|
ئىشلىتىۋاتقان ئەپتىن ئۆزىڭىزلا پايدىلىنىپ بولدى قىلماقچىمۇسىز؟
iPhone ئىچىدىكى ئەپلىرى بىلەن iPhone. بولمىسا ئۇ 150 كويلۇق Nokia غا قارىغاندا چوڭ ئېكرانلىق رەڭلىك تېلېفوندىن باشقا نەرسە ئەمەس. iPhone نىڭ ھەقىقىي قىممىتىنى App Store دىكى ئاشۇ قولاي ۋە پەچەت ئەپلەرلا نامايەن قىلالايدۇ.
ھەر بىر iPhone ئىشلەتكۈچىسىنىڭ ئۆزىگە يارىشا خاس ئىشلىتىۋاتقان ئەپلىرى بولىدۇ. ئەگەر مۇنبەردىكى 500 ئادەم ھەر بىرسى ئۆزىگە ياققان ئەپلەردىن 1~2 دىن تەۋسىيە قىلغىلى تۇرسا ئەمەلىيەتتە مۇنبەرنى پەچەت ئەپلەر بېسىپلىۋالىدۇ. لېكىن سىز ئۆزىڭىز ياقتۇرغان قولايلىق ياكى قوللىنىشچان ئەپتىن بىرەرنى مۇنبەردە تېما يوللاپ تەۋسىيە قىلىپ باقتىڭىزمۇ؟ ياكى ئۆزىڭىز پايدىلىنىپلا بىزنى «پۇل خەجلەپ چىقىمدار بولۇپ يۈرمىسۇن» دەپ «كۆيۈنۈپ» بولدى قىلدىڭىزمۇ؟ سىزگە ياققىنى بەلكى بىزگىمۇ يېقىشى مۇمكىن. چۈنكى بىزنىڭ تىلىمىز بىر، دىلىمىز بىر، دىنىمىز بىر!
مۇنبەرگە ئەمدى تىزىملىتىپ، ئىملانىڭ يېرىمىنى خاتا يازىدىغان دوسلىرىمىزمۇ مەن پايدىلانغاندىن باشقىلارمۇ پايدىلانسۇن دەپ ئۆزىنىڭ قۇربىنىڭ يېتىشىچە تېما يوللاۋاتىدۇ. بىز بۇنىڭدىن سۆيۈنىمىز. چۈنكى بۇ - ئاشۇ بۇرادىرىمىزنىڭ ياخشى كۆڭلى ئەمەسمۇ؟
خوش، ئەمدى بولسىمۇ مىدىرايدىغان ھالەتكە كەلدىڭىزمۇ دەيمەن؟ مىدىراڭ، مىدىرىماي بولمايدۇ. ئادەم ئۇنچە مەنپەئەت بەرمەيدىغان بېخىل بوپ كەتمەسلىكى كېرەك. مۇشۇ يەردە كۈندە ئايلىنىپ يۈرگەن سىز بىلەن بىزنىڭمۇ بۇنىڭدىن سىرت نۇرغۇن ئىشىمىز تۇرۇقلۇق شۇنى قويۇپ نېمە باركىن دەپ ئېچىپ كىرىپ باقىمىز ئەمەسمۇ؟
خوش، قېنى ئەمىسە، باشلىۋېتەيلى. تۆۋەندە مەن ئەپ تەۋسىيە قىلغۇچىلار دىققىتىگە كىچىككىنە ئۆرنەك سۈپىتىدە بىر فورمات كۆرسىتىپ ئۆتەي.
ئەپ تەۋسىيە قىلغاندا « ئا ماندا بىژ ئەپ باكىن، بەك نوچىكىن، ئايفونىمىزنى قولىمىزغا ئېلىپ كۆڭلىمىزگە بىژمىنى پۈكۈپ بوغىچى شالاققىدە كۆسىتىپ بېرىدىكىن، ئىسمى ماۋۇكىن، چۈشۈرۈش ئادرىسى - ئەپستورې » دەپلا چۈشۈرۈش ئادرېسىنى ئۇلىنىشمۇ قىلماي تۈگىتىپ قويىدىغانلىرىمىز باركەن. تەۋسىيەرىم، سەل تۈزۈكرەك ماقالە يېزىشنى ئۆگىنىۋېلىڭلار.
مەسىلەن، ئەڭ ئۈستىگە ئەپ ئىسمىنى يوغان قىلىپ بىر يېزىۋېتىپ، ئۇنىڭ ئاستىغا 2~3 قۇر كېلىدىغان بۇ ئەپنى تونۇشتۇرىدىغان، بۇ ئەپكە بولغان كۆز قارىشىڭىزنى، ئىشلىتىش ئۇسۇلىنى دېگەندەك نەرسىلەرنى ئاددىي بولسىمۇ چۈشىنىشلىك تىلدا بايان قىلىۋېتىڭ. ئاندىن ئۇنىڭ ئاستىغا iTunes Store نىڭ ئۆزىدە كۆرىنىدىغان ئەپنىڭ كەسمە رەسىمىدىن 5 تال رەسىمىنى قىستۇرۇپ قويۇڭ. بۇنىڭدا تېمىڭىز تېخىمۇ رەڭدار، كۆرگۈچىگە زوق بېغىشلايدىغان تاتلىق تېما بولىدۇ. باشقىلار ئاشۇ رەسىمگە قاراپ ئۆزىگە كېرەكلىك ياكى ئەمەسلىكىنى پەملەپمۇ ئۈلگۈرىدۇ. مەن رەسىم قىستۇرۇشنىڭ ئۇسۇلىنى ئېيتىپ ئۆتەي.
ئاۋال تەۋسىيە قىلماقچى بولغان ئەپنى كومپىيۇتېردىكى iTunes Store دىن ئىزدەپ تېپىڭ. مەسىلەن، بۈگۈنكى بىر توردىشىمىز تەۋسىيە قىلغان gesture dial دېگەن ئەپنى ئېيتىپ ئۆتەيلى، شۇنىڭ ئىسمىنى iTunes قا يېزىپ App Store دىن ئىزدەڭ.
ئىزدەپ تاپقاندىن كىيىن شۇ ئەپنى بېسىپ تەپسىلاتى بار بەتكە كىرىڭ. كىرگەندىن كىيىن ئەپنىڭ باھاسى بار جاينىڭ ئاخىرىغا قارىسىڭىز ئاستىغا قارىتىلغان ئۈچبۇلۇڭ ئىستىرىلكىنى كۆرىسىز. شۇنى باسسىڭىز 4 دانە تاللاش تۈرىنى كۆرىسىز. يەنى، ئارزۇ لىستىسىغا قوشۇش، ئادرېسنى كۆچۈرۈش، Facebook ۋە twitter دا ھەمبەھرلىنىش دېگەندەك. بىز بۇنىڭدىن «ئادرېسنى كۆچۈرۈش» نى تاللايمىز. يەنى، خەنزۇچە 复制链接 دېگىنى شۇ.
كۆچۈرۈپ ئالغان ئادرېسىنى تور كۆرگۈمىزنىڭ ئادرېس يازىدىغان جايىغا ئەكىلىپ چاپلايمىز. (ئەڭ ياخشىسى Google Chrome تور كۆرگۈسى. بۇنىڭ سۈرئېتى ھەقىقەتەن ئىنتايىن تېز، پەچەت تور كۆرگۈ. CSS3 نى چاياندەك قوللايدۇ. CSS3 نى قوللايدىغان تور بەتلەر بەك كۆركەم كۆرىنىدۇ بۇنىڭدا. سىلەرگە مۇشۇ تور كۆرگۈنى تەۋسىيە قىلىمەن.)
مەن ئۆزۈم تەۋسىيە قىلىدىغان پەچەت تور كۆرگۈ Google Chrome نى مىسالغا ئېلىپ كۆرسىتەي. كۆچۈرىۋالغان ئادرېسنى چاپلاپ تور بەتنى ئاچىمىز.
تور يۈزىدىكى App Store ئېچىلىپ بولغاندىن كىيىن ئاستىغىراق قارىساق بۇ ئەپنىڭ 5 دانە تارتىۋېلىنغان رەسىمىنى كۆرىمىز. بىز شۇ رەسىمنىڭ ئۈستىگە مائوسنىڭ ئوڭ كونۇپكىسىنى باسساق رەسىم ئادرېسىنى كۆچۈرۈش 复制图片网址 دېگەن خەتنى كۆرىمىز. شۇنى باسساق ئاشۇ قىستۇرۇلغان رەسىمنىڭ تور ئادرېسىنى كۆچۈرۈپ ئالىدۇ.
ئەگەر سىز يەنىلا ئاشۇ قوتۇر Internet Explorer نىڭ مونوپوللىقىدىن قېچىپ قۇتۇلالمايۋاتقان بىچارە زىيارەتچى بوپقالسىڭىز، رەسىم ئادرېسىنى كۆچۈرۈش ئۈچۈن، رەسىمنىڭ ئۈستىگە ئەكىلىپ مائوسنىڭ ئوڭ كونۇپكىسىنى بېسىپ 属性 نى تاللايمىز. چىققان خاسلىق كۆزنىكىدىن ئادرېسىنى تاپىمىز ۋە تاللاپ كۆچۈرىمىز.
ئاندىن بىز مۇنبەرنىڭ تېما يازىدىغان بېتىگە قايتىپ كېلەيلى. ئۈستىدىكى «رەسىم» دېگەن جاينى باسىمىز. چىققان كۆزنەكنىڭ ئۈستى تەرەپ ئەڭ چەتتە، «توردىكى رەسىم» دەپ بىر جاي بار.
شۇ يەرنى بېسىپ بايا كۆچۈرىۋالغان رەسىم ئادرېسىنى چاپلايمىز. چاپلاپ بولۇپ «يوللاش» دېگەننى باسساقلا ھېلىقى رەسىم تېما ئىچىگە قىستۇرۇلۇپ بولغان بولىدۇ.
بۇنى ئاۋارە بولۇپ «قوشۇمچە» شەكلىدە بوشلۇققا يوللاپ يۈرۈشنىڭ، ياكى باشقا رەسىم بوشلۇقىغا چىقىرىپ ئادرېس قىستۇرۇشنىڭ ھاجىتى قالمايدۇ. مانا مۇشۇنداق ئاددىي.
ئەگەر 1 مىنۇت ۋاقتىمىزنى ئاجرىتالىساق، ئەپنىڭ بىر قىسىم ئۇچۇرلىرى بىلەن تەمىنلەپ قويساق تېخىمۇ ياخشى بولىدۇ.
مەسىلەن، ئەپ ئىسمى: Gesture Dial
چوڭلۇقى: 1.6 MB
ئەڭ تۆۋەن سېستىما تەلىپى: iOS 2.0
دېگەندەك. ئاخىرىدا چۈرۈش ئادرېسىغا بايا iTunes ئارقىلىق كۆچۈرىۋالغان ئادرېسنى يەنە بىر قېتىم كۆچۈرۈپ شۇنى بىۋاستە چاپلاپلا يوللاپ قويساڭلار بولىدۇ. شۇنداق قىلىپ مۇكەممەل بولغان بىر «ئەپ تەۋسىيە قىلىش ماقالىسى» پۈتۈپ چىققان بولىدۇ.
قېنى ئەمىسە، بۇ يازمىنىڭ تۈرتكىسىدە يازما تەسىراتىنى ئەمەلىيەتتىن بىر ئۆتكۈزۈپ باقامدۇق؟
| 
قۇربان ھېيت ئۆتۈپ كەتتى .. 
ئەمەلنىڭ ساۋابى تەڭداشسىز بولغان تەشرىق كۈنلىرى يەنە بىر يىللىق مۇساپە [em:26: ...
يوللىغان ۋاقتى 2012-5-20 19:35:10
يوللىغان ۋاقتى 2012-5-20 21:52:19
يوللىغان ۋاقتى 2012-5-21 01:54:23
