىز ئاۋال تەرجىمە قىلماقچى بولغان بارلىق سۆزلەرنىڭ ئېنگلىزچە، خەنزۇچە، تۈركچە ۋە ئۇيغۇرچە يېزىلىشىنى مۇنبەرگە  تىزىپ ئاتالغۇلارنى رەتلىۋېلىشىمىز لازىم.

2. بۇ تېما چوققىلىنىپ ئۇزۇن مۇددەت تۆردىن چۈشۈپ كەتمەسلىكى كېرەك.

پاسىبان

Abdurexit يوللىغان ۋاقتى  2012-6-21 18:37
مەن پاسىباندىمۇ، ئالما ھەۋەسكارلىرىدىمۇ باشقۇرغۇچى ئ ...

مەن ئالما ھەۋەسكارلىرى كۇلۇبىنىڭ ئېگىسى مايورغا خەت يېزىپ پارولىمنى تاپالمىدىم، يا قايتۇرىۋالالمىدىم. ماڭا پارولىمنى بېرىڭلار، مەنمۇ شۇنىڭغا ئەزا بولاي دەپ ئۇچۇر يازسام جاۋاب قايتۇرمىدى. كىرىمەن، باشقا نامدا تىزىملىتىش تېخى خوش ياقمايدۇ، ئۆزۈمنىڭ پارولىمنى يا تاپالمايمەن. ئىچىم سىقىلىپ زامانلار بولدى ئۇ تور بەتنى ئاچمىغىلى. ئېنىقى ئېيتسام ئۇ توربەتتە قانداق مەزمۇنلارنىڭ يوللىنىۋاتقانلىقىنىمۇ بىلمەيمەن. بۇنداق بىر ئىشنىڭ بولغىندىن، ھەتتا ئۇلارنىڭ ئوخشاش ئىشقا تۇتۇش قىلىۋاتقىنىدىن ئەسلا خەۋىرىم يوق ئىكەن.
بۇ يەردە ئۇنىڭكىنى ياراتماي ئايرىم بايراق كۆتۈرۈپ بىزنىڭ نامىمىزدا قىلىمىز، سەن نېمە قىلىشساڭ قىلىش دەيدىغان ئىش يوق. بىرلىكتە قىلساق تامامەن بولىدۇ. ئىشنى كىم ئاۋال باشلىغانلىق توغرىسىدا دەتالاش قىلىشىش توغرا كەلسە گەپ ئۇزىراپ ئىش بىر ياقتا قالىدۇ.
ئۇنداق بولسا ئاشۇ ئىشنى باشلىغانلار قېنى؟ بىر يەرگە بىر كېلەيلى. مەسلىھەتنى پۈتتۈرۈپ ئىشنى باشلىساق بولىۋېرىدۇ. سەن نېرى تۇر، مەن قىلىمەن دەپ دەتالاش قىلغۇچىلىكى قالمىدى جاھاننىڭ!

MusLimBoy

مېنىڭچە رىقابەت بولسا ، ئىشلار ئۈنۈملىك ھەم تېز بولامدىكىن دەيمەن~!

داكار

ناھايىتى ئورۇنلۇق پىكىرلەر بىرىلىپتۇ .ئاللا بۇيرىسا قولۇمدىن كىلىشىچە ياردەملىشىمەن .

MusLimBoy

jailbreakme يوللىغان ۋاقتى  2012-6-21 19:33
1.ئاۋال بىز تەرجىمە قىلماقچى بولغان بارلىق سۆزلەرنىڭ eng ...

ماۋۇ پىكىرنى مەن قوللايمەن~!  
تەرجىمە قىلماقچى بولغان بارلىق سۆز ۋە جۈملىلەرنى، مۇنبەرگە نىنجىسى بىلەن يوللىساق . تەرجىمانلار نىنجىسى بويىچە بۆلىشىۋالسا~!

Abdurexit

پاسىبان يوللىغان ۋاقتى  2012-6-21 19:33
مەن ئالما ھەۋەسكارلىرى كۇلۇبىنىڭ ئېگىسى مايورغا خەت  ...

سىز كۆڭلۈمنى چۈشىنىپسىز، مېنىڭ مەقسىتىممۇ دەل شۇ. ئەمەلىيەتتە مەن تەرجىمە ئىشلىرىغا قاتنىشالمايمەن پەقەت بۇ خىزمەت تەرتىپلىك ئېلىپ بېرىلسا، بىرلىك، ھەمكارلىق ئاساسىدا بولسا، تەكرار ئەمگەكتىن ساقلانساق دېگەننىلا ئويلىدىم.
مايور خىزمەت يۆتكىلىش سەۋەبىدىن بىرەر، ئىككى ھەپتىدەك بولدى مۇنبەرگە قايتىپ كەلگىلى. سىزنىڭ تىزىملاتقان نامىڭىز مۇشۇ بولسا مەن پارولىڭىزنى قايتۇرۇپ كېلىشكە ياردەملىشەي. ئىككى كۇلۇپ بىرلىككە كەلسە، كۈچ زورىيىدۇ ۋە خىزمەتلەردىمۇ چوڭ ئىلگىرىلەش بولىدۇ. بىز ئۈچۈن نەتىجە دېگەن شۇ.

بورھان

پىلان ناھايتى ياخشى ئوتتۇرغا قويۇلغان بولسىمۇ ئىنكاسلار بۇ ئىشنىڭ ئايىغى چىقىش، چىقماسلىقىغا ئىككىلەندۇرۇپ قويدى.
قۇرۇق گەپكە ئىش ھاسىل بولمايدۇ ، ھەممىدىن مۇھىمى نەتىجە .
قېنى مەيدىسىگە مۇشلاپ مەن ئاخىرغىچە دەيدىغان دوسلىرىمىز بولسا ئوزۈڭلارنى تۇنۇشتۇرساڭلار.

ھازىرچە مەن كىلەي

مەيلى ئىقتىسادى جەھەتتىن ياكى تەرجىمە قىلىش جەھەتتە بولسۇن قولۇمدىن كىلىشچە ياردەم قىلمەن

alturuk007

ۋەئەلەيكۇم ئەسسالام، بۇ ئالاھىدە خوش خەۋەركەن ئۇلۇغ ئاللاھ ئىشلېرىمىزنى ئاسان قىلغاي (ئامىن)

پېقىر خەنزۇچىنى تازا بىلمەيمەن لېكىن سىناش تۈزىتىش لوغەتتىن پايدىلىنىپ تەرجىمە قىلىش (ئۈزۈمنىڭ ئايفۇنۇمنىمۇ لوغەتتىن پايدىلىنىپ 40% ئەتراپىدا تەرجىمە قىلىپ بولدۇم) ئىشلېرى قۇلۇمدىن كىلىدۇ.
كومپىيوتۇرنىڭ ئالدىدا ئاز دىگەندىمۇ كۈنىگە 3-4 سائەت ئولتۇرۇشقا ۋاختىم چىقىدۇ ، ھەم سىز تىلغا ئالغان لوغەت ۋە itools ,ifonbox,91 دىگەن دىتاللارنىڭ ھەممىسنى ئىشلىتىشنى بىلىمەن ۋە كومپىيوتۇرۇمغا قاچىلاغلىق .

شۇنىڭ ئۈچۈن مىنىمۇ ئويلىشىپ قۇيۇشۇڭلانى ئۈمىد قىلىمەن.

kahar

ياخشى  بۇپتۇ