ipad3 نى تۈرمىدىن قاچۇرمايمۇ خالىغان فىلىمنى

يۇرۇڭقاش

ipad 3بازارغا سېلىنغاندىن بۇيان نۇرغۇنلىغان خەنزۇچە مۇنبەرلەردە بۇ ئۈسكۈنىدىن پايدىلىنىپ كىنو-فىلىملەرنى قانداق كۆرۈش ھەققىدە يازمىلارنى يوللىدى، ئەمما كۆپىنچە يازمىلاردا چۇقۇم تۈرمىدىن قاچۇرۇش ياكى دېتال سېتىۋېلىش تەۋسىيە قىلىنغان. دىيارىمىزدىكى تور بېكەتلەردە بولسا بۇ خىلدىكى يازمىلار يوق دىيەرلىك ئىدى. بۇ قېتىم ئىزدىنىش ئارقىلىق ھەقسىز تارقىتىلغان بىر دېتالدىن پايدىلىنىپ كىنو-فىلىم بولۇپمۇ rmvb شەكلىدىكى فىلىملەرنى تۈرمىدىن قاچۇرمايمۇ كۆرۈش ئۇسۇلىنى تاپتىم . بۇ خىل ئۇسۇل خەنزۇچە تور بېكەتلەرمۇ يوق ئىكەن. شۇڭا كۆپچىلىك بىلەن ئورتاقلىشىش ئۈچۈن بۇ يازمىنى يوللاپ ئولتۇرۇپتىمەن.

ھەممىمىز دىگۈدەك rmvb شەكلىدىكى فىلىملەرگە ئامراق، سىغىمى كىچىك،سۈزۈكلۈك ۋە ئاۋاز سۈپىتى ياخشى، ئەمما ipad3 ۋە ipad لەردە بۇ خىلدىكى ھۆججەت شەكلىنى بەزى دېتاللاردا قويغاندا ئاۋاز ئالدىدا، سۈرەت كەينىدە چىقىش، قېتىۋېلىش، سۈزۈك چىقماسلىق، رەڭگى ئۆزگىرىپ كىتىشتەك ئەھۋاللارغا كۆپ ئۇچرايمىز. تۆۋەندە تارقىتىلغان ھەقسىز دېتال بولسا بۇ خىلدىكى ھۆججەت شەكلى باشقا ھۆججەت شەكىللىرىنى خالىغانچە قوللايدۇ. دەسلەپ قۇيۇلغاندا بىر قانچە سىكونت ئاۋاز ۋە سۈرەت بىردەكلىكىنى تەڭشەيدۇ. ئاندىن نورمال ھالەتتە قۇيۇلۇشقا باشلايدۇ. بۇ دېتالنى سىناشقا قاتناشقان تورداشلارنىڭ ئىنكاسىچە بۇ دېتالدا قۇيۇلغان فىلىم ھۆججەتلىرىنىڭ قاتتىق دېسكىغا بولغان تەسىرى يوق دىيەرلىك. شۇڭلاشقا فىلىملىرىڭىز بولسا خالىغانچە قاچىلاپ كۆرسىڭىز بولىدۇ، سەپەردە 8 سائەت ئەتىراپىدا خاتىرجەم كىنو-فىلىملەرنى كۆرەلەيسز.

ئاۋال تەييارلىنىدىغان دېتاللار.

فىلىم قۇيۇش دېتالى: OPlayerHD Lite

بۇ دېتال ھەقسىز ۋە ھەقلىق ئىككى خىل، ئايفون ۋە ئايپەدكە چۈشىدىغىنى ئايرىم. ئايپەد نۇسخىسىمۇ ئىككى خىل. ھەقلىق ۋە ھەقسىز. ھەقسىز نۇسخىسى ئادېرىسى: http://itunes.apple.com/cn/app/oplayerhd-lite/id385896088?mt=8#
قوللايدىغان ھۆججەت شەكلى:WMV/AVI/MKV /RM/RMVB/XVID/mp4/3GP/MPG/MP3/WMA/RM/AAC

ھۆججەت كۆچۈرۈش دېتالى: iTools 2012
بۇ دېتال مەخسۇس ئايفون ۋە ئايپەدلەرنى كومپيۇتېرغا چېتىپ ھۆججەت كۆچۈرۈش،shsh زاپاسلاش، ئۈسكۈنىلەرنىڭ ھەرخىل مۇلازىمەت، تېخنىكىلىق ئۇچۇرلىرىنى ئېنىقلاش، دېتال قاچىلاش، ئەسلىگە كەلتۈرۈش ۋە باشقا ئىقتىدارلاردىن پايدىلىنىش ئۈچۈن ئىشلىتىلىدۇ. قاچىلاشتا كومپيۇتېرغا itunes قاچىلاقلىق بولۇش تەلەپ قىلىنىدۇ.

چۈشۈرۈش ئادېرىسى:  http://iTools.hk/cms/?p=279

دېتاللارنى چۈشۈرۈپ بولغاندىن كىيىن 1-قەدەمدە OPlayerHD Lite نى ئۈسكۈنىگە قاچىلاڭ. 2-قەدەمدە  iTools 2012 نى كومپيۇتېرغا قاچىلاڭ.

نورمال قاچىلىنىپ بولغاندىن كىيىن ئۈسكۈنىنى كومپيۇتېرغا چېتىپ iTools نى قوزغىتىڭ. كۆرۈنمە يۈزى ئېچىلغاندىن كېيىن ئۈسكۈنىنى ئاپتوماتىك تونۇيدۇ، بۇ ۋاقىتتا iTools ئىقتىدارلىرىدىن 应用程序 نى تاللاڭ. ئۈسكۈنىگە قاچىلانغان بارلىق دېتاللارنىڭ تىزىملىكى چىقىدۇ، بۇ يەردىنOPlayerHD Lite نى ئىزدەڭ.

OPlayerHD Lite نى تاپقاندىن كېيىن ئوڭ تەرەپتىكى ئۈچ خىل تىزىملىك زاپاسلاش، ئۆچۈرۈش، ھۆججەت  باشقۇرۇش 备份，卸载，文档管理 دېگەن تۈردىن 文档管理 نى تاللايسىز، بۇ چاغدا OPlayerHD Lite قاچىلانغانغان ھۆججەت رايونى ئېچىلىدۇ. بۇ يەردىن Documents نى تاللايسىز. دېتالنىڭ ھۆججەت قاچىلاش ئورنى ئېچىلىدۇ.


بۇ ئورۇنغا يازما ئۈستىدە دىيىلگەن ھەرخىل كىنو-فىلىم، ناخشا ھۆججەت شەكىللىرىنى كۆچۈرۈپ قويسىڭىز بولىدۇ، كۆچۈرۈش سۈرئىتى ئالاھىدە تېز. 500 مىگابايتلىق بىر فىلىمنى 2 مىنۇتقا يەتمىگەن ۋاقىت ئىچىدە كۆچۈرۈپ بولىدۇ. تولۇق كۆچۈرۈپ بولغاندىن كىيىن ئۈسكۈنىنىڭ ئۈستەل يۈزىدىكى OPlayerHD Lite نى قوزغىتىپ، 我的文档 نى ئاچسىڭىز سىز كۆچۈرگەن ھۆججەتلەر كۆرۈنىدۇ. خالىغان بىرىنى تاللاپ كۆرۈپ سىناپ باقسىڭىز بولىدۇ.


دىققەت: iTools  تا بەزى ۋاقىتلاردا كۆچۈرگەن ھۆججەتنى چاپلىماقچى بولساق نورمال ئىشلىمەيدىكەن، بۇ ۋاقىتتا iTools نى ئۆچۈرۈپ قايتىدىن ئاچسىڭىز نورمال ئىشلەيدۇ.

يازمىدا چۈشەنمىگەن يەرلەر بولسا ئىنكاس ئارقىلىق سورىسىڭىز بولىدۇ.

ibrayim

ئالمىغا  يېڭى  دوسلار بولسا  ئوقۇپ پايدىلانسا بولغىدەك  
بۇ  دېتال  ئۇزۇندىن بىرى  ئىشلىتىپ كىلىۋاتقان دېتال ھەقىقەتەن ياخشى

Wijdan

لېكىن بۇنداق قىلىش ئۈچۈن ئاۋال پىلىمنى چۈشۈرۈپ تەييارلىۋېلىش كېرەكتۇ توردىن بىۋاستە كۆرگىلى بۇلىدىغان ئۇسۇل بولغان بولسا

Erke

ۋاي مەنمۇ تېخى توردىن بىۋاستە كۆرۈش ئۇسۇلى ئوخشايدۇ دەپ يۈگرەپ كىرىپتىمەن.  ئاتايىن ئايپەد 3 بولمىسىمۇ ھەرقانداق ئايفون، ئايتاچ ۋە ئايپەدلەردە بولىۋىرىدۇ.  يەنە كىلىپ بۇنداق سۈزۈك كىنولارنى كۆرگىلى بولىدىغان ھەقلىق، ھەقسىز ئەپلەر بەك جىققۇ...  مەن دائىم ئىشلىتىدىغىنىم : AcePlayer, RushPlayer,OPlayer مۇشۇلارنى كۆپ ئىشلىتىمەن.  قويۇلىشى راۋان، سۈزۈك، ھۆججەت باشقۇرۇشمۇ ياخشى،. ھججەتلەرگە پارول سالغىلى، توردىن بىۋاستە كىنو،مۇزىكا چۈشۈرۋالغىلىمۇ بولىدۇ تېخى.
شۇنداقتىمۇ جاپا تارتىپسىز دوستۇم.   بىلمىگەنلەر بىلىۋالغاي !

دانىش186

مەندە ئايپەد 3 يوق تېخى لىكىن ئەھمىيەتلىك تىمىكەن چوقۇم سېتىۋالغاندا تۈرمىدىن قاچالمىسام مۇشۇ ئۇسۇلنى سىناپ باقىمەن ....رەھمەت سىزگە جاپا چىكىپسىز !

talat886

رەھمەت، بۇ دەل مەن ئىزدەپ يۈرگەن مەزمۇن ئىكەن، ئەتە سىناپ كۆرەي.