ھەقلىق ھەقسىز ئەپ توغرلىق

warisstyle

iOSنىڭ ئەڭ يېڭى نەشىرى تۈرمىدىن قاچۇرۇلغاندىن كېيىن ھەقلىق ئەپلەرنى خالىغان (ھەقسىز)قاچىلىيالايدىغان بولدۇق.  
مۇنبەرلەرمۇ قىززىشقا باشلىدى. ئالدىنقى قېتىم قارىسام Quran Majeed نىڭ ھەقلىق نۇسقىسنىڭ يېشىۋىتىلگەن نۇسقىسى ھەمبەھىرلىنىش ئۈچۈن چىقىرىلدى(ئۆچۈرۈلدى). بۇ قېتىم ئايتۇنىسقا يېڭى بىر ئۇيغۇرچە ئەپ قوشۇلغان بولۇپ ئەپ نامى : قۇرئان كەرىمدىن دۇئالار    مەن ھەر كۈنى بىر-ئىككى قېتىم ئايتۇنىسقا ئۇيغۇر دەپ كىرگۈزۈپ باقىمەن.قارىسام ئايفون دىگەندە 7ئەپ بار ئىكەن.ئايپەد نۇسقىسىدا 5دانە ئەپ. ئىشقىلىپ كۈندىن كۈنگە كۆپىيۋاتىدۇ.ئىنشائاللاھ كەلگۈسىدە تېخىمۇ كۆپەيگۈسى.
مەن ئەڭ دەسلەپتە ئايفون ۋە ئايپەدتە ئۇيغۇرچە كىرگۈزگۈچ يوقلىقنى ھىس بىلىپ زادى مۇشۇ نەرسىگە ئۇيغۇرچە كىرگۈزگۈچ ياساش تەسمىدۇ دەپ ئويلىغان ئىدىم.ئەسلىiosيادروسىغا قوشۇۋىتىلگەن كىرگۈزگۈچنى ئورگان تەرەپ كىرگۈزمىگۈچە بىز قانۇنلۇق تۈرمىدىن قاچۇرمىغان ئاساستا ئەمەلگە ئاشۇرمايدىغانلىقنى بىلگەندىن   كېيىن بىر نەچچە ئەپ ياسايدىغان كىشلەرگە خەت يېزىپ ئۇيغۇرچە كىرگۈزگۈچ (ئەمەلىيەتتە ھازىرقى خاتىرەمگە ئوخشاش ئەپ ياساش)ياسىتىدىغانلىقمنى ئېيتىپ جاۋابىنى ئاڭلىسام ئەڭ تۆۋىنى 5مىڭ دوللار يۇقىرسى 8مىڭ دوللار دىدى. ئارلىقتا بىرسى بۇ ئىشقا قىزىقىپ قېلىپ بىرلىشىپ ياساپ بېقىشنى ئېيتتى.يەنى بۇ مەغلۇپ بولغان بىر كىرگۈزگۈچ بولۇپ ئەپ نامى : persisch بۇنىڭدا ئاساسلىق ئەرەپ تىلى سېستىمىسدىكى ئالما كۆچمە مەھسۇلاتىدا كىرگۈزگۈچى قوشۇلمىغان تىللار ئۈچۈن ئۇنۋىرسال ئەپ ئىدى.لىكىن ياخشى چىقماي قالدى.ئارلىقتا خاتىرەم چىققاندىن كېيىن ئۇمۇ توختاپ قالدى مەنمۇ ئارتۇق گەپ قىلمىدىم.

ئۇيغۇرچە قۇرئان كەرىمدىن دۇئالار دىگەن ئەپنى قارىسام بالىلار ھەقسىز چۈشۈرۋالساق دىگەندەك ئۇچۇرلارنى قىلىپتۇ. ئويلاپ بېقىڭ سىزچە ئەپ ياساش شۇنچە ئاسانمىدۇ؟ كىم xcodeدا كود كىرگۈزۈپ باقتى؟  قانچىلىك تەسلىكىنى (دەسلەپتە ئۆگىنىۋاتقانلار ئۈچۈن)ھىس قىلىدۇ. شۇڭا مىنىڭ بۇ تېمىدا ئاساسلىق دىمەكچى بولغىنىم ھەقلىق بولغان ئىكەن ھەقلىق ئىشلەتسەك 4~5مىڭغا ئايفون ئالالىغان كىشى چۇقۇم 20~30سومغا بىر ئەپ ئالالايدۇ دەپ ئويلايمەن.
بەزىلەر بىلمەسلىكى مۇمكىن ئايتۇنىسقا ئۆزىڭىز ياسىغان ئەپنى چىقرىش ئۈچۈن يىللىقى 99دوللار تۆلەيسىز. ئەگەر ياسىغۇچى بىر ئوقۇغۇچى بولۇپ ئازراق ئىقتىسادىنى ياخشىلاش ئۈچۈن ھەم باشقىلارغا نەپ يەتكۈزۈش ئۈچۈن ئەپ ياساپ سېتىۋاتسا بىز ئۇنى ھەقسىز قىلۋىتىپ يولىنى ئىتىپ قويساق ياخشىمۇ؟  ئەگەر ئەپ ياسىغۇچى تۇنجى مەھسۇلاتىدىن مەلۇم نىسبەتتە ئىقتىسادى كىرىم قىلسا ئىككىنچى ئەپ ياساشقا ئۆتۈشى مۇمكىن ئەگەر يىللىق تاپشۇردىغان 99دوللار پۇلنى تۆلەپ تۇنجى ئەپنى چىقرىپ 6سومغا ساتاي دەپ تۇرغاندا تۇنجى چۈشۈرگەن كىشى ئۇنى 6سومغا ئېلىپلا باشقىلارغا تارقىتىۋەتسە ........ ئۆزىڭزنى ئەپ ياسايدىغان كىشىنىڭ ئورنىدا قويۇپ ئويلاپ بېقىڭ قانداق ھىسىياتقا كىلەرسىز؟
ھازىر قارلۇق شىركىتى ئىككى ئەپ ياساپ بولدى (خاتىرەم ۋە بال تەملىك ئېلىپبە)   بىرسى ھەقلىق بىرسى ھەقسىز.
ئىشقىلىپ بىز ئەڭ ئىھتىياجلىق  ئۇيغۇرچە كىرگۈزگۈچ خاتىرە دەپتەرنى  ھەقسىز تارقاتتى. تۈرمىدىن قاچۇرۇپ ئىشلەتمەيدىغانلار ئۈچۈن بۇ ناھايىتى چوڭ بىر سوۋغا بولدى. بۇ شىركەتنىڭ ئىقتىسادى كۈچى بار شۇڭا بىرە ئەپنى ھەقسىز تارقاتسا ئەلۋەتتە ئۇلارغا ئىقتىسادى بېسىم ئېلىپ كەلمەيدۇ . ياخشى يېرى ئۇلارغا بىر ياخشى ئېلان بولۇپ بېرىشى مۇمكىن.  ھازىرقى ئېلانلىرىغا دىققەت قىلغان بولۇشىڭز مۇمكىن iOS ئەپ تەتقىقات سىنىپ قۇرۇلۇپتۇ. ئۇلار مەخسۇس تېلۋىزوردا ئېلان بەرمىسىمۇ خاتىرەمنى  ۋە ئېلىپبەنى ئىشلەتكەنلەر ئۇلارغا ئوبدانلا ئېلان ۋاكالەتچىسى بۇلۇپ بىرەلەيدۇ.
دىمەكچى بولغانلىرىم سەل چۇۋالچاق بولۇپ قالدى.ئاخرىدا دىمەكچى بولغىنىم مۇشۇ ئۇيغۇرچە تىللىق ئەپلەر ھەقلىق بولسا ھەقلىق پېتى ئىشلەتسەك ئۇلارنى قوللىساق تېخىمۇ ياخشى ئەپلەر بارلىققا كېلىشى مۇمكىن،بۆشۈكىدىلا تۇنجۇقتۇرۇپ قويساق ئۇيغۇرچە ئەپ ياساش تەرەققىياتىنى ئاستىلىۋىتىمىز. ئۆگىنۋاتقان بالىلارنىڭ قىزغىنلىقغا سۇ سەپكەن بولىمىز. ئەقلى مۈلۈكمۇ ئوخشاشلا مۇھىم .دىنى نۇقتىدىن ئېيتقاندا  ھەقلىقنى ھەقسىز ئىشلىتىۋالسىڭز ھارامغا شىرىك بولغانغا باراۋەر.

Abdurexit

ناھايىتى ئورۇنلۇق پىكىر بولۇپتۇ. ئۇيغۇرچە ھەقلىق ئەپلەرنى قوللاش يۈزىسىدىن بولسىمۇ سېتىۋالايلى. بۇ كەلگۈسىدىكى نەچچە ئون ھەتتا نەچچە مىڭ ئۇيغۇرچە ئەپنىڭ ئالما ئەپ دۇكىنىدىن ئورۇن ئېلىشىغا ئاساس سالىدۇ.

تەنھا7373

قالتىس ياخشى گەپ مەنمۇ نامىراتلىقىمغا باقماي ھەقلىق ئەپلەرنى سېتىۋېلىپ ئشلىتىۋاتىمەن اشقىلارمۇ مۇنداق ئۆز تىلىمىزدىكى ئەپلەر چىكسا ھەقلقكەن دىمەي سېتىۋېلىەشىمىز كىرەك ئۇيغۇرچە ئەپلەر ھەرقانچە قىممەت بولسىمۇ سېتىۋېلىپ ئشلىتىشىمىزگە ئەرزىيدۇ

پاسىبان

مەنمۇ ئورتاق پىكىردە. بىرەر يىلچە بوپقالدى، يېشىۋەتكەن ئويۇننى تەۋسىيە قىلماس بولدۇم. ھەتتا تۈرمىدىن قاچۇرۇشنىمۇ تەۋسىيە قىلىپ كەتمەيۋاتىمەن.ھازىر ئۆزۈممۇ تۈرمىدىن قاچۇرمايدىغان تەرەپتە تۇرىمەن. ئايفونۇم ئامېرىكا نۇسقىسى بولغانلىقتىن تۈرمىدىن قاچۇرماي ئامال يوق. ئايپەدتىن بىرنى تۈرمىدىن قاچۇرماي ئىشلىتىۋاتىمەن. ئەمەلىيەتتە بۇ بىر كۆنۈش مەسىلىسى ئىكەن. كۆنۈپلا قالساق ھېچ گەپ يوق ئىكەن.
بىزدە جۇڭگوچىلىقتا نەشىر ھوقوقى، ئەقلى مۈلۈك ھوقوقى ئېڭى بەكلا تۆۋەن. چەتئەلدە بۇنىڭغا شۇنداق ئەھمىيەت بېرىدىكەن. بىر دوستۇم بېلگىيەدە ئوقۇۋاتقان ۋاقتىدا 5~10 تال مۇزىكىنى توردىن تېپىپ چۈشۈرۈپ، بىرسىگە «بۇنى دېسكىغا ئويۇپ بەرسەڭ، ياتاقتا ئاڭلايتتىم» دەپتىكەن، ھېلىقى كىشى كۆزىگە ئالىيىپ قارىۋېتىپ «بۇلارنىڭ CD سىنى ساتىدىغۇ، شۇنى ئالساڭ بولمامدۇ؟» دەپ ردىيە بېرىپ ئويۇپ بەرمەپتۇ. ھەقلىق نەرسىنى ھەقلىق سېتىۋېلىش كىشىلەرنىڭ كاللىسىغا سىڭىپ كەتكەنلىك، بۇ باشقا بىر گەپكەن.
ۋارىسنىڭ ئاخىرقى جۈملىلىرى ئورۇنلۇق. پەقەت ئۇيغۇرچە ئەپلا ئەمەس، باشقا ئەپ بولسىمۇ، ھەقسىز نۇسقىسىنى سىناپ كۆرۈپ ياراپ قالسا ھەقلىقىنى سېتىۋالساق، كەلگۈسىدىكى ئەقلى مۈلۈك ھوقوقى ھەقىقىي تۈردە قوغدىلىدىغان دەۋرگە بىز بالدۇرراق كىرگەن بولىمىز، خالاس. ئىسلامىي ۋە ئۇيغۇرچە ئاشۇنداق ئەپلەرنى شۇلارنى قوللاش يۈزىسىدىن بولسىمۇ ئەلۋەتتە سېتىۋېلىپ ئىشلىتەيلى.
ھازىر ئۇيغۇرچە يازىدىغانلارغا خاتىرەم ھەقسىز. ئۇيغۇرچە فونتنى iOS مۇكەممەل قوللايدۇ. ئۇلاشمايدىغان يەنە بىر قانداق قىلىدىغان ئۇششاق مەسىلىسى يوق. لېكىن شۇ خەت نۇسقىسى سەل قوپالراق. ئامما ئوقۇشقا تەسىر يەتكۈزمەيدۇ. تېلىفون ئۇرۇشنى قولاي قىلىدىغانلاردىن App Store دا خېلى ئەپلەر پەيدا بولغىلى تۇرۇپتۇ. ماۋۇنىڭغا ئوخشاش بۇنىڭدىن باشقا Dial دەپ ئىزدىسىڭىز مۇشۇنىڭدەك ئەپلەرنى تېپىپ بېرەلەيدىكەن.
بەلكى يۇقارقىلار سىزنى تۈرمىدىن قاچۇرماسلىققا باھانە تېپىپ بېرەر

Abdurexit

مەنمۇ تېلېگراف نۇسخىدىكى 4s تۈرمىدىن قاچۇرماي (قاچۇراي دېسەممۇ تېخى ئەمدى چىقتى ئۇنىڭ تۈرمىدىن قاچۇرۇش قورالى) ئىككى ئاي ئىشلىتىش جەريانىدا شۇنداق كۈنۈپ قاپتىكەنمەن. تۈرمىدىن قاچۇرۇش قورالى چىقىپ تۈرمىدىن قاچۇردۇم. مەن 360 بىخەتەرلىك قاراۋۇلىنى دېمىسەم تۈرمىدىن قاچۇرمايتتىم. ماڭا iOS نىڭ ئۆزىنىڭ سىستېما ئۇيغۇرچە خەت نۇسخىسىمۇ ياقىدۇ. بۇ خەت كۆرۈمسىزدەك كۆرۈنگىنى بىلەن ئادەمگە بىر خىل ئەركىنلىك تۇيغۇسى بېرىدۇ.

قاراخان

ھى ھى  مەن ئۇ تېمىدىكى بىر تورداشنىڭ ئىنكاسىغا چاقچاق قىپ قويغان خالاس. خاتا چۈشۈنۈپ يۈرمەڭلار..مەن پىكىرىڭىزنى قوللايمەن.

ئاتامان

مەنمۇ قوللايمەن، كىشىلەرنىڭ ئەمگىكىگە ھۆرمەت قىلايلى !

Abdukirim

‏ناھايىتى ياخشى بوپتۇ ھەربىر ئۇيغۇر ئۆز مەسئۇليىتىمىزنى ياخش ئادا قىلىپ كەلگۈسى تەرەققىياتىمىزئۈچۈن بىركىشلىك ھەسسىمىزنى قۇشايلى

Teddy

قوللايمەن. WWDC 2012 دا بەلكىم iOS6 توغرىلىق پاراڭ بولىدۇ دېيىشىۋاتىدۇ، يېڭى سىستېمىدا ئۇيغۇرچە فونت بىلەن كىرگۈزگۈچ كۆرۈشنى بەكمۇ خالايمەن.

سەلمان

Teddy يوللىغان ۋاقتى  2012-5-30 12:06
قوللايمەن. WWDC 2012 دا بەلكىم iOS6 توغرىلىق پاراڭ بولىدۇ دېي ...

مۇشۇنداق بولسا بەك ئىسىل ئىش بۇلاتتى

مۇھەممەد

توغرا،دانا تىما.. ئەلبەتتە سىتىۋىلىپ ئىشلىتىمىز چۈنكى بىر تەرەپتىن ئۆزىمىز پايدىلىنىمىز يەنە بىرتەرەپتىن ئۇيغۇرچە ئەپ تەرەققىياتى ئۈچۈن ئازراق بولسىمۇ بىر كىشلىك ھەسسە قۇشالايمىز